(PAPUL MURMU) next Chief Justice of India?
ᱫᱤᱥᱚᱢ ᱨᱮᱱ ᱛᱟᱭᱚᱢ ᱫᱟᱨᱟᱢ ᱯᱨᱚᱫᱷᱟᱱ (CJI) ᱵᱤᱪᱟᱨᱯᱚᱛᱤ ᱦᱩᱭᱩᱜ ᱠᱟᱱᱟᱭ ᱵᱤᱪᱟᱨᱯᱚᱛᱤ ᱥᱚᱧᱡᱤᱵᱽ ᱠᱷᱟᱱᱱᱟ ᱾ ᱟᱹᱨᱤ ᱢᱟᱱᱟᱣ ᱠᱟᱛᱮᱫ ᱜᱮ ᱨᱤᱴᱟᱭᱟᱨᱢᱮᱱᱴ ᱞᱟᱦᱟ ᱨᱮ ᱛᱟᱭᱚᱢ ᱫᱟᱨᱟᱢ ᱯᱨᱚᱫᱷᱟᱱ ᱵᱤᱪᱟᱨᱯᱚᱛᱤᱭᱟᱜ ᱧᱩᱛᱩᱢ ᱛᱟᱞᱢᱟ ᱥᱚᱨᱠᱟᱨ ᱴᱷᱮᱱᱮ ᱥᱩᱯᱟᱨᱤᱥ ᱠᱮᱫᱟ D Y ᱪᱚᱱᱫᱨᱚᱪᱩᱲ ᱾ ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱥᱚᱧᱡᱤᱵᱽ ᱠᱷᱟᱱᱱᱟ ᱜᱮ ᱫᱤᱥᱚᱢ ᱨᱮᱱ ᱯᱩᱭᱞᱩ ᱯᱨᱚᱫᱷᱟᱱ ᱵᱤᱪᱟᱨᱯᱚᱛᱤ ᱦᱩᱭᱩᱜᱼᱟᱭ ᱡᱟᱦᱟᱸᱭ ᱫᱚ ᱛᱤᱥ ᱦᱚᱸ ᱯᱨᱚᱫᱷᱟᱱ ᱵᱤᱪᱟᱨᱯᱚᱛᱤ ᱞᱮᱠᱟᱛᱮ ᱵᱟᱝᱼᱮ ᱠᱟᱹᱢᱤᱭᱟᱠᱟᱫᱟ ᱾
ᱫᱟᱨᱟᱭ ᱠᱟᱱ ᱑᱐ ᱱᱚᱵᱷᱮᱢᱵᱚᱨ ᱨᱮ CJI ᱪᱚᱱᱫᱨᱚᱪᱩᱲᱟᱜ ᱢᱮᱭᱟᱫᱽ ᱪᱟᱵᱟ ᱛᱟᱭᱚᱢ ᱜᱮ ᱥᱤᱱᱤᱭᱟᱨ ᱢᱳᱥᱴ ᱵᱤᱪᱟᱨᱯᱚᱛᱤ ᱥᱚᱧᱡᱤᱵᱽ ᱠᱷᱟᱱᱱᱟ ᱜᱮ ᱯᱨᱚᱫᱷᱟᱱ ᱵᱤᱪᱟᱨᱯᱚᱛᱤ ᱞᱮᱠᱟᱛᱮ ᱫᱟᱭᱵᱷᱟᱨᱮ ᱦᱟᱛᱟᱣᱟ ᱾ ᱫᱤᱥᱚᱢ ᱨᱮ ᱕᱑ ᱟᱱᱟᱝ ᱯᱨᱚᱫᱷᱟᱱ ᱵᱤᱪᱟᱨᱯᱚᱛᱤ ᱦᱩᱭᱩᱜ ᱠᱟᱱᱟᱭ ᱥᱚᱧᱡᱤᱵᱽ ᱠᱷᱟᱱᱱᱟ ᱾ ᱛᱚᱵᱮ ᱚᱱᱟ ᱦᱩᱫᱟᱹ ᱨᱮ ᱛᱩᱨᱩᱭ ᱪᱟᱸᱫᱳ ᱜᱮ ᱠᱟᱹᱢᱤ ᱫᱟᱲᱮᱜᱼᱟᱭ, ᱪᱮᱫᱟᱜ ᱥᱮ ᱒᱐᱒᱕ ᱥᱟᱹᱦᱤᱛ ᱨᱮᱭᱟᱜ ᱑᱓ ᱢᱮ ᱨᱮ ᱨᱤᱴᱟᱭᱟᱨᱢᱮᱱᱴᱮ ᱦᱟᱛᱟᱣᱟ ᱠᱷᱟᱱᱱᱟ ᱾
ᱥᱩᱯᱨᱤᱢ ᱠᱳᱨᱴ ᱨᱮᱭᱟᱜ ᱠᱚᱞᱮᱡᱤᱭᱟᱢ ᱥᱤᱥᱴᱮᱹᱢ ᱞᱮᱠᱟᱛᱮ ᱡᱟᱦᱟᱸᱭ ᱯᱨᱚᱫᱷᱟᱱ ᱵᱤᱪᱟᱨᱯᱚᱛᱤ ᱠᱚ ᱛᱟᱦᱮᱱᱟ, ᱩᱱᱠᱩ ᱜᱮ ᱟᱠᱚᱣᱟᱜ ᱨᱤᱴᱟᱭᱟᱨᱢᱮᱱᱴ ᱞᱟᱦᱟ ᱨᱮ ᱛᱟᱭᱚᱢ ᱫᱟᱨᱟᱢ ᱯᱨᱚᱫᱷᱟᱱ ᱵᱤᱪᱟᱨᱯᱚᱛᱤᱭᱟᱜ ᱧᱩᱛᱩᱢ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱴᱷᱮᱱᱮ ᱥᱩᱯᱟᱨᱤᱥᱟ ᱾ ᱟᱨ ᱚᱱᱟ ᱞᱮᱠᱟᱛᱮ ᱠᱮᱱᱫᱨᱚ ᱦᱚᱸ ᱚᱱᱟ ᱧᱩᱛᱩᱢ ᱨᱮ ᱥᱚᱢᱢᱚᱛᱤ ᱮᱢ ᱟᱠᱟᱫᱟᱭ ᱾
ᱥᱚᱧᱡᱤᱵᱽ ᱠᱷᱟᱱᱱᱟ ᱱᱚᱣᱟ ᱞᱟᱦᱟ ᱛᱤᱥ ᱦᱚᱸ ᱯᱨᱚᱫᱷᱟᱱ ᱵᱤᱪᱟᱨᱯᱚᱛᱤ ᱞᱮᱠᱟᱛᱮ ᱵᱟᱝᱼᱮ ᱠᱟᱹᱢᱤ ᱟᱠᱟᱫ ᱨᱮᱦᱚᱸ ᱟᱭᱤᱱᱤ ᱯᱮᱥᱟ ᱥᱟᱶᱛᱮ ᱡᱚᱯᱲᱟᱣ ᱢᱮᱱᱟᱭᱟ ᱔ ᱫᱚᱥᱚᱠ ᱠᱷᱚᱱ ᱦᱚᱸ ᱵᱟᱹᱲᱛᱤ ᱚᱠᱛᱚ ᱠᱷᱚᱱ ᱾ ᱥᱚᱧᱡᱤᱵᱽ ᱠᱷᱟᱱᱱᱟ ᱟᱭᱤᱱᱡᱤᱵᱤ ᱞᱮᱠᱟᱛᱮ ᱠᱟᱹᱢᱤ ᱮᱛᱚᱦᱚᱵ ᱞᱮᱫᱟᱭ ᱑᱙᱘᱓ ᱥᱟᱹᱦᱤᱛ ᱨᱮ ᱟᱨ ᱚᱱᱟ ᱛᱟᱭᱚᱢ ᱒᱐᱐᱕ ᱨᱮ ᱫᱤᱞᱞᱤ ᱦᱟᱭ ᱠᱳᱨᱴ ᱨᱮ ᱚᱛᱤᱨᱤᱠᱛᱚ ᱵᱤᱪᱟᱨᱯᱚᱛᱤ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟᱭ ᱾᱒᱐᱑᱙ ᱥᱟᱹᱦᱤᱛ ᱨᱮᱭᱟᱜ ᱑᱘ ᱡᱟᱱᱩᱣᱟᱨᱤ ᱵᱤᱪᱟᱨᱯᱚᱛᱤ ᱠᱷᱟᱱᱱᱟ ᱫᱚ ᱥᱩᱯᱨᱤᱢᱠᱳᱨᱴ ᱨᱮᱱ ᱵᱤᱪᱟᱨᱯᱚᱛᱤ ᱞᱮᱠᱟᱛᱮ ᱵᱟᱪᱷᱱᱟᱣ ᱞᱮᱱ ᱛᱟᱦᱮᱱᱟᱭ ᱾
ᱵᱤᱪᱟᱨᱯᱚᱛᱤ ᱠᱷᱟᱱᱱᱟ ᱟᱡᱟᱜ ᱠᱟᱹᱢᱤ ᱠᱟᱞ ᱨᱮ ᱵᱮᱥ ᱠᱤᱪᱷᱩ ᱨᱟᱭᱮ ᱮᱢ ᱟᱠᱟᱫᱟ ᱾ ᱡᱟᱦᱟᱸ ᱫᱚ ᱥᱮᱱᱴᱨᱟᱞ ᱵᱷᱤᱥᱛᱟ ᱯᱨᱚᱠᱚᱞᱯᱚ ᱨᱮ ᱥᱚᱢᱢᱚᱛᱤ ᱮᱢ, ᱓᱗᱐ ᱫᱷᱟᱨᱟ ᱵᱟᱹᱛᱤᱞ ᱟᱨ ᱤᱞᱮᱴᱳᱨᱟᱞ ᱢᱟᱢᱞᱟ ᱨᱮ ᱨᱟᱭᱮ ᱮᱢ ᱟᱠᱟᱫᱟ ᱾
