highlight
ᱚᱭᱮᱹᱥᱴ ᱵᱮᱝᱜᱚᱞ ᱨᱮᱭᱟᱜ ᱖ ᱜᱚᱴᱟᱝ ᱥᱤᱴ ᱨᱮ ᱫᱚᱲᱦᱟ ᱵᱟᱪᱷᱱᱟᱣ
᱑᱓ ᱱᱚᱵᱷᱮᱢᱵᱚᱨ ᱖ ᱜᱚᱴᱟᱝ ᱵᱤᱫᱷᱟᱱᱥᱚᱵᱷᱟ ᱥᱤᱴ ᱨᱮ ᱫᱚᱲᱦᱟ ᱵᱟᱪᱷᱱᱟᱣ
ᱫᱚᱲᱦᱟ ᱵᱟᱪᱷᱱᱟᱣ ᱡᱚᱛᱚ ᱵᱷᱳᱴ ᱨᱮᱜᱮ ᱠᱚ ᱛᱟᱦᱮᱱᱟ ᱠᱮᱱᱫᱨᱤᱭᱚ ᱵᱟᱦᱤᱱᱤ
ᱛᱩᱨᱩᱭ ᱜᱚᱴᱟᱝ ᱥᱤᱴ ᱨᱮ ᱑᱒᱐ ᱠᱳᱢᱯᱟᱱᱤ ᱠᱮᱱᱫᱨᱤᱭᱚ ᱵᱟᱦᱤᱱᱤ
(PAPUL MURMU) 120 Company Central Force IN WB BY Election : ᱑᱓ ᱱᱚᱵᱷᱮᱢᱵᱚᱨ ᱵᱮᱝᱜᱚᱞ ᱯᱚᱱᱚᱛ ᱨᱮᱭᱟᱜ ᱖ ᱜᱚᱴᱟᱝ ᱵᱤᱫᱷᱟᱱᱥᱚᱵᱷᱟ ᱨᱮ ᱫᱚᱲᱦᱟ ᱵᱟᱪᱷᱱᱟᱣ ᱢᱮᱱᱟᱜ ᱟᱠᱟᱫᱟ ᱾ ᱱᱚᱭᱦᱟᱴᱤ, ᱦᱟᱲᱳᱣᱟ, ᱢᱮᱫᱽᱱᱤᱯᱩᱨ, ᱛᱟᱞᱰᱟᱝᱨᱟ, ᱥᱤᱛᱟᱭ ᱟᱨ ᱟᱞᱤᱯᱩᱨᱫᱩᱣᱟᱨ ᱨᱮᱭᱟᱜ ᱢᱟᱫᱟᱨᱤᱦᱟᱴ ᱨᱮ ᱦᱩᱭᱩᱜᱼᱟ ᱵᱷᱳᱴ ᱾ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱡᱮ ᱯᱚᱱᱚᱛ ᱨᱮᱭᱟᱜ ᱡᱚᱛᱚ ᱥᱤᱴ ᱠᱚᱨᱮᱜᱮ ᱯᱩᱭᱞᱩ ᱨᱮ ᱒᱐ ᱠᱳᱢᱯᱟᱱᱤ ᱠᱮᱱᱫᱨᱤᱭᱚ ᱵᱟᱦᱤᱱᱤ ᱫᱚᱦᱚᱭ ᱨᱮᱭᱟᱜᱼᱮ ᱠᱩᱨᱩᱢᱩᱴᱩ ᱟᱠᱟᱫᱟ ᱤᱞᱮᱠᱥᱚᱱ ᱠᱚᱢᱤᱥᱚᱱ ᱾ ᱢᱤᱫ ᱠᱟᱛᱷᱟ ᱛᱮ ᱞᱟᱹᱭ ᱜᱟᱱᱚᱜᱼᱟ ᱑᱒᱐ ᱠᱳᱢᱯᱟᱱᱤ ᱠᱮᱱᱫᱨᱤᱭᱚ ᱵᱟᱦᱤᱱᱤ ᱠᱚ ᱛᱟᱦᱮᱱ ᱠᱟᱱᱟ ᱯᱚᱱᱚᱛ ᱨᱮᱭᱟᱜ ᱛᱩᱨᱩᱭ ᱜᱚᱴᱟᱝ ᱵᱤᱫᱷᱟᱱᱥᱚᱵᱷᱟ ᱨᱮᱭᱟᱜ ᱫᱚᱲᱦᱟ ᱵᱟᱪᱷᱱᱟᱣ ᱨᱮ ᱾
᱖ ᱜᱚᱴᱟᱝ ᱵᱤᱫᱷᱟᱱᱥᱚᱵᱷᱟ ᱨᱮᱭᱟᱜ ᱡᱚᱛᱚ ᱵᱩᱛᱷ ᱨᱮᱜᱮ ᱵᱟᱦᱤᱱᱤ ᱫᱚᱦᱚ ᱨᱮᱭᱟᱜ ᱠᱩᱨᱩᱢᱩᱴᱩ ᱢᱮᱱᱟᱜ ᱛᱟᱭᱟ ᱠᱚᱢᱤᱥᱚᱱᱟᱜ ᱾ ᱯᱚᱱᱚᱛ ᱨᱮᱭᱟᱜ ᱖ ᱜᱚᱴᱟᱝ ᱵᱤᱫᱷᱟᱱᱥᱚᱵᱷᱟ ᱨᱮ ᱢᱳᱴ ᱑᱕᱘᱓ ᱜᱚᱴᱟᱝ ᱵᱷᱳᱴ ᱠᱮᱱᱫᱨᱚ ᱛᱟᱦᱮᱱ ᱠᱟᱱᱟ ᱾
ᱵᱷᱳᱴ ᱠᱮᱱᱫᱨᱚ ᱚᱠᱟᱨᱮ ᱛᱤᱱᱟᱹᱜ
᱑,ᱢᱮᱫᱱᱤᱯᱩᱨ ᱨᱮ ᱓᱐᱔ ᱜᱚᱴᱟᱝ
᱒, ᱥᱤᱛᱟᱭ ᱨᱮ ᱓᱐᱐ ᱜᱚᱴᱟᱝ
᱓, ᱢᱟᱫᱟᱨᱤᱦᱟᱴ ᱨᱮ ᱒᱒᱖ ᱜᱚᱴᱟᱝ
᱔, ᱱᱚᱭᱦᱟᱴᱤ ᱨᱮ ᱒᱑᱐ ᱜᱚᱴᱟᱝ
᱕, ᱦᱟᱲᱳᱣᱟ ᱨᱮ ᱒᱗᱙ ᱜᱚᱴᱟᱝ
᱖, ᱛᱟᱞᱰᱟᱝᱨᱟ ᱨᱮ ᱒᱖᱔ ᱜᱚᱴᱟᱝ ᱵᱷᱳᱴ ᱠᱮᱱᱫᱨᱚ ᱛᱟᱦᱮᱱ ᱠᱟᱱᱟ ᱾
ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱡᱟᱦᱟᱸ ᱛᱩᱨᱩᱭ ᱜᱚᱴᱟᱝ ᱥᱤᱴ ᱨᱮ ᱵᱤᱫᱷᱟᱱᱥᱚᱵᱷᱟ ᱫᱚᱲᱦᱟ ᱵᱟᱪᱷᱱᱟᱣ ᱦᱩᱭᱩᱜ ᱠᱟᱱᱟ ᱚᱱᱟ ᱠᱚ ᱥᱤᱴ ᱨᱮ ᱵᱤᱫᱷᱟᱭᱚᱠ ᱠᱚᱫᱚ ᱒᱐᱒᱔ ᱨᱮᱭᱟᱜ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱵᱤᱫᱷᱟᱭᱚᱠ ᱠᱷᱚᱱ ᱮᱢ ᱯᱤ ᱠᱚ ᱵᱟᱪᱷᱱᱟᱣ ᱟᱠᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱜᱮ ᱚᱱᱟ ᱠᱚ ᱥᱤᱴ ᱨᱮ ᱫᱚᱲᱦᱟ ᱵᱟᱪᱷᱱᱟᱣ ᱦᱩᱭᱩᱜ ᱞᱟᱹᱜᱤᱫ ᱾ ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱦᱟᱲᱳᱣᱟ ᱨᱮ ᱥᱟᱝᱥᱚᱫᱽ ᱦᱟᱡᱤ ᱱᱩᱨᱩᱞ ᱤᱥᱞᱟᱢ ᱫᱚ ᱦᱟᱞᱮ ᱜᱮᱭ ᱵᱚᱸᱜᱟ ᱛᱟᱞᱟ ᱟᱠᱟᱱᱟ ᱾
ᱯᱚᱪᱷᱤᱢ ᱵᱟᱝᱞᱟ ᱨᱮ ᱱᱚᱣᱟ ᱞᱟᱦᱟ ᱟᱹᱰᱤᱜᱟᱱ ᱵᱟᱪᱷᱱᱟᱣ ᱦᱩᱭ ᱟᱠᱟᱱᱟ ᱟᱨ ᱚᱱᱟ ᱠᱚ ᱵᱟᱪᱷᱱᱟᱣ ᱨᱮ ᱧᱮᱞ ᱟᱠᱟᱱᱟ ᱡᱮ ᱚᱥᱟᱱᱛᱤ ᱨᱮᱭᱟᱜ ᱪᱤᱛᱟᱹᱨ ᱾ ᱚᱱᱟ ᱠᱚ ᱠᱟᱛᱷᱟ ᱩᱭᱦᱟᱹᱨ ᱠᱟᱛᱮᱫ ᱜᱮ ᱚᱥᱟᱱᱛᱤ ᱟᱨ ᱦᱤᱝᱥᱟᱹ ᱨᱩᱠᱷᱟᱹᱣ ᱞᱟᱹᱜᱤᱫ ᱛᱮ ᱵᱟᱪᱷᱱᱟᱣ ᱞᱟᱦᱟ ᱠᱷᱚᱱ ᱜᱮ ᱠᱮᱱᱫᱨᱤᱭᱚ ᱵᱟᱦᱤᱱᱤ ᱫᱚᱦᱚᱭ ᱨᱮᱭᱟᱜ ᱵᱷᱟᱵᱽᱱᱟ ᱪᱤᱱᱛᱟᱹ ᱟᱠᱟᱫᱟᱭ ᱤᱞᱮᱹᱠᱥᱚᱱ ᱠᱚᱢᱤᱥᱚᱱ ᱾
