(PAPUL MURMU) ONE NATION ONE ELECTION : ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤᱭᱟᱜ ᱢᱚᱱᱛᱨᱤ ᱥᱚᱵᱷᱟ ᱨᱮ ᱚᱱᱩᱢᱚᱛᱤ ᱧᱟᱢ ᱛᱟᱭᱚᱢ ᱜᱮ ᱞᱳᱠᱥᱚᱵᱷᱟ ᱨᱮ ᱯᱮᱹᱥ ᱦᱩᱭ ᱮᱱᱟ ᱚᱣᱟᱱ ᱱᱮᱥᱚᱱ ᱚᱣᱟᱱ ᱤᱞᱮᱠᱥᱚᱱ ᱵᱤᱞ ᱾ ᱞᱳᱠᱥᱚᱵᱷᱟ ᱨᱮ ᱵᱤᱞᱮ ᱯᱮᱹᱥ ᱠᱮᱫᱟ ᱟᱭᱤᱱ ᱢᱚᱱᱛᱨᱤ ᱚᱨᱡᱩᱱ ᱨᱟᱢ ᱢᱮᱜᱷᱟᱣᱟᱞ ᱾ ᱵᱤᱹᱡᱮᱹᱯᱤ ᱥᱟᱶᱛᱮ NDA ᱨᱮᱱ ᱥᱚᱦᱚᱡᱳᱜᱤ ᱫᱚᱞ ᱚᱱᱟ ᱵᱤᱞ ᱠᱚ ᱥᱚᱢᱚᱨᱛᱷᱚᱱ ᱟᱠᱟᱫ ᱨᱮᱦᱚᱸ ᱟᱹᱰᱤᱜᱟᱱ ᱫᱚᱞ ᱜᱮ ᱚᱣᱟᱱ ᱱᱮᱥᱚᱱ ᱚᱣᱟᱱ ᱤᱞᱮᱠᱥᱚᱱ ᱵᱤᱞ ᱠᱚ ᱵᱤᱨᱩᱫᱷ ᱟᱠᱟᱫᱟ ᱾
ᱥᱚᱢᱚᱨᱛᱷᱚᱱ ᱞᱮᱠᱷᱟᱱ ᱵᱤᱞ ᱯᱟᱥ ᱫᱟᱲᱮᱭᱟᱜᱼᱟ
ᱦᱤᱥᱟᱹᱵᱽ ᱞᱮᱠᱟᱛᱮ, ᱢᱳᱴ ᱓᱒ ᱜᱚᱴᱟᱝ ᱫᱚᱞ ᱚᱣᱟᱱ ᱱᱮᱥᱚᱱ ᱚᱣᱟᱱ ᱤᱞᱮᱠᱥᱚᱱ ᱵᱤᱞ ᱠᱚ ᱥᱚᱢᱚᱨᱛᱷᱚᱱ ᱟᱠᱟᱫ ᱨᱮᱦᱚᱸ ᱑᱕ ᱜᱚᱴᱟᱝ ᱫᱚᱞ ᱚᱱᱟ ᱵᱤᱞ ᱠᱚ ᱵᱤᱨᱩᱫᱷ ᱟᱠᱟᱫᱟ ᱾ ᱡᱚᱜᱚᱱ ᱢᱳᱦᱚᱱ ᱨᱮᱹᱰᱰᱤᱭᱟᱜ YSR CONGRESS, BRS ᱟᱨ AIDMK ᱞᱮᱠᱟᱱ ᱫᱚᱞ NDA ᱜᱟᱴᱵᱚᱱᱫᱷᱚᱱ ᱨᱮ ᱵᱟᱝ ᱛᱟᱦᱮᱸ ᱠᱟᱛᱮᱫ ᱦᱚᱸ ᱠᱮᱱᱫᱨᱤᱭᱚ ᱥᱚᱨᱠᱟᱨᱟᱜ ᱚᱱᱟ ᱵᱤᱞ ᱠᱚ ᱥᱚᱢᱚᱨᱛᱷᱚᱱ ᱟᱠᱟᱫᱟ ᱾ ᱞᱳᱠᱥᱚᱵᱷᱟ ᱥᱟᱶᱼᱥᱟᱶᱛᱮ ᱵᱤᱫᱷᱟᱱ ᱥᱚᱵᱷᱟ ᱵᱷᱳᱴ ᱦᱚᱸ ᱢᱤᱫ ᱥᱟᱶᱛᱮ ᱠᱚᱨᱟᱣ ᱞᱟᱹᱜᱤᱫ ᱜᱮ ONE NATION ONE ELECTION ᱵᱤᱞᱮ ᱟᱹᱜᱩ ᱟᱠᱟᱫᱟ ᱾
ᱵᱤᱨᱳᱫᱷᱤ ᱠᱚᱣᱟᱜ ᱞᱟᱹᱭ
ᱠᱚᱝᱜᱨᱮᱹᱥ, ᱴᱤ.ᱮᱢ.ᱥᱤ ᱟᱨ ᱥᱚᱢᱟᱡᱽᱵᱟᱫᱤ ᱯᱟᱨᱴᱤ ᱥᱟᱶ ᱟᱹᱰᱤᱜᱟᱱ ᱵᱤᱨᱳᱫᱷᱤ ᱫᱚᱞ ᱜᱮ ᱠᱮᱱᱫᱨᱚ ᱥᱚᱨᱠᱟᱨ ᱟᱹᱜᱩ ᱟᱠᱟᱫ ᱱᱟᱣᱟ “ᱚᱣᱟᱱ ᱱᱮᱥᱚᱱ ᱚᱣᱟᱱ ᱤᱞᱮᱠᱥᱚᱱ” ᱵᱤᱞ ᱠᱚ ᱵᱤᱩᱚᱫᱷ ᱟᱠᱟᱫᱟ ᱾ ᱵᱤᱨᱳᱫᱷᱤ ᱠᱚᱣᱟᱜ ᱞᱟᱹᱭ ᱚᱱᱟ ᱵᱤᱞ ᱫᱚ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱢᱩᱞ ᱠᱟᱴᱷᱟᱢᱳᱭ ᱨᱟᱹᱯᱩᱫᱟ ᱾ ᱚᱣᱟᱱ ᱱᱮᱥᱚᱱ ᱚᱣᱟᱱ ᱤᱞᱮᱠᱥᱚᱱ ᱛᱟᱞᱟ ᱛᱮ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱮᱠ ᱱᱟᱭᱚᱠᱛᱚᱱᱛᱨᱚ ᱵᱮᱱᱟᱣ ᱨᱮᱭᱟᱜᱼᱮ ᱠᱩᱨᱩᱢᱩᱴᱩᱭᱮᱫᱟ ᱢᱮᱱᱛᱮ ᱦᱚᱸᱠᱚ ᱞᱟᱹᱭ ᱟᱠᱟᱫᱟ ᱵᱤᱨᱳᱫᱷᱤ ᱠᱚ ᱾
ᱠᱚᱝᱜᱨᱮᱹᱥ ᱱᱮᱛᱟ ᱡᱚᱭᱨᱟᱢ ᱨᱚᱢᱮᱥᱟᱜ ᱞᱟᱹᱭ ᱚᱱᱟ ᱵᱤᱞᱮ ᱵᱤᱨᱳᱫᱟ ᱠᱚᱝᱜᱨᱮᱹᱥ ᱾ ᱥᱟᱶᱛᱮ ᱱᱚᱣᱟ ᱦᱚᱸᱭ ᱞᱟᱹᱭ ᱟᱠᱟᱫᱟ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱱᱟᱣᱟ ᱱᱟᱣᱟ ᱥᱚᱝᱵᱤᱫᱷᱟᱱ ᱟᱹᱜᱩ ᱨᱮᱭᱟᱜᱼᱮ ᱠᱩᱨᱩᱢᱩᱴᱩ ᱟᱠᱟᱫᱟ ᱾
