Abhishek on Pahalgam Attack : ᱯᱟᱨᱚᱢᱮᱱ ᱒᱒ ᱮᱯᱨᱤᱞ ᱠᱟᱥᱢᱤᱨ ᱨᱮᱭᱟᱜ ᱯᱟᱦᱮᱞᱜᱟᱢ ᱨᱮ ᱡᱚᱝᱜᱤ ᱦᱟᱢᱞᱟᱦᱩᱭ ᱞᱮᱱ ᱛᱟᱦᱮᱱᱟ, ᱟᱨ ᱚᱱᱟ ᱨᱮ ᱡᱤᱭᱤ ᱠᱚ ᱟᱫ ᱟᱠᱟᱫᱟ ᱒᱖ ᱜᱚᱴᱟᱝ ᱯᱚᱨᱡᱚᱴᱚᱠ᱾ ᱩᱱᱠᱚ ᱢᱩᱫ ᱨᱮ ᱒᱕ ᱡᱚᱱᱟ ᱫᱚ ᱯᱚᱨᱚᱴᱚᱠ ᱟᱨ ᱢᱤᱫ ᱴᱟᱝ ᱫᱚ ᱛᱷᱟᱱᱤᱛ ᱵᱮᱵᱥᱟᱭᱤ ᱛᱟᱷᱮᱸ ᱠᱟᱱᱟ᱾ ᱟᱨ ᱡᱤᱭᱤ ᱪᱟᱞᱟᱶ ᱟᱠᱟᱱ ᱒᱖ ᱜᱚᱴᱟᱝ ᱦᱚᱲ ᱢᱩᱫ ᱨᱮ ᱵᱟᱝᱞᱟ ᱨᱮᱱ ᱯᱮ ᱡᱚᱱᱟ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱭ ᱯᱟᱦᱮᱞᱜᱟᱢ ᱡᱚᱝᱜᱤ ᱦᱟᱢᱞᱟ ᱨᱮ ᱡᱤᱭᱤ ᱪᱟᱞᱟᱶ ᱟᱠᱟᱱᱟ᱾ ᱵᱟᱝᱞᱟ ᱨᱮᱱ ᱡᱟᱦᱟᱭ ᱯᱮ ᱦᱚᱲ ᱡᱤᱭᱤ ᱪᱟᱞᱟᱶ ᱟᱠᱟᱱ ᱛᱟᱠᱩ ᱯᱩᱭ ᱫᱤᱱ ᱠᱷᱚᱱ ᱩᱱᱠᱚ ᱜᱟᱨᱚᱸᱡᱽ ᱦᱚᱲ ᱯᱟᱥᱮ ᱨᱮ ᱢᱮᱱᱟᱭᱼᱟ ᱯᱚᱱᱚᱛ ᱥᱚᱨᱠᱟᱨ᱾
ᱯᱟᱦᱮᱞᱜᱟᱢ ᱢᱟᱢᱞᱟ ᱨᱮ ᱱᱤᱛ ᱦᱟᱵᱤᱛ ᱵᱤᱛᱚᱨᱠᱚ ᱠᱚᱢ ᱫᱚ ᱵᱟᱝ ᱦᱩᱭ ᱟᱠᱟᱱᱟ, ᱟᱨ ᱚᱱᱟ ᱱᱤᱭᱟᱹ ᱱᱤᱛ ᱠᱟᱛᱷᱟᱭ ᱨᱚᱲ ᱠᱮᱫᱟ ᱛᱨᱤᱱᱚᱢᱩᱞ ᱨᱮᱱ ᱥᱮᱠᱮᱱᱰ ᱤᱱ ᱠᱚᱢᱟᱱᱰ ᱟᱵᱤᱥᱮᱠ ᱵᱮᱱᱟᱨᱡᱤ (ABHISHEK BANERJEE) ᱾
ᱛᱚᱵᱮ ᱯᱩᱭ ᱨᱮ ᱥᱳᱥᱟᱞ ᱢᱮᱰᱤᱭᱟ ᱛᱟᱞᱟ ᱛᱮ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱵᱤᱨᱚᱫᱽ ᱨᱮ ᱨᱟᱜᱤ ᱥᱚᱫᱚᱨ ᱞᱮᱫᱟ᱾ ᱱᱟᱦᱟᱠ ᱚᱠᱛᱚ ᱨᱮᱭᱟᱜ ᱯᱚᱨᱤᱥᱛᱤᱛᱤ ᱧᱮᱞ ᱠᱟᱛᱮᱡ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱟᱜ ᱵᱷᱩᱢᱤᱠᱟ ᱟᱨ ᱠᱟᱹᱢᱤᱦᱚᱨᱟ ᱨᱮᱭᱟᱜ ᱠᱩᱠᱞᱤ ᱦᱚᱭ ᱨᱟᱠᱟᱵᱽ ᱞᱮᱫ ᱛᱟᱦᱮᱱᱟ᱾
ᱟᱵᱷᱤᱥᱮᱠ ᱟᱜ ᱞᱟᱹᱭ ᱵᱟᱨ ᱯᱮ ᱫᱤᱱ ᱠᱷᱚᱱ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱨᱮᱱ ᱢᱟᱨᱟᱝ ᱱᱮᱛᱟ ᱠᱚᱣᱟᱜ ᱠᱟᱢᱤ ᱦᱚᱭ ᱞᱚᱠᱠᱷᱚ ᱮᱫᱟ ᱡᱮ ᱡᱟᱦᱟ ᱨᱮ ᱯᱟᱦᱮᱞᱜᱟᱢ ᱦᱟᱢᱞᱟ ᱛᱟᱭᱚᱢ ᱨᱮ ᱡᱟᱦᱟ ᱡᱟᱦᱟ ᱵᱷᱩᱞ ᱵᱷᱟᱱᱛᱤ ᱦᱩᱭ ᱟᱠᱟᱱᱟ ᱚᱱᱟ ᱠᱚ ᱵᱟᱝ ᱧᱮᱞ ᱡᱩᱛ ᱠᱟᱛᱮᱡ ᱮᱴᱟᱜ ᱨᱟᱡᱱᱚᱭᱛᱷᱚᱭ ᱫᱚᱞ ᱵᱤᱨᱚᱫᱽ ᱨᱮ ᱯᱨᱚᱪᱟᱨ ᱠᱟᱹᱢᱤ ᱨᱮᱠᱚ ᱪᱩᱴᱟᱹᱶ ᱟᱠᱟᱱᱟ᱾
ᱰᱟᱭᱢᱟᱱᱰ ᱦᱟᱨᱵᱟᱨ ᱨᱮᱱ ᱥᱟᱝᱥᱚᱫ ᱞᱟᱹᱭ ᱟᱠᱟᱫᱟ, ᱱᱟᱦᱟᱜ ᱚᱠᱛᱚ ᱨᱮ ᱨᱟᱡᱽᱸᱱᱤᱛᱤ ᱵᱟᱝ ᱠᱚᱨᱟᱶ ᱠᱟᱛᱮᱡ ᱥᱟᱨᱡᱤᱠᱟᱞ ᱮᱥᱴᱨᱟᱭᱮᱜ ᱠᱚᱨᱟᱶ ᱞᱮᱠᱟᱱ ᱚᱠᱛᱚ ᱮᱡ ᱟᱠᱟᱱᱟ᱾ ᱚᱠᱛᱚ ᱥᱮᱴᱮᱨ ᱟᱠᱟᱱᱟ ᱯᱟᱠᱤᱟᱛᱷᱟᱱ ᱡᱟᱦᱟ ᱵᱷᱟᱥᱟᱛᱮ ᱠᱟᱛᱷᱟᱭ ᱵᱩᱡᱼᱟ ᱚᱱᱟ ᱵᱷᱟᱥᱟ ᱛᱮᱜᱤ ᱛᱮᱞᱟ ᱮᱢ ᱨᱮᱭᱟᱜ᱾ ᱱᱚᱭᱟ ᱥᱟᱹᱦᱤ ᱢᱚᱠᱟ ᱠᱟᱱᱟ POK ᱦᱟᱛᱟᱶ ᱨᱮᱭᱟᱜ᱾
