(PAPUL MURMU)’ DANA’Cyclone Odisha : ᱯᱟᱨᱚᱢᱮᱱ ᱒᱓ ᱠᱷᱚᱱ ᱒᱖ ᱛᱟᱨᱤᱠ ᱨᱮ ᱦᱮᱡ ᱞᱮᱱᱟ ᱵᱚᱛᱚᱨᱟᱱ ᱦᱚᱭᱼᱵᱟᱹᱨᱰᱩ ᱫᱟᱱᱟ ᱾ ᱫᱟᱱᱟ ᱨᱮᱭᱟᱜ ᱮᱥᱮᱨ ᱧᱮᱞ ᱞᱮᱱᱟ ᱵᱟᱝᱞᱟ ᱳᱲᱤᱥᱟ ᱥᱟᱶᱛᱮ ᱵᱟᱝᱞᱟᱫᱮᱹᱥ ᱠᱚᱨᱮ ᱦᱚᱸ ᱾ ᱫᱟᱱᱟ ᱨᱮᱭᱟᱜ ᱯᱨᱚᱵᱷᱟᱵᱽ ᱪᱟᱵᱟᱭᱮᱱ ᱨᱮᱦᱚᱸ ᱵᱟᱝᱜᱮ ᱪᱟᱵᱟ ᱟᱠᱟᱱᱟ ᱫᱟᱜᱡᱟᱹᱲᱤ ᱾ ᱫᱟᱱᱟ ᱨᱮᱭᱟᱜ ᱯᱨᱚᱵᱷᱟᱵᱽ ᱛᱮ ᱫᱟᱜᱡᱟᱹᱲᱤ ᱠᱷᱟᱹᱛᱤᱨ ᱳᱲᱤᱥᱟ ᱨᱮᱭᱟᱜ ᱑᱔ ᱜᱚᱴᱟᱝ ᱡᱮᱞᱟ ᱨᱮ ᱵᱟᱱ ᱨᱮᱭᱟᱜ ᱪᱤᱛᱟᱹᱨ ᱧᱮᱞᱚᱜ ᱠᱟᱱᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱓᱕ ᱞᱟᱠᱷ ᱙᱕ ᱦᱟᱡᱟᱨ ᱦᱚᱲ ᱠᱚ ᱠᱷᱚᱛᱤᱜᱨᱚᱥᱛᱚ ᱟᱠᱟᱱᱟ ᱾ ᱥᱤᱸᱜᱮ ᱢᱟᱦᱟ ᱦᱤᱞᱚᱜ ᱱᱚᱣᱟ ᱛᱚᱛᱛᱷᱚ ᱥᱟᱢᱟᱝ ᱠᱮᱫᱟᱭ ᱚᱲᱤᱥᱟ ᱵᱤᱯᱚᱨᱡᱚᱭ ᱢᱳᱠᱟᱵᱤᱞᱟ ᱫᱚᱯᱛᱚᱨ ᱨᱮᱱ ᱢᱚᱱᱛᱨᱤ ᱥᱩᱨᱮᱹᱥ ᱯᱩᱡᱟᱨᱤ ᱾ ᱢᱚᱱᱛᱨᱤ ᱥᱩᱨᱮᱹᱥ ᱯᱩᱡᱟᱨᱤᱣᱟᱦ ᱞᱟᱹᱭ ᱫᱟᱱᱟ ᱠᱷᱟᱹᱛᱤᱨ ᱵᱟᱱ ᱨᱮᱭᱟᱜ ᱪᱤᱛᱟᱹᱨ ᱧᱮᱞ ᱟᱠᱟᱱ ᱨᱮᱦᱚᱸ ᱜᱚᱴᱟ ᱚᱲᱤᱥᱟ ᱨᱮ ᱜᱚᱡᱼᱜᱩᱨ ᱨᱮᱭᱟᱜ ᱠᱷᱚᱵᱚᱨ ᱫᱚ ᱵᱟᱝ ᱧᱟᱢ ᱟᱠᱟᱱᱟ ᱾
ᱰᱤᱡᱟᱥᱴᱟᱨ ᱢᱮᱱᱮᱡᱽᱢᱮᱱᱴ ᱯᱟᱦᱴᱟ ᱠᱷᱚᱱ ᱚᱲᱤᱥᱟ ᱨᱮᱭᱟᱜ ᱟᱹᱰᱤᱜᱟᱱ ᱴᱚᱴᱷᱟ ᱠᱚᱨᱮ ᱒᱑᱐ ᱜᱚᱴᱟᱝ ᱟᱥᱨᱚᱭ ᱠᱮᱱᱫᱨᱚ ᱠᱷᱩᱞᱟᱹᱣ ᱦᱩᱭ ᱞᱮᱱ ᱛᱟᱦᱮᱱᱟ, ᱡᱟᱦᱟᱸ ᱨᱮᱫᱚ ᱘ ᱞᱟᱠᱷ ᱑᱐ ᱦᱟᱡᱟᱨ ᱠᱷᱚᱱ ᱦᱚᱸ ᱵᱟᱹᱲᱛᱤ ᱦᱚᱲ ᱟᱥᱨᱚᱭ ᱠᱚ ᱦᱟᱛᱟᱣ ᱞᱮᱫ ᱛᱟᱦᱮᱱᱟ ᱾
ᱦᱚᱭᱼᱵᱟᱹᱨᱰᱩ ᱫᱟᱱᱟ ᱨᱮᱭᱟᱜ ᱮᱥᱮᱨ ᱛᱮ ᱑᱔ ᱜᱚᱴᱟᱝ ᱡᱮᱞᱟ ᱨᱮᱭᱟᱜ ᱑᱖᱗᱑ ᱴᱤ ᱚᱧᱪᱚᱞ ᱨᱮᱱ ᱦᱚᱲ ᱠᱚᱣᱟᱜ ᱠᱷᱚᱛᱤ ᱦᱩᱭ ᱟᱠᱟᱱᱟ ᱾ ᱡᱟᱦᱟᱸᱭ ᱜᱷᱟᱨᱚᱸᱡᱽ ᱨᱮ ᱛᱟᱦᱮᱱ ᱨᱮᱭᱟᱜ ᱯᱚᱨᱤᱥᱛᱤᱛᱷᱤ ᱵᱟᱹᱱᱩᱜᱼᱟ ᱚᱱᱟ ᱜᱷᱟᱨᱚᱸᱡᱽ ᱞᱟᱹᱜᱤᱫ ᱛᱨᱤᱯᱚᱞ ᱨᱮᱭᱟᱜ ᱵᱮᱵᱚᱥᱛᱟ ᱦᱩᱭ ᱟᱠᱟᱱᱟ ᱯᱨᱚᱥᱟᱥᱚᱱ ᱯᱟᱦᱟᱴᱟ ᱠᱷᱚᱱ ᱾ ᱫᱟᱱᱟ ᱨᱮᱭᱟᱜ ᱮᱥᱮᱨ ᱠᱷᱚᱱ ᱦᱚᱲ ᱠᱚ ᱵᱟᱧᱪᱟᱣ ᱠᱚ ᱞᱟᱹᱜᱤᱫ ᱛᱮ ᱧᱩᱦᱩᱢ ᱢᱟᱦᱟ ᱦᱟᱹᱵᱤᱡ ᱦᱚᱸ ᱚᱲᱤᱥᱟ ᱨᱮ ᱩᱫᱷᱟᱹᱨ ᱠᱟᱹᱢᱤ ᱪᱟᱞᱟᱜ ᱠᱟᱱ ᱛᱟᱦᱮᱱ ᱜᱮᱭᱟ ᱾ ᱧᱩᱦᱩᱢ ᱢᱟᱦᱟ ᱨᱮ ᱵᱷᱚᱫᱨᱚᱠ ᱨᱮᱭᱟᱜ ᱢᱤᱫ ᱟᱹᱛᱩ ᱠᱷᱚᱱ ᱒᱔ ᱜᱚᱴᱟᱝ ᱦᱚᱲ ᱩᱫᱷᱟᱹᱨ ᱦᱩᱭ ᱟᱠᱟᱱᱟ ᱾ ᱫᱟᱱᱟ ᱦᱩᱭᱼᱵᱟᱹᱨᱰᱩ ᱠᱷᱟᱹᱛᱤᱨ ᱡᱟᱦᱟᱸ ᱠᱚ ᱴᱚᱴᱷᱟ ᱨᱮ ᱠᱷᱚᱛᱤ ᱦᱩᱭ ᱟᱠᱟᱱᱟ ᱚᱱᱟ ᱴᱚᱴᱷᱟ ᱠᱚᱨᱮ ᱯᱚᱨᱤᱫᱚᱨᱥᱚᱱ ᱨᱮᱠᱚ ᱪᱟᱞᱟᱣ ᱫᱟᱲᱮᱭᱟᱜᱼᱟ ᱠᱮᱱᱫᱨᱚ ᱨᱮᱱ ᱯᱨᱚᱛᱤᱱᱤᱫᱷᱤ ᱫᱚᱞ ᱾
