(PAPUL MURMU) AKSHAY KUMAR DONATE $ 1 CR : ᱞᱟᱦᱟ ᱥᱮᱨᱢᱟ ᱢᱤᱫ ᱠᱷᱚᱱ ᱢᱤᱫ ᱪᱷᱚᱵᱤ ᱯᱷᱞᱚᱯ ᱟᱠᱟᱱᱟ ᱵᱚᱞᱤᱣᱩᱰ ᱨᱮᱱ ᱠᱷᱤᱞᱟᱲᱤ ᱚᱠᱠᱷᱚᱭ ᱠᱩᱢᱟᱨᱟᱜ ᱾ ᱚᱠᱟ ᱪᱷᱚᱵᱤ ᱦᱚᱸ ᱴᱷᱤᱠ ᱵᱷᱟᱵᱮ ᱵᱟᱝ ᱪᱟᱞᱟᱣ ᱟᱠᱟᱱ ᱛᱟᱭᱟ ᱾ ᱞᱟᱦᱟ ᱥᱮᱨᱢᱟ ᱞᱮᱠᱟ ᱜᱮ ᱱᱮᱥᱦᱚᱸ ᱨᱤᱞᱤᱡᱚᱜ ᱠᱟᱱᱟ ‘ᱥᱤᱝᱜᱷᱚᱢ ᱮᱜᱮᱹᱱ’᱾ ᱱᱚᱣᱟ ᱪᱷᱚᱵᱤ ᱤᱫᱤ ᱠᱟᱛᱮᱫ ᱥᱟᱱᱟᱢ ᱠᱚᱣᱟᱜ ᱟᱸᱥ ᱵᱟᱝᱢᱟ ᱱᱚᱣᱟ ᱪᱷᱚᱵᱤ ‘ᱥᱤᱝᱜᱷᱚᱢ ᱮᱜᱮᱹᱱ’ ᱵᱚᱠᱥ ᱚᱯᱷᱤᱥ ᱨᱮ ᱵᱷᱟᱜᱮᱹ ᱦᱤᱴᱚᱜᱼᱟ᱾ ᱪᱷᱚᱵᱤ ᱨᱮ ᱯᱷᱞᱚᱯ ᱟᱠᱟᱱ ᱨᱮᱦᱚᱸ ᱫᱟᱱ ᱟᱨ ᱫᱷᱮᱱ ᱠᱷᱚᱱ ᱵᱟᱝᱼᱮ ᱥᱟᱺᱜᱤᱧ ᱟᱠᱟᱱᱟ ᱠᱷᱤᱞᱟᱲᱤ ᱚᱠᱠᱷᱚᱭ ᱠᱩᱢᱟᱨ ᱾ ᱯᱟᱨᱚᱢᱮᱱ ᱥᱮᱨᱢᱟ ᱟᱜᱚᱥᱴ ᱪᱟᱸᱫᱚ ᱨᱮ ᱦᱟᱡᱤ ᱟᱞᱤᱣᱟᱜ ᱫᱚᱨᱜᱟ ᱡᱩᱛ ᱞᱟᱹᱜᱤᱫ ᱑ᱹ᱒᱑ ᱠᱳᱴᱤ ᱴᱟᱠᱟᱭ ᱮᱢ ᱞᱮᱫᱟ ᱚᱠᱠᱦᱚᱭ ᱠᱩᱢᱟᱨ, ᱴᱷᱤᱠ ᱚᱱᱠᱟ ᱜᱮ ᱱᱮᱥᱦᱚᱸ ᱠᱟᱞᱤᱯᱩᱡᱟᱹ ᱞᱟᱦᱟ ᱑ ᱠᱳᱴᱤ ᱴᱟᱠᱟᱭ ᱫᱟᱱ ᱠᱮᱫᱟ ᱚᱡᱳᱫᱽᱫᱷᱟ ᱨᱮᱱ ᱦᱚᱱᱩᱢᱟᱱ ᱞᱟᱹᱜᱤᱫ ᱛᱮ ᱾
ᱯᱨᱚᱫᱷᱟᱱ ᱢᱚᱱᱛᱨᱤ ᱥᱟᱶᱛᱮ ᱚᱠᱠᱷᱚᱭ ᱠᱩᱢᱟᱨᱟᱜ ᱥᱟᱹᱜᱟᱹᱭ ᱨᱮᱭᱟᱜ ᱠᱟᱛᱷᱟ ᱥᱟᱱᱟᱢ ᱦᱚᱲ ᱠᱚ ᱵᱟᱰᱟᱭᱟ, ᱟᱨ ᱚᱠᱠᱷᱚᱭ ᱠᱩᱢᱟᱟᱜ ᱢᱚᱪᱟ ᱨᱮ ᱢᱳᱫᱤᱣᱟᱜ ᱜᱩᱱᱜᱟᱱ ᱨᱮᱭᱟᱜ ᱠᱟᱛᱷᱟ ᱟᱹᱰᱤ ᱜᱮ ᱟᱸᱡᱚᱢᱚᱜᱼᱟ ᱾ ᱚᱡᱳᱫᱽᱫᱷᱟ ᱨᱮ ᱦᱚᱱᱩᱢᱟᱱ ᱠᱚᱣᱟᱜ ᱡᱚᱢ ᱵᱟᱵᱚᱫᱽ ᱚᱱᱡᱚᱱᱟ ᱥᱮᱵᱟ ᱴᱨᱟᱥᱴ ᱨᱮ ᱠᱳᱴᱤ ᱴᱟᱠᱟᱭ ᱫᱟᱱ ᱠᱮᱫᱟ ᱵᱚᱞᱤᱣᱩᱰ ᱨᱮᱱ ᱠᱷᱤᱞᱟᱲᱤ ᱾ ᱚᱠᱠᱷᱚᱭ ᱠᱩᱢᱟᱨᱟᱜ ᱯᱟᱹᱛᱭᱟᱹᱣ ᱡᱤᱵᱽᱼᱡᱤᱭᱟᱹᱞᱤ ᱠᱚᱫᱚ ᱵᱷᱟᱨᱚᱛᱤᱭᱚ ᱥᱚᱵᱽᱵᱷᱚᱛᱟ ᱨᱮᱱ ᱫᱷᱟᱨᱚᱠ ᱟᱨ ᱵᱟᱦᱚᱠ ᱠᱟᱱᱟ ᱠᱚ ᱾
ᱵᱟᱝᱢᱟ ᱚᱱᱡᱚᱱᱟ ᱥᱮᱵᱟ ᱴᱨᱟᱥᱴ ᱨᱮᱱ ᱢᱚᱦᱟᱨᱟᱡᱽ ᱥᱟᱢᱤ ᱨᱟᱜᱷᱚᱵᱟᱪᱟᱨᱡᱚ ᱜᱮ ᱫᱟᱱ ᱞᱟᱹᱜᱤᱫ ᱚᱠᱠᱷᱚᱭ ᱠᱩᱢᱟᱨ ᱥᱟᱞᱟᱜ ᱛᱮᱭ ᱡᱳᱜᱟᱡᱳᱜᱽ ᱞᱮᱫᱟ ᱾ ᱛᱚᱵᱮ ᱚᱠᱠᱷᱚᱭ ᱠᱩᱢᱟᱨ ᱟᱡ ᱜᱚᱜᱚ ᱵᱟᱵᱟ ᱟᱨ ᱵᱟᱝ ᱦᱚᱧᱦᱟᱨᱛᱮᱫ ᱨᱟᱡᱮᱹᱥ ᱠᱷᱟᱱᱱᱟ ᱧᱩᱛᱩᱢ ᱛᱮᱦᱚᱸᱭ ᱫᱟᱱ ᱜᱮᱭᱟ ᱾ ᱯᱟᱨᱚᱢᱮᱱ ᱥᱮᱨᱢᱟ ᱡᱟᱦᱟᱸ ᱚᱠᱛᱚ ᱚᱠᱠᱷᱚᱭ ᱠᱩᱢᱟᱨ ᱦᱟᱡᱤ ᱟᱞᱤᱣᱟᱜ ᱫᱚᱨᱜᱟ ᱫᱚᱨᱥᱚᱱ ᱞᱟᱹᱜᱤᱫᱼᱮ ᱪᱟᱞᱟᱣ ᱞᱮᱱᱟ ᱚᱱᱟ ᱵᱷᱤᱰᱤᱭᱳ ᱥᱳᱥᱟᱞ ᱢᱮᱰᱤᱭᱟ ᱨᱮ ᱟᱹᱰᱤ ᱜᱮ ᱯᱟᱥᱱᱟᱣ ᱞᱮᱱ ᱛᱟᱦᱮᱱᱟ ᱾
