ᱟᱨᱦᱚᱸ ᱢᱤᱫ ᱫᱷᱟᱣ ᱡᱷᱟᱲᱠᱷᱚᱸᱰ ᱯᱚᱱᱚᱛ ᱨᱮ ᱥᱟᱱᱛᱟᱲ ᱛᱤᱨᱞᱟᱹ ᱪᱮᱛᱟᱱ ᱱᱟᱦᱟᱪᱟᱨ ᱾ ᱛᱮᱦᱮᱧ ᱟᱹᱫᱤᱵᱟᱹᱥᱤᱭᱟᱜ ᱜᱟᱲ ᱨᱮ, ᱟᱹᱫᱤᱵᱟᱹᱥᱤᱭᱟᱜ ᱨᱟᱡᱽ ᱨᱮ ᱟᱹᱫᱤᱢ ᱜᱮ ᱦᱟᱞᱮᱰᱟᱞᱮ ᱨᱮ ᱾
ᱜᱳᱰᱰᱟ ᱺ ᱡᱷᱟᱲᱠᱷᱚᱸᱰ ᱯᱚᱱᱚᱛ ᱨᱮ ᱢᱤᱫᱴᱟᱱ ᱟᱹᱫᱤᱵᱟᱥᱤ ᱟᱹᱛᱩ ᱨᱮᱱ ᱢᱤᱫ ᱜᱷᱟᱨᱚᱸᱡᱽ ᱨᱮᱱ ᱢᱤᱫ ᱛᱤᱨᱞᱟᱹ ᱟᱨ ᱟᱡᱨᱮᱱ ᱵᱟᱨᱭᱟ ᱠᱤᱢᱤᱱᱛᱮᱫ ᱛᱟᱹᱠᱤᱱ ᱥᱟᱶ ᱢᱤᱫᱴᱮᱱ ᱵᱤᱥᱮᱥ ᱜᱟᱛᱟᱠ ᱨᱮᱱ ᱢᱤᱫ ᱦᱚᱲ ᱚᱝᱼᱡᱷᱟᱲ ᱧᱩᱛᱩᱢᱛᱮᱭ ᱱᱟᱦᱟᱪᱟᱨ ᱟᱠᱟᱫ ᱠᱚᱣᱟ ᱢᱮᱱᱛᱮ ᱟᱯᱷᱚᱫᱽ ᱾ ᱜᱷᱚᱴᱚᱱ ᱴᱷᱟᱶ ᱫᱚ ᱦᱩᱭᱩᱜ ᱠᱟᱱᱟ ᱜᱳᱰᱰᱟ ᱦᱚᱱᱚᱛ, ᱯᱨᱚᱭᱭᱟᱦᱟᱴ ᱯᱨᱚᱠᱷᱚᱸᱰ, ᱫᱮᱵᱽᱴᱟᱬ ᱛᱷᱟᱱᱟ ᱴᱚᱴᱷᱟ ᱨᱮᱭᱟᱜ ᱢᱤᱫ ᱥᱟᱱᱛᱟᱽ ᱟᱹᱛᱩᱨᱮ ᱾
ᱱᱚᱣᱟ ᱜᱷᱚᱴᱚᱱ ᱨᱮᱱ ᱟᱨᱳᱯᱤ ᱦᱟᱹᱲᱤᱭᱟᱠᱟᱫᱮᱭᱟᱠᱚ ᱯᱩᱞᱤᱥ
ᱱᱚᱣᱟ ᱜᱷᱚᱴᱚᱱ ᱵᱟᱵᱚᱫ ᱛᱮ ᱢᱩᱥᱟᱯᱷᱤᱞ ᱛᱷᱟᱱᱟ ᱴᱚᱴᱷᱟ ᱨᱮᱭᱟᱜ ᱫᱷᱳᱵᱽᱠᱤ ᱠᱟᱡᱽᱨᱟ ᱪᱟᱨᱟᱴᱚᱞᱟ ᱨᱮᱱ ᱕᱕ ᱥᱮᱨᱢᱟ ᱩᱢᱮᱨᱟᱱ ᱠᱩᱫᱩᱥ ᱟᱱᱥᱟᱨᱤ ᱵᱤᱨᱩᱫᱷ ᱛᱮ ᱯᱨᱚᱭᱭᱟᱦᱟᱴ ᱛᱷᱟᱱᱟ ᱨᱮ ᱮᱯᱷᱹᱟᱭᱹᱟᱨ ᱦᱩᱭᱟᱠᱟᱱᱟ ᱾ ᱚᱱᱟ ᱛᱟᱭᱚᱢᱜᱮ ᱯᱩᱞᱤᱥ ᱩᱱᱤ ᱦᱟᱹᱲᱤ ᱠᱟᱛᱮ ᱡᱮᱹᱞ ᱨᱮᱠᱚ ᱵᱷᱮᱡᱟᱣᱟᱠᱟᱫᱮᱭᱟ ᱾
ᱵᱩᱵᱩᱞ ᱯᱨᱚᱥᱟᱫᱽ ᱡᱚᱢ ᱦᱚᱪᱚ ᱠᱟᱛᱮᱫ ᱛᱤᱨᱞᱟᱹ ᱥᱟᱞᱟᱜ ᱱᱟᱦᱟᱪᱟᱨ!
ᱯᱨᱚᱭᱭᱟᱦᱟᱴ ᱛᱷᱟᱱᱟ ᱯᱨᱚᱵᱷᱟᱨᱤ ᱞᱟᱹᱭᱟᱠᱟᱫᱟᱭ ᱫᱮᱵᱽᱴᱟᱬ ᱛᱷᱟᱱᱟ ᱴᱚᱴᱷᱟ ᱨᱮᱭᱟᱜ ᱢᱤᱫ ᱥᱟᱱᱛᱟᱲ ᱟᱹᱛᱩ ᱨᱮᱱ ᱛᱤᱨᱞᱟᱹ ᱟᱨ ᱩᱱᱤᱨᱮᱱ ᱠᱤᱢᱤᱱᱛᱮᱫ ᱛᱟᱹᱠᱤᱱ ᱥᱟᱶ ᱚᱝᱼᱡᱷᱟᱲ ᱧᱩᱛᱩᱢ ᱠᱟᱛᱮᱫ ᱵᱩᱵᱩᱞ ᱯᱨᱚᱥᱟᱫᱽ ᱡᱚᱢ ᱦᱚᱪᱚ ᱠᱟᱛᱮᱫ ᱛᱤᱨᱞᱟᱹ ᱥᱟᱶ ᱡᱳᱨᱼᱡᱚᱵᱚᱨ ᱱᱟᱦᱟᱪᱟᱨ ᱟᱨ ᱵᱩᱞ ᱦᱟᱞᱚᱛ ᱨᱮ ᱚᱲᱟᱜ ᱠᱷᱚᱱᱟᱜ ᱠᱟᱹᱣᱰᱤ ᱟᱛᱮᱫ ᱧᱤᱨ ᱟᱠᱟᱱᱟᱭ ᱟᱨᱳᱯᱤ ᱪᱟᱨᱠᱳᱞᱟ ᱨᱮᱱ ᱠᱩᱫᱩᱥ ᱟᱱᱥᱟᱨᱤ ᱾ ᱩᱱᱤ ᱪᱮᱛᱟᱱ ᱓᱘/᱒᱔ ᱫᱷᱟᱨᱟ ᱖᱔/᱗᱖/᱓᱐᱕ ᱵᱤᱹᱮᱱᱹᱮᱥ ᱟᱨ ᱓/᱔ ᱰᱟᱹᱱ ᱯᱨᱚᱛᱷᱟ ᱚᱫᱷᱤᱱᱤᱭᱚᱢ ᱒᱐᱐᱑ ᱞᱮᱠᱟᱛᱮ ᱟᱨᱳᱯᱤ ᱦᱟᱹᱲᱤ ᱠᱟᱛ ᱡᱮᱹᱞ ᱠᱚ ᱵᱷᱮᱡᱟᱣᱟᱠᱟᱫᱮᱭᱟ ᱾
