ᱩᱯᱚ ᱱᱤᱨᱵᱟᱪᱚᱱ ᱨᱮᱭᱟᱜ ᱖ ᱜᱚᱴᱟᱝ ᱠᱮᱱᱫᱨᱚ ᱨᱮᱜᱮᱭ ᱯᱨᱚᱪᱟᱨᱟ ᱠᱚᱝᱜᱨᱮᱹᱥ ᱥᱚᱵᱷᱟᱯᱚᱛᱤ

(PAPUL MURMU) WEST BENGAL BY ELECTION 2024| : ᱫᱟᱨᱟᱭ ᱠᱟᱱ ᱑᱓ ᱱᱚᱵᱷᱚᱮᱹᱢᱵᱚᱨ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱖ ᱜᱚᱴᱟᱝ ᱥᱤᱴ ᱨᱮ ᱢᱮᱱᱟᱜᱼᱟ ᱵᱤᱫᱷᱟᱱᱥᱚᱵᱷᱟ ᱨᱮᱭᱟᱜ ᱫᱚᱲᱦᱟ ᱵᱟᱪᱷᱱᱟᱣ ᱾ ᱟᱨ ᱚᱱᱟ ᱖ ᱜᱚᱴᱟᱝ ᱵᱤᱫᱷᱟᱱᱥᱚᱵᱷᱟ ᱥᱤᱴ ᱨᱮᱜᱮ ᱯᱨᱚᱪᱟᱨ ᱨᱮ ᱪᱟᱞᱟᱜᱼᱟᱭ ᱠᱚᱝᱜᱨᱮᱹᱥ ᱥᱚᱵᱷᱟᱯᱚᱛᱤ ᱥᱩᱵᱷᱚᱝᱠᱚᱨ ᱥᱚᱨᱠᱟᱨ ᱾ ᱫᱚᱲᱦᱟ ᱵᱟᱪᱷᱱᱟᱣ ᱨᱮᱭᱟᱜ ᱯᱨᱚᱪᱟᱨ ᱨᱮᱭ ᱪᱟᱞᱟᱜ ᱨᱮᱦᱚᱸ ᱵᱟᱢᱯᱷᱨᱚᱱᱴ ᱪᱮᱛᱟᱱ ᱨᱮ ᱠᱟᱛᱷᱟ ᱵᱟᱝ ᱛᱮᱨᱟᱝ ᱠᱟᱛᱮᱫ ᱦᱟᱯᱮᱱ ᱫᱤᱱ ᱞᱟᱹᱜᱤᱫ ᱠᱚᱝᱜᱨᱮᱹᱥᱟᱜ ᱫᱟᱲᱮᱹ ᱵᱟᱹᱲᱛᱤ ᱪᱮᱛᱟᱱ ᱜᱮ ᱱᱚᱡᱚᱨ ᱛᱟᱦᱮᱱᱟ ᱢᱮᱱᱛᱮ ᱞᱟᱹᱭ ᱟᱠᱟᱫᱟᱭ ᱠᱚᱝᱜᱨᱮᱹᱥ ᱥᱚᱵᱷᱟᱯᱚᱛᱤ ᱥᱩᱵᱷᱚᱝᱠᱚᱨ ᱥᱚᱨᱠᱟᱨ ᱾

ᱫᱤᱞᱞᱤ ᱥᱚᱯᱷᱚᱨ ᱠᱷᱚᱱ ᱨᱩᱣᱟᱹᱲ ᱛᱟᱭᱚᱢ ᱦᱟᱲᱳᱣᱟ ᱨᱮᱭᱟᱜ ᱜᱚᱸᱥᱟᱭᱯᱩᱨ ᱥᱠᱩᱞ ᱨᱮ ᱠᱚᱝᱜᱨᱮᱹᱥᱟᱜ ᱢᱤᱫ ᱠᱚᱨᱢᱤ ᱥᱚᱵᱷᱟ ᱨᱮ ᱥᱮᱞᱮᱫ ᱞᱮᱱᱟᱭ ᱥᱩᱵᱷᱚᱝᱠᱚᱨ ᱥᱚᱨᱠᱟᱨ ᱾

ᱚᱸᱰᱮ ᱠᱷᱚᱱ ᱜᱚᱸᱥᱟᱭᱯᱩᱨ ᱵᱟᱡᱟᱨ ᱨᱮ ᱫᱚᱲᱦᱟ ᱵᱟᱪᱷᱱᱟᱣ ᱨᱮ ᱠᱚᱝᱜᱨᱮᱹᱥ ᱯᱨᱟᱨᱛᱷᱤ ᱦᱟᱵᱤᱵᱽ ᱨᱮᱡᱽᱡᱟ ᱪᱚᱣᱫᱷᱩᱨᱤᱣᱟᱜ ᱥᱚᱢᱚᱨᱛᱷᱚᱱ ᱞᱟᱹᱜᱤᱫ ᱢᱤᱫ ᱥᱚᱵᱷᱟ ᱦᱚᱸᱭ ᱠᱚᱨᱟᱣ ᱞᱮᱫ ᱛᱟᱦᱮᱱᱟ ᱥᱩᱵᱷᱚᱝᱠᱚᱨ ᱥᱚᱨᱠᱟᱨ ᱾ ᱯᱚᱪᱷᱤᱢ ᱵᱟᱝᱞᱟ ᱨᱮ ᱦᱩᱭᱩᱜ ᱠᱟᱱ ᱛᱤᱨᱞᱟᱹ ᱠᱚ ᱪᱮᱛᱟᱱ ᱢᱤᱫ ᱠᱷᱚᱱ ᱢᱤᱫ ᱫᱷᱚᱨᱥᱚᱱ ᱟᱨ ᱟᱹᱱᱼᱟᱹᱨᱤ ᱨᱮᱭᱟᱜ ᱯᱚᱨᱤᱥᱛᱤᱛᱤ ᱤᱫᱤ ᱠᱟᱛᱮᱫ ᱨᱟᱡᱽᱡᱚ ᱥᱚᱨᱠᱟᱨ ᱪᱮᱛᱟᱱ ᱱᱤᱥᱟᱱᱟ ᱥᱟᱶᱛᱮ ᱠᱚᱝᱜᱨᱮᱹᱥ ᱟᱢᱚᱞ ᱨᱮᱭᱟᱜ ᱠᱟᱛᱷᱟ ᱦᱚᱸᱭ ᱛᱩᱞᱟᱹᱣ ᱨᱟᱠᱟᱵ ᱠᱮᱫᱟ ᱾ ᱢᱤᱫ ᱯᱨᱮᱹᱥ ᱠᱚᱱᱯᱷᱟᱨᱮᱱᱥ ᱛᱟᱞᱟ ᱛᱮ ᱠᱚᱝᱜᱨᱮᱹᱥ ᱥᱚᱵᱷᱟᱯᱚᱛᱤ ᱥᱩᱵᱷᱚᱝᱠᱚᱨ ᱥᱚᱨᱠᱟᱨ ᱠᱚᱝᱜᱨᱮᱹᱥ ᱥᱩᱡᱳᱜᱽ ᱮᱢᱟᱭ ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ, ᱡᱟᱦᱟᱸ ᱫᱚ ᱵᱤᱹᱡᱮᱹᱯᱤ ᱟᱨ ᱛᱨᱤᱱᱚᱢᱩᱞᱟᱜ ᱵᱤᱠᱚᱞᱯᱚ ᱞᱮᱠᱟᱛᱮᱭ ᱠᱟᱹᱢᱤᱭᱟ ᱾