THREAT TO BLOW UP KERALA CM RESIDENCE : ᱯᱟᱨᱚᱢᱮᱱ ᱥᱤᱝᱜᱟᱹ ᱢᱟᱦᱟ ᱦᱤᱞᱟᱹᱜ ᱜᱮ ᱠᱮᱨᱟᱞᱟ ᱨᱮᱭᱟᱜ ᱛᱨᱤᱵᱚᱱᱛᱚᱯᱩᱨᱩᱢ ᱵᱤᱢᱟᱱᱵᱚᱫᱚᱱ ᱵᱚᱢᱽ ᱛᱮ ᱩᱲᱟᱹᱭ ᱨᱮᱭᱟᱜ ᱦᱩᱢᱠᱤ ᱧᱟᱢ ᱞᱮᱱ ᱛᱟᱦᱮᱱᱟ᱾ ᱟᱨ ᱚᱱᱟ ᱨᱮᱭᱟᱜ ᱫᱚᱥᱟᱨ ᱢᱟᱦᱟ ᱨᱮᱜᱤ ᱥᱤᱨᱟᱹ ᱯᱤᱱᱟᱨᱟᱭ ᱵᱤᱡᱚᱭᱚᱱ (PINARAYI VIJAYAN) ᱭᱟᱜ ᱥᱤ ᱮᱢ ᱦᱟᱭᱩᱥ, ᱥᱤ ᱮᱢ ᱫᱚᱯᱛᱚᱨ ᱨᱟᱹᱯᱩᱛ ᱨᱮᱭᱟᱜ ᱦᱩᱢᱠᱤ ᱮᱢ ᱦᱩᱭ ᱟᱠᱟᱱᱟ᱾ ᱦᱩᱢᱠᱤ ᱧᱟᱢ ᱛᱟᱭᱚᱢ ᱜᱮ ᱠᱮᱨᱟᱞᱟ ᱨᱮᱭᱟᱜ ᱨᱟᱡᱽᱫᱷᱟᱱᱤ ᱛᱨᱤᱵᱚᱱᱛᱚᱯᱩᱨᱩᱢ ᱴᱚᱴᱷᱟ ᱨᱮ ᱮᱛᱚᱦᱚᱵ ᱟᱠᱟᱱᱟ ᱛᱚᱞᱞᱟᱥᱤ ᱚᱵᱷᱤᱡᱟᱱ᱾ ᱥᱤᱨᱟᱹ ᱢᱚᱱᱛᱨᱤ ᱫᱚᱯᱛᱚᱨ ᱯᱟᱦᱟᱴᱟ ᱠᱷᱚᱱ ᱵᱟᱰᱟᱭ ᱧᱟᱢᱚᱠ ᱠᱟᱱᱟ ᱡᱟᱦᱟᱭ ᱦᱩᱢᱠᱤ ᱠᱚ ᱮᱢ ᱟᱠᱟᱫ ᱩᱱᱠᱚᱣᱟᱜ ᱛᱚᱞᱟᱥ ᱨᱮ ᱯᱩᱞᱤᱥ ᱥᱟᱶ ᱥᱟᱶᱛᱮ ᱵᱚᱢᱽ ᱥᱠᱚᱣᱟᱰ ᱠᱚᱦᱚ ᱜᱚᱴᱟ ᱠᱮᱨᱟᱞᱟ ᱨᱮᱜᱤ ᱛᱚᱞᱟᱥ ᱠᱚ ᱪᱟᱹᱞᱩ ᱟᱠᱟᱫᱟ᱾
ᱠᱮᱨᱟᱞᱟ ᱯᱩᱞᱤᱥ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ ᱡᱮ ᱚᱛᱮ ᱢᱟᱦᱟ ᱥᱮᱛᱟᱠ ᱵᱮᱲᱟ ᱜᱮ ᱢᱤᱫ ᱤᱢᱮᱞ ᱛᱟᱞᱟ ᱛᱮ ᱥᱤᱨᱟᱹ ᱢᱚᱱᱛᱨᱤ ᱭᱟᱜ ᱚᱲᱟᱜ ᱟᱨ ᱫᱚᱯᱛᱚᱨ ᱵᱚᱢᱽ ᱛᱮ ᱨᱟᱹᱯᱩᱛ ᱦᱩᱭᱩᱜᱼᱟ ᱢᱮᱱᱛᱮ ᱦᱩᱢᱠᱤ ᱦᱮᱡ ᱟᱠᱟᱱᱟ᱾ ᱛᱚᱵᱮ ᱦᱩᱢᱠᱤ ᱧᱟᱢ ᱥᱟᱶᱛᱮ ᱥᱟᱶᱛᱮ ᱜᱤ ᱜᱚᱴᱟ ᱮᱞᱟᱠᱟ ᱜᱮ ᱜᱷᱮᱨᱟ ᱠᱮᱫᱟ ᱠᱚ ᱯᱩᱞᱤᱥ᱾ DOG ᱥᱠᱚᱣᱟᱰ ᱛᱮᱷᱚᱸ ᱛᱚᱞᱟᱥ ᱫᱚ ᱡᱟᱹᱨᱤ ᱠᱚ ᱫᱚᱦᱚ ᱟᱠᱟᱫᱟ ᱯᱩᱞᱤᱥ᱾ ᱛᱚᱵᱮ ᱦᱩᱢᱠᱤ ᱧᱟᱢ ᱟᱠᱟᱱ ᱨᱮᱦᱚᱸ ᱱᱤᱛ ᱦᱟᱵᱤᱛ ᱵᱚᱢᱟ ᱵᱤᱥᱯᱷᱚᱨᱚᱱ ᱫᱚ ᱚᱠᱟ ᱨᱮᱦᱚᱸ ᱵᱟᱝ ᱩᱭ ᱟᱠᱟᱱᱟ᱾
ᱛᱤᱵᱚᱱᱛᱚᱯᱩᱢ ᱵᱤᱢᱟᱱ ᱵᱚᱱᱫᱚᱨ ᱨᱮᱦᱚᱸ ᱵᱚᱱᱫᱚᱨ ᱨᱮᱱ ᱢᱮᱱᱟᱡᱟᱨ ᱭᱟᱜ ᱤᱢᱮᱞ ᱨᱮ ᱦᱩᱢᱠᱤ ᱦᱮᱡ ᱥᱟᱶᱛᱮ ᱜᱮ ᱵᱤᱢᱟᱱ ᱵᱚᱱᱫᱚᱨ ᱨᱮᱱ CISF ᱛᱚᱞᱟᱥ ᱠᱚ ᱮᱛᱚᱦᱚᱵ ᱞᱮᱫ ᱛᱟᱦᱮᱱᱟ, ᱡᱚᱫᱤᱳ ᱱᱤᱛ ᱦᱟᱵᱤᱛ ᱯᱩᱞᱤᱥ ᱟᱨ CISF ᱥᱚᱱᱰᱮᱦᱚ ᱞᱮᱠᱟ ᱪᱮᱫ ᱦᱚᱸ ᱵᱟᱝ ᱠᱚ ᱧᱟᱢ ᱟᱠᱟᱫᱟ᱾
