(PAPUL MUMU) BJP wants to stand by doctors : ᱵᱤᱡᱚᱭᱟ ᱫᱚᱥᱚᱢᱤ ᱦᱤᱞᱳᱜ ᱵᱮᱝᱜᱚᱞ ᱥᱚᱯᱷᱚᱨ ᱨᱮᱭ ᱛᱟᱦᱮᱸ ᱠᱟᱱᱟ ᱥᱚᱝᱜᱷᱚ ᱯᱨᱚᱫᱷᱟᱱ ᱢᱳᱦᱚᱱ ᱵᱷᱟᱜᱽᱵᱚᱛ ᱾ ᱠᱳᱞᱠᱟᱛᱟ ᱠᱷᱚᱱ ᱟᱨ ᱡᱤ ᱠᱚᱨ ᱤᱫᱤ ᱠᱟᱛᱮᱫ ᱠᱟᱛᱷᱟ ᱨᱚᱲ ᱛᱟᱭᱚᱢ ᱜᱮ ᱥᱤ ᱯᱤ ᱮᱢᱟᱜ ᱰᱟᱦᱟᱨᱮ ᱟᱯᱱᱟᱨ ᱠᱮᱫᱟ ᱵᱤ ᱡᱮ ᱯᱤ ᱾ ᱡᱩᱱᱤᱭᱟᱨ ᱰᱟᱠᱛᱟᱨ ᱠᱚᱣᱟᱜ ᱞᱟᱹᱲᱦᱟᱹᱭ ᱨᱮ ᱵᱤ ᱡᱮ ᱯᱤ ᱠᱚᱨᱢᱤ ᱠᱚ ᱩᱱᱠᱩ ᱯᱟᱥᱮ ᱨᱮ ᱛᱟᱦᱮᱱ ᱨᱮᱭᱟᱜ ᱱᱤᱨᱫᱮᱹᱥᱮ ᱮᱢᱟᱜ ᱠᱚᱣᱟ ᱥᱩᱠᱟᱱᱛᱚ ᱢᱚᱡᱩᱢᱫᱟᱨ ᱾
ᱪᱮᱫᱟᱜ ᱥᱮ ᱰᱟᱠᱛᱟᱨ ᱠᱚᱣᱟᱜ ᱞᱟᱹᱭ ᱫᱚᱞᱤᱭᱚ ᱥᱟᱨᱛᱷᱚ ᱵᱟᱹᱜᱤ ᱠᱟᱛᱮᱫ ᱡᱟᱦᱟᱸᱭ ᱠᱚ ᱰᱟᱠᱛᱟᱨ ᱠᱚᱣᱟᱜ ᱦᱚᱠ ᱞᱟᱹᱲᱦᱟᱹᱭ ᱨᱮ ᱥᱮᱞᱮᱫ ᱨᱮᱭᱟᱜ ᱤᱪᱪᱷᱟᱹ ᱢᱮᱱᱟᱜ ᱠᱷᱟᱱ ᱥᱮᱞᱮᱫ ᱫᱟᱲᱮᱭᱟᱠᱚ ᱾ ᱥᱤᱸᱜᱮ ᱢᱟᱦᱟ ᱦᱤᱞᱳᱜ ᱵᱤ ᱡᱮ ᱯᱤ ᱯᱟᱥᱴᱟ ᱠᱷᱚᱱ ᱢᱤᱫ ᱱᱳᱴᱤᱥ ᱡᱟᱹᱨᱤ ᱦᱩᱭ ᱟᱠᱟᱱᱟ ᱡᱟᱦᱟᱸ ᱨᱮ ᱵᱤ ᱡᱮ ᱯᱤ ᱨᱮᱱ ᱯᱚᱱᱚᱛ ᱯᱟᱨᱥᱮᱫ ᱥᱩᱠᱟᱱᱛᱚ ᱢᱚᱡᱩᱢᱫᱟᱨᱟᱜ ᱥᱚᱦᱤ ᱢᱮᱱᱟᱜ ᱟᱠᱟᱫᱟ ᱾ ᱵᱤ ᱡᱮ ᱯᱤ ᱯᱟᱥᱴᱟ ᱠᱷᱚᱱ ᱥᱚᱫᱚᱨ ᱟᱠᱟᱱ ᱱᱳᱴᱤᱥ ᱦᱚᱛᱮᱛᱮ ᱵᱟᱰᱟᱭ ᱚᱪᱚ ᱦᱩᱭᱩᱜ ᱠᱟᱱᱟ ᱡᱮ ᱢᱚᱢᱚᱛᱟ ᱵᱚᱱᱫᱳᱯᱟᱫᱽᱫᱷᱟᱭ ᱥᱚᱨᱠᱟᱨ ᱵᱤᱨᱩᱫᱽ ᱨᱮ ᱰᱟᱠᱛᱟᱨ ᱠᱚᱣᱟᱜ ᱦᱚᱠ ᱞᱟᱹᱲᱦᱟᱹᱭ ᱨᱮ ᱯᱚᱪᱷᱤᱢ ᱵᱟᱝᱞᱟ ᱵᱤ ᱡᱮ ᱯᱤᱭᱟᱜ ᱯᱩᱨᱟᱹ ᱜᱚᱲᱚ ᱢᱮᱱᱟᱜ ᱟᱠᱟᱫᱟ ᱾ ᱟᱨ ᱡᱤ ᱠᱚᱨ ᱦᱟᱥᱯᱟᱛᱟᱞ ᱨᱮ ᱛᱤᱨᱞᱟᱹ ᱪᱤᱠᱤᱛᱥᱚᱠ ᱪᱮᱛᱟᱱ ᱡᱟᱦᱟᱸ ᱵᱮᱵᱟᱹᱲᱤᱡ ᱱᱟᱦᱟᱪᱟᱨ ᱚᱱᱠᱟ ᱡᱟᱛᱮ ᱟᱞᱚ ᱦᱩᱭᱩᱜ ᱢᱟ ᱚᱱᱟ ᱛᱮ ᱰᱟᱠᱛᱟᱨ ᱠᱚ ᱡᱟᱦᱟᱸ ᱫᱟᱹᱵᱤ ᱠᱚ ᱨᱟᱠᱟᱵ ᱟᱠᱟᱫᱟ ᱚᱱᱟ ᱫᱚ ᱮᱠᱟᱞ ᱥᱟᱹᱦᱤ ᱜᱮᱭᱟ ᱾
