᱒᱐᱒᱑ ᱥᱟᱦᱤᱫ ᱨᱮ ᱠᱮᱹᱠᱮᱹᱟᱨ ᱨᱮᱱ ᱠᱮᱯᱴᱮᱱ ᱞᱮᱠᱟᱛᱮ ᱫᱚᱞ ᱨᱮ ᱦᱟᱛᱟᱣ ᱦᱩᱭ ᱞᱮᱱᱟ ᱥᱨᱮᱹᱭᱟᱥ ᱟᱭᱭᱟᱨ ᱾ ᱫᱤᱱᱮᱹᱥ ᱠᱟᱨᱛᱤᱠ, ᱤᱭᱚᱱ ᱢᱚᱨᱜᱟᱱ ᱞᱮᱠᱟᱱ ᱠᱨᱤᱠᱮᱹᱴᱟᱨ ᱡᱚᱠᱷᱚᱱ ᱠᱮᱹᱠᱮᱹᱟᱨ ᱞᱟᱹᱜᱤᱫ ᱛᱮ ᱴᱨᱚᱯᱷᱤ ᱵᱟᱝ ᱠᱚ ᱟᱹᱜᱩ ᱫᱟᱲᱮᱭᱟᱜ ᱛᱮ ᱠᱮᱯᱴᱮᱱ ᱵᱚᱫᱚᱞ ᱨᱮᱭᱟᱜ ᱠᱚ ᱜᱚᱴᱟ ᱞᱮᱫᱟ ᱠᱚᱞᱠᱟᱛᱟ ᱱᱟᱭᱤᱴ ᱨᱟᱭᱰᱨᱟᱥ ᱾ ᱚᱱᱟᱛᱮ ᱑᱒ᱹ᱒᱕ ᱠᱳᱴᱤ ᱴᱟᱠᱟ ᱛᱮ ᱫᱤᱞᱞᱤ ᱠᱷᱚᱱ ᱟᱹᱜᱩ ᱦᱩᱭ ᱞᱮᱱ ᱛᱟᱦᱮᱱᱟ ᱥᱨᱮᱹᱭᱟᱥ ᱟᱭᱭᱟᱨ ᱞᱮᱠᱟᱱ ᱠᱨᱤᱠᱮᱹᱴᱟᱨ ᱾ ᱟᱨ ᱱᱤᱛ ᱯᱮ ᱥᱮᱨᱢᱟ ᱢᱩᱫᱽ ᱨᱮᱜᱮ ᱥᱨᱮᱹᱭᱟᱥ ᱪᱮᱛᱟᱱ ᱠᱷᱚᱱ ᱟᱸᱥ ᱪᱟᱵᱟᱭᱮᱱ ᱛᱟᱠᱚᱣᱟ ᱠᱮᱹᱠᱮᱹᱟᱨᱟᱜ ᱾
᱒᱐᱒᱑ ᱨᱮ ᱥᱨᱮᱹᱭᱟᱥ ᱟᱭᱭᱟᱨ ᱠᱮᱹᱠᱮᱹᱟᱨ ᱨᱮ ᱦᱟᱛᱟᱣ ᱛᱟᱭᱯᱢ ᱯᱮ ᱥᱮᱨᱢᱟ ᱦᱩᱭᱮᱱᱟ ᱢᱮᱱᱠᱷᱟᱱ ᱠᱷᱮᱹᱞ ᱞᱮᱱᱟᱭ ᱵᱟᱨ ᱥᱮᱨᱢᱟ ᱜᱮ, ᱪᱮᱫᱟᱜ ᱥᱮ ᱢᱤᱫ ᱥᱮᱨᱢᱟ ᱪᱳᱴᱮ ᱧᱟᱢ ᱟᱠᱟᱫ ᱛᱟᱦᱮᱸ ᱠᱷᱟᱹᱛᱤᱨ ᱛᱮ ᱵᱟᱝᱼᱮ ᱜᱟᱛᱮ ᱫᱟᱲᱮᱭᱟᱜ ᱛᱟᱦᱮᱱᱟ ᱥᱨᱮᱹᱭᱟᱥ ᱾ ᱡᱟᱦᱟᱸ ᱫᱚᱞ ᱨᱮ ᱛᱟᱦᱮᱸ ᱠᱟᱛᱮᱫ ᱜᱟᱛᱮ ᱨᱮᱭᱟᱜ ᱵᱟᱹᱲᱛᱤ ᱟᱸᱥ ᱛᱟᱦᱮᱸ ᱠᱟᱱ ᱛᱟᱭᱟ ᱚᱱᱟ ᱫᱚᱞ ᱜᱮ ᱢᱚᱪᱟᱹᱫ ᱨᱮᱭ ᱵᱟᱹᱜᱤᱭᱟᱫᱟ ᱥᱨᱮᱹᱭᱟᱥ ᱟᱭᱭᱟᱨ ᱾
ᱱᱤᱣᱟᱹᱫᱷᱟᱣ ᱱᱤᱞᱟᱢ ᱞᱟᱦᱟ ᱨᱮ ᱛᱩᱨᱩᱭ ᱜᱚᱴᱟᱝ ᱠᱨᱤᱠᱮᱹᱴᱟᱨᱮ ᱥᱟᱵ ᱫᱚᱦᱚ ᱠᱮᱫ ᱠᱚᱣᱟ ᱠᱚᱞᱠᱟᱛᱟ ᱱᱟᱭᱤᱴ ᱨᱟᱭᱰᱟᱨᱥ ᱾ ᱩᱱᱠᱩ ᱖ ᱡᱚᱱᱟ ᱢᱩᱫᱽ ᱨᱮ ᱨᱤᱝᱠᱩ ᱥᱤᱝ ᱑᱓ ᱠᱳᱴᱤ ᱟᱨ ᱯᱩᱱᱭᱟ ᱠᱨᱤᱠᱮᱹᱴᱟᱨ ᱯᱮᱭᱟ ᱠᱨᱤᱠᱮᱹᱴᱟᱨ ᱑᱒ ᱠᱳᱴᱤ ᱠᱟᱛᱮᱫ ᱟᱨ ᱦᱟᱨᱥᱤᱛ ᱨᱟᱱᱟ ᱟᱨ ᱨᱚᱢᱚᱱᱫᱤᱯ ᱥᱤᱝ ᱫᱚ ᱔ ᱠᱳᱴᱤ ᱛᱮᱭ ᱥᱟᱵ ᱫᱚᱦᱚ ᱟᱠᱟᱫ ᱠᱚᱣᱟ ᱾ ᱢᱤᱫ ᱠᱟᱛᱷᱟ ᱛᱮ ᱞᱟᱹᱭ ᱜᱟᱱᱚᱜᱼᱟ ᱠᱨᱤᱠᱮᱹᱴᱟᱨ ᱥᱟᱵ ᱫᱚᱦᱚ ᱞᱟᱹᱜᱤᱫ ᱕᱗ ᱠᱳᱴᱤ ᱴᱟᱠᱟ ᱮᱢ ᱦᱩᱭᱩᱜ ᱠᱟᱱ ᱛᱟᱭᱟ ᱠᱚᱞᱠᱟᱛᱟ ᱱᱟᱭᱤᱴ ᱨᱟᱭᱰᱟᱨᱥ ᱾
ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱟᱭᱹᱯᱤᱹᱮᱞ ᱨᱮᱭᱟᱜ ᱤᱛᱤᱦᱟᱸᱥ ᱨᱮ ᱱᱚᱣᱟ ᱫᱚ ᱯᱩᱭᱞᱩ ᱫᱷᱟᱣ ᱠᱟᱱᱟ ᱯᱟᱞᱮᱱ ᱡᱟᱦᱟᱸᱭᱟᱜ ᱟᱹᱭᱩᱨ ᱛᱮ ᱫᱚᱞ ᱡᱤᱛᱠᱟᱹᱨ ᱠᱟᱛᱮᱫ ᱩᱱᱤᱜᱮ ᱢᱩᱪᱟᱹᱫ ᱜᱮ ᱫᱚᱞᱮ ᱵᱟᱹᱜᱤᱭᱟᱫ ᱠᱟᱱᱟ ᱾ ᱟᱨ ᱴᱷᱤᱠ ᱚᱱᱠᱟᱱ ᱥᱤᱫᱽᱫᱷᱟᱱᱛᱚ ᱜᱮᱭ ᱦᱟᱛᱟᱣ ᱠᱮᱫᱟ ᱠᱮᱹᱠᱮᱹᱟᱨ ᱾ ᱛᱚᱵᱮ ᱠᱮᱹᱠᱮᱹᱟᱨ ᱛᱤᱱᱟᱹᱜ ᱜᱟᱱ ᱥᱨᱮᱹᱭᱟᱥ ᱵᱟᱝ ᱫᱚᱦᱚ ᱨᱮᱭᱟᱜ ᱠᱚ ᱠᱩᱨᱩᱢᱩᱴᱩ ᱟᱠᱟᱫᱟ, ᱚᱱᱟ ᱠᱷᱚᱱᱟᱜ ᱵᱟᱹᱲᱛᱤ ᱵᱟᱝ ᱛᱟᱦᱮᱱᱮ ᱪᱷᱩᱴᱟᱹᱣᱟᱠᱟᱱᱟ ᱥᱨᱮᱹᱭᱟᱥ ᱟᱭᱭᱟᱨ ᱾ ᱒᱐᱒᱓ ᱨᱮᱭᱟᱜ ᱟᱭᱹᱯᱤᱹᱮᱞ ᱨᱮ ᱴᱨᱚᱯᱷᱤ ᱡᱤᱛᱟᱹᱣ ᱠᱟᱛᱮᱫ ᱟᱹᱰᱤ ᱵᱟᱹᱲᱛᱤ ᱫᱟᱢᱮ ᱠᱷᱚᱡᱽ ᱞᱮᱱᱟ ᱥᱨᱮᱹᱭᱟᱥ, ᱚᱱᱟᱛᱮ ᱩᱱᱤᱭᱟᱜ ᱫᱟᱹᱵᱤ ᱵᱟᱝ ᱢᱟᱱᱟᱣ ᱠᱟᱛᱮᱫ ᱥᱨᱮᱹᱭᱟᱥ ᱵᱟᱝ ᱫᱚᱦᱚ ᱨᱮᱭᱟᱜ ᱜᱮᱠᱚ ᱴᱷᱹᱣᱠᱟᱹ ᱞᱮᱫᱟ ᱠᱮᱹᱠᱮᱹᱟᱨ ᱾
ᱥᱨᱮᱹᱭᱟᱥ ᱟᱭᱭᱟᱨ ᱠᱮᱹᱠᱮᱹᱟᱨ ᱵᱟᱹᱜᱤ ᱨᱮᱭᱟᱜ ᱵᱮᱹᱥ ᱠᱤᱪᱷᱩ ᱠᱟᱨᱚᱱ ᱦᱚᱸ ᱢᱮᱱᱟᱜ ᱟᱠᱟᱫᱟ ᱾ ᱯᱩᱭᱞᱩ ᱫᱚ ᱵᱟᱪᱷᱱᱟᱣ ᱠᱩᱢᱩᱴᱟᱜ ᱠᱟᱛᱷᱟ ᱵᱟᱝ ᱢᱟᱱᱟᱣ ᱠᱟᱛᱮᱫ ᱠᱮᱱᱫᱨᱤᱭᱚ ᱪᱩᱠᱛᱤ ᱠᱷᱚᱱ ᱵᱟᱫᱽ ᱞᱮᱱ ᱛᱟᱦᱮᱱᱟᱭ, ᱟᱨ ᱚᱱᱟᱛᱮ ᱱᱤᱛ ᱡᱟᱛᱤᱭᱚ ᱫᱚᱞ ᱨᱮᱦᱚᱸ ᱵᱟᱹᱱᱩᱭ ᱟᱠᱟᱫᱮᱭᱟ ᱾ ᱢᱮᱱᱠᱷᱟᱱ ᱮᱱᱛᱮ ᱨᱮᱦᱚᱸ ᱢᱚᱱ ᱫᱚ ᱵᱟᱝ ᱨᱟᱹᱯᱩᱫ ᱟᱠᱟᱱ ᱛᱟᱭᱟ ᱥᱨᱮᱹᱭᱟᱥ ᱟᱭᱭᱟᱨᱟᱜ, ᱩᱱᱤᱭᱟᱜ ᱢᱮᱱ ᱟᱭᱹᱯᱤᱹᱮᱞ ᱫᱚ ᱮᱴᱟᱜ ᱞᱮᱠᱟᱱ ᱠᱷᱮᱹᱞ ᱠᱟᱱᱟ ᱾
ᱫᱚᱥᱟᱨ ᱠᱟᱨᱚᱱ ᱫᱚ, ᱱᱟᱦᱟᱜ ᱚᱠᱛᱚ ᱨᱮ ᱛᱟᱨᱚᱠᱟ ᱠᱨᱤᱠᱮᱹᱴᱟᱨ ᱠᱚ ᱢᱩᱫᱽ ᱨᱮ ᱢᱤᱫᱴᱟᱝ ᱫᱚᱞ ᱨᱮ ᱛᱟᱦᱮᱱ ᱨᱮᱭᱟᱜ ᱢᱟᱱᱚᱥᱤᱠᱚᱛᱟ ᱵᱟᱹᱱᱩᱜ ᱛᱟᱠᱩᱚᱣᱟ, ᱢᱚᱦᱮᱱᱫᱨᱚ ᱥᱤᱝ ᱫᱷᱳᱱᱤ, ᱵᱷᱤᱨᱟᱴ ᱠᱳᱦᱞᱤ ᱞᱮᱠᱟᱱ ᱠᱨᱤᱠᱮᱹᱴᱟᱨ ᱢᱤᱫ ᱫᱚᱞ ᱨᱮᱜᱮ ᱟᱭᱢᱟ ᱫᱤᱱ ᱦᱟᱹᱵᱤᱡ ᱠᱤᱱ ᱜᱟᱛᱮ ᱦᱮᱡ ᱟᱠᱟᱱᱟ, ᱢᱮᱱᱠᱷᱟᱱ ᱱᱮᱛᱟᱨ ᱨᱮᱱ ᱠᱨᱤᱠᱮᱹᱴᱟᱨ ᱫᱚ ᱢᱤᱫᱴᱮᱱ ᱫᱚᱞ ᱨᱮ ᱟᱭᱢᱟ ᱫᱤᱱ ᱛᱟᱦᱮᱱ ᱵᱟᱝ ᱠᱚ ᱨᱮᱵᱮᱱ ᱠᱟᱱᱟ ᱾
ᱛᱚᱵᱮ ᱥᱨᱮᱹᱭᱟᱥ ᱠᱮᱹᱠᱮᱹᱟᱨ ᱵᱟᱹᱜᱤ ᱛᱟᱭᱚᱢ ᱱᱤᱛ ᱠᱮᱹᱠᱮᱹᱟᱨ ᱨᱮ ᱢᱤᱫᱴᱟᱝ ᱜᱮ ᱥᱚᱢᱚᱥᱥᱟ ᱡᱟᱦᱟᱸ ᱫᱚ ᱠᱚᱞᱠᱟᱛᱟ ᱱᱟᱭᱤᱴ ᱨᱟᱭᱰᱨᱟᱥ ᱯᱟᱸᱡᱟ ᱦᱩᱭᱩᱜ ᱛᱟᱠᱚᱣᱟ ᱱᱟᱣᱟ ᱠᱮᱯᱴᱮᱱ ᱾ ᱠᱮᱹᱠᱮᱹᱟᱨ ᱡᱟᱦᱟᱸᱭ ᱠᱚᱭ ᱫᱚᱦᱚ ᱟᱠᱟᱫ ᱠᱚᱣᱟ ᱩᱱᱠᱩ ᱢᱩᱫᱽ ᱨᱮ ᱥᱩᱱᱤᱞ ᱱᱟᱨᱤᱱᱟᱜ ᱜᱮ ᱠᱮᱯᱴᱮᱱᱥᱤ ᱠᱚᱨᱟᱣ ᱨᱮᱭᱟᱜ ᱚᱵᱷᱤᱜᱽᱜᱚᱛᱟ ᱢᱮᱱᱟᱜ ᱛᱟᱭᱟ ᱾ ᱢᱮᱱᱠᱷᱟᱱ ᱠᱮᱹᱠᱮᱹᱟᱨᱟᱜ ᱢᱤᱫᱴᱟᱝ ᱥᱩᱛᱨᱚ ᱞᱟᱹᱭ ᱮᱫᱟᱭ ᱡᱮ ᱠᱮᱯᱴᱮᱱᱥᱤ ᱨᱮᱭᱟᱜ ᱚᱵᱷᱤᱜᱽᱜᱚᱛᱟ ᱥᱩᱱᱤᱞ ᱱᱟᱨᱤᱱ ᱢᱩᱫᱽ ᱨᱮ ᱢᱮᱱᱟᱜ ᱨᱮᱦᱚᱸ ᱩᱱᱤ ᱤᱫᱤ ᱠᱟᱛᱮᱫ ᱡᱷᱩᱠᱤ ᱵᱟᱝ ᱠᱚ ᱦᱟᱛᱟᱣᱟ ᱠᱚᱞᱠᱟᱛᱟ ᱱᱟᱭᱤᱴ ᱨᱟᱭᱰᱟᱨᱥ ᱾
ᱨᱤᱝᱠᱩ ᱥᱤᱝ ᱑᱓ ᱠᱳᱴᱤ
ᱵᱚᱨᱩᱱ ᱪᱚᱠᱨᱚᱵᱚᱨᱛᱤ ᱑᱒ ᱠᱳᱴᱤ
ᱥᱩᱱᱤᱞ ᱱᱟᱨᱤᱱ ᱑᱒ ᱠᱳᱴᱤ
ᱟᱱᱫᱨᱮ ᱨᱟᱥᱮᱞ ᱑᱒ ᱠᱳᱴᱤ
ᱦᱟᱨᱥᱤᱛ ᱨᱟᱱᱟ ᱔ ᱠᱳᱴᱤ
ᱨᱚᱢᱚᱱᱫᱤᱯ ᱥᱤᱝ ᱔ ᱠᱳᱴᱤ
