highlight
ᱰᱤ ᱮ ᱵᱟᱹᱲᱛᱤ ᱠᱮᱫᱟᱭ ᱛᱟᱢᱞᱟ ᱥᱚᱨᱠᱟᱨ
᱓% ᱰᱤ ᱮ ᱵᱟᱹᱲᱛᱤ ᱮᱱᱟ ᱛᱟᱞᱢᱟ ᱥᱚᱨᱠᱟᱨ ᱨᱮ ᱠᱚᱨᱢᱚᱪᱟᱹᱨᱤ ᱠᱚᱣᱟᱜ
ᱠᱮᱱᱫᱨᱚ ᱥᱚᱨᱠᱟᱨ ᱥᱟᱶ ᱨᱟᱡᱽᱡᱚᱣᱟᱜ ᱰᱤ ᱮ ᱨᱮᱭᱟᱜ ᱯᱷᱟᱨᱟᱠ ᱓᱙%
(PAPUL MURMU) 3% DA increased by the central govt : ᱟᱨᱦᱚᱸ ᱵᱟᱹᱲᱛᱤ ᱮᱱᱟ ᱰᱤ ᱮ (DA), ᱠᱮᱱᱫᱨᱚ ᱥᱚᱨᱠᱟᱨ ᱨᱮᱱ ᱠᱟᱹᱢᱤᱭᱟᱹ ᱠᱚ ᱞᱟᱹᱜᱤᱫ ᱨᱟᱹᱥᱠᱟᱹ ᱥᱟᱸᱫᱮᱹᱥ, ᱵᱟᱹᱲᱛᱤ ᱮᱱᱟ ᱯᱮ ᱯᱟᱨᱥᱮᱱᱴ ᱰᱤ ᱮ ᱾ ᱠᱮᱱᱫᱨᱤᱭᱚ ᱢᱚᱱᱛᱨᱤᱥᱚᱵᱷᱟ ᱨᱮᱭᱟᱜ ᱵᱚᱭᱴᱷᱚᱠ ᱨᱮ ᱓% ᱰᱤ ᱮ ᱵᱟᱹᱲᱛᱤ ᱨᱮᱭᱟᱜ ᱚᱱᱩᱢᱳᱫᱚᱱ ᱧᱟᱢ ᱟᱠᱟᱱᱟ ᱾ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱠᱟᱹᱞᱤᱯᱩᱡᱟᱹ ᱞᱟᱦᱟ ᱨᱮ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱨᱮᱱ ᱠᱟᱹᱢᱤᱭᱟᱹ ᱠᱚᱣᱟᱜ ᱰᱤ ᱮ ᱵᱟᱹᱲᱛᱤ ᱨᱮᱭᱟᱜ ᱠᱟᱛᱷᱟ ᱛᱟᱦᱮᱸ ᱠᱟᱱᱟ, ᱟᱨ ᱚᱱᱟ ᱨᱮ ᱥᱤᱞᱢᱳᱦᱚᱨᱮ ᱮᱢ ᱠᱮᱫᱟ ᱠᱮᱱᱰᱨᱤᱭᱚ ᱢᱚᱱᱛᱨᱤᱥᱚᱵᱷᱟ ᱾ ᱓% ᱰᱤ ᱮ ᱵᱟᱹᱲᱛᱤ ᱛᱟᱭᱚᱢ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱨᱮᱱ ᱠᱚᱨᱢᱚᱪᱟᱹᱨᱤ ᱠᱚᱣᱟᱜ ᱰᱤ ᱮ ᱦᱩᱭ ᱮᱱᱟ ᱕᱓% ᱾ ᱩᱱᱟᱹᱜ ᱫᱤᱱ ᱠᱷᱚᱱ ᱕᱐% ᱰᱤ ᱮ ᱠᱚ ᱧᱟᱢ ᱟᱹᱜᱩᱭᱮᱫ ᱛᱟᱦᱮᱸ ᱠᱟᱱᱟ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱨᱮᱱ ᱠᱟᱹᱢᱤᱭᱟᱹ ᱠᱚ ᱾
ᱛᱚᱵᱮ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱡᱟᱦᱟᱸ ᱓% ᱰᱤ ᱮ ᱵᱟᱹᱲᱛᱤ ᱠᱮᱫᱟᱭ ᱚᱱᱟ ᱫᱚ ᱞᱟᱹᱜᱩᱼᱟ ᱒᱐᱒᱕ ᱨᱮᱭᱟᱜ ᱡᱩᱞᱟᱭ ᱪᱟᱸᱫᱳ ᱠᱷᱚᱱ ᱾ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱓% ᱰᱤ ᱮ ᱵᱟᱹᱲᱛᱤ ᱠᱮᱫ ᱛᱮ ᱨᱟᱡᱽᱡᱚ ᱥᱚᱨᱠᱟᱨ ᱨᱮᱱ ᱠᱟᱢᱤᱭᱟᱹ ᱠᱚ ᱥᱟᱞᱟᱜ ᱰᱤ ᱮ ᱨᱮᱭᱟᱜ ᱯᱷᱟᱨᱟᱠ ᱟᱹᱰᱤ ᱵᱟᱹᱲᱛᱤᱭᱮᱱᱟ ᱾ ᱩᱱᱟᱹᱜ ᱫᱤᱱ ᱠᱷᱚᱱ ᱨᱟᱡᱽᱡᱚ ᱥᱟᱶ ᱠᱮᱱᱫᱨᱚ ᱥᱚᱨᱠᱟᱨ ᱨᱮᱱ ᱠᱟᱹᱢᱤᱭᱟᱹ ᱠᱚ ᱢᱩᱫᱽ ᱨᱮ ᱰᱤ ᱮ ᱨᱮᱭᱟᱜ ᱯᱷᱟᱨᱟᱠ ᱛᱟᱦᱮᱸ ᱠᱟᱱᱟ ᱓᱖%, ᱢᱮᱱᱠᱷᱟᱱ ᱱᱤᱛ ᱚᱱᱟ ᱯᱷᱟᱨᱟᱠ ᱵᱟᱹᱲᱛᱤᱭᱮᱱᱟ ᱓᱙% ᱾ ᱨᱟᱡᱽᱡᱚ ᱥᱚᱨᱠᱟᱨ ᱨᱮᱱ ᱠᱚᱨᱢᱚᱪᱟᱹᱨᱤ ᱠᱚ ᱱᱟᱦᱟᱜ ᱚᱠᱛᱚ ᱨᱮ ᱑᱔% ᱰᱤ ᱮ ᱠᱚ ᱧᱟᱢ ᱮᱫᱟ ᱡᱟᱦᱟᱸ ᱫᱚ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱓᱙% ᱠᱚᱢ
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱯᱟᱨᱚᱢᱮᱱ ᱮᱯᱨᱤᱞ ᱪᱟᱸᱫᱳ ᱨᱮ ᱰᱤ ᱮ ᱵᱟᱹᱲᱛᱤ ᱞᱮᱱᱟ ᱨᱟᱡᱽᱡᱚ ᱥᱚᱨᱠᱟᱨ ᱨᱮᱱ ᱠᱚᱨᱢᱚᱪᱟᱹᱨᱤ ᱠᱚᱣᱟᱜ ᱾ ᱩᱱ ᱚᱠᱛᱚ ᱰᱤ ᱮ ᱵᱟᱹᱲᱛᱤ ᱞᱮᱱᱟ ᱔%, ᱡᱟᱦᱟᱸ ᱫᱚ ᱒᱐᱒᱓ ᱨᱮᱭᱟᱜ ᱰᱤᱥᱮᱢᱵᱚᱨ ᱨᱮ ᱯᱟᱨᱠᱥᱴᱨᱤᱴ ᱨᱮ ᱵᱚᱲᱚ ᱫᱤᱱ ᱨᱮᱭᱟᱜ ᱩᱰᱷᱟᱹᱣ ᱥᱟᱹᱜᱩᱱ ᱠᱷᱚᱱ ᱔% ᱰᱤ ᱮ ᱵᱟᱹᱲᱛᱤ ᱨᱮᱭᱟᱜ ᱠᱟᱛᱷᱟᱭ ᱜᱷᱳᱥᱚᱱᱟ ᱞᱮᱫᱟ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱚᱱᱫᱳᱯᱟᱫᱽᱫᱷᱟᱭ ᱾
