(PAPUL MURMU) HS EXAM : ᱜᱮᱞᱵᱟᱨ ᱪᱟᱱᱟᱪ ᱒᱐᱒᱕ ᱨᱮᱭᱟᱜ ᱵᱤᱰᱟᱹᱣ ᱨᱮ ᱚᱠᱛᱚ ᱤᱫᱤ ᱠᱟᱛᱮᱫ ᱢᱟᱨᱟᱝ ᱯᱚᱨᱤᱵᱚᱨᱛᱚᱱᱮ ᱟᱹᱜᱩ ᱠᱮᱫᱟ ᱥᱤᱠᱠᱷᱟ ᱥᱚᱝᱥᱚᱫᱽ ᱾ ᱵᱚᱫᱚᱞ ᱟᱹᱜᱩ ᱦᱩᱭ ᱟᱠᱟᱱᱟ ᱥᱮᱹᱢᱤᱥᱴᱟᱨ ᱴᱩ ᱨᱮᱭᱟᱜ ᱵᱤᱰᱟᱹᱣ ᱨᱮ ᱾ ᱫᱟᱨᱟᱭ ᱠᱟᱱ ᱒᱓ ᱢᱟᱨᱪ ᱠᱷᱚᱱ ᱜᱮᱞᱵᱟᱨ ᱪᱟᱱᱟᱪ ᱨᱮᱭᱟᱜ ᱵᱤᱫᱟᱹᱣ ᱥᱟᱶᱛᱮ ᱜᱮ ᱦᱩᱭᱩᱜᱼᱟ ᱥᱮᱹᱢᱤᱥᱴᱟᱨ ᱴᱩ ᱨᱮᱭᱟᱜ ᱵᱤᱰᱟᱹᱣ ᱦᱚᱸ ᱾ ᱜᱮᱞᱵᱟᱨ ᱪᱟᱱᱟᱪ ᱨᱮᱭᱟᱜ ᱵᱤᱰᱟᱹᱣ ᱨᱮ ᱚᱠᱛᱚ ᱵᱚᱫᱚᱞ ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱠᱮᱫᱟ ᱥᱤᱠᱠᱷᱟ ᱥᱚᱝᱥᱚᱫ᱾ ᱥᱤᱠᱠᱦᱟ ᱥᱚᱝᱥᱚᱫ ᱯᱟᱥᱴᱟ ᱠᱦᱚᱱ ᱩᱪᱟᱹᱱ ᱟᱠᱟᱱ ᱱᱟᱣᱟ ᱱᱚᱴᱤᱥ ᱨᱮ ᱞᱟᱹᱭ ᱦᱩᱭ ᱟᱠᱟᱱᱟ ᱛᱤᱠᱤᱱ ᱵᱮᱲᱟ ᱯᱮ ᱴᱟᱲᱟᱝ ᱵᱚᱫᱚᱞ ᱛᱮ ᱵᱤᱰᱟᱹᱣ ᱮᱛᱚᱦᱚᱵᱚᱜᱼᱟ ᱵᱟᱨ ᱴᱟᱲᱟᱝ ᱚᱠᱛᱚ ᱨᱮ ᱟᱨ ᱢᱩᱪᱟᱹᱫᱚᱜᱼᱟ ᱯᱩᱱ ᱴᱟᱲᱟᱝ ᱚᱠᱛᱚ ᱨᱮ ᱾
ᱵᱷᱤᱡᱩᱣᱟᱞ ᱟᱨᱴ, ᱢᱤᱭᱩᱡᱤᱠ ᱟᱨ ᱵᱷᱳᱠᱮᱹᱥᱚᱱᱟᱞ ᱥᱟᱵᱽᱡᱮᱹᱴ ᱞᱟᱹᱜᱤᱫ ᱵᱤᱰᱟᱹᱣ ᱨᱮᱭᱟᱜ ᱚᱠᱛᱚ ᱫᱚ ᱢᱤᱫ ᱜᱷᱚᱱᱴᱟ ᱑᱕ ᱢᱤᱱᱤᱴ ᱛᱟᱦᱮᱱᱟ ᱾ ᱛᱤᱠᱤᱱ ᱵᱟᱨ ᱵᱟᱡᱟᱜ ᱠᱷᱚᱱ ᱯᱮ ᱵᱟᱡᱟᱜ ᱑᱕ ᱢᱤᱱᱤᱴ ᱦᱟᱹᱵᱤᱡ ᱵᱤᱰᱟᱹᱣ ᱦᱩᱭᱩᱜᱼᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾
