ᱡᱷᱟᱲᱠᱷᱚᱸᱰᱺ ᱛᱮᱦᱮᱧ ᱯᱟᱹᱴᱷᱩᱣᱟᱹ ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱡᱷᱟᱲᱠᱷᱚᱸᱰ ᱵᱚᱱᱫᱷ ᱨᱮᱱᱟᱜ ᱰᱟᱠᱨᱟ ᱠᱚ ᱮᱢ ᱠᱮᱫᱟ ᱾ ᱢᱮᱱᱫᱚ ᱞᱟᱦᱟ ᱪᱟᱸᱫᱳ ᱒᱑ ᱟᱨ ᱒᱒ ᱥᱮᱯᱴᱮᱢᱵᱚᱨ ᱡᱷᱟᱲᱠᱷᱚᱸᱰ ᱯᱚᱱᱚᱛ ᱨᱮ ᱡᱮᱹᱮᱥᱹᱮᱥᱹᱥᱤ ᱥᱤᱹᱡᱤᱹᱮᱞ ᱒᱐᱒᱓ ᱵᱤᱱᱤᱰ ᱦᱩᱭ ᱞᱮᱱᱟ ᱾ ᱡᱟᱦᱟᱸᱨᱮ ᱠᱩᱠᱞᱤ ᱥᱟᱠᱟᱢ ᱞᱤᱠ ᱨᱮᱱᱟᱜ ᱠᱚ ᱟᱯᱷᱚᱫᱽ ᱟᱠᱟᱫᱟ ᱵᱤᱱᱤᱰᱤᱭᱟᱹ ᱠᱚ ᱾ ᱜᱚᱴᱟ ᱯᱚᱱᱚᱛ ᱨᱮ ᱟᱭᱢᱟ ᱯᱟᱹᱴᱷᱩᱣᱟᱹ ᱥᱟᱹᱵᱩᱫᱽ ᱠᱚ ᱦᱟᱹᱨᱼᱥᱟᱢᱴᱟᱣ ᱠᱟᱛᱮᱫ ᱵᱟᱞᱮ ᱢᱟᱦᱟ ᱚᱯᱷᱤᱥ ᱨᱮᱠᱚ ᱫᱟᱹᱠᱷᱤᱞ ᱟᱠᱟᱫᱟ ᱾
ᱛᱩᱱᱠᱷᱤ ᱨᱮ ᱚᱱᱦᱮᱲᱟ ᱨᱮᱱᱟᱜ ᱟᱯᱷᱚᱫᱽ ᱯᱟᱹᱴᱷᱩᱣᱟᱹ ᱠᱚᱣᱟᱜ
ᱯᱟᱹᱴᱷᱩᱣᱟᱹ ᱠᱚᱣᱟᱜ ᱟᱯᱷᱚᱫᱽ ᱵᱟᱞᱮ ᱢᱟᱦᱟ ᱦᱤᱞᱳᱜ ᱥᱟᱱᱟᱢ ᱥᱟᱹᱵᱩᱫᱽ ᱧᱟᱢ ᱠᱟᱛᱮ ᱨᱮᱦᱚᱸ ᱮᱸᱰᱷᱮᱞ ᱜᱤᱰᱤᱭᱮᱫᱟ ᱠᱚ ᱾ ᱱᱚᱝᱠᱟᱱ ᱦᱟᱞᱚᱛ ᱨᱮ ᱞᱟᱯᱷᱟᱝ ᱥᱟᱹᱨ ᱨᱮᱱᱟᱜ ᱛᱩᱱᱠᱷᱤ ᱞᱟᱹᱠᱛᱤᱜ ᱠᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱥᱟᱱᱟᱢ ᱯᱟᱹᱴᱷᱩᱣᱟ ᱠᱚᱣᱟᱜ ᱫᱟᱹᱵᱤ, ᱡᱷᱟᱲᱠᱷᱚᱸᱰ ᱥᱚᱨᱠᱟᱨ ᱱᱚᱣᱟ ᱵᱤᱱᱤᱰ ᱵᱟᱵᱚᱫᱽ ᱱᱟᱯᱟᱭ ᱥᱟᱺᱦᱤᱡᱼᱮ ᱛᱩᱞᱟᱹᱡᱚᱠᱷᱟᱭ ᱢᱟ ᱟᱨ ᱱᱚᱣᱟ ᱵᱤᱱᱤᱰ ᱵᱟᱹᱛᱤᱞ ᱢᱮᱱᱛᱮᱭ ᱩᱪᱷᱟᱹᱱ ᱢᱟ ᱾ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱱᱚᱣᱟ ᱫᱟᱹᱵᱤ ᱥᱟᱢᱟᱝ ᱨᱮ ᱫᱚᱦᱚ ᱠᱟᱛᱮᱫ ᱡᱷᱟᱲᱠᱷᱚᱸᱰ ᱵᱚᱱᱫᱷ ᱨᱮᱱᱟᱜ ᱠᱚ ᱰᱟᱠᱨᱟᱣᱟᱠᱟᱫᱟ ᱾ ᱱᱚᱣᱟ ᱵᱚᱱᱫᱷ ᱨᱮᱱᱟᱜ ᱮᱥᱮᱨ ᱧᱮᱞᱧᱟᱢ ᱟᱠᱟᱱᱟ ᱥᱟᱦᱮᱵᱽᱜᱚᱧᱡᱽ ᱨᱮᱦᱚᱸ ᱾
