(PAPUL MURMU) INDIA CHAINA Armies exchange sweets at LAC on Diwali : ᱯᱩᱨᱩᱵᱽ ᱞᱟᱫᱟᱠᱷ ᱨᱮᱭᱟᱜ ᱰᱮᱯᱥᱟᱜ ᱟᱨ ᱫᱮᱢᱪᱚᱠ ᱠᱷᱚᱱ ᱯᱷᱟᱹᱫᱽ (ᱥᱮᱱᱟ) ᱚᱪᱚᱜ ᱨᱮᱭᱟᱜ ᱠᱟᱹᱢᱤ ᱞᱟᱦᱟ ᱨᱮᱜᱮᱭ ᱮᱛᱚᱦᱚᱵ ᱞᱮᱫᱟ ᱪᱤᱱ ᱾ LAC ᱨᱮᱭᱟᱜ ᱥᱤᱢᱟᱹ ᱠᱷᱚᱱ ᱱᱤᱛ ᱯᱩᱨᱟᱹᱯᱩᱨᱤ ᱵᱷᱟᱵᱮ ᱥᱮᱱᱟ ᱠᱚ ᱚᱪᱚᱜ ᱨᱮᱭᱟᱜ ᱠᱟᱹᱢᱤ ᱦᱩᱭ ᱥᱟᱹᱛ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾ ᱵᱟᱰᱟᱭ ᱧᱟᱢ ᱟᱠᱟᱱᱟ ᱥᱤᱢᱟᱹ ᱴᱚᱴᱷᱟ ᱨᱮ ᱟᱹᱰᱤ ᱞᱚᱜᱚᱱ ᱜᱮ ᱥᱟᱵᱷᱟᱵᱤᱠ ᱱᱚᱡᱚᱨᱫᱟᱨᱤ ᱠᱤᱱ ᱮᱛᱚᱦᱚᱦᱚᱵᱟ ᱵᱷᱟᱨᱚᱛ ᱟᱨ ᱪᱤᱱ ᱾ ᱰᱮᱯᱥᱟᱝ ᱟᱨ ᱫᱮᱢᱪᱚᱠ ᱵᱟᱫᱽ ᱠᱟᱛᱮᱫ ᱦᱚᱸ LAC ᱨᱮᱭᱟᱜ ᱡᱟᱦᱟᱸ ᱥᱤᱢᱟᱹ ᱠᱚᱨᱮ ᱜᱷᱟᱹᱴᱤ ᱠᱚ ᱵᱮᱱᱟᱣ ᱞᱮᱫᱟ ᱪᱤᱱ ᱥᱮᱱᱟ ᱚᱱᱟ ᱠᱚ ᱴᱚᱴᱷᱟ ᱠᱷᱚᱱ ᱵᱟᱹᱭᱼᱵᱟᱹᱭᱛᱮ ᱥᱮᱱᱟ ᱠᱚ ᱚᱪᱚᱜ ᱪᱟᱵᱟ ᱠᱮᱫ ᱠᱚᱣᱟ ᱪᱤᱱ᱾
ᱜᱟᱞᱣᱟᱱ ᱴᱚᱴᱷᱟ ᱨᱮ ᱥᱤᱢᱟᱹ ᱤᱫᱤ ᱠᱟᱛᱮᱫ ᱵᱟᱱᱟᱨ ᱫᱤᱥᱚᱢ ᱨᱮᱱ ᱥᱮᱱᱟ ᱢᱩᱫᱽ ᱨᱮ ᱡᱟᱦᱟᱸ ᱚᱠᱛᱚ ᱛᱟᱯᱟᱢ ᱦᱩᱭ ᱞᱮᱱ ᱛᱟᱦᱮᱱᱟ ᱩᱱ ᱚᱠᱛᱚ ᱠᱷᱚᱱ ᱜᱮ ᱵᱷᱟᱨᱚᱛ ᱟᱨ ᱪᱤᱱ ᱨᱮᱭᱟᱜ ᱥᱟᱹᱜᱟᱹᱭ ᱨᱮ ᱯᱷᱟᱴᱚᱞ ᱧᱮᱞ ᱞᱮᱱ ᱛᱟᱦᱮᱱᱟ ᱾ᱛᱚᱵᱮ ᱦᱟᱞᱮᱜᱮ ᱵᱷᱟᱨᱚᱛ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱵᱨᱤᱠᱥ ᱥᱟᱢᱤᱴ ᱨᱮ ᱥᱮᱞᱮᱫ ᱨᱮᱭᱟᱜ ᱞᱟᱦᱟ ᱠᱷᱚᱱ ᱜᱮ LAC ᱠᱷᱚᱱ ᱥᱮᱱᱟ ᱚᱪᱚᱜ ᱨᱮᱭᱟᱜ ᱠᱟᱹᱢᱤ ᱮᱛᱚᱦᱚᱵ ᱞᱮᱫᱟᱭ ᱪᱤᱱ ᱾ ᱡᱚᱫᱤᱭᱳ ᱞᱟᱫᱟᱠᱷ ᱠᱷᱚᱱ ᱥᱮᱱᱟ ᱚᱪᱚᱜ ᱤᱫᱤ ᱠᱟᱛᱮᱫ ᱵᱨᱤᱠᱥ ᱥᱟᱢᱤᱴ ᱞᱟᱦᱟ ᱵᱟᱱᱟᱨ ᱫᱤᱥᱚᱢ ᱢᱩᱫᱽ ᱨᱮ ᱟᱹᱰᱤ ᱟᱭᱢᱟ ᱫᱷᱟᱣ ᱜᱟᱯᱟᱞᱢᱟᱨᱟᱣ ᱦᱩᱭ ᱟᱠᱟᱱᱟ ᱾
ᱠᱤᱪᱷᱩᱫᱤᱱ ᱞᱟᱦᱟ ᱜᱮ ᱯᱩᱨᱩᱵᱽ ᱞᱟᱫᱟᱠᱷ ᱨᱮᱭᱟᱜ ᱰᱮᱯᱥᱟᱝ ᱴᱚᱴᱷᱟ ᱨᱮ ᱡᱟᱦᱟᱸ ᱯᱮᱴᱨᱚᱞ ᱯᱚᱭᱮᱱᱴ ᱑᱐ ᱛᱟᱦᱮᱸ ᱠᱟᱱᱟ ᱚᱸᱰᱮ ᱟᱹᱰᱤ ᱢᱟᱨᱟᱝ ᱥᱮᱱᱟ ᱥᱤᱵᱤᱨ ᱛᱟᱦᱮᱸ ᱠᱟᱱᱟ ᱪᱷᱟᱭᱱᱟ ᱨᱮᱱ ᱯᱷᱟᱹᱫᱽ ᱠᱚᱣᱟᱜ, ᱫᱮᱢᱪᱚᱠ ᱨᱮᱦᱚᱸ ᱧᱮᱞ ᱞᱮᱱᱟ ᱪᱷᱟᱭᱱᱟ ᱥᱮᱱᱟ ᱠᱚᱣᱟᱜ ᱢᱤᱫ ᱜᱷᱟᱹᱴᱤ ᱾ ᱢᱮᱱᱠᱷᱟᱱ ᱱᱤᱛ ᱚᱱᱟ ᱵᱟᱝ ᱜᱮ ᱧᱮᱞ ᱧᱟᱢᱚᱜ ᱠᱟᱱᱟ ᱾ ᱚᱱᱟᱛᱮ ᱚᱱᱟ ᱪᱤᱛᱟᱹᱨ ᱧᱮᱞ ᱠᱟᱛᱮᱫ ᱚᱱᱩᱢᱟᱱ ᱦᱩᱭᱩᱜ ᱠᱟᱱᱟ ᱡᱮ ᱵᱷᱟᱨᱚᱛ ᱥᱟᱞᱟᱜ ᱪᱤᱱ ᱨᱮᱭᱟᱜ ᱪᱩᱠᱛᱤ ᱞᱮᱠᱟᱛᱮ ᱪᱤᱱ ᱫᱚ ᱟᱡᱨᱮᱱ ᱯᱷᱟᱹᱫᱽᱼᱮ ᱚᱪᱚᱜ ᱟᱠᱟᱫ ᱠᱚᱣᱟ ᱾ ᱚᱱᱟ ᱨᱟᱹᱥᱠᱟᱹ ᱛᱮᱜᱮ ᱫᱤᱯᱟᱵᱚᱞᱤ ᱨᱮ ᱵᱟᱱᱟᱨ ᱫᱤᱥᱚᱢ ᱨᱮᱱ ᱥᱮᱱᱟ ᱢᱩᱫᱽ ᱨᱮ ᱧᱮᱞ ᱧᱟᱢ ᱮᱱᱟ ᱨᱟᱹᱥᱠᱟᱹ ᱨᱮᱭᱟᱜ ᱪᱤᱛᱟᱹᱨ ᱥᱟᱶᱛᱮ ᱵᱟᱱᱟᱨ ᱫᱤᱥᱚᱢ ᱨᱮᱱ ᱥᱮᱱᱟ ᱢᱩᱫᱽᱨᱮ ᱢᱤᱥᱴᱤ ᱞᱟᱹᱰᱩ ᱨᱮᱭᱟᱜ ᱮᱯᱮᱢ ᱪᱟᱯᱟᱞ ᱦᱚᱸ ᱾
ᱵᱷᱟᱨᱚᱛ ᱨᱮᱱ ᱯᱷᱟᱹᱫᱽ ᱠᱚᱣᱟᱜ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱡᱮ LAC ᱨᱮᱭᱟᱜ ᱥᱤᱢᱟᱹ ᱤᱫᱤ ᱠᱟᱛᱮᱫ ᱪᱤᱱ ᱥᱟᱶ ᱵᱷᱟᱨᱚᱛ ᱨᱮᱭᱟᱜ ᱡᱟᱦᱟᱸ ᱵᱤᱵᱟᱹᱫᱽ ᱛᱟᱦᱮᱸ ᱠᱟᱱᱟ ᱚᱱᱟ ᱟᱯᱟᱛᱚᱛᱚ ᱢᱮᱴᱟᱣ ᱟᱠᱟᱱᱟ ᱾ ᱛᱚᱵᱮ ᱟᱹᱰᱤ ᱞᱚᱜᱚᱱ ᱜᱮ ᱥᱤᱢᱟᱹ ᱨᱮᱭᱟᱜ ᱚᱠᱟ ᱚᱠᱟ ᱴᱚᱴᱷᱟ ᱨᱮ ᱱᱚᱡᱚᱨᱫᱟᱹᱨᱤ ᱪᱟᱞᱟᱣ ᱦᱩᱭᱩᱜᱼᱟ ᱚᱱᱟ ᱨᱮᱭᱟᱜ ᱵᱞᱩ ᱯᱨᱤᱱᱴ ᱵᱮᱱᱟᱣ ᱦᱩᱭᱩᱜᱼᱟ ᱾ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱵᱷᱟᱨᱚᱛ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱟᱨ ᱨᱟᱥᱤᱭᱟ ᱨᱮᱱ ᱯᱨᱮᱹᱥᱤᱰᱮᱱᱴ ᱥᱤ ᱡᱤᱝᱯᱤᱝ ᱦᱟᱞᱮ ᱜᱮ ᱦᱩᱭ ᱥᱟᱹᱛ ᱟᱠᱟᱱ ᱵᱨᱤᱠᱥ ᱥᱚᱢᱢᱮᱞᱚᱱ ᱚᱠᱛᱚ ᱜᱮ ᱥᱤᱢᱟᱹ ᱨᱮ ᱥᱮᱱᱟᱣᱟᱜ ᱴᱚᱦᱚᱞᱫᱟᱨᱤ ᱤᱫᱤ ᱠᱟᱛᱮᱫ ᱠᱤᱱ ᱜᱟᱯᱟᱞᱱᱟᱨᱟᱣ ᱟᱠᱟᱫᱟ ᱾
