ᱜᱨᱮᱹᱯᱷᱛᱟᱨ ᱟᱞᱞᱩ ᱚᱨᱡᱩᱱ ! ᱯᱩᱥᱯᱟ ᱒ ᱨᱮᱭᱟᱜ ᱯᱨᱤᱢᱤᱭᱟᱨ ᱚᱠᱛᱚ ᱦᱚᱲ ᱠᱚᱣᱟᱜ ᱞᱮᱵᱮᱫ ᱛᱮ ᱢᱤᱫ ᱦᱚᱲ ᱜᱩᱨ ᱠᱷᱟᱹᱛᱤᱨ ᱯᱩᱞᱤᱥᱟᱜ ᱢᱟᱨᱟᱝ ᱠᱟᱰᱮᱨ

(PAPUL MURMU) ALLU ARJUN ARRESTED : ᱟᱵᱷᱤᱱᱮᱛᱟ ᱟᱞᱞᱩ ᱚᱨᱡᱩᱱ ᱠᱚ ᱮᱨᱮᱹᱥᱴ ᱠᱮᱫᱮᱭᱟ ᱯᱩᱞᱤᱥ᱾ ᱵᱟᱝᱢᱟ ᱯᱟᱨᱚᱢᱮᱱ  4 December ᱦᱟᱭᱫᱨᱟᱵᱟᱫᱽ ᱨᱮ ᱯᱩᱥᱯᱟ ᱒ ᱯᱷᱤᱞᱢ ᱨᱮᱭᱟᱜ ᱯᱨᱤᱢᱤᱭᱟᱨ ᱦᱩᱭ ᱞᱮᱱ ᱛᱟᱦᱮᱱᱟ᱾ ᱟᱨ ᱩᱱ ᱚᱠᱛᱚ ᱦᱚᱲ ᱠᱚᱣᱟᱜ ᱵᱷᱤᱲ ᱛᱮ ᱢᱤᱫ ᱦᱚᱲᱟᱜ ᱡᱤᱣᱤ ᱪᱷᱟᱞᱟᱣ ᱞᱮᱱ ᱛᱟᱦᱮᱱᱟ , ᱟᱨ ᱵᱮᱥ ᱠᱤᱪᱷᱩ ᱦᱚᱲ ᱜᱷᱟ.ᱞ ᱞᱮᱱ ᱛᱟᱦᱮᱱᱟ ᱠᱚ ᱾ ᱯᱩᱥᱯᱟ ᱒ ᱨᱮᱭᱟᱜ ᱚᱱᱟ ᱯᱨᱤᱢᱤᱭᱟᱨ ᱨᱮ ᱥᱮᱴᱮᱨᱮ ᱛᱟᱦᱮᱸ ᱠᱟᱱᱟ ᱚᱵᱷᱤᱱᱮᱛᱟ ᱟᱞᱞᱩ ᱚᱨᱡᱩᱱ᱾ ᱟᱨ ᱚᱱᱟ ᱠᱷᱟᱹᱛᱤᱨ ᱜᱮ ᱯᱟᱞᱮᱱ ᱯᱩᱞᱤᱥ ᱠᱚ ᱮᱨᱮᱥᱴ ᱠᱮᱫᱮᱭᱟ ᱟᱞᱞᱩ ᱚᱨᱡᱩᱱ᱾

ᱛᱮᱞᱮᱜᱩ ᱚᱵᱷᱤᱱᱮᱛᱟ ᱟᱞᱞᱩ ᱚᱨᱡᱩᱱ ᱚᱱᱟ ᱯᱨᱤᱢᱤᱭᱟᱨ ᱥᱳ ᱨᱮ ᱥᱮᱴᱮᱨ ᱛᱟᱭᱚᱢ ᱜᱮ ᱟᱡ ᱨᱮᱱ ᱯᱷᱚᱞᱳᱣᱟᱨᱥ ᱠᱚ ᱦᱩᱲᱟᱹᱦᱩᱲᱤ ᱠᱚ ᱮᱛᱚᱦᱚᱵ ᱞᱮᱫ ᱛᱟᱦᱮᱱᱟ᱾ ᱦᱚᱲ ᱠᱚᱣᱟᱜ ᱵᱷᱤᱲ ᱵᱟᱹᱲᱛᱤᱭᱮᱱ ᱛᱮ ᱦᱩᱲᱟᱹᱦᱩᱲᱤ ᱦᱚᱸ ᱵᱟᱹᱲᱛᱤ ᱪᱷᱟᱞᱟᱣᱮᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱦᱚᱞ ᱨᱮᱭᱟᱜ ᱢᱩᱞ ᱜᱮᱹᱴ ᱨᱟᱯᱩᱫ ᱞᱮᱱ ᱛᱟᱦᱮᱱᱟ ᱾ ᱯᱩᱥᱯᱟ ᱒ ᱨᱮᱭᱟᱜ ᱯᱨᱤᱢᱤᱭᱟᱨ ᱧᱮᱞ ᱪᱟᱞᱟᱣ ᱠᱟᱛᱮᱫ ᱦᱚᱲ ᱠᱚᱣᱟᱜ ᱵᱷᱤᱲ ᱵᱟᱹᱲᱛᱤ ᱞᱮᱱ ᱛᱮ ᱢᱤᱫ ᱛᱤᱨᱞᱟᱹᱣᱟᱜ ᱡᱤᱣᱤ ᱪᱟᱞᱟᱣ ᱞᱮᱱ ᱛᱟᱦᱮᱱᱟ ᱟᱨ ᱱᱤᱛ ᱦᱚᱸ ᱩᱱᱤᱨᱮᱱ ᱜᱤᱫᱽᱨᱟᱹ ᱦᱟᱥᱯᱟᱛᱟᱞ ᱨᱮ ᱛᱤᱠᱪᱷᱟᱹ ᱪᱟᱞᱟᱜ ᱠᱟᱱ ᱛᱟᱭᱟ ᱾

ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱚᱵᱷᱤᱱᱮᱛᱟ ᱟᱞᱞᱩ ᱚᱨᱡᱩᱱ ᱨᱮᱱ ᱴᱤᱢ ᱯᱟᱦᱟᱴᱟ ᱠᱷᱚᱱ ᱛᱤᱱᱟᱹᱜ ᱜᱟᱱ ᱦᱚᱲ ᱠᱚ ᱥᱮᱴᱮᱨᱚᱜᱼᱟ ᱚᱱᱟ  ᱨᱮᱭᱟᱜ ᱨᱮᱯᱳᱨᱴ ᱯᱩᱞᱤᱥ ᱴᱷᱤᱠ ᱞᱮᱠᱟ ᱵᱟᱝ ᱮᱢ ᱦᱩᱭ ᱞᱮᱱ ᱛᱟᱦᱮᱱᱟ ᱾ ᱯᱩᱞᱤᱥ ᱴᱷᱮᱱ ᱴᱷᱤᱠ ᱨᱤᱯᱳᱨᱴ ᱵᱟᱝ ᱛᱟᱦᱮᱸᱠᱟᱱ ᱛᱮ ᱯᱨᱤᱢᱤᱭᱟᱨ ᱥᱳ ᱞᱟᱹᱜᱤᱫ  ᱯᱩᱞᱤᱥ ᱦᱚᱸ ᱩᱱᱟᱹᱜ ᱜᱟᱱ ᱵᱟᱝ ᱢᱳᱛᱟᱭᱮᱱ ᱦᱩᱭ ᱞᱮᱱ ᱛᱟᱦᱮᱱᱟ᱾

ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱟᱞᱞᱩ ᱚᱨᱡᱩᱱ ᱚᱵᱷᱤᱱᱤᱛᱚ “ᱯᱩᱥᱯᱟ ᱫᱟ ᱨᱟᱭᱤᱥ” ᱵᱚᱠᱥ ᱚᱯᱷᱤᱥ ᱨᱮ ᱟᱹᱰᱤ ᱥᱚᱯᱷᱚᱞᱚᱛᱟᱭ ᱧᱟᱢ ᱟᱠᱟᱫᱟ, ᱟᱨ ᱠᱚᱭᱮᱠᱥᱚ ᱠᱳᱴᱤ ᱴᱟᱠᱟ ᱦᱚᱸ ᱦᱩᱭ ᱮᱱᱟ ᱯᱩᱥᱯᱟᱣᱟᱜ ᱾ ᱯᱩᱥᱯᱟ ᱨᱮᱭᱟᱜ ᱯᱟᱨᱴ ᱑ ᱧᱮᱞ ᱛᱟᱭᱚᱢ ᱯᱟᱨᱴ ᱒ ᱨᱮᱭᱟᱜ ᱠᱟᱛᱷᱟ ᱡᱟᱦᱟᱸ ᱚᱠᱛᱚ ᱵᱟᱰᱟᱭ ᱧᱟᱢ ᱮᱱᱟ ᱩᱱ ᱚᱠᱛᱚ ᱠᱷᱚᱱ ᱜᱮ ᱟᱞᱞᱩ ᱚᱨᱡᱩᱱ ᱨᱮᱱ ᱯᱷᱚᱞᱳᱣᱟᱨᱥ ᱠᱚ ᱛᱟᱺᱜᱤ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱟᱨ ᱢᱩᱪᱷᱟᱹᱫ ᱦᱟᱹᱵᱤᱡ ᱯᱟᱨᱚᱢᱮᱱ ᱕ ᱰᱤᱥᱮᱢᱵᱚᱨ ᱨᱮ ᱢᱩᱠᱛᱤ ᱧᱟᱢ ᱠᱮᱫᱟᱭ ᱯᱩᱥᱯᱟ ᱒ ᱾