CPIM BRIGADE ᱺ ᱒᱐᱒᱔ ᱨᱮ ᱵᱟᱢᱯᱷᱚᱨᱚᱱᱰ ᱯᱟᱹᱴᱩᱭᱟᱹ ᱠᱚᱣᱟᱜ ᱵᱨᱤᱜᱮᱰ ᱥᱚᱢᱟᱵᱮᱥ ᱛᱟᱭᱚᱢ ᱒ ᱥᱮᱨᱢᱟ ᱯᱚᱨ ᱒᱐᱒᱖ ᱨᱮ ᱟᱨᱦᱚᱸ ᱥᱤ ᱯᱤ ᱟᱭ ᱮᱢ ᱯᱟᱨᱴᱤ ᱭᱟᱜ ᱵᱨᱤᱜᱮᱰ ᱢᱚᱦᱟᱥᱚᱢᱟᱵᱮᱥ᱾ ᱴᱚᱵᱮ ᱱᱤᱭᱟᱹ ᱫᱷᱟᱶ ᱵᱨᱤᱜᱮᱰ ᱨᱮ ᱢᱚᱦᱟᱥᱚᱢᱟᱵᱮᱥ ᱠᱚ ᱦᱚᱦᱚ ᱞᱮᱫ ᱛᱟᱦᱮᱱᱟ CPIM ᱨᱮᱱ ᱥᱚᱦᱚᱡᱚᱜᱤ ᱫᱚᱞ ᱯᱩᱩᱭᱟ ᱜᱚᱱᱚᱴᱷᱚᱱ᱾
ᱦᱟᱡᱟᱨ ᱦᱚᱲ ᱛᱟᱞᱟ ᱨᱮ ᱵᱨᱤᱜᱮᱰ ᱨᱮᱭᱟᱜ ᱢᱚᱸᱪᱷᱚ ᱠᱷᱚᱱ ᱢᱤᱫ ᱥᱟᱶᱛᱮ ᱠᱮᱱᱫᱨᱚ ᱟᱨ ᱨᱟᱡᱡᱚ ᱥᱚᱨᱠᱟᱨ ᱪᱮᱛᱟᱱ ᱨᱮ ᱠᱟᱛᱷᱟᱭ ᱛᱮᱨᱟᱝ ᱞᱮᱫ ᱛᱟᱦᱮᱱᱟ CPIM ᱨᱮᱱ ᱨᱟᱡᱡᱚ ᱥᱚᱢᱯᱟᱫᱚᱠ ᱢᱚᱦᱚᱢᱢᱚᱫ ᱥᱮᱞᱤᱢ (MOHAMMED SALIM)| ᱚᱱᱟ ᱥᱚᱵᱷᱟ ᱠᱷᱚᱱ ᱜᱮ ᱨᱮᱝᱜᱮᱡᱼ ᱱᱟᱪᱟᱨ ᱦᱚᱲ ᱠᱚᱣᱟᱜ ᱦᱚᱠ ᱟᱫᱷᱤᱠᱟᱨ ᱨᱮᱭᱟᱜ ᱠᱟᱛᱷᱟ ᱞᱟᱹᱭ ᱥᱟᱶᱛᱮ ᱢᱩᱨᱥᱤᱫᱟᱵᱟᱫ ᱨᱮ ᱜᱷᱚᱴᱟᱶ ᱟᱠᱟᱱ ᱦᱤᱜᱥᱟᱹ ᱦᱩᱞᱟᱹᱱ ᱜᱷᱚᱴᱚᱱ ᱤᱫᱤ ᱠᱟᱛᱮᱡ ᱦᱚᱸ ᱠᱟᱛᱷᱟᱭ ᱛᱮᱨᱟᱝ ᱞᱮᱫᱟ ᱯᱚᱥᱪᱤᱢ ᱵᱟᱝᱞᱟ ᱨᱮᱱ ᱥᱚᱨᱠᱟᱨ ᱪᱮᱛᱟᱱ ᱨᱮ᱾
ᱨᱟᱡᱡᱚ ᱟᱨ ᱠᱮᱱᱫᱨᱚ ᱥᱚᱨᱠᱟᱨ ᱪᱮᱛᱟᱱ ᱟᱠᱨᱚᱢᱚᱱ ᱥᱟᱶᱛᱮ ᱵᱨᱤᱜᱮᱰ ᱨᱮ ᱥᱮᱴᱮᱨ ᱟᱠᱟᱱ ᱢᱮᱦᱚᱞᱚᱛᱤ ᱦᱚᱲ ᱠᱚᱦᱚ ᱵᱟᱝᱞᱟ ᱨᱮ ᱪᱟᱞᱟᱜ ᱠᱟᱱ ᱫᱩᱨᱱᱤᱛᱤ ᱥᱚᱨᱠᱟᱨ ᱵᱤᱨᱚᱫᱽ ᱨᱮ ᱛᱤᱸᱜᱩ ᱠᱮᱴᱮᱡ ᱠᱟᱛᱮᱡ ᱞᱟᱹᱲᱦᱟᱹᱭ ᱨᱮᱭᱟᱜ ᱠᱟᱛᱷᱟᱭ ᱢᱮᱛᱟᱜ ᱠᱚᱣᱟ ᱢᱚᱦᱚᱢᱢᱚᱫ ᱥᱮᱞᱤᱢ (MOHAMMED SALIM)| ᱟᱨ ᱚᱱᱟ ᱞᱟᱹᱲᱦᱟᱹᱭ ᱫᱚ ᱦᱩᱭᱩᱜᱼᱟ ᱥᱤᱠᱠᱷᱟ, ᱥᱟᱥᱛᱷᱚ ᱟᱨ ᱠᱚᱨᱢᱚᱥᱚᱝᱥᱛᱷᱟᱱ ᱤᱫᱤ ᱠᱟᱛᱮᱡ ᱾
BRIGADE ᱨᱮᱭᱟᱜ ᱥᱚᱵᱷᱟ ᱢᱚᱸᱪᱷᱚ ᱠᱷᱚᱱ ᱥᱮᱞᱤᱢ ᱭᱟᱜ ᱥᱯᱚᱥᱴᱚ ᱠᱟᱛᱷᱟ, ᱡᱟᱦᱟᱭ ᱫᱷᱚᱨᱚᱢ ᱧᱩᱛᱚᱢ ᱦᱟᱴᱤᱧ ᱨᱮᱭᱟᱜ ᱠᱚ ᱠᱩᱨᱩᱢᱩᱴᱩ ᱟᱠᱟᱫᱟ ᱚᱱᱟ ᱨᱩᱠᱷᱟᱹᱭ ᱞᱟᱹᱜᱤᱛ ᱜᱮ ᱞᱟᱞ ᱡᱷᱟᱱᱰᱟ ᱯᱟᱨᱴᱤ ᱭᱟᱜ ᱵᱨᱤᱜᱮᱰ ᱥᱚᱢᱟᱵᱮᱥ᱾
ᱥᱮᱞᱤᱢ ᱭᱟᱜ ᱟᱵᱷᱤᱡᱚᱜ ᱨᱟᱡᱡᱚ ᱨᱮᱱ ᱛᱨᱤᱱᱚᱢᱩᱞ ᱟᱨ ᱠᱮᱱᱫᱨᱚ ᱨᱮᱱ ᱵᱤ ᱡᱮ ᱯᱤ ᱵᱟᱱᱟᱨ ᱯᱟᱨᱴᱤ ᱜᱮ ᱢᱤᱫ ᱜᱮᱭᱟ ᱠᱤᱱ᱾ ᱵᱟᱱᱟᱨ ᱯᱟᱨᱴᱤ ᱜᱮ RSS ᱭᱟᱜ ᱵᱩᱞᱩ ᱯᱨᱤᱱᱰ ᱦᱚᱛᱮᱛ ᱛᱮ ᱠᱤᱱ ᱪᱟᱞᱟᱜ ᱠᱟᱱᱟ, ᱟᱨ ᱚᱱᱟ ᱵᱩᱞᱩ ᱯᱨᱤᱱᱰ ᱫᱚ ᱵᱮᱱᱟᱶ ᱮᱫᱟᱭ RSS ᱨᱮᱱ ᱥᱚᱨᱥᱟᱱᱝᱜᱷᱚᱪᱟᱞᱚᱠ ᱢᱚᱦᱚᱱ ᱵᱷᱟᱜᱵᱚᱛ (MOHAN BHAGWAT)|
BRIGADE ᱨᱮ ᱥᱚᱢᱟᱵᱮᱥ ᱨᱮᱭᱟᱜ ᱢᱩᱪᱟᱹᱫ ᱚᱠᱛᱚ ᱥᱮᱴᱮᱨ ᱞᱮᱱ ᱥᱟᱷᱟᱨᱚᱱ ᱠᱚᱨᱢᱤ ᱟᱨ ᱠᱚᱢᱨᱮᱴ ᱠᱚ ᱞᱟᱹᱜᱤᱛ ᱥᱮᱞᱤᱢ ᱟᱜ ᱞᱟᱹᱭ ᱟᱛᱩ ᱟᱛᱩ ᱪᱟᱞᱟᱶ ᱠᱟᱛᱮᱡ ᱟᱣᱟᱡ ᱨᱟᱠᱟᱵᱽ ᱦᱩᱭᱩᱜᱼᱟ ᱥᱚᱨᱠᱟᱨ ᱵᱤᱨᱚᱫᱽ ᱨᱮ ᱫᱤᱱ ᱫᱤᱱ ᱛᱮ ᱵᱟᱲᱛᱤ ᱠᱟᱱ ᱵᱮᱠᱟᱨᱚᱛᱛᱚ ᱢᱩᱪᱟᱹᱳ ᱞᱟᱹᱜᱤᱛ᱾ ᱛᱨᱤᱱᱚᱢᱩᱞ ᱟᱨ ᱵᱤ ᱡᱮ ᱯᱤ ᱟᱜ ᱥᱚᱨᱵᱚᱱᱟᱥ ᱨᱟᱡᱽᱟᱹᱨᱤ ᱨᱩᱠᱷᱟᱹᱶ ᱞᱟᱹᱜᱤᱛ ᱥᱟᱱᱟᱢ ᱠᱚ ᱮᱠ ᱡᱳᱴ ᱦᱩᱭᱩᱜᱼᱟ᱾
