ᱟᱯᱱᱟᱨᱟᱜ ᱟᱹᱭᱫᱟᱹᱨ ᱦᱟᱛᱟᱣ ᱞᱟᱹᱜᱤᱫ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱽᱦᱤ ᱯᱟᱨᱜᱟᱱᱟ ᱢᱚᱦᱚᱞᱟᱜ ᱰᱮᱹᱯᱩᱴᱮᱥᱚᱱ ᱾ ᱯᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱵᱞᱚᱠ ᱨᱮ ᱢᱚᱦᱚᱞ ᱨᱮᱱ ᱥᱤᱯᱟᱹᱦᱤ ᱠᱚ ᱠᱟᱢᱥᱟᱣ ᱥᱮᱴᱮᱨᱮᱱ ᱵᱤᱹᱰᱤᱹᱳ ᱚᱯᱷᱤᱥ ᱾
ᱯᱩᱨᱵᱚ ᱵᱚᱨᱫᱷᱚᱢᱟᱱᱺ ᱑᱔ ᱫᱚᱷᱟ ᱫᱟᱹᱵᱤ ᱥᱟᱢᱟᱝ ᱨᱮ ᱫᱚᱦᱚ ᱠᱟᱛᱮᱫ, ᱠᱷᱚᱱᱰᱚᱜᱷᱳᱥ ᱨᱮᱱ ᱵᱤᱹᱰᱤᱹᱳ ᱰᱮᱹᱯᱩᱴᱮᱥᱚᱱ ᱠᱚ ᱮᱢᱟᱫᱮᱭᱟ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱽᱦᱤ ᱯᱟᱨᱜᱟᱱᱟ ᱢᱚᱦᱚᱞ ᱾ ᱤᱨᱟᱹᱞ ᱜᱚᱴᱟᱝ ᱟᱹᱜᱩᱣᱟᱹᱱ ᱵᱤᱹᱰᱤᱹᱳ ᱥᱟᱞᱟᱜ ᱧᱟᱯᱟᱢ ᱠᱟᱛᱮᱫ, ᱵᱤᱹᱰᱤᱹᱳ ᱚᱵᱷᱤᱠ ᱠᱩᱢᱟᱨ ᱵᱮᱱᱟᱨᱡᱤ ᱫᱟᱹᱵᱤ ᱥᱟᱠᱟᱢ ᱠᱚ ᱪᱟᱞ ᱟᱫᱮᱭᱟ ᱾
ᱰᱮᱹᱯᱩᱴᱮᱥᱚᱱ ᱨᱮ ᱡᱟᱹᱛᱤᱭᱟᱹᱨᱤ ᱥᱟᱯᱟᱵ ᱥᱟᱶᱛᱮ ᱰᱟᱦᱟᱨ ᱛᱟᱲᱟᱢ
ᱥᱟᱱᱛᱟᱲ ᱦᱚᱯᱚᱱᱟᱜ ᱩᱯᱨᱩᱢ ᱛᱩᱢᱫᱟᱜᱼᱴᱟᱢᱟᱠ ᱨᱩᱻᱨᱩ ᱛᱮ ᱟᱨ ᱟᱯᱱᱟᱨᱟᱜ ᱡᱟᱹᱛᱤᱭᱟᱹᱨᱤ ᱥᱟᱯᱟᱵ ᱥᱟᱵ ᱠᱟᱛᱮᱫ ᱰᱟᱦᱟᱨ ᱛᱟᱲᱟᱢ ᱨᱮᱠᱚ ᱥᱮᱞᱮᱫ ᱞᱮᱱᱟ ᱥᱟᱭᱼᱥᱟᱭ ᱥᱟᱱᱛᱟᱲ ᱦᱚᱯᱚᱱ ᱾ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱽᱦᱤ ᱯᱟᱨᱜᱟᱱᱟ ᱢᱚᱦᱚᱞ ᱨᱮᱱ ᱡᱮᱞᱟ ᱯᱟᱨᱜᱟᱱᱟ ᱵᱤᱡᱚᱭ ᱪᱚᱱᱫᱨᱚ ᱥᱚᱨᱮᱱᱮ ᱞᱟᱹᱭ, “᱑᱔ ᱫᱚᱯᱷᱟ ᱫᱟᱹᱵᱤ ᱥᱟᱠᱟᱢ ᱵᱤᱹᱰᱤᱹᱳ ᱞᱮ ᱪᱟᱞ ᱟᱫᱮᱭᱟ ᱟᱨ ᱥᱟᱱᱟᱢ ᱮᱴᱠᱮᱴᱚᱬᱮ ᱟᱭᱟᱜ ᱪᱮᱛᱟᱱ ᱢᱚᱦᱚᱞ ᱨᱮᱭ ᱵᱟᱰᱟᱭ ᱦᱚᱪᱚ ᱠᱚᱣᱟ ᱾”
ᱥᱟᱱᱟᱢ ᱵᱞᱚᱠ ᱨᱮ ᱢᱚᱦᱚᱞᱟᱜ ᱰᱮᱹᱯᱩᱴᱮᱥᱚᱱ
ᱵᱟᱰᱟᱭ ᱡᱚᱝ ᱞᱟᱹᱜᱽ ᱠᱟᱱᱟ, ᱯᱟᱨᱚᱢᱮᱱ ᱒᱗ ᱥᱮᱯᱴᱮᱢᱵᱚᱨ ᱦᱤᱞᱳᱜ, ᱯᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱵᱞᱚᱠ ᱨᱮ ᱢᱚᱦᱚᱞ ᱯᱟᱦᱴᱟ ᱠᱷᱚᱱ ᱥᱟᱯᱲᱟᱣ ᱞᱮᱱᱟ ᱰᱮᱹᱯᱩᱴᱮᱥᱚᱱ ᱾ ᱢᱮᱱᱠᱷᱟᱱ ᱡᱟᱦᱟᱸᱠᱚ ᱵᱞᱚᱠ ᱨᱮ ᱤᱱᱟᱹᱦᱤᱞᱳᱜ ᱵᱟᱝᱠᱚ ᱮᱢ ᱫᱟᱲᱮ ᱰᱮᱹᱯᱩᱴᱮᱥᱚᱱ, ᱚᱱᱟᱠᱚ ᱵᱞᱚᱠ ᱨᱮ ᱚᱠᱛᱚ ᱠᱩᱲᱟᱹᱣ ᱠᱟᱛᱮᱫ ᱰᱮᱹᱯᱩᱴᱮᱥᱚᱱ ᱠᱚ ᱮᱢ ᱮᱫᱟ ᱾
ᱢᱩᱬᱦᱩᱫ ᱫᱟᱹᱵᱤ ᱠᱚ
᱑) ᱨᱮᱜᱤᱥᱴᱟᱨ ᱢᱚᱦᱚᱞᱟᱜ ᱧᱩᱛᱩᱢ ᱡᱟᱦᱟᱸᱭ ᱠᱚ ᱵᱮᱣᱦᱟᱨ ᱞᱮᱠᱷᱟᱱ ᱩᱱᱠᱩ ᱵᱤᱨᱩᱫᱷ ᱟᱹᱱᱼᱟᱹᱨᱤ ᱞᱮᱠᱟᱛᱮ ᱵᱚᱱᱫᱷᱮᱡᱽ ᱦᱟᱛᱟᱣ ᱦᱩᱭᱩᱜᱼᱟ ᱾
᱒) ᱧᱤᱫᱟᱹ ᱚᱨᱠᱮᱥᱴᱨᱟ ᱞᱮᱠᱟᱱ ᱵᱮᱼᱥᱟᱶᱛᱟ ᱠᱟᱹᱢᱤ ᱠᱚ ᱛᱷᱩᱠᱩᱢ ᱦᱩᱭᱩᱜ ᱢᱟ ᱾
᱓) ᱟᱹᱫᱤᱵᱟᱹᱥᱤ ᱟᱹᱛᱩ ᱨᱮᱱᱟᱜ ᱥᱟᱱᱟᱢ ᱰᱟᱦᱟᱨ ᱜᱮ ᱰᱷᱟᱹᱞᱟᱹᱭ ᱵᱟᱝᱠᱷᱟᱱ ᱯᱤᱪ ᱨᱟᱥᱛᱟ ᱵᱮᱱᱟᱣ ᱦᱩᱭᱩᱜ ᱢᱟ ᱾ ᱩᱛᱱᱟᱹᱣ ᱠᱷᱚᱱ ᱟᱹᱫᱤᱵᱟᱹᱥᱤᱠᱚ ᱟᱞᱚᱠᱚ ᱪᱷᱩᱰᱟᱹᱨᱚᱜ ᱢᱟ ᱾
᱔) ᱟᱹᱰᱤ ᱞᱚᱜᱚᱱ ᱜᱮ ᱟᱹᱫᱤᱵᱟᱹᱥᱤᱭᱟᱜ ᱡᱟᱦᱮᱨ ᱛᱷᱟᱱ ᱨᱮᱱᱟᱜ ᱯᱟᱴᱴᱟ ᱮᱢᱚᱜ ᱦᱩᱭᱩᱜᱼᱟ ᱾
᱕) ᱦᱚᱭᱼᱫᱟᱜ ᱡᱟᱹᱲᱤ ᱛᱮ ᱦᱟᱹᱱ ᱟᱠᱟᱱ ᱪᱟᱹᱥᱤ ᱠᱚ ᱵᱤᱹᱰᱤᱹᱳ ᱫᱟᱨᱟᱡᱽ ᱛᱮ ᱠᱷᱚᱛᱯᱩᱨᱚᱱ ᱮᱢ ᱦᱩᱭᱩᱜᱼᱟ ᱾
᱖) ᱟᱹᱫᱤᱵᱟᱹᱥᱤ ᱥᱟᱱᱛᱟᱲ ᱥᱟᱶᱛᱟ ᱨᱮᱱ ᱢᱟᱹᱡᱽᱦᱤ ᱢᱚᱲᱮ ᱦᱚᱲ ᱥᱚᱨᱠᱟᱨᱤ ᱵᱷᱟᱛᱟ ᱮᱢᱟᱠᱚ ᱦᱩᱭᱩᱜᱼᱟ ᱾
᱗) ᱯᱷᱮᱹᱠ ᱮᱥᱴᱤ ᱥᱟᱨᱴᱤᱯᱷᱤᱠᱮᱹᱴ ᱮᱢ ᱦᱟᱹᱯᱤᱫᱽ ᱦᱩᱭᱩᱜ ᱢᱟ ᱾ ᱟᱨ ᱡᱟᱦᱟᱸᱭ ᱚᱼᱟᱹᱫᱤᱵᱟᱹᱥᱤ ᱠᱚ ᱮᱥᱴᱤ ᱠᱳᱴᱟ ᱨᱮᱠᱚ ᱪᱟᱹᱠᱨᱤ ᱠᱟᱱᱟ ᱩᱱᱠᱩ ᱡᱚᱛᱷᱟᱛ ᱥᱟᱥᱮᱛ ᱮᱢ ᱦᱩᱭᱩᱜ ᱢᱟ ᱾
᱘) ᱥᱟᱱᱟᱢ ᱵᱞᱚᱠ ᱨᱮ ᱟᱹᱫᱤᱵᱟᱹᱥᱤ ᱜᱟᱛᱟᱠ ᱴᱷᱟᱶ ᱨᱮ ᱠᱚᱢᱤᱭᱩᱱᱤᱴᱤ ᱦᱚᱞ ᱵᱮᱱᱟᱣ ᱦᱩᱭᱩᱜ ᱢᱟ ᱾
ᱥᱟᱶᱛᱮ ᱟᱨᱦᱚᱸ ᱮᱢᱟᱱ ᱠᱚ –
