ᱡᱚᱝᱜᱤ ᱠᱚᱭᱟᱜ ᱠᱟᱨᱡᱚᱠᱚᱞᱟᱯ ᱵᱟᱝ ᱜᱮ ᱪᱟᱵᱟᱜ ᱠᱟᱱᱟ
ᱧᱩᱛᱩᱢ ᱵᱟᱝ ᱧᱩᱢ ᱠᱟᱛᱮᱫ ᱯᱟᱠᱤᱥᱛᱷᱟᱱ ᱪᱮᱛᱟᱱ ᱱᱤᱥᱟᱱᱟ ᱮᱥ ᱡᱚᱭᱥᱚᱝᱠᱚᱨᱟᱜ
ᱟᱹᱰᱤ ᱜᱟᱱ ᱠᱟᱹᱢᱤᱦᱚᱨᱟ ᱟᱴᱠᱟᱣ ᱢᱮᱱᱟᱜᱼᱟ ᱥᱟᱨᱠᱼᱟᱜ
ᱱᱚᱣᱟ ᱥᱮᱨᱢᱟ ᱨᱮᱭᱟᱜ ᱚᱠᱴᱳᱵᱚᱨ ᱪᱟᱸᱫᱳ ᱨᱮ ᱯᱟᱠᱤᱥᱛᱷᱟᱱ ᱥᱚᱯᱷᱚᱨ ᱢᱮᱱᱟᱜᱼᱟ ᱵᱷᱟᱨᱚᱛ ᱨᱮᱱ ᱵᱤᱫᱮᱹᱥ ᱢᱚᱱᱛᱨᱤ ᱮᱥ ᱡᱚᱭᱥᱚᱝᱠᱚᱨᱟᱜ᱾ ᱢᱮᱱᱠᱷᱟᱱ ᱤᱥᱞᱟᱢᱟᱵᱟᱫᱽ ᱥᱚᱯᱷᱚᱨ ᱞᱟᱦᱟ ᱨᱮ ᱧᱩᱛᱩᱢ ᱵᱟᱝ ᱧᱩᱢ ᱠᱟᱛᱮᱫ ᱯᱟᱠᱤᱥᱛᱷᱟᱱ ᱪᱮᱛᱟᱱ ᱠᱟᱛᱷᱟᱭ ᱛᱮᱨᱟᱝ ᱠᱮᱫᱟ ᱮᱥ ᱡᱚᱭᱥᱚᱝᱠᱚᱨ ᱾ ᱫᱚᱠᱷᱤᱱ ᱮᱥᱤᱭᱟ ᱨᱮᱭᱟᱜ ᱟᱹᱰᱤᱜᱟᱱ ᱫᱤᱥᱚᱢ ᱟᱛᱮ ᱛᱮᱭᱟᱨ ᱟᱠᱟᱱ ᱥᱟᱨᱠᱼᱟᱜ ᱟᱹᱰᱤᱜᱟᱱ ᱠᱟᱹᱢᱤᱦᱚᱨᱟ ᱟᱴᱠᱟᱣ ᱟᱠᱟᱱᱛᱮ ᱯᱟᱠᱤᱥᱛᱷᱟᱱ ᱜᱮ ᱫᱟᱭᱤ ᱠᱮᱫ ᱠᱚᱣᱟᱭ ᱡᱚᱭᱥᱚᱝᱠᱚᱨ ᱾ ᱡᱚᱭᱥᱚᱝᱠᱚᱨᱟᱜ ᱢᱮᱱ ᱯᱟᱨᱚᱢᱮᱱ ᱠᱚᱭᱮᱠ ᱥᱮᱨᱢᱟ ᱠᱷᱚᱱ ᱥᱟᱨᱠᱼᱟᱜ ᱠᱚᱱᱚ ᱢᱤᱴᱤᱝ ᱜᱮ ᱵᱟᱝ ᱦᱩᱭ ᱟᱠᱟᱱᱟ, ᱟᱨ ᱚᱱᱟ ᱛᱮᱜᱮ ᱥᱟᱨᱠᱼᱟᱜ ᱠᱟᱹᱢᱤᱦᱚᱸ ᱛᱷᱩᱠᱩᱢ ᱢᱮᱱᱟᱜ ᱟᱠᱟᱫᱟ, ᱪᱮᱫᱟᱜ ᱥᱮ ᱥᱟᱨᱠ ᱥᱚᱫᱚᱥᱥᱚ ᱠᱚ ᱢᱩᱫᱽᱨᱮ ᱢᱤᱫᱴᱟᱝ ᱫᱤᱥᱚᱢ ᱡᱚᱝᱜᱤ ᱠᱟᱨᱡᱚᱠᱚᱞᱟᱯᱮ ᱪᱟᱞᱟᱣ ᱮᱫᱟ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱒᱐᱑᱔ ᱥᱟᱹᱦᱤᱛ ᱨᱮ ᱱᱮᱯᱟᱞ ᱨᱮᱭᱟᱜ ᱠᱟᱴᱢᱟᱱᱰᱩ ᱨᱮ ᱥᱟᱨᱠᱼᱟᱜ ᱢᱩᱪᱟᱹᱫ ᱫᱩᱯᱲᱩᱵ ᱦᱩᱭ ᱞᱮᱱ ᱛᱟᱦᱮᱱᱟ ᱾ ᱚᱱᱟ ᱫᱩᱯᱲᱩᱵ ᱩᱭᱦᱟᱹᱨ ᱠᱟᱛᱮᱫ ᱜᱮ ᱡᱚᱭᱥᱚᱝᱠᱚᱨᱟᱜ ᱢᱮᱱ, ‘ᱱᱟᱦᱟᱜ ᱚᱠᱛᱚ ᱨᱮ ᱥᱟᱨᱠᱼᱟᱜ ᱠᱟᱹᱢᱤ ᱦᱚᱨᱟ ᱛᱷᱩᱠᱩᱢ ᱢᱮᱱᱟᱜ ᱟᱠᱟᱫᱟ ᱾ ᱱᱚᱣᱟ ᱞᱟᱦᱟ ᱟᱹᱰᱤᱜᱟᱱ ᱤᱱᱴᱟᱨᱱᱮᱥᱱᱟᱞ ᱠᱟᱹᱢᱤᱦᱚᱨᱟ ᱠᱷᱚᱱ ᱧᱩᱛᱩᱢ ᱵᱟᱝ ᱧᱩᱢ ᱠᱟᱛᱮᱫ ᱯᱟᱠᱤᱥᱛᱷᱟᱱ ᱪᱮᱛᱟᱱ ᱠᱟᱛᱷᱟᱭ ᱛᱮᱨᱟᱝ ᱟᱠᱟᱫᱟ ᱵᱷᱟᱨᱟᱛ ᱾
