(PAPUL MURMU) MAHARASTRA ELECTION SAMEER WANKHEDE : ᱤᱞᱮᱹᱠᱥᱚᱱ ᱠᱚᱢᱤᱥᱚᱱ ᱯᱟᱥᱴᱟ ᱠᱷᱚᱱ ᱩᱪᱷᱟᱹᱱ ᱟᱠᱟᱱᱟ ᱢᱚᱦᱟᱨᱟᱴᱨᱚ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮᱭᱟᱜ ᱱᱮᱸᱰᱟ ᱢᱟᱦᱟ ᱾ ᱟᱨ ᱚᱱᱟ ᱞᱮᱠᱟᱛᱮ ᱫᱟᱨᱟᱭᱠᱟᱱ ᱒᱐ ᱱᱚᱵᱷᱮᱢᱵᱚᱨ ᱨᱮ ᱯᱚᱱᱚᱛ ᱨᱮᱭᱟᱜ ᱒᱘᱘ ᱜᱚᱴᱟᱝ ᱥᱤᱴ ᱨᱮ ᱢᱤᱫ ᱛᱷᱚᱠ ᱨᱮ ᱦᱩᱭᱩᱜᱼᱟ ᱵᱟᱪᱷᱱᱟᱣ ᱾ ᱵᱟᱪᱷᱱᱟᱣ ᱨᱮᱭᱟᱜ ᱫᱤᱱᱠᱷᱚᱱ ᱩᱪᱷᱟᱹᱱ ᱛᱟᱭᱚᱢ ᱥᱟᱱᱟᱢ ᱨᱟᱡᱽᱼᱟᱹᱨᱤ ᱯᱟᱨᱴᱤ ᱜᱮ ᱟᱯᱱᱟᱨ ᱞᱮᱠᱟᱛᱮ ᱯᱨᱟᱨᱛᱷᱤ ᱮᱢ ᱨᱮᱠᱚ ᱪᱩᱴᱟᱹᱣ ᱟᱠᱟᱱᱟ ᱾ ᱛᱚᱵᱮ ᱫᱩᱨᱱᱤᱛᱤ ᱵᱤᱨᱩᱫᱷ ᱨᱮ ᱢᱤᱫ ᱥᱮᱨᱢᱟ ᱞᱟᱦᱟ ᱡᱟᱦᱟᱸᱭ ᱵᱤᱨᱩᱫᱷ ᱨᱮ ᱨᱮ ᱢᱟᱢᱞᱟ ᱨᱩᱡᱩ ᱞᱮᱫᱟᱠᱚ ᱥᱤ ᱵᱤ ᱟᱭ ᱾ ᱟᱨ ᱮᱱᱯᱷᱳᱨᱥᱢᱮᱱᱴ ᱰᱤᱨᱮᱠᱴᱚᱨᱮᱹᱴ ᱦᱚᱸ ᱡᱟᱦᱟᱸᱭ ᱵᱤᱨᱩᱫᱷ ᱨᱮ ᱒᱕ ᱠᱳᱴᱤ ᱴᱟᱠᱟ ᱨᱮᱭᱟᱜ ᱚᱵᱷᱤᱡᱳᱜᱽ ᱠᱚ ᱨᱟᱠᱟᱵ ᱟᱠᱟᱫᱟ ᱩᱱᱤ ᱥᱚᱢᱤᱨ ᱳᱣᱟᱝᱠᱷᱮᱹᱲᱮᱹ ᱜᱮ ᱵᱤ ᱡᱮ ᱯᱤ ᱨᱮᱱ ᱥᱚᱦᱚᱡᱳᱜᱤ ᱫᱚᱞ ᱥᱤᱵᱽ ᱥᱮᱱᱟ ᱥᱤᱱᱰᱮᱹ ᱜᱩᱴ ᱯᱟᱥᱴᱟ ᱠᱷᱚᱱ ᱵᱟᱪᱷᱱᱟᱣ ᱨᱮ ᱫᱟᱣᱮ ᱷᱟᱛᱟᱣ ᱮᱫᱟ ᱾
ᱥᱚᱢᱤᱨ ᱳᱣᱟᱝᱠᱷᱮᱹᱲᱮᱹ ᱫᱚᱠᱷᱤᱱ ᱢᱚᱫᱽᱫᱚ ᱢᱩᱢᱵᱟᱭ ᱨᱮᱭᱟᱜ ᱫᱷᱚᱨᱟᱵᱷᱤ ᱵᱤᱫᱷᱟᱱᱥᱚᱵᱷᱟ ᱯᱨᱟᱨᱛᱷᱤ ᱦᱩᱭ ᱫᱟᱲᱮᱭᱟᱼᱟᱭ ᱢᱮᱱᱛᱮ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱾ ᱑᱙᱙᱙ ᱥᱟᱹᱦᱤᱛ ᱠᱷᱚᱱ ᱚᱱᱟ ᱫᱷᱚᱨᱟᱷᱤ ᱥᱤᱴ ᱠᱷᱚᱱ ᱠᱚᱝᱜᱨᱮᱹᱥ ᱞᱟᱜᱟᱛᱟᱨ ᱢᱚᱬᱮ ᱫᱷᱟᱣ ᱠᱚ ᱡᱤᱛᱠᱟᱹᱨ ᱦᱮᱡ ᱟᱠᱟᱱᱟ ᱾
᱑᱙᱙᱖ ᱥᱟᱞ ᱳᱨᱤᱥᱟ ᱠᱮᱰᱟᱨ ᱨᱮᱱ ᱟᱭ ᱯᱤ ᱮᱥ ᱚᱯᱷᱤᱥᱟᱨᱮ ᱛᱟᱦᱮᱸ ᱠᱟᱱᱟ ᱥᱚᱢᱤᱨ ᱳᱣᱟᱝᱠᱷᱮᱹᱲᱮᱹ, ᱛᱚᱵᱮ ᱛᱟᱭᱚᱢ ᱫᱟᱨᱟᱢ ᱮᱱ ᱥᱤ ᱵᱤ ᱨᱮᱭ ᱵᱚᱫᱽᱞᱤ ᱞᱮᱱᱟ ᱾ ᱒᱐᱒᱑ ᱥᱟᱹᱦᱤᱛ ᱨᱮ ᱵᱚᱞᱤᱣᱩᱰ ᱛᱟᱨᱚᱠᱟ ᱥᱟᱨᱩᱠᱷ ᱠᱷᱟᱱ ᱨᱮᱱ ᱦᱚᱯᱚᱱ ᱟᱨᱤᱭᱟᱱ ᱠᱷᱟᱱ ᱮᱨᱮᱹᱥᱴ ᱛᱟᱭᱚᱢ ᱠᱷᱚᱵᱚᱨ ᱨᱮᱭᱟᱜ ᱪᱟᱨᱪᱟ ᱨᱮ ᱨᱟᱠᱟᱵ ᱞᱮᱱᱟᱭ ᱥᱚᱢᱤᱨ ᱳᱣᱟᱝᱠᱷᱮᱹᱲᱮᱹᱣᱟᱜ ᱧᱩᱛᱩᱢ ᱾ ᱒᱐᱒᱒ ᱥᱟᱞ ᱨᱮ ᱟᱨᱤᱭᱟᱱ ᱠᱷᱟᱱ ᱵᱤᱨᱩᱫᱷ ᱨᱮ ᱮᱱ ᱥᱤ ᱵᱤ ᱯᱨᱚᱢᱟᱱ ᱵᱟᱝ ᱠᱚ ᱩᱫᱩᱜ ᱫᱟᱲᱮᱭᱟᱜ ᱠᱷᱟᱹᱛᱤᱨ ᱥᱟᱱᱟᱢ ᱚᱵᱷᱤᱡᱳᱜᱽ ᱠᱚ ᱨᱩᱣᱟᱹᱲ ᱦᱟᱛᱟᱣ ᱞᱮᱫᱟ ᱮᱱ ᱥᱤ ᱵᱤ ᱾
ᱢᱮᱱᱠᱷᱟᱱ ᱠᱤᱪᱷᱩ ᱫᱤᱱ ᱛᱟᱭᱚᱢ ᱵᱮᱠᱛᱤᱜᱚᱛᱚ ᱥᱚᱢᱯᱚᱛᱛᱤ ᱵᱟᱹᱲᱛᱤ ᱞᱮᱱ ᱛᱟᱭᱟ ᱥᱚᱢᱤᱨ ᱳᱣᱟᱝᱠᱷᱮᱹᱲᱮᱹᱣᱟᱜ, ᱟᱨ ᱚᱱᱟ ᱛᱟᱭᱚᱢ ᱫᱩᱨᱱᱤᱛᱤ ᱨᱮᱭᱟᱜ ᱚᱵᱷᱤᱡᱳᱜᱽ ᱟᱛᱮ ᱢᱟᱢᱞᱟ ᱠᱚ ᱨᱩᱡᱩ ᱞᱮᱫᱟ ᱥᱤ ᱵᱤ ᱟᱭ ᱾ ᱟᱨ ᱩᱱᱤ ᱥᱚᱢᱤᱨ ᱳᱣᱟᱝᱠᱷᱮᱹᱲᱮᱹ ᱵᱤ ᱡᱮ ᱯᱤ ᱨᱮᱱ ᱥᱚᱦᱚᱡᱳᱜᱤ ᱫᱚᱞ ᱮᱠᱱᱟᱛᱷ ᱥᱤᱱᱰᱷᱮᱹ ᱜᱩᱴ ᱥᱤᱵᱽ ᱥᱮᱱᱟ ᱠᱷᱚᱱ ᱵᱟᱪᱷᱱᱟᱣ ᱨᱮ ᱫᱟᱣᱮ ᱦᱟᱛᱟᱣ ᱮᱫᱟ ᱾
