CM MAMATA BANERJEE INAUGURATES KALIGHAT SKYWALK : ᱫᱚᱠᱠᱷᱤᱱᱮᱥᱚᱨ ᱥᱟᱶᱛᱮ ᱢᱮᱥᱟ ᱮᱱᱟ ᱠᱟᱞᱤᱜᱷᱟᱴ᱾ ᱵᱟᱞᱮ ᱢᱟᱦᱟ ᱦᱤᱞᱟᱹᱜ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱮᱨᱡᱤ ᱩᱫᱵᱚᱫᱷᱚᱱ ᱠᱮᱫᱟᱭ ᱠᱟᱞᱤᱜᱷᱟᱴ ᱨᱮᱭᱟᱜ ᱥᱠᱟᱭᱣᱟᱠ᱾ ᱥᱠᱟᱭᱣᱟᱠ ᱩᱫᱵᱚᱫᱷᱚᱱ ᱛᱟᱭᱚᱢ ᱢᱚᱢᱚᱛᱟ ᱣᱟᱜ ᱞᱟᱹᱭ ᱠᱚᱞᱠᱟᱛᱟ ᱨᱮᱭᱟᱜ ᱫᱚᱠᱠᱷᱤᱱᱮᱥᱥᱚᱨ ᱥᱠᱟᱭᱣᱟᱠ ᱵᱮᱱᱟᱶ ᱞᱟᱹᱜᱤᱛ ᱯᱨᱚᱛᱤᱜᱟᱭ ᱦᱟᱛᱟᱶ ᱞᱮᱫ ᱛᱟᱦᱮᱱᱟ, ᱚᱱᱟ ᱯᱨᱚᱛᱤᱜᱟ ᱜᱮ ᱛᱮᱦᱮᱱᱡ ᱮ ᱯᱩᱨᱟᱶ ᱠᱮᱫᱟ ᱵᱮᱱᱜᱚᱞ ᱨᱮᱱ ᱥᱤᱨᱟᱹᱢᱚᱱᱛᱨᱤ ᱢᱚᱢᱚᱛᱟ ᱵᱮᱱᱟᱨᱡᱤ (MAMATA BANERJEE) |
᱒᱐᱑᱘ ᱥᱟᱞ ᱨᱮ ᱮᱛᱚᱦᱚᱵ ᱞᱮᱱ ᱛᱟᱦᱮᱱᱟ ᱥᱠᱟᱭᱣᱟᱜ ᱵᱮᱱᱟᱶ ᱨᱮᱭᱟᱜ ᱠᱟᱢᱤ ᱦᱚᱨᱟ, ᱢᱮᱱᱠᱷᱟᱱ ᱠᱚᱨᱚᱱᱟ ᱚᱠᱛᱚ ᱞᱚᱠᱰᱟᱣᱚᱱ ᱦᱩᱭ ᱞᱮᱱ ᱛᱮ ᱠᱟᱢᱤ ᱨᱮ ᱟᱹᱰᱤ ᱵᱤᱞᱟᱹᱢ ᱞᱮᱱ ᱛᱟᱦᱮᱱᱟ᱾ ᱟᱭᱢᱟ ᱚᱠᱛᱚ ᱘ ᱥᱮᱨᱢᱟ ᱛᱟᱱᱜᱤ ᱨᱮ ᱛᱟᱦᱮ ᱠᱟᱛᱮᱡ ᱢᱩᱪᱟᱹᱫ ᱦᱟᱵᱤᱛ ᱥᱠᱟᱭᱣᱟᱠ ᱵᱮᱱᱟᱶ ᱨᱮᱭᱟᱜ ᱠᱟᱢᱤ ᱦᱚᱨᱟ ᱥᱟᱨᱼᱥᱟᱜᱩᱱ ᱮᱱᱟ᱾
ᱠᱟᱞᱤᱜᱷᱟᱴ ᱨᱮ ᱡᱟᱦᱟ ᱥᱠᱟᱭᱣᱟᱜ ᱵᱮᱱᱟᱶ ᱞᱮᱱ ᱛᱟᱦᱮᱱᱟ ᱚᱱᱟ ᱨᱮᱭᱟᱜ ᱡᱤᱞᱤᱱᱡ ᱫᱚ ᱔᱓᱕ ᱢᱤᱴᱟᱨ ᱟᱨ ᱪᱳᱭᱲᱟ ᱫᱚ ᱑᱐ᱹ᱕ ᱢᱤᱴᱟᱨ ᱢᱮᱱᱟᱜ ᱟᱠᱟᱫᱟ᱾ ᱱᱟᱣᱟ ᱵᱮᱱᱟᱶ ᱟᱠᱟᱱ ᱥᱠᱟᱭᱣᱟᱠ ᱨᱮ ᱵᱟᱨᱭᱟ ᱮᱥᱠᱮᱞᱮᱴᱟᱨ ᱢᱮᱱᱟᱜ ᱟᱠᱟᱫᱟ, ᱞᱤᱯᱷᱴ ᱢᱮᱱᱟᱜᱼᱟ ᱯᱮᱭᱟ, ᱥᱤᱲᱦᱤ ᱢᱮᱱᱟᱜᱼᱟ ᱯᱮᱭᱟ᱾ ᱥᱠᱟᱭᱣᱟᱠ ᱨᱮ ᱵᱚᱞᱚᱜ ᱨᱮᱭᱟᱜ ᱰᱟᱦᱟᱨ ᱫᱚ ᱵᱮᱱᱟᱶ ᱟᱠᱟᱱᱟ ᱥᱮᱢᱟ ᱯᱨᱚᱟᱫ ᱢᱩᱠᱷᱟᱨᱡᱤ ᱟᱨ ᱦᱟᱡᱨᱟ ᱨᱳᱴ ᱠᱷᱚᱱ᱾ ᱠᱟᱞᱤᱜᱷᱟᱴ ᱨᱮᱭᱟᱜ ᱥᱠᱟᱭᱣᱟᱠ ᱵᱮᱱᱟᱶ ᱞᱟᱹᱜᱤᱛ ᱯᱭᱩᱞᱩ ᱨᱮ ᱵᱟᱡᱮᱴ ᱛᱟᱦᱮ ᱠᱟᱱᱟ ᱗᱗ ᱠᱳᱴᱤ ᱴᱟᱠᱟ᱾ ᱢᱮᱱᱠᱷᱟᱱ ᱠᱟᱹᱢᱤ ᱨᱮ ᱵᱤᱞᱟᱹᱢ ᱦᱩᱭ ᱞᱮᱱ ᱠᱷᱟᱹᱛᱤᱨ ᱚᱱᱟ ᱵᱮᱱᱟᱳ ᱨᱮᱭᱟᱜ ᱠᱷᱚᱨᱚᱡ ᱦᱚᱸ ᱵᱟᱲᱛᱤ ᱠᱟᱛᱮᱡ ᱙᱐ ᱠᱳᱴᱤ ᱴᱟᱠᱟ ᱦᱩᱭ ᱞᱮᱱ ᱛᱟᱦᱮᱱᱟ᱾
