(PAPUL MURMU) ‘India: The Modi Question’ BBC : ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ ᱤᱫᱤ ᱠᱟᱛᱮᱫ ᱵᱨᱤᱴᱤᱥ ᱵᱨᱚᱰᱠᱟᱥᱴᱤᱝ ᱠᱚᱨᱯᱳᱨᱮᱥᱚᱱ ᱤᱱᱰᱤᱭᱟ ᱫᱟ ᱢᱳᱫᱤ ᱠᱨᱤᱭᱮᱥᱚᱱ ᱪᱮᱛᱟᱱ ᱨᱮ ᱛᱟᱞᱢᱟ ᱥᱚᱨᱠᱟᱨᱟᱜ ᱢᱟᱱᱟ ᱛᱟᱦᱮᱱ ᱛᱩᱞᱩᱡ ᱦᱚᱸ ᱥᱩᱯᱨᱤᱢ ᱠᱳᱨᱴ ᱨᱮ ᱢᱟᱢᱞᱟ ᱦᱩᱭ ᱞᱮᱱ ᱛᱟᱦᱮᱱᱟ ᱞᱟᱦᱟ ᱨᱮᱜᱮ, ᱟᱨ ᱱᱤᱛ ᱚᱱᱟ ᱢᱟᱢᱞᱟ ᱨᱮᱭᱟᱜ ᱥᱩᱱᱟᱱᱤ ᱒᱐᱒᱕ ᱥᱟᱹᱦᱤᱛ ᱨᱮᱭᱟᱜ ᱡᱟᱱᱩᱣᱟᱨᱤ ᱦᱟᱹᱵᱤᱡ ᱛᱟᱭᱚᱢ ᱠᱮᱫᱟᱭ ᱥᱩᱯᱨᱤᱢ ᱠᱳᱨᱴ ᱾ ᱵᱤᱪᱟᱨᱯᱚᱛᱤ ᱥᱚᱧᱡᱤᱵᱽ ᱠᱷᱟᱱᱱᱟ ᱟᱨ ᱵᱤᱪᱟᱨᱯᱚᱛᱤ ᱥᱚᱧᱡᱚᱭ ᱠᱩᱢᱟᱨᱟᱜ ᱰᱤᱵᱷᱤᱥᱚᱱ ᱵᱮᱧᱪ ᱢᱟᱢᱞᱟ ᱨᱮᱭᱟᱜ ᱥᱩᱱᱟᱱᱤ ᱛᱷᱩᱠᱩᱢ ᱟᱠᱟᱫᱟᱭ ᱾
ᱥᱩᱯᱨᱤᱢ ᱠᱳᱨᱴᱟᱜ ᱡᱩᱠᱛᱤ, ᱛᱟᱞᱢᱟ ᱥᱚᱨᱠᱟᱨᱟᱜ ᱯᱟᱦᱴᱟ ᱠᱷᱚᱱ ᱦᱚᱞᱚᱯᱱᱟᱢᱟ ᱱᱤᱛ ᱦᱚᱸ ᱵᱟᱝ ᱱᱚᱛᱷᱤᱵᱷᱩᱠᱛᱚ ᱟᱠᱟᱱᱟ ᱾ ᱛᱟᱞᱢᱟ ᱨᱮᱱ ᱥᱚᱞᱤᱥᱤᱴᱚᱨ ᱡᱮᱱᱟᱨᱮᱹᱞ ᱛᱩᱥᱟᱨ ᱢᱮᱦᱮᱛᱟ ᱟᱫᱟᱞᱚᱛ ᱨᱮᱭ ᱞᱟᱹᱭ ᱟᱠᱟᱫᱟ ᱫᱟᱨᱟᱭᱠᱟᱱ ᱵᱟᱨ ᱦᱟᱯᱛᱟ ᱢᱩᱫᱽ ᱨᱮᱜᱮ ᱛᱟᱞᱢᱟ ᱥᱚᱨᱠᱟᱨ ᱯᱟᱥᱴᱟ ᱠᱷᱚᱱ ᱠᱟᱣᱩᱱᱴᱟᱨ ᱯᱷᱟᱭᱤᱞ ᱠᱚᱨᱟᱣ ᱦᱩᱭᱩᱜᱼᱟ ᱾
‘ᱤᱱᱰᱤᱭᱟ ᱫᱟ ᱢᱳᱫᱤ ᱠᱨᱤᱭᱮᱥᱚᱱ’ ᱛᱚᱛᱛᱷᱚ ᱪᱤᱛᱨᱚ ᱤᱫᱤ ᱠᱟᱛᱮᱫ ᱮᱛᱚᱦᱚᱵ ᱠᱷᱚᱱ ᱵᱤᱛᱚᱨᱠᱚ ᱫᱚ ᱪᱟᱞᱟᱜ ᱠᱟᱱᱟ ᱾ ᱵᱤ ᱵᱤ ᱥᱤ ᱛᱮᱭᱟᱨ ᱟᱠᱟᱫ ᱢᱤᱫ ᱜᱷᱚᱱᱚᱴᱟ ᱨᱮᱭᱟᱜ ᱛᱚᱛᱛᱷᱚ ᱪᱤᱛᱨᱚ ᱨᱮ ᱟᱹᱰᱤᱜᱟᱱ ᱱᱚᱝᱠᱟᱱ ᱠᱤᱪᱷᱩ ᱢᱮᱱᱟᱜᱼᱟ ᱡᱟᱦᱟᱸ ᱤᱫᱤ ᱠᱟᱛᱮᱫ ᱛᱟᱞᱢᱟ ᱥᱚᱨᱠᱟᱨ ᱢᱩᱥᱠᱤᱞ ᱨᱮ ᱯᱟᱨᱟᱣ ᱫᱟᱲᱮᱭᱟᱜᱟᱭ ᱾
