Latest bollywood update : ᱵᱟᱜᱽᱫᱟᱱ ᱯᱚᱨᱵᱚ ᱞᱟᱦᱟ ᱨᱮᱜᱮ ᱦᱩᱭ ᱟᱠᱟᱱᱟ ᱱᱟᱜᱟ ᱪᱳᱹᱭᱛᱚᱱᱱᱚ ᱟᱨ ᱥᱳᱵᱷᱤᱛᱟ ᱫᱷᱩᱞᱤᱯᱟᱞᱟᱣᱟᱜ ᱾ ᱵᱟᱜᱽᱫᱟᱱ ᱯᱚᱨᱵᱚ ᱨᱮᱭᱟᱜ ᱪᱷᱚᱵᱤ ᱦᱚᱸ ᱥᱳᱥᱟᱞ ᱢᱟᱫᱽᱫᱷᱚᱢ ᱨᱮ ᱥᱮᱭᱟᱨ ᱞᱮᱫᱟ ᱱᱟᱜᱟ ᱪᱳᱹᱭᱛᱚᱱᱱᱚ ᱾ ᱛᱚᱵᱮ ᱠᱤᱪᱷᱩ ᱫᱤᱱ ᱞᱟᱦᱟ ᱜᱮ ᱢᱤᱫ ᱪᱷᱚᱵᱤ ᱥᱳᱥᱟᱞ ᱢᱟᱫᱽᱫᱷᱚᱢ ᱨᱮ ᱥᱮᱭᱟᱨ ᱟᱠᱟᱫᱟᱭ ᱥᱳᱵᱷᱤᱛᱟ ᱦᱚᱸ ᱾ ᱥᱳᱵᱷᱤᱛᱟᱣᱟᱜ ᱚᱱᱟ ᱪᱷᱚᱵᱤ ᱧᱮᱞ ᱛᱮ ᱵᱩᱡᱽ ᱧᱟᱢᱚᱜ ᱠᱟᱱᱟ ᱵᱟᱱᱟᱨ ᱜᱷᱟᱨᱚᱸᱡᱽ ᱨᱮᱜᱮ ᱢᱤᱫ ᱵᱟᱯᱞᱟ ᱨᱮᱭᱟᱜ ᱥᱟᱯᱲᱟᱣ ᱪᱤᱛᱟᱹᱨ ᱾ ᱵᱟᱯᱞᱟ ᱞᱟᱹᱜᱤᱫ ᱥᱟᱱᱟᱢ ᱞᱮᱠᱟᱱ ᱥᱟᱹᱛ ᱥᱟᱯᱲᱟᱣ ᱦᱩᱭ ᱥᱟᱹᱛ ᱟᱠᱟᱱᱟ, ᱢᱮᱱᱠᱷᱟᱱ ᱛᱤᱥ ᱦᱩᱭᱩᱩᱼᱟ ᱵᱟᱯᱞᱟ ᱚᱱᱟ ᱞᱟᱹᱭ ᱫᱚ ᱵᱟᱝ ᱠᱚ ᱨᱮᱵᱮᱱ ᱠᱟᱱᱟ ᱵᱟᱱᱟᱨ ᱜᱷᱟᱨᱚᱸᱡᱽ ᱨᱮᱱ ᱦᱚᱲ ᱜᱮ ᱾
ᱛᱚᱵᱮ ᱱᱟᱜᱟ ᱪᱳᱹᱭᱛᱚᱱᱱᱚᱣᱟᱜ ᱵᱟᱯᱞᱟ ᱞᱟᱦᱟ ᱨᱮ ᱪᱮᱫᱞᱮᱠᱟ ᱢᱮᱱᱟᱭᱟ ᱱᱟᱜᱟ ᱪᱳᱹᱭᱛᱚᱱᱱᱚ ᱨᱮᱱ ᱢᱟᱨᱮ ᱮᱨᱟ ᱥᱟᱢᱟᱱᱛᱷᱟ ᱯᱨᱚᱵᱷᱩ ᱠᱩᱠᱞᱤ ᱠᱚ ᱨᱟᱠᱟᱵ ᱠᱮᱫᱟ ᱱᱮᱹᱴᱤᱡᱮᱱ ᱠᱚ ᱾ ᱪᱮᱫᱟᱜ ᱥᱮ ᱱᱟᱜᱟ ᱪᱳᱹᱭᱛᱚᱱᱱᱚ ᱴᱷᱮᱱ ᱥᱟᱢᱟᱱᱛᱷᱟᱣᱟᱜ ᱢᱤᱫᱴᱟᱝ ᱜᱮ ᱪᱷᱚᱵᱤ ᱛᱟᱦᱮᱸ ᱠᱟᱱᱟ, ᱟᱨ ᱚᱸᱰᱮ ᱠᱷᱚᱱ ᱜᱮ ᱚᱱᱩᱜᱟᱢᱤ ᱠᱚᱣᱟᱜ ᱠᱩᱠᱞᱤ ᱪᱮᱫᱟᱜ ᱪᱳᱹᱭᱛᱚᱱᱱᱚ ᱫᱚ ᱥᱟᱢᱟᱱᱛᱷᱟᱣᱟᱜ ᱢᱤᱫᱴᱟᱝ ᱜᱮ ᱪᱷᱚᱵᱤ ᱫᱚᱦᱚ ᱠᱟᱛᱮᱫ ᱵᱟᱹᱠᱤ ᱠᱚᱫᱚᱭ ᱰᱤᱞᱤᱴ ᱞᱮᱫ ᱛᱟᱦᱮᱱᱟ ᱾ ᱚᱱᱩᱜᱟᱢᱤ ᱠᱚᱣᱟᱜ ᱞᱟᱹᱭ ᱡᱚᱠᱷᱚᱱ ᱱᱟᱜᱟ ᱪᱳᱹᱭᱛᱚᱱᱱᱚ ᱥᱳᱵᱷᱤᱛᱟ ᱟᱛᱮ ᱱᱟᱣᱟ ᱡᱤᱭᱚᱱᱮ ᱮᱛᱚᱦᱚᱵ ᱮᱫᱟ ᱢᱤᱫᱴᱮᱱ ᱪᱷᱚᱵᱤ ᱫᱚᱦᱚ ᱠᱟᱛᱮᱫ ᱪᱮᱫ ᱦᱩᱭᱜᱼᱟ ᱾
