(PAPUL MURMU) Trinamool workers with revolvers : ᱴᱟᱠᱟ ᱮᱢᱚᱜ ᱞᱟᱹᱜᱤᱫ ᱵᱟᱱᱫᱩᱠ ᱟᱛᱮ ᱢᱤᱫ ᱛᱨᱤᱱᱚᱢᱩᱞ ᱠᱚᱨᱢᱤ ᱦᱩᱢᱠᱤᱭ ᱮᱢᱟᱭ ᱠᱟᱱᱟ ᱫᱚᱞ ᱨᱮᱱ ᱜᱮ ᱟᱨ ᱢᱤᱫ ᱛᱨᱤᱱᱚᱢᱩᱞ ᱠᱚᱨᱢᱤ ᱾ ᱛᱚᱵᱮ ᱯᱩᱭᱞᱩ ᱨᱮ ᱫᱷᱚᱢᱠᱟᱣᱟᱛᱮ ᱯᱟᱭᱥᱟᱭ ᱠᱚᱭ ᱞᱮᱠᱷᱟᱱ ᱵᱟᱝᱼᱮ ᱮᱢᱟ ᱫᱤᱭᱮ ᱵᱟᱱᱫᱩᱠ ᱩᱰᱩᱠ ᱠᱟᱛᱮᱫ ᱯᱟᱭᱥᱟ ᱠᱚᱭ ᱨᱮᱭᱟᱜ ᱚᱵᱷᱤᱡᱳᱜᱽ ᱨᱟᱠᱟᱵ ᱮᱱᱟ ᱢᱤᱫ ᱛᱨᱤᱱᱚᱢᱩᱞ ᱨᱮᱱ ᱠᱟᱹᱢᱤᱭᱟᱹ ᱵᱤᱨᱩᱫᱷ ᱨᱮ ᱾ ᱵᱟᱱᱫᱩᱠ ᱟᱛᱮ ᱩᱱᱤᱣᱟᱜ ᱚᱲᱟᱜ ᱥᱟᱢᱟᱝ ᱨᱮ ᱟᱹᱪᱩᱨ ᱵᱟᱲᱟᱭ ᱠᱟᱱ ᱠᱷᱟᱹᱛᱤᱨ ᱩᱱᱤ ᱵᱚᱛᱚᱨ ᱛᱮ ᱚᱲᱟᱜ ᱠᱚ ᱵᱟᱹᱜᱤ ᱠᱟᱣᱫᱼᱟ ᱚᱵᱷᱤᱡᱳᱜᱽ ᱠᱟᱨᱤᱠᱚ ᱾
ᱩᱱᱠᱩᱣᱟᱜ ᱫᱟᱹᱵᱤ, ᱯᱩᱞᱤᱥ ᱴᱷᱮᱱ ᱟᱵᱷᱤᱡᱳᱜᱽ ᱮᱢ ᱠᱟᱛᱮᱫ ᱦᱚᱸ ᱠᱟᱹᱢᱤ ᱫᱚ ᱵᱟᱝᱜᱮ ᱦᱩᱭᱟᱠᱟᱱᱟ ᱾ ᱢᱮᱱᱠᱷᱟᱱ ᱵᱷᱤᱰᱤᱭᱳ ᱧᱮᱞ ᱠᱟᱛᱮᱫ ᱵᱟᱱᱫᱩᱠᱫᱷᱟᱨᱤ ᱛᱨᱤᱱᱚᱢᱩᱞ ᱠᱚᱨᱢᱤᱠᱚ ᱮᱨᱮᱹᱥᱴ ᱠᱟᱫᱮᱭᱟ ᱯᱩᱞᱤᱥ ᱾ ᱚᱱᱟ ᱜᱷᱚᱴᱚᱱᱟ ᱤᱫᱤ ᱠᱟᱛᱮᱫ ᱥᱛᱷᱟᱱᱤᱭᱚ ᱛᱨᱤᱱᱚᱢᱩᱞ ᱱᱮᱛᱟ ᱠᱚᱣᱟᱜ ᱞᱟᱹᱭ ᱚᱱᱟ ᱫᱚ ᱩᱱᱠᱤᱱ ᱵᱟᱱᱟᱨ ᱛᱨᱤᱱᱚᱢᱩᱞ ᱠᱟᱹᱢᱤᱭᱟ ᱠᱚᱣᱟᱜ ᱯᱟᱨᱥᱳᱱᱟᱞ ᱢᱮᱴᱟᱨ ᱠᱟᱱᱟ ᱢᱮᱱᱛᱮ ᱾ ᱛᱚᱵᱮ ᱚᱱᱟ ᱜᱷᱚᱴᱚᱱ ᱤᱫᱤ ᱠᱟᱛᱮᱫ ᱵᱤᱹᱡᱮᱹᱯᱤ ᱱᱮᱛᱟ ᱠᱚ ᱠᱟᱛᱷᱟ ᱛᱮᱨᱟᱝ ᱫᱚ ᱵᱟᱝ ᱠᱚ ᱵᱟᱹᱜᱤ ᱟᱠᱟᱫᱟ ᱾
ᱩᱛᱥᱚᱵᱽ ᱨᱮᱭᱟᱜ ᱚᱠᱛᱮ ᱫᱤᱣᱟᱞᱤ ᱟᱨ ᱵᱷᱟᱭᱯᱷᱚᱴᱟ ᱞᱮᱠᱟᱱ ᱚᱠᱛᱚ ᱨᱮ ᱛᱨᱤᱱᱚᱢᱩᱞ ᱨᱮᱱ ᱢᱤᱫ ᱠᱟᱹᱢᱤᱭᱟᱹ ᱵᱟᱱᱫᱩᱠ ᱟᱛᱮ ᱫᱟᱲᱟᱵᱟᱲᱟᱭ ᱨᱮᱭᱟᱜ ᱪᱤᱛᱟᱹᱨ ᱥᱳᱥᱟᱞ ᱢᱤᱰᱤᱭᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱛᱨᱤᱱᱚᱢᱩᱞᱟᱜ ᱢᱤᱫ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱡᱮ ᱡᱟᱦᱟᱸᱭᱟᱜ ᱛᱤ ᱨᱮ ᱵᱟᱱᱫᱩᱠ ᱧᱮᱞᱚᱜ ᱠᱟᱱᱟ ᱩᱱᱤᱣᱟᱜ ᱧᱩᱛᱩᱢ ᱫᱚ ᱦᱤᱨᱚᱱ ᱵᱤᱥᱥᱟᱥ ᱟᱨ ᱚᱲᱟᱜ ᱛᱟᱭ ᱫᱚ ᱱᱚᱫᱤᱭᱟ ᱨᱮᱭᱟᱜ ᱵᱷᱤᱢᱯᱩᱨ ᱴᱚᱴᱷᱟ ᱨᱮ ᱾ ᱟᱨ ᱦᱤᱨᱚᱱ ᱫᱚ ᱵᱷᱤᱢᱯᱩᱨ ᱴᱚᱴᱷᱟ ᱨᱮ ᱛᱨᱤᱱᱚᱢᱩᱞ ᱨᱮᱱ ᱢᱤᱫ ᱥᱚᱠᱨᱤᱭᱚ ᱠᱟᱹᱢᱤᱭᱟᱹ ᱠᱟᱱᱟᱭ ᱩᱱᱤᱭᱟᱜ ᱥᱟᱹᱜᱟᱹᱭ ᱛᱨᱤᱱᱚᱢᱩᱞ ᱚᱧᱪᱚᱞ ᱥᱚᱵᱷᱟᱯᱚᱛᱤ ᱥᱟᱶ ᱱᱟᱯᱟᱭ ᱥᱟᱹᱜᱟᱹᱭ ᱦᱚᱸ ᱢᱮᱱᱟᱜ ᱟᱠᱟᱫ ᱛᱟᱭᱟ ᱾
ᱨᱤᱵᱷᱚᱞᱵᱟᱨ ᱛᱤᱨᱮ ᱥᱟᱵ ᱠᱟᱛᱮᱫ ᱦᱤᱨᱚᱱᱟᱜ ᱪᱤᱛᱟᱹᱨ ᱥᱳᱥᱟᱞ ᱢᱮᱰᱤᱭᱟ ᱨᱮ ᱯᱟᱥᱱᱟᱣ ᱛᱟᱭᱚᱢ ᱢᱤᱰᱤᱭᱟ ᱠᱚ ᱩᱱᱤᱴᱷᱮᱱ ᱠᱚ ᱡᱚᱜᱟᱡᱳᱜᱽ ᱞᱮᱠᱷᱟᱱ ᱩᱱᱤᱪᱮᱛᱟᱱ ᱨᱮ ᱨᱟᱠᱟᱵ ᱟᱠᱟᱱ ᱚᱵᱷᱤᱡᱳᱜᱽ ᱚᱥᱥᱤᱠᱟᱹᱨ ᱠᱮᱫᱟᱭ ᱦᱤᱨᱚᱱ ᱾
ᱚᱱᱟ ᱜᱷᱚᱴᱚᱱ ᱪᱮᱛᱟᱱ ᱨᱮ ᱵᱟᱹᱲᱛᱤ ᱜᱩᱨᱩᱛᱛᱚ ᱵᱟᱝ ᱠᱚ ᱮᱢ ᱮᱫᱟ ᱛᱨᱤᱱᱚᱢᱩᱞ ᱱᱮᱛᱟ ᱠᱚ, ᱩᱱᱠᱩ ᱫᱚ ᱚᱱᱟ ᱜᱷᱚᱴᱚᱱ ᱵᱮᱠᱛᱤᱜᱚᱛᱚ ᱥᱚᱢᱚᱥᱥᱟ ᱞᱟᱹᱭ ᱠᱟᱛᱮᱫ ᱯᱟᱥ ᱠᱚ ᱠᱟᱴᱟᱣᱮᱫᱟ ᱾ ᱠᱨᱤᱥᱱᱚᱱᱚᱜᱚᱨ ᱥᱟᱝᱜᱚᱴᱷᱚᱱᱤᱠ ᱡᱮᱞᱟ ᱛᱨᱤᱱᱚᱢᱩᱞ ᱨᱮᱱ ᱪᱮᱭᱟᱨᱢᱮᱱ ᱨᱩᱠᱵᱟᱱᱩᱨ ᱨᱚᱦᱚᱢᱟᱱᱟᱜ ᱞᱟᱹᱭ ᱠᱷᱚᱵᱚᱨ ᱫᱚᱭ ᱧᱟᱢ ᱟᱠᱟᱫ ᱜᱮᱭᱟ ᱢᱮᱱᱠᱷᱟᱱ ᱚᱱᱟ ᱫᱚ ᱩᱱᱠᱤᱱᱟᱜ ᱯᱟᱨᱥᱳᱱᱟᱞ ᱢᱮᱴᱟᱨ ᱠᱟᱱᱟ ᱢᱮᱱᱛᱮᱭ ᱞᱟᱹᱭ ᱟᱠᱟᱫᱟ ᱾ ᱵᱤᱹᱡᱮᱹᱯᱤ ᱱᱮᱛᱟ ᱚᱢᱤᱭᱚ ᱱᱚᱥᱠᱚᱨᱮ ᱞᱟᱹᱭ ᱟᱠᱟᱫᱟ ᱡᱮ ᱞᱟᱦᱟ ᱧᱮᱞᱚᱜ ᱠᱟᱱ ᱛᱟᱦᱮᱱᱟ ᱛᱨᱤᱱᱚᱢᱩᱞ ᱠᱚ ᱴᱷᱮᱱ ᱵᱤᱹᱡᱮᱹᱯᱤ ᱠᱚ ᱫᱟᱞ ᱛᱚᱞ ᱪᱷᱚᱠ ᱠᱟᱱ ᱛᱟᱦᱮᱱᱟ ᱾ ᱢᱮᱱᱠᱷᱟᱱ ᱱᱤᱛ ᱫᱚ ᱥᱟᱱᱟᱢ ᱠᱚᱠᱚ ᱚᱛᱛᱟᱪᱟᱨᱤᱛᱚ ᱦᱚᱪᱚᱜ ᱠᱟᱱᱟ, ᱛᱨᱤᱱᱚᱢᱩᱞᱟᱜ ᱨᱟᱡᱽ ᱨᱮ ᱚᱠᱟ ᱨᱮᱦᱚᱸ ᱦᱚᱲᱠᱚ ᱱᱤᱨᱟᱯᱚᱫ ᱨᱮ ᱵᱟᱹᱱᱩᱜ ᱟᱠᱟᱫ ᱠᱚᱣᱟ ᱾ ᱠᱨᱤᱥᱱᱚᱱᱚᱜᱚᱨ ᱯᱩᱞᱤᱥ ᱡᱮᱞᱟ ᱨᱮᱱ ᱰᱤᱹᱮᱥᱹᱯᱤ ᱥᱚᱧᱡᱚᱭᱢᱤᱛ ᱠᱩᱢᱟᱨ ᱢᱟᱠᱣᱟᱱᱟᱜ ᱞᱟᱹᱭ ARMS ACT ᱞᱮᱠᱟᱛᱮ ᱢᱟᱢᱞᱟ ᱨᱩᱡᱩ ᱠᱟᱛᱮᱫ ᱚᱵᱷᱤᱡᱩᱠᱛᱚ ᱦᱤᱨᱚᱱ ᱵᱤᱥᱥᱟᱥ ᱫᱚ ᱮᱨᱮᱹᱥᱴ ᱦᱩᱭ ᱟᱠᱟᱱᱟ ᱾
