(PAPUL MURMU) LK ADVANI IN HOSPITAL : ᱟᱪᱠᱟ ᱜᱮ ᱦᱚᱲᱢᱚ ᱵᱟᱹᱲᱤᱡᱼᱮᱱ ᱛᱟᱭᱟ ᱵᱤᱹᱡᱮᱹᱯᱤ ᱨᱮᱱ ᱢᱟᱨᱟᱝ ᱟᱹᱜᱩᱣᱟᱹᱱ ᱟᱨᱵᱟᱝ ᱫᱤᱥᱚᱢ ᱨᱮᱱ ᱢᱟᱨᱮ ᱩᱯᱚᱼᱯᱨᱚᱫᱷᱟᱱ ᱢᱚᱱᱛᱨᱤ ᱞᱟᱞ ᱠᱨᱤᱥᱱᱚ ᱟᱰᱵᱟᱱᱤ᱾ ᱛᱚᱵᱮ ᱦᱚᱲᱢᱚ ᱵᱟᱹᱲᱤᱡ ᱥᱟᱶᱛᱮ ᱜᱮ ᱛᱤᱠᱪᱷᱟᱹ ᱞᱟᱹᱜᱤᱫ ᱫᱤᱞᱞᱤ ᱨᱮᱭᱟᱜ ᱢᱤᱫ ᱦᱟᱥᱯᱟᱛᱟᱞ ᱨᱮ ᱵᱷᱩᱨᱛᱤ ᱦᱩᱭ ᱟᱠᱟᱱᱟ᱾
ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱡᱮ ᱡᱟᱹᱨᱩᱢ ᱢᱟᱦᱟ ᱦᱤᱞᱳᱜ ᱜᱮ ᱦᱚᱲᱢᱚ ᱵᱟᱹᱲᱤᱡ ᱞᱮᱱ ᱛᱟᱭᱟ ᱟᱰᱵᱟᱱᱤᱣᱟᱜ ᱾ ᱟᱨ ᱚᱱᱟ ᱛᱟᱭᱚᱢ ᱫᱤᱞᱞᱤ ᱨᱮ ᱦᱟᱥᱯᱟᱛᱟᱞ ᱨᱮ ᱵᱷᱳᱨᱛᱤ ᱛᱟᱭᱚᱢ ᱜᱮ ᱰᱚᱠᱴᱚᱨ ᱵᱤᱱᱤᱛ ᱥᱩᱨᱤᱭᱟᱜ ᱱᱮᱛᱨᱤᱛᱛᱚ ᱨᱮ ᱵᱮᱱᱟᱣ ᱟᱠᱟᱱ ᱢᱤᱫ ᱠᱚᱢᱤᱴᱤᱣᱟᱜ ᱯᱚᱨᱡᱚᱵᱮᱠᱠᱷᱚᱱ ᱨᱮ ᱢᱮᱱᱟᱭᱟ ᱞᱟᱞ ᱠᱨᱤᱥᱱᱚ ᱟᱰᱵᱟᱱᱤ᱾ ᱛᱚᱵᱮ ᱦᱟᱥᱯᱟᱛᱟᱞ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱟᱰᱵᱟᱱᱤᱣᱟᱜ ᱥᱟᱨᱤᱨᱤᱠ ᱚᱵᱚᱥᱷᱟ ᱱᱤᱛ ᱱᱟᱯᱟᱭ ᱜᱮ ᱢᱮᱱᱟᱜ ᱟᱠᱟᱫ ᱛᱟᱭᱟ᱾
ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱱᱚᱣᱟ ᱥᱮᱨᱢᱟ ᱨᱮ ᱵᱮᱥ ᱠᱚᱭᱮᱠ ᱵᱟᱨ ᱦᱟᱥᱯᱟᱛᱟᱞ ᱨᱮ ᱵᱷᱩᱨᱛᱤ ᱦᱩᱭ ᱞᱮᱞ ᱛᱟᱦᱮᱱᱟ ᱞᱟᱞ ᱠᱨᱤᱥᱱᱚ ᱟᱰᱵᱟᱱᱤ᱾
ᱞᱟᱞ ᱠᱨᱤᱥᱱᱚ ᱟᱰᱵᱟᱱᱤ ᱫᱚ ᱚᱵᱷᱤᱵᱷᱩᱠᱛᱚ ᱵᱷᱟᱨᱚᱛ ᱨᱮᱭᱟᱜ ᱠᱚᱨᱟᱪᱤ ᱨᱮ ᱑᱙᱒᱗ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱱᱟᱭ ᱾ ᱟᱨ ᱨᱟᱡᱽᱱᱚᱭᱛᱤᱠ ᱡᱤᱭᱚᱱ ᱮᱦᱚᱵ ᱞᱮᱫᱟᱭ ᱨᱟᱥᱴᱨᱤᱭᱚ ᱥᱚᱭᱚᱝ ᱥᱮᱵᱚᱠ ᱥᱚᱝᱜᱷᱚ ᱠᱷᱚᱱ ᱾ ᱟᱨ ᱚᱱᱟ ᱛᱟᱭᱚᱢ ᱵᱟᱹᱭᱼᱵᱟᱹᱭᱛᱮ ᱡᱟᱭᱜᱟᱭ ᱵᱮᱱᱟᱣ ᱠᱮᱫᱟ ᱵᱷᱟᱨᱚᱛ ᱨᱮᱭᱟᱜ ᱨᱟᱡᱽᱱᱤᱛᱤ ᱨᱮ ᱾ ᱑᱙᱘᱐ ᱨᱮ ᱵᱤᱹᱡᱮᱹᱯᱤ ᱨᱮᱱ ᱡᱟᱛᱤᱭᱚ ᱥᱚᱵᱷᱟᱯᱚᱛᱤ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱑᱙᱙᱘ ᱠᱷᱚᱱ ᱒᱐᱐᱔ ᱦᱟᱹᱵᱤᱡ ᱫᱤᱥᱚᱢ ᱨᱮᱱ ᱥᱚᱨᱟᱥᱴᱨᱚ ᱢᱚᱱᱛᱨᱤ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟᱭ ᱾ ᱒᱐᱑᱕ ᱥᱟᱹᱦᱤᱛ ᱨᱮ ᱯᱚᱫᱽᱫᱚᱵᱷᱩᱥᱚᱱ ᱟᱨ ᱒᱐᱒᱔ ᱨᱮ ᱵᱷᱟᱨᱚᱛ ᱨᱚᱛᱱᱚ ᱦᱚᱸᱭ ᱧᱟᱢ ᱟᱠᱟᱫᱟ ᱞᱟᱞ ᱠᱨᱤᱥᱱᱚ ᱾
