ᱵᱷᱟᱨᱚᱛ ᱨᱮᱭᱟᱜ upi ᱦᱚᱛᱮᱛᱮ ᱠᱟᱹᱣᱰᱤ ᱞᱮᱱᱫᱮᱱ ᱪᱟᱹᱞᱩᱜ ᱠᱟᱱᱟ ᱢᱚᱞᱫᱤᱯ ᱨᱮᱦᱚᱸ, ᱫᱤᱞᱞᱤ ᱨᱮ ᱵᱳᱹᱭᱴᱷᱚᱠ ᱛᱟᱭᱚᱢ ᱢᱚᱞᱫᱤᱯ ᱨᱩᱣᱟᱹᱲ ᱠᱟᱛᱮᱫ ᱥᱤᱫᱽᱫᱷᱟᱱᱛᱚ ᱢᱩᱭᱡᱩ ᱥᱚᱨᱠᱟᱨᱟᱜ

Last updated: October 22, 2024 5:05 pm

admin 8 months ago

ᱵᱷᱟᱨᱚᱛ ᱨᱮᱭᱟᱜ ᱦᱚᱛᱮᱛᱮ ᱠᱟᱹᱣᱰᱤ ᱞᱮᱱᱫᱮᱱ ᱮᱛᱚᱦᱚᱵᱚᱜ ᱠᱟᱱᱟ ᱢᱚᱞᱫᱤᱯ ᱨᱮ

(PAPUL MURMU) India’s UPI is launching in Maldives : ᱵᱷᱟᱨᱚᱛ ᱨᱮ ᱮᱛᱚᱦᱚᱵ ᱟᱠᱟᱱᱟ upi ᱦᱚᱛᱮᱛᱮ ᱠᱟᱹᱣᱰᱤ ᱞᱮᱱᱫᱮᱱ ᱨᱮᱭᱟᱜ ᱟᱹᱨᱤ, ᱟᱨ ᱚᱱᱟ ᱥᱤᱥᱴᱮᱢ ᱜᱮ ᱪᱟᱹᱞᱩᱭᱮᱱᱟ ᱢᱚᱞᱫᱤᱯ ᱨᱮᱦᱚᱸ ᱾ ᱚᱱᱞᱟᱭᱤᱱ ᱨᱮ ᱴᱟᱠᱟ ᱞᱮᱱᱫᱮᱱ ᱟᱨ ᱡᱟᱦᱟᱱᱟᱜ ᱠᱤᱨᱤᱧ ᱞᱮᱠᱷᱟᱱ ᱵᱷᱟᱨᱚᱛ ᱨᱮ upi ᱨᱮᱭᱟᱜ ᱵᱮᱵᱚᱦᱟᱨ ᱦᱩᱭᱩᱜᱼᱟ ᱾ ᱟᱨ ᱴᱷᱤᱠ ᱚᱱᱠᱟ ᱜᱮ ᱚᱱᱟ ᱵᱮᱵᱚᱥᱛᱷᱟ ᱪᱟᱹᱞᱩ ᱨᱮᱭᱟᱜ ᱠᱩᱨᱩᱢᱩᱴᱩ ᱠᱚ ᱦᱟᱛᱟᱣ ᱠᱮᱫᱟ ᱯᱨᱚᱛᱤᱵᱮᱹᱥᱤ ᱫᱤᱥᱳᱢ ᱢᱚᱞᱫᱤᱯ ᱨᱮᱦᱚᱸ ᱾ ᱚᱠᱴᱳᱵᱚᱨ ᱪᱟᱸᱫᱚ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱵᱷᱟᱨᱚᱛ ᱥᱚᱯᱷᱚᱨ ᱨᱮᱭ ᱦᱮᱡ ᱞᱮᱱᱟ ᱢᱚᱞᱫᱤᱯ ᱨᱮᱱ ᱯᱨᱮᱹᱥᱤᱰᱮᱱᱴ ᱢᱚᱦᱚᱢᱢᱚᱫᱽ ᱢᱩᱭᱡᱩ ᱾ ᱵᱷᱟᱨᱚᱛ ᱨᱮ ᱦᱮᱡ ᱠᱟᱛᱮᱫ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱥᱟᱶᱛᱮ ᱵᱳᱹᱭᱴᱷᱚᱠ ᱠᱚᱨᱟᱣ ᱟᱠᱟᱫᱟᱭ ᱢᱩᱭᱡᱩ ᱾ ᱟᱨ ᱚᱱᱟ ᱵᱳᱹᱭᱴᱷᱚᱠ ᱛᱟᱭᱚᱢ ᱜᱮ ᱰᱤᱡᱤᱴᱟᱞ ᱟᱨ ᱠᱟᱹᱣᱰᱤᱟᱹᱨᱤ ᱞᱮᱠᱟᱛᱮ ᱢᱚᱞᱫᱤᱯ ᱜᱚᱲᱚ ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ ᱱᱤᱭᱩ ᱫᱤᱞᱞᱤ ᱾