(PAPUL MURMU) Taldangra Assembly by-election : ᱫᱟᱨᱟᱭ ᱠᱟᱱ ᱑᱓ ᱱᱚᱵᱷᱮᱢᱵᱚᱨ ᱨᱮ ᱢᱮᱱᱟᱜ ᱟᱠᱟᱫᱟ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱖ ᱜᱚᱴᱟᱝ ᱥᱤᱴ ᱨᱮ ᱫᱚᱲᱦᱟ ᱵᱟᱪᱷᱱᱟᱣ, ᱟᱨ ᱚᱱᱟ ᱖ ᱜᱚᱴᱟᱝ ᱥᱤᱴ ᱢᱩᱫᱽ ᱨᱮ ᱵᱟᱸᱠᱩᱲᱟ ᱨᱮᱭᱟᱜ ᱛᱟᱞᱰᱟᱝᱨᱟ ᱨᱮᱦᱚᱸ ᱢᱮᱱᱟᱜᱼᱟ ᱵᱤᱫᱷᱟᱱᱥᱚᱵᱷᱟ ᱨᱮᱭᱟᱜ ᱫᱚᱲᱦᱟ ᱵᱟᱪᱷᱱᱟᱣ ᱾ ᱛᱚᱵᱮ ᱫᱚᱲᱦᱟ ᱵᱟᱪᱷᱱᱟᱣ ᱨᱮᱭᱟᱜ ᱢᱟᱦᱟ ᱩᱪᱷᱟᱹᱱ ᱥᱟᱶᱛᱮ ᱛᱨᱤᱱᱚᱢᱩᱞ ᱯᱟᱥᱴᱟ ᱠᱷᱚᱱ ᱮᱦᱚᱵ ᱟᱠᱟᱱᱟ ᱚᱣᱟᱞ ᱞᱤᱠᱷᱚᱱ ᱠᱟᱹᱢᱤᱦᱚᱨᱟ ᱾ ᱢᱮᱱᱠᱷᱟᱱ ᱚᱠᱚᱭᱮ ᱦᱩᱭᱩᱜᱼᱟ ᱛᱨᱤᱱᱚᱢᱩᱞ ᱯᱟᱥᱴᱟ ᱠᱷᱚᱱ ᱯᱨᱟᱨᱛᱷᱤ ᱚᱱᱟ ᱧᱩᱛᱩᱢ ᱫᱚᱞ ᱯᱟᱥᱴᱟ ᱠᱷᱚᱱ ᱵᱟᱝ ᱩᱪᱷᱟᱹᱱ ᱟᱠᱟᱱ ᱛᱮ ᱯᱨᱟᱨᱛᱷᱤᱭᱟᱜ ᱧᱩᱛᱩᱢ ᱡᱟᱭᱜᱟ ᱨᱮ ᱵᱞᱮᱝᱠ ᱠᱚ ᱫᱚᱦᱚ ᱠᱟᱜ ᱠᱟᱱᱟ ᱾
ᱛᱨᱤᱱᱚᱢᱩᱞ ᱨᱟᱡᱽᱼᱟᱹᱨᱤ ᱯᱟᱨᱴᱤᱭᱟᱜ ᱚᱣᱟᱞ ᱞᱤᱠᱷᱚᱱ ᱠᱟᱹᱢᱤᱦᱚᱨᱟ ᱧᱮᱞ ᱛᱮ ᱵᱤᱹᱡᱮᱹᱯᱤᱭᱟᱜ ᱢᱮᱱ ᱟᱨ ᱡᱤ ᱠᱚᱨ ᱠᱟᱱᱰᱚ ᱤᱫᱤ ᱠᱟᱛᱮᱫ ᱟᱹᱰᱤ ᱵᱚᱛᱚᱨ ᱨᱮ ᱢᱮᱱᱟᱜ ᱠᱚᱣᱟ ᱴᱤᱹᱮᱢᱹᱥᱤ, ᱚᱱᱟᱛᱮᱜᱮ ᱟᱹᱰᱤ ᱞᱟᱦᱟ ᱠᱷᱚᱱ ᱵᱟᱪᱷᱱᱟᱣ ᱰᱟᱹᱦᱤ ᱨᱮᱠᱚ ᱯᱷᱮᱰᱚᱜ ᱠᱟᱱᱟ ᱾ ᱛᱚᱵᱮ ᱒᱐᱑᱖ ᱠᱷᱚᱱ ᱜᱮ ᱛᱟᱞᱰᱟᱝᱨᱟ ᱵᱤᱫᱷᱟᱱᱥᱚᱵᱷᱟ ᱫᱚ ᱛᱨᱤᱱᱚᱢᱩᱞᱟᱜ ᱫᱚᱠᱷᱚᱞ ᱨᱮ ᱢᱮᱱᱟᱜ ᱟᱠᱟᱫᱟ ᱾ ᱛᱟᱞᱰᱟᱝᱨᱟ ᱨᱮᱱ ᱵᱤᱫᱷᱟᱭᱚᱠ ᱚᱨᱩᱯ ᱪᱚᱠᱨᱚᱵᱚᱨᱛᱤ ᱒᱐᱒᱔ ᱨᱮᱭᱟᱜ ᱞᱳᱠᱥᱚᱵᱷᱟ ᱨᱮ ᱥᱟᱝᱥᱚᱫᱽ ᱞᱮᱠᱟᱛᱮ ᱵᱟᱪᱷᱱᱟᱣᱮᱱ ᱛᱮ ᱩᱱᱤᱭᱟᱜ ᱨᱤᱡᱟᱭᱤᱱ ᱛᱟᱭᱚᱢ ᱛᱟᱞᱰᱟᱝᱨᱟ ᱥᱤᱴ ᱨᱮ ᱫᱚᱲᱷᱟ ᱵᱟᱪᱷᱱᱟᱣ ᱦᱩᱭᱩᱜ ᱠᱟᱱᱟ ᱾
