(PAPUL MURMU) DELHI ELECTION : ᱟᱢ ᱟᱫᱽᱢᱤ ᱯᱟᱨᱴᱤ ᱨᱮᱱ ᱥᱩᱯᱨᱤᱢᱳ ᱚᱨᱵᱤᱱᱫᱽ ᱠᱮᱡᱽᱨᱤᱣᱟᱞ ᱫᱤᱞᱞᱤ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱤᱫᱤ ᱠᱟᱛᱮᱫ “ᱮᱠᱞᱟ ᱪᱳᱞᱳ” ᱱᱤᱛᱤ ᱨᱮᱭᱟᱜ ᱠᱟᱛᱷᱟ ᱞᱟ.ᱭ ᱛᱟᱭᱚᱢ ᱜᱮ ᱠᱝᱜᱨᱮᱹᱥ ᱢᱩᱫ ᱨᱮ ᱧᱮᱞ ᱮᱱᱟ ᱵᱟᱪᱦᱱᱟᱭ ᱤᱫᱤ ᱠᱟᱛᱮᱡ ᱠᱩᱨᱩᱢᱩᱴᱩ. ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱞᱟ.ᱜᱤᱛ ᱠᱝᱜᱨᱮᱥ ᱦᱚᱸ ᱯᱨᱟᱨᱛᱷᱤ ᱵᱟᱪᱷᱟᱣ ᱤᱫᱤ ᱠᱚᱛᱮᱫ ᱵᱚᱭᱴᱷᱚᱠ ᱨᱮᱠᱚ ᱫᱩᱲᱩᱵ ᱠᱝᱜᱨᱮᱹᱥ ᱥᱚᱵᱷᱟᱯᱚᱛᱤ ᱢᱚᱞᱞᱤᱠᱟᱨᱡᱩᱱ ᱠᱷᱟᱲᱜᱮ, ᱞᱳᱠᱥᱚᱵᱷᱟ ᱨᱮᱱ ᱵᱤᱨᱳᱫᱷᱤ ᱫᱚᱞᱚᱱᱮᱛᱟ ᱨᱟᱦᱩᱞ ᱜᱟᱱᱫᱷᱤ ᱟᱨ ᱠᱚᱝᱜᱨᱮᱹᱥ ᱠᱳᱨ ᱠᱚᱢᱤᱴᱤ ᱨᱮᱱ ᱥᱚᱫᱚᱥᱥᱚ ᱠᱚ|
ᱛᱚᱵᱮ ᱠᱝᱜᱨᱮᱹᱥᱟᱜ ᱢᱤᱫ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱡᱮ ᱱᱚᱣᱟ ᱦᱟᱯᱛᱟ ᱢᱩᱫᱽ ᱨᱮᱜᱮ ᱯᱩᱭᱞᱩ ᱫᱚᱯᱷᱟ ᱨᱮᱭᱟᱜ ᱯᱨᱟᱨᱛᱷᱤ ᱛᱟᱞᱤᱠᱟ ᱠᱚ ᱩᱪᱷᱟ.ᱱᱟ ᱠᱚᱝᱜᱨᱮᱹᱥ, ᱟᱨ ᱡᱟᱱᱩᱣᱟᱨᱤ ᱨᱮᱭᱟᱜ ᱒᱕ ᱛᱟᱨᱤᱠᱷ ᱢᱩᱫᱽ ᱨᱮᱜᱮ ᱡᱚᱛᱚ ᱟᱥᱚᱱ ᱨᱮ ᱯᱨᱟᱨᱛᱷᱤ ᱠᱚᱣᱟᱜ ᱧᱩᱛᱩᱢ ᱠᱚ ᱩᱪᱷᱟ.ᱱᱟ ᱠᱚᱝᱜᱨᱮᱹᱥ| ᱛᱚᱵᱮ ᱠᱚᱝᱜᱨᱮᱹᱥ ᱤᱫᱤ ᱠᱚᱛᱮᱫ ᱨᱟᱡᱽᱱᱚᱭᱛᱤᱠ ᱵᱤᱫᱽ ᱠᱚᱣᱟᱜ ᱞᱟ.ᱭ ᱫᱤᱞᱞᱤ ᱨᱮ ᱢᱤᱫ ᱟᱥᱚᱱ ᱦᱚᱸ ᱵᱟᱝ ᱧᱟᱢ ᱟᱠᱟᱫ ᱠᱚᱝᱜᱨᱮᱹᱥ ᱫᱷᱤᱨᱮ ᱪᱳᱞᱳ ᱱᱤᱛᱤ ᱠᱚ ᱟᱯᱱᱟᱨ ᱮᱫᱟ ᱠᱚᱝᱜᱨᱮᱹᱥᱟᱜ ᱱᱚᱡᱚᱨ ᱢᱮᱱᱟᱜ ᱟᱠᱟᱫᱟ ᱴᱤᱠᱤᱴ ᱵᱟᱝ ᱧᱟᱢ ᱟᱠᱟᱫ ᱟᱯ ᱟᱨ ᱵᱤᱹᱡᱮᱹᱯᱤ ᱱᱮᱛᱟ ᱥᱮᱫ| ᱛᱚᱵᱮ ᱟᱯ ᱯᱟᱨᱴᱤ ᱯᱩᱭᱞᱩ ᱟᱨ ᱫᱚᱥᱟᱨ ᱛᱷᱚᱠ ᱨᱮᱭᱟᱠ ᱯᱨᱟᱨᱛᱷᱤ ᱛᱟᱞᱤᱠᱟ ᱠᱚ ᱩᱪᱷᱟ.ᱱ ᱟᱠᱟᱫᱟ, ᱟᱨ ᱚᱱᱟ ᱨᱮ ᱴᱤᱠᱤᱴ ᱵᱟᱝ ᱧᱟᱢ ᱟᱠᱟᱫ ᱥᱤᱞᱚᱢᱯᱩᱨ ᱟᱥᱚᱱ ᱨᱮᱱ ᱟᱯ ᱵᱤᱫᱷᱟᱭᱚᱠ ᱟᱵᱽᱫᱩᱞ ᱨᱚᱦᱚᱢᱟᱱ ᱠᱚᱝᱜᱨᱮᱹᱥ ᱨᱮᱭ ᱥᱮᱞᱮᱫ ᱮᱱᱟ, ᱟᱨ ᱵᱟᱝᱢᱟ ᱩᱱᱤ ᱫᱚ ᱚᱱᱟ ᱟᱥᱚᱱ ᱠᱷᱚᱱ ᱜᱮ ᱠᱚᱝᱜᱨᱮᱹᱥ ᱠᱷᱚᱱᱟᱜ ᱜᱮ ᱯᱨᱟᱨᱛᱷᱤ ᱦᱩᱭᱩᱜᱼᱟᱭ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ|
᱒᱐᱒᱔ ᱨᱮᱭᱟᱜ ᱡᱟᱱᱩᱣᱟᱨᱤ ᱥᱮᱫ ᱜᱮ ᱢᱮᱱᱟᱜᱼᱟ ᱫᱤᱞᱞᱤ ᱨᱮ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ, ᱟᱨ ᱰᱤᱥᱮᱢᱵᱚᱨ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱜᱮ ᱤᱞᱮᱠᱥᱚᱱ ᱠᱚᱢᱤᱥᱚᱱ ᱫᱤᱞᱞᱤ ᱵᱟᱪᱷᱱᱟᱣ ᱨᱮᱭᱟᱠ ᱱᱮᱰᱟ ᱢᱟᱦᱟᱭ ᱩᱪᱷᱟ.ᱱ ᱫᱟᱲᱮᱭᱟᱜᱼᱟ ᱾ ᱚᱱᱟᱛᱮ ᱠᱮᱡᱽᱨᱤᱣᱟᱜ ᱫᱚᱞ ᱵᱟᱨ ᱫᱚᱯᱷᱟ ᱨᱮ ᱓᱑ ᱜᱚᱴᱟᱝ ᱯᱨᱟᱨᱛᱷᱤᱣᱟᱜ ᱧᱩᱛᱩᱢᱮ ᱩᱪᱷᱟ.ᱱ ᱟᱠᱚᱫᱟ| ᱒᱐᱒᱐ ᱥᱟᱞ ᱨᱮᱭᱟᱜ ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱟᱯ ᱗᱐ ᱜᱚᱴᱟᱝ ᱥᱤᱴ ᱢᱩᱫᱽ ᱨᱮ ᱖᱒ ᱜᱚᱴᱟᱝ ᱥᱤᱴ ᱠᱚ ᱡᱤᱛᱠᱟ.ᱨ ᱞᱮᱱ ᱛᱟᱦᱮᱱᱟ| ᱟᱵᱽᱜᱟᱨᱤ ᱫᱩᱨᱱᱤᱛᱤ ᱢᱟᱢᱞᱟ ᱨᱮᱱ ᱚᱵᱷᱤᱡᱩᱠᱛᱚ ᱠᱮᱡᱽᱨᱤ ᱥᱟᱲᱮ ᱱᱚ ᱵᱚᱪᱷᱚᱨ ᱥᱤᱨᱟ.ᱢᱚᱱᱛᱨᱤ ᱛᱟᱦᱮᱸ ᱠᱟᱛᱮᱫ ᱥᱮᱯᱴᱮᱢᱵᱚᱨ ᱨᱮ ᱥᱤᱨᱟ. ᱢᱚᱱᱛᱨᱤ ᱠᱷᱚᱱ ᱤᱥᱛᱷᱚᱯᱟᱭ ᱮᱢ ᱞᱮᱫ ᱛᱟᱦᱮᱱᱟ| ᱠᱮᱡᱽᱨᱤᱣᱟᱜ ᱡᱟᱭᱜᱟ ᱨᱮ ᱱᱟᱣᱟ ᱥᱤᱨᱟ. ᱢᱚᱱᱛᱨᱤ ᱦᱩᱭ ᱟᱠᱟᱱᱟᱭ ᱚᱛᱤᱥᱤ ᱢᱟᱨᱞᱮᱱᱟ| ᱟᱨ ᱱᱚᱝᱠᱟᱱ ᱯᱚᱨᱤᱥᱛᱷᱤᱛᱤ ᱨᱮᱜᱮ ᱫᱤᱞᱞᱤ ᱵᱟᱪᱷᱱᱟᱣ ᱨᱮ ᱮᱠᱞᱟᱭ ᱞᱟ.ᱲᱦᱟ.ᱭᱟ ᱟᱢ ᱟᱫᱽᱢᱤ ᱯᱟᱨᱴᱤ|
