DELHI CM REKHA GUPTA : ᱕᱐ ᱢᱟᱦᱟ ᱛᱟᱭᱚᱢ ᱦᱚᱸ ᱥᱤ ᱮᱢ ᱵᱟᱝᱞᱚ ᱵᱟᱝᱼᱮ ᱧᱟᱢ ᱟᱠᱟᱫᱟ ᱨᱮᱠᱷᱟ, ᱱᱟᱣᱟ ᱵᱟᱝᱞᱚᱭ ᱧᱟᱢ ᱠᱮᱫᱟ ᱚᱛᱤᱥᱤ

DELHI CM REKHA GUPTA : ᱞᱤ ᱨᱮᱭᱟᱜ ᱥᱤᱝᱦᱟᱥᱚᱱ ᱨᱮ ᱫᱩᱨᱩᱵ ᱠᱟᱛᱮᱡ ᱕᱐ ᱢᱟᱦᱟ ᱦᱩᱭᱩᱜ ᱠᱟᱱᱟ, ᱢᱮᱱᱠᱷᱟᱱ ᱱᱤᱛ ᱦᱟᱵᱤᱛ ᱥᱤ ᱮᱢ ᱞᱮᱠᱟᱛᱮ ᱵᱟᱝᱼᱮ ᱧᱟᱢ ᱟᱠᱟᱫᱟ ᱵᱟᱝᱞᱚ᱾ ᱥᱩᱴᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱵᱟᱝᱢᱟ ᱫᱤᱞᱞᱤ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱥᱚᱨᱠᱟᱨᱤ ᱵᱟᱝᱞᱚ ᱵᱟᱝᱼᱮ ᱧᱟᱢ ᱟᱠᱟᱫ ᱛᱮ ᱱᱤᱛ ᱫᱤᱱᱟᱢ ᱫᱤᱱ ᱜᱮ ᱟᱡᱟᱜ ᱱᱤᱡᱟᱹᱨ ᱚᱨᱟᱜ ᱥᱟᱞᱤᱢᱟᱨ ᱵᱟᱜ ᱠᱷᱚᱱ ᱒᱕ ᱠᱤᱢᱤ ᱥᱟᱜᱤᱧ ᱨᱮ ᱢᱮᱱᱟᱜ ᱚᱯᱷᱤᱥ ᱨᱮ ᱪᱟᱞᱟᱜ ᱦᱟᱡᱩᱜ ᱟᱷ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱱᱚᱣᱟ ᱞᱟᱦᱟ ᱫᱚ ᱫᱤᱞᱞᱤ ᱨᱮᱭᱟᱜ ᱖ ᱱᱚᱢᱵᱚᱨ ᱯᱷᱚᱥᱴᱟᱠ ᱨᱳᱴ ᱨᱮᱭᱟᱜ ᱵᱟᱝᱞᱚ ᱨᱮᱜᱤ ᱛᱟᱦᱮᱱ ᱠᱟᱱ ᱛᱟᱦᱮᱱᱟ ᱫᱤᱞᱞᱤ ᱨᱮᱱ ᱢᱟᱨᱮ ᱥᱤᱨᱟᱹ ᱢᱚᱱᱛᱨᱤ ᱚᱨᱵᱤᱱᱰ ᱠᱮᱡᱨᱤᱣᱟᱞ (ARBIND KEJRIWAL)
ᱫᱤᱞᱞᱤ ᱨᱮᱭᱟᱜ ᱵᱤᱫᱦᱟᱱ ᱥᱚᱵᱷᱟ ᱮᱞᱮᱠᱥᱚᱱ ᱞᱟᱦᱟ ᱨᱮ ᱥᱤᱥ ᱢᱚᱦᱚᱞ ᱧᱤᱛᱩᱢᱟᱱ ᱢᱤᱫ ᱵᱤᱞᱟᱥᱵᱩᱦᱩᱞ ᱵᱟᱝᱞᱚ ᱨᱮᱭᱟᱜ ᱥᱟᱯᱨᱟᱣ ᱧᱮᱞ ᱠᱟᱛᱮᱡ ᱜᱚᱴᱟ ᱫᱤᱥᱚᱢ ᱨᱮᱭᱟᱜ ᱱᱚᱡᱚᱨ ᱛᱟᱦᱮᱸ ᱠᱟᱱᱟ᱾ ᱟᱨ ᱚᱱᱰᱮ ᱜᱮ ᱵᱤᱨᱚᱫᱷᱤ ᱠᱚᱣᱟᱜ ᱚᱵᱷᱤᱡᱚᱜ ᱛᱟᱦᱮ ᱠᱟᱱᱟ ᱡᱮ ᱫᱤᱞᱞᱤ ᱨᱮᱱ ᱟᱯ ᱥᱚᱨᱠᱟᱨ ᱥᱚᱨᱠᱟᱨ ᱟᱜ ᱠᱳᱴᱤ ᱠᱳᱴᱤ ᱴᱟᱠᱟ ᱱᱚᱭᱼᱪᱚᱭ ᱠᱟᱛᱮᱡ ᱱᱤᱡᱟᱹᱨ ᱞᱟᱹᱜᱤᱛ ᱥᱤᱥᱢᱚᱦᱚᱞ ᱧᱤᱛᱩᱢᱟᱱ ᱢᱤᱫ ᱵᱟᱝᱞᱚ ᱵᱮᱱᱟᱣ ᱟᱠᱟᱫᱟ᱾ ᱵᱷᱳᱴ ᱞᱟᱦᱟ ᱚᱱᱟ ᱥᱤᱥ ᱢᱚᱦᱚᱞ ᱨᱮᱭᱟᱜ ᱡᱩᱞᱩᱥ ᱧᱮᱞ ᱠᱟᱛᱮᱡ ᱵᱤᱨᱚᱫᱷᱤ ᱠᱚ ᱠᱮᱡᱨᱤᱣᱟᱞ ᱵᱤᱨᱚᱫᱽ ᱨᱮ ᱯᱨᱚᱪᱟᱨ ᱦᱚᱠᱚ ᱪᱟᱞᱟᱶ ᱞᱮᱫ ᱛᱟᱦᱮᱱᱟ᱾ ᱚᱱᱟ ᱠᱷᱟᱹᱛᱤᱨ ᱜᱮ ᱮᱞᱮᱠᱥᱚᱱ ᱨᱮ ᱡᱤᱛᱠᱟᱹᱨ ᱛᱟᱭᱚᱢ ᱥᱤᱥ ᱢᱚᱦᱚᱞ ᱨᱮ ᱛᱟᱦᱮᱱᱼᱮ ᱚᱥᱤᱠᱟᱹᱨ ᱟᱠᱟᱫᱟ ᱨᱮᱠᱷᱟ ᱜᱩᱯᱛᱟ (REHA GUPTA) |
ᱫᱤᱞᱞᱤ ᱨᱮ ᱟᱯ ᱥᱚᱨᱠᱟᱨ ᱟᱜ ᱯᱚᱛᱚᱱ ᱛᱟᱭᱚᱢ ᱜᱮ ᱥᱤᱥ ᱢᱚᱦᱚᱞ ᱨᱮᱭᱟᱜ ᱵᱷᱳᱵᱤᱥᱚᱫ ᱤᱫᱤ ᱠᱟᱛᱮᱡ ᱢᱤᱫ ᱠᱩᱠᱞᱤ ᱦᱚᱸ ᱨᱟᱠᱟᱵ ᱞᱮᱱ ᱛᱟᱦᱮᱸᱱᱟ᱾ ᱟᱨ ᱱᱚᱱᱠᱟᱱ ᱚᱠᱛᱚ ᱨᱮᱜᱤ ᱥᱤᱨᱟᱹᱢᱚᱱᱛᱨᱤ ᱦᱩᱫᱟᱹ ᱨᱮ ᱫᱩᱨᱩᱵ ᱠᱟᱛᱮᱡ ᱜᱮᱞ ᱢᱚᱲ ᱢᱟᱦᱟ ᱦᱩᱭ ᱮᱱ ᱨᱮᱦᱚᱸ ᱱᱤᱛ ᱦᱟᱵᱤᱛ ᱛᱮ ᱥᱚᱨᱠᱟᱨᱤ ᱵᱟᱝᱞᱚ ᱵᱟᱝᱼᱮ ᱧᱟᱢ ᱟᱠᱟᱫᱟ ᱨᱮᱠᱷᱟ ᱜᱩᱯᱛᱟ(REHA GUPTA)
ᱢᱮᱱᱠᱷᱟᱱ ᱯᱟᱨᱚᱢᱮᱱ ᱵᱟᱞᱮ ᱢᱟᱦᱟ ᱦᱤᱞᱟᱹᱜ ᱛᱟᱦᱮᱱ ᱞᱟᱹᱜᱤᱛ ᱱᱟᱣᱟ ᱴᱷᱤᱠᱟᱱᱟᱭ ᱧᱟᱢ ᱠᱮᱫᱟ ᱫᱤᱞᱞᱤ ᱨᱮᱱ ᱢᱟᱨᱮ ᱥᱤᱨᱟᱹ ᱢᱚᱱᱛᱨᱤ ᱚᱛᱤᱥᱤ ᱢᱟᱨᱞᱮᱱᱟ(ATISHI MARLENA)| ᱫᱤᱞᱞᱤ ᱨᱮᱭᱟᱜ ᱑᱑᱕ ᱱᱚᱢᱵᱚᱨ ᱨᱳᱴ ᱨᱮ ᱢᱮᱱᱟᱜ ᱟᱱᱥᱟᱨᱤ ᱨᱳᱴ ᱨᱮᱭᱟᱜ ᱵᱟᱝᱞᱚ ᱜᱮ ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱨᱮᱱ ᱵᱤᱨᱚᱫᱷᱤ ᱫᱚᱞᱚ ᱱᱮᱛᱟ ᱞᱮᱠᱟᱛᱮ ᱛᱟᱦᱮᱱ ᱨᱮᱭᱟᱜ ᱟᱱᱩᱢᱚᱛᱤ ᱧᱟᱢ ᱟᱠᱟᱫᱟ᱾