ᱛᱟᱹᱨᱩᱵᱟᱜ ᱨᱚᱝ ᱦᱮᱸᱫᱮ! ᱵᱟᱢ ᱯᱟᱹᱛᱭᱟᱹᱜ ᱨᱮᱦᱚᱸ ᱦᱮᱸᱫᱮ ᱨᱚᱝ ᱨᱮᱱ ᱢᱤᱫᱴᱮᱱ ᱛᱟᱹᱨᱩᱵᱟᱜ ᱪᱤᱛᱟᱹᱨ ᱥᱳᱥᱟᱞ ᱢᱤᱰᱤᱭᱟ ᱨᱮ ᱵᱷᱟᱭᱨᱟᱞ ᱟᱠᱟᱱᱟ ᱾ ᱟᱡ ᱞᱮᱠᱟᱭ ᱫᱟᱲᱟᱵᱟᱲᱟᱭ ᱠᱟᱱᱟ ᱵᱤᱨ ᱨᱮ ᱾ ᱚᱱᱟ ᱵᱷᱤᱰᱤᱭᱳ ᱵᱷᱟᱭᱨᱟᱞ ᱟᱠᱟᱱᱟ ᱥᱳᱥᱟᱞ ᱢᱤᱰᱤᱭᱟ ᱨᱮ ᱾ ᱡᱩᱫᱤᱭᱳ ᱚᱱᱟ ᱵᱷᱤᱰᱤᱭᱳ ᱨᱮᱱᱟᱜ ᱥᱟᱹᱨᱤᱼᱱᱟᱥᱮ ᱵᱟᱭ ᱛᱩᱱᱠᱷᱤᱭᱟᱠᱟᱫᱟ ᱴᱨᱟᱭᱤᱵᱽ ᱴᱤᱵᱷᱤ ᱥᱟᱱᱛᱟᱞᱤ ᱾
ᱵᱷᱟᱭᱨᱟᱞ ᱵᱷᱤᱰᱤᱭᱳ ᱨᱮ ᱧᱮᱞᱚᱜ ᱠᱟᱱᱟ ᱩᱲᱤᱥᱥᱟ ᱨᱮᱱᱟᱜ ᱵᱤᱨ ᱨᱮ ᱫᱟᱲᱟᱵᱟᱲᱟᱭ ᱠᱟᱱᱟᱭ ᱢᱤᱫᱴᱮᱱ ᱛᱟᱹᱨᱩᱵ ᱾ ᱛᱟᱨᱩᱵᱟᱜ ᱢᱚᱪᱟ ᱟᱨ ᱦᱚᱴᱚᱜ ᱴᱷᱮᱱ ᱫᱚ ᱥᱟᱥᱟᱝ ᱫᱟᱜᱽ ᱛᱟᱦᱮᱸᱞᱮᱱ ᱨᱮᱦᱚᱸ ᱦᱚᱲᱢᱚ ᱨᱮᱱᱟᱜ ᱮᱴᱟᱜ ᱦᱤᱸᱥ ᱠᱚᱫᱚ ᱦᱮᱸᱫᱮ ᱜᱮᱭᱟ ᱾ ᱧᱮᱞᱛᱮ ᱢᱚᱱᱮ ᱦᱩᱭᱩᱜᱼᱟ ᱩᱱᱤ ᱛᱟᱹᱨᱩᱵ ᱫᱚ ᱦᱮᱸᱫᱮ ᱨᱚᱝ ᱛᱮᱠᱚ ᱨᱚᱝ ᱟᱠᱟᱫᱮᱭᱟ ᱾ ᱦᱮᱸᱫᱮ ᱛᱟᱹᱨᱩᱵᱟᱜ ᱪᱤᱛᱟᱹᱨ ᱥᱳᱥᱟᱞ ᱢᱤᱰᱤᱭᱟ ᱨᱮ ᱯᱳᱥᱴ ᱟᱠᱟᱫᱟᱭ ᱟᱭᱹᱮᱥᱹᱮᱯᱷ ᱠᱟᱹᱢᱤᱭᱟᱹ ᱥᱩᱥᱟᱱᱛᱚ ᱱᱚᱱᱫᱚ ᱾ ᱥᱩᱥᱟᱱᱛᱚ ᱚᱞ ᱟᱠᱟᱫᱟᱭ “ᱥᱤᱢᱲᱤᱯᱟᱲ ᱨᱮ ᱰᱤᱹᱮᱥᱹᱮᱞᱹᱟᱨ ᱠᱮᱢᱮᱨᱟ ᱛᱮ ᱛᱩᱞᱟᱹᱣ ᱵᱷᱤᱰᱤᱭᱳ ᱨᱮ ᱦᱚᱲᱢᱚ ᱨᱮ ᱡᱟᱹᱥᱛᱤ ᱢᱮᱞᱟᱱᱤᱱ ᱢᱮᱱᱟᱜ ᱛᱟᱹᱨᱩᱵᱟᱜ ᱵᱷᱤᱰᱤᱭᱳ ᱯᱮ ᱧᱮᱞ ᱮᱫᱟ ᱾ ᱟᱸᱡᱚᱢᱚᱜ ᱠᱟᱱᱟ ᱥᱟᱪᱟᱨᱦᱮ ᱨᱮᱱ ᱜᱟᱛᱮ ᱦᱚᱸ ᱾
ᱵᱟᱰᱟᱭ ᱡᱚᱝ ᱞᱟᱹᱜᱽ ᱠᱟᱱᱟ ᱦᱚᱲᱢᱚ ᱨᱮ ᱢᱮᱞᱟᱱᱤᱱ ᱨᱮᱱᱟᱜ ᱯᱚᱨᱤᱢᱟᱱ ᱡᱟᱹᱥᱛᱤ ᱞᱮᱱᱠᱷᱟᱱ ᱦᱮᱸᱫᱮᱜᱼᱟ ᱦᱚᱲᱢᱚ ᱾ ᱟᱨ ᱛᱟᱹᱨᱩᱵᱟᱜ ᱦᱚᱲᱢᱚ ᱨᱮᱦᱚᱸ ᱢᱮᱞᱟᱱᱤᱱ ᱡᱟᱹᱥᱛᱤ ᱠᱷᱟᱹᱛᱤᱨ ᱛᱟᱨᱩᱵᱟᱜ ᱨᱚᱝ ᱱᱚᱝᱠᱟ ᱦᱩᱭᱟᱠᱟᱱᱟ ᱢᱮᱱᱛᱮ ᱜᱟᱹᱠᱷᱩᱲᱤᱭᱟᱹ ᱠᱚᱣᱟᱜ ᱩᱭᱦᱟᱹᱨ ᱾ ᱵᱟᱰᱟᱭ ᱛᱮᱱᱟᱜ ᱒᱐᱐᱗ ᱥᱟᱹᱦᱤᱛ ᱨᱮ ᱯᱩᱭᱞᱩ ᱦᱮᱸᱫᱮ ᱛᱟᱹᱨᱩᱵ ᱥᱤᱢᱲᱤᱯᱟᱲ ᱴᱟᱭᱜᱟᱨ ᱨᱤᱡᱟᱨᱵᱷ ᱨᱮᱭ ᱧᱮᱞ ᱞᱮᱱᱟ ᱾
