ᱜᱚᱴᱟ ᱫᱤᱥᱚᱢ ᱨᱮ ᱪᱟᱞᱟᱜ ᱠᱟᱱᱟ ᱯᱩᱥᱯᱟ ᱒ ᱢᱩᱵᱷᱤ ᱨᱮᱱᱟᱜ ᱪᱟᱨᱪᱟ ᱾ ᱠᱚᱰᱨᱟ ᱮᱠᱥᱮᱱ, ᱰᱟᱭᱞᱚᱜᱽ ᱟᱨ ᱟᱞᱞᱩ ᱚᱨᱡᱩᱱᱟᱜ ᱥᱴᱟᱭᱤᱞ ᱾ ᱥᱟᱱᱟᱢᱟᱜ ᱜᱮ ᱱᱤᱛ ᱪᱟᱨᱪᱟ ᱨᱮ ᱾ ᱟᱛᱮᱱ ᱞᱮᱠᱷᱟᱱ ᱜᱮ ᱜᱚᱴᱟ ᱯᱟᱦᱴᱟ ᱟᱸᱡᱚᱢᱚᱜ ᱠᱟᱱᱟ ᱡᱷᱩᱠᱮᱹᱜᱟ ᱱᱮᱹᱦᱤ ………. ᱧᱮᱞ ᱟᱨ ᱟᱸᱡᱚᱢ ᱛᱮ ᱢᱚᱱᱮ ᱦᱩᱭᱩᱜᱼᱟ ᱯᱩᱥᱯᱟ ᱒ ᱴᱚᱠᱠᱚᱨ ᱮᱢ ᱞᱟᱹᱜᱤᱫ ᱥᱤᱱᱮᱹᱢᱟᱜᱮ ᱟᱨ ᱵᱟᱝ ᱛᱮᱭᱟᱨ ᱟᱠᱟᱱᱟ ᱾ ᱢᱮᱱᱠᱷᱟᱱ ᱚᱱᱟ ᱛᱟᱭᱚᱢ ᱜᱮ ᱥᱚᱫᱚᱨᱮᱱᱟ ᱢᱟᱞᱟᱭᱟᱞᱚᱢ ᱢᱩᱵᱷᱤ ᱢᱟᱨᱠᱳ ᱾
᱒᱐ ᱰᱤᱥᱮᱹᱢᱵᱚᱨ ᱨᱤᱞᱤᱡᱽ ᱟᱠᱟᱱᱟ ᱢᱟᱨᱠᱳ
᱒᱐ ᱰᱤᱥᱮᱹᱢᱵᱚᱨ ᱦᱤᱞᱳᱜ ᱨᱤᱞᱤᱡᱽ ᱟᱠᱟᱱᱟ ᱢᱟᱞᱟᱭᱟᱞᱚᱢ ᱢᱩᱵᱷᱤ ᱢᱟᱨᱠᱳ ᱾ ᱢᱟᱛᱨᱚ ᱯᱮ ᱫᱤᱱ ᱛᱮ ᱨᱟᱠᱟᱵ ᱟᱠᱟᱱᱟ ᱵᱟᱡᱮᱹᱴ ᱨᱮᱱᱟᱜ ᱠᱟᱹᱣᱰᱤ ᱾ ᱵᱚᱠᱥ ᱚᱯᱷᱤᱥ ᱦᱩᱞᱟᱹᱼᱪᱟᱢᱠᱟᱣ ᱟᱠᱟᱫᱟᱭ ᱢᱟᱨᱠᱳ ᱾ ᱡᱟᱦᱟᱸᱞᱮᱠᱟ ᱥᱯᱤᱰ ᱛᱮ ᱢᱟᱨᱠᱳ ᱞᱟᱦᱟ ᱪᱟᱞᱟᱜ ᱠᱟᱱᱟᱭ ᱢᱚᱱᱮ ᱦᱩᱭᱩᱜ ᱠᱟᱱᱟ ᱵᱤᱨᱮᱹᱱᱫᱨᱚ ᱥᱮᱦᱚᱵᱟᱜᱟᱜ ᱵᱮᱴᱤᱝ ᱾ ᱟᱨᱡᱟᱣ ᱥᱮᱫ ᱞᱮᱠᱟᱛᱮ ᱯᱩᱥᱯᱟ ᱒ ᱠᱷᱚᱱᱮ ᱞᱟᱦᱟᱭᱮᱱᱟ ᱾ ᱢᱤᱫᱴᱟᱝ ᱯᱚᱨᱤᱥᱚᱝᱠᱷᱟᱱ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱢᱩᱠᱛᱤ ᱨᱮᱱᱟᱜ ᱯᱩᱭᱞᱩ ᱫᱤᱱ ᱨᱮ ᱢᱟᱨᱠᱳ ᱟᱨᱡᱟᱣᱟᱠᱟᱫᱟᱭ ᱔.᱓ ᱠᱳᱴᱤ ᱴᱟᱠᱟ ᱾ ᱱᱚᱣᱟ ᱢᱩᱫᱽ ᱨᱮ ᱢᱟᱞᱟᱭᱟᱞᱚᱢ ᱯᱟᱹᱨᱥᱤ ᱛᱮ ᱟᱨᱡᱟᱣᱟᱠᱟᱫᱟᱭ ᱔.᱒᱙ ᱠᱳᱴᱤ ᱴᱟᱠᱟ ᱾ ᱟᱨ ᱦᱤᱱᱫᱤ ᱠᱷᱚᱱ ᱟᱨᱡᱟᱣ ᱦᱩᱭ ᱟᱠᱟᱱᱟ ᱑ ᱞᱟᱠᱷ ᱴᱟᱠᱟ ᱾ ᱫᱚᱥᱟᱨ ᱫᱤᱱ ᱟᱨᱡᱟᱣ ᱦᱩᱭ ᱟᱠᱟᱱᱟ ᱔.᱖᱕ ᱠᱳᱴᱤ ᱴᱟᱠᱟ ᱾ ᱱᱚᱣᱟ ᱢᱩᱫᱽ ᱨᱮ ᱢᱟᱞᱟᱭᱟᱞᱚᱢ ᱠᱷᱚᱱ ᱟᱨᱡᱟᱣ ᱦᱩᱭ ᱟᱠᱟᱱᱟ ᱔ᱹ᱖᱓ ᱠᱳᱴᱤ ᱴᱟᱠᱟ ᱟᱨ ᱦᱤᱱᱫᱤ ᱠᱷᱚᱱ ᱒ ᱞᱟᱠᱷ ᱴᱟᱠᱟ ᱾ ᱛᱮᱥᱟᱨ ᱫᱤᱱ ᱟᱨᱡᱟᱣ ᱦᱩᱭ ᱟᱠᱟᱱᱟ ᱕.᱒᱕ ᱠᱳᱴᱤ ᱴᱟᱠᱟ ᱾ ᱜᱚᱴᱟ ᱫᱤᱥᱚᱢ ᱨᱮ ᱢᱟᱨᱠᱳ ᱢᱩᱵᱷᱤ ᱨᱮᱱᱟᱜ ᱢᱳᱴ ᱟᱭ ᱦᱩᱭ ᱟᱠᱟᱱᱟ ᱑᱔.᱒᱐ ᱠᱳᱴᱤ ᱴᱟᱠᱟ ᱾ ᱱᱤᱛ ᱦᱟᱹᱵᱤᱡ ᱜᱚᱴᱟ ᱡᱮᱜᱮᱫ ᱨᱮ ᱢᱟᱨᱠᱳ ᱢᱩᱵᱷᱤᱭ ᱟᱨᱡᱟᱣᱟᱠᱟᱫᱟ ᱓᱐ ᱠᱳᱴᱤ ᱴᱟᱠᱟ ᱠᱷᱚᱱᱦᱚᱸ ᱡᱟᱹᱥᱛᱤ ᱾ ᱱᱚᱣᱟ ᱢᱩᱵᱷᱤ ᱨᱮ ᱚᱵᱷᱤᱱᱚᱭ ᱟᱠᱟᱫᱟᱠᱚ ᱩᱱᱱᱤ ᱢᱩᱠᱩᱱᱫᱽ, ᱥᱤᱫᱽᱫᱤᱠ, ᱡᱚᱜᱽᱫᱤᱥ, ᱮᱱᱥᱚᱱ ᱯᱚᱞ, ᱠᱚᱵᱤᱨ ᱫᱩᱦᱟᱱ ᱥᱤᱝ, ᱡᱩᱠᱛᱤ ᱛᱨᱮᱹᱡᱟ ᱟᱨ ᱥᱨᱤᱡᱤᱛ ᱨᱚᱵᱤ ᱥᱟᱶᱛᱮ ᱟᱨᱦᱚᱸ ᱮᱢᱟᱱᱠᱚ ᱾
