highlight
ᱵᱟᱨ ᱥᱮᱨᱢᱟ ᱛᱟᱭᱚᱢ ᱡᱮ,ᱞ ᱠᱷᱚᱱ ᱵᱮᱹᱞ ᱧᱟᱢ ᱠᱮᱫᱟᱭ ᱥᱚᱛᱛᱮᱱᱫᱨᱚ ᱡᱮᱹᱭᱱ
ᱵᱟᱨ ᱥᱮᱨᱢᱟ ᱠᱷᱚᱱ ᱫᱤᱞᱞᱤ ᱨᱮᱭᱟᱜ ᱛᱤᱦᱟᱲ ᱨᱮ ᱵᱚᱱᱫᱤ ᱛᱟᱦᱮᱸ ᱠᱟᱱᱟᱭ ᱥᱚᱛᱛᱮᱱᱫᱨᱚ
᱕᱐,᱐᱐᱐ ᱴᱟᱠᱟ ᱨᱮᱭᱟᱜ ᱵᱚᱱᱰ ᱨᱮ ᱡᱟᱢᱤᱱᱮ ᱢᱚᱧᱡᱩᱨ ᱠᱮᱫᱟ ᱨᱟᱣᱩᱥ ᱮᱵᱷᱮᱱᱤᱭᱩ ᱟᱫᱟᱞᱚᱛ
(PAPUL MURMU) Satyendar Jain has been granted bail by a Delhi court : ᱵᱟᱨ ᱥᱮᱨᱢᱟ ᱛᱟᱭᱚᱢ ᱡᱮᱹᱞ ᱠᱷᱚᱱ ᱵᱮᱹᱞ ᱧᱟᱢ ᱠᱮᱫᱟᱭ ᱫᱤᱞᱞᱤ ᱨᱮᱱ ᱢᱟᱨᱮ ᱦᱮᱹᱞᱛᱷ ᱢᱤᱱᱤᱥᱴᱟᱨ ᱥᱚᱛᱛᱮᱱᱫᱨᱚ ᱡᱮᱭᱱ ᱾ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱵᱮᱹᱼᱟᱭᱤᱱᱤ ᱞᱮᱠᱟᱛᱮ ᱟᱹᱰᱤᱜᱟᱱ ᱠᱟᱹᱣᱰᱤ ᱞᱮᱱᱫᱮᱱ ᱠᱷᱟᱹᱛᱤᱨ ᱠᱮᱱᱫᱨᱤᱭᱚ ᱛᱚᱫᱚᱱᱛᱚᱠᱟᱨᱤ ᱥᱚᱝᱥᱛᱷᱟ ᱤ ᱰᱤ ᱟᱨ ᱥᱤ ᱵᱤ ᱟᱭ ᱴᱷᱮᱱ ᱮᱨᱮᱥᱴ ᱦᱚᱪᱚ ᱞᱮᱱᱟᱭ ᱫᱤᱞᱞᱤ ᱨᱮᱱ ᱢᱟᱨᱮ ᱦᱮᱹᱞᱛᱷ ᱢᱤᱱᱤᱥᱴᱟᱨ ᱥᱚᱛᱛᱮᱱᱫᱨᱚ ᱡᱮᱭᱱ ᱾ ᱨᱟᱡᱽᱫᱷᱟᱱᱤ ᱫᱤᱞᱞᱤ ᱨᱮᱱᱟᱜ ᱨᱟᱣᱩᱥ ᱮᱵᱷᱤᱱᱤᱭᱩ ᱟᱫᱟᱞᱚᱛ ᱠᱷᱚᱱ ᱕᱐ ᱦᱟᱡᱟᱨ ᱴᱟᱠᱟ ᱨᱮᱭᱟᱜ ᱵᱮᱠᱛᱤᱜᱚᱛᱚ ᱵᱚᱱᱰ ᱨᱮ ᱡᱟᱢᱤᱱ ᱢᱚᱧᱡᱩᱨ ᱟᱠᱟᱱ ᱛᱟᱭᱟ ᱾
ᱚᱱᱟ ᱮᱠᱤ ᱢᱟᱢᱞᱟ ᱠᱷᱟᱹᱛᱤᱨ ᱛᱮ ᱟᱢ ᱟᱫᱽᱢᱤ ᱯᱟᱨᱴᱤ ᱨᱮᱱ ᱯᱩᱭᱞᱩ ᱥᱟᱹᱨ ᱨᱮᱱ ᱯᱩᱱᱭᱟ ᱱᱮᱛᱟ ᱠᱚ ᱮᱨᱮᱥᱴ ᱞᱮᱫ ᱠᱚᱣᱟ ED ᱟᱨ CBI ᱾ ᱟᱨ ᱩᱱᱠᱩ ᱯᱩᱱᱭᱟ ᱱᱮᱛᱟ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱞᱟᱦᱟ ᱠᱚ ᱮᱨᱮᱥᱴ ᱞᱮᱫᱮᱭᱟ ᱥᱚᱛᱛᱮᱱᱫᱨᱚ ᱡᱮᱭᱱ ᱾ ᱩᱱᱤᱭᱟᱜ ᱚᱲᱟᱜ ᱟᱨ ᱚᱯᱷᱤᱥ ᱠᱷᱚᱱ ᱟᱹᱰᱤᱜᱟᱱ ᱵᱮᱹᱼᱟᱭᱤᱱᱤ ᱠᱟᱹᱣᱰᱤ ᱠᱚ ᱩᱫᱷᱟᱹᱨ ᱞᱮᱫᱟ ᱠᱮᱱᱫᱨᱤᱭᱚ ᱛᱚᱫᱚᱱᱛᱚᱠᱟᱨᱤ ᱥᱚᱝᱥᱛᱷᱟ ᱾
ᱟᱨ ᱚᱱᱟ ᱛᱟᱭᱚᱢ ᱢᱤᱫ ᱢᱤᱫ ᱠᱟᱛᱮᱫ ᱫᱤᱞᱞᱤ ᱨᱮᱱ ᱩᱯᱚᱢᱩᱠᱷᱚ ᱢᱚᱱᱛᱨᱤ ᱢᱚᱱᱤᱥ ᱥᱤᱥᱳᱫᱤᱭᱟ, ᱨᱟᱡᱽᱡᱚᱥᱚᱵᱷᱟ ᱥᱟᱝᱥᱚᱫᱽ ᱥᱚᱧᱡᱚᱭ ᱥᱤᱝ, ᱟᱨ ᱢᱩᱪᱷᱟᱹᱫ ᱨᱮ ᱫᱤᱞᱞᱤ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱚᱨᱵᱤᱱᱫᱽ ᱠᱮᱹᱡᱽᱨᱤᱣᱟᱞ ᱦᱚᱸᱠᱚ ᱮᱨᱮᱥᱴ ᱞᱮᱫᱮᱭᱟ ᱥᱤ ᱵᱤ ᱟᱭ ᱾
