(PAPUL MURMU) TRIBE TV SANTALI DIGITAL : ᱟᱹᱰᱤ ᱟᱭᱢᱟ ᱴᱟᱠᱟ ᱨᱮᱭᱟᱜ ᱡᱩᱢᱤ ᱠᱮᱞᱮᱝᱠᱟᱹᱨᱤ (LAND CORRUPTION) ᱨᱮ ᱧᱩᱛᱩᱢ ᱡᱚᱯᱲᱟᱣ ᱮᱱᱟ ᱯᱟᱠᱤᱥᱛᱷᱟᱱ ᱨᱮᱱ ᱢᱟᱨᱮ ᱯᱨᱚᱫᱷᱟᱱ ᱢᱚᱱᱛᱨᱤ ᱤᱢᱨᱟᱱ ᱠᱷᱟᱱ(IMRAN KHAN) ᱟᱜ᱾ ᱥᱟᱹᱜᱩᱢ ᱢᱟᱦᱟ ᱢᱮᱱᱫᱚ ᱑᱗ ᱡᱟᱱᱩᱣᱟᱨᱤ ᱦᱤᱞᱟᱹᱜ ᱯᱟᱠᱤᱥᱛᱷᱟᱱ ᱟᱫᱟᱞᱚᱛ ᱤᱢᱨᱟᱱ ᱠᱷᱟᱱ ᱡᱩᱢᱤ ᱫᱩᱨᱱᱤᱛᱤ ᱢᱟᱢᱞᱟ ᱨᱮ ᱫᱩᱥᱤ ᱢᱮᱱᱛᱮᱭ ᱪᱷᱟ.ᱴᱤᱭᱟ.ᱨ ᱠᱤᱫᱤᱭᱟ᱾ ᱟᱨ ᱥᱟᱡᱟ ᱞᱮᱠᱟᱛᱮ ᱑᱔ ᱵᱚᱪᱷᱚᱨ ᱨᱮᱭᱟᱜ ᱠᱟᱨᱟᱫᱚᱱᱰᱚ ᱦᱚᱸ ᱮᱱ ᱦᱩᱭ ᱟᱠᱟᱱᱟ ᱤᱢᱨᱟᱱ ᱠᱷᱟᱱ᱾
ᱡᱩᱢᱤ ᱫᱩᱨᱱᱤᱛᱤ ᱢᱟᱢᱞᱟ ᱨᱮ ᱤᱢᱨᱟᱱ ᱠᱷᱟᱱ (IMRAN KHAN)ᱢᱚᱛᱚ ᱫᱚ ᱵᱟᱝ ᱩᱱᱤ ᱨᱮᱱ ᱚᱨᱟᱜ ᱮᱨᱟ ᱵᱩᱥᱨᱟ ᱵᱤᱵᱤ ᱦᱚᱸ ᱫᱩᱥᱤ ᱪᱟᱹᱛᱤᱭᱟᱹᱨ ᱟᱠᱟᱫᱤᱭᱟ ᱯᱟᱠᱤᱥᱛᱷᱟᱱ ᱟᱫᱟᱞᱚᱛ, ᱟᱨ ᱥᱟᱶᱛᱮ ᱖ ᱥᱮᱨᱢᱟ ᱨᱮᱭᱟᱜ ᱥᱟᱡᱟᱭ ᱜᱷᱚᱥᱚᱱᱟ ᱟᱠᱟᱫᱟ ᱯᱟᱠᱤᱥᱛᱷᱟᱱ ᱟᱫᱟᱞᱚᱛ᱾ ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱛᱚᱥᱷᱟ ᱠᱷᱟᱱᱟ ᱢᱟᱢᱞᱟ ᱠᱷᱟᱹᱛᱤᱨ ᱡᱮᱞ ᱨᱮᱜᱤ ᱢᱮᱱᱟᱭ ᱟᱦ ᱯᱟᱠᱤᱥᱛᱷᱟᱱ ᱨᱮᱱ ᱵᱤᱥᱥᱚᱠᱟᱯᱡᱚᱭᱤ ᱢᱟᱨᱮ ᱯᱨᱚᱫᱷᱟᱱ ᱢᱚᱱᱛᱨᱤ᱾
᱒᱐᱒᱓ ᱥᱟᱹᱦᱤᱛ ᱨᱮᱭᱟᱜ ᱰᱤᱥᱮᱢᱵᱚᱨ ᱪᱟ.ᱫᱚ ᱨᱮ ᱤᱢᱨᱟᱱ ᱵᱤᱨᱩᱫ ᱨᱮ ᱡᱩᱢᱤ ᱫᱩᱨᱱᱤᱛᱤ ᱢᱟᱢᱞᱟᱭ ᱫᱟᱭᱮᱨ ᱞᱮᱫ ᱛᱟᱦᱮᱱᱟ ᱱᱟᱵᱽ᱾ ᱟᱵᱷᱤᱡᱚᱜ ᱵᱟᱝᱢᱟ, ᱟᱞᱼᱠᱟᱫᱤᱨ ᱡᱮᱸᱜᱮᱛ ᱵᱤᱨᱫᱟᱹ ᱜᱟᱲ ᱵᱮᱱᱟᱣ ᱧᱤᱛᱩᱢ ᱛᱮ ᱑᱙᱐ ᱯᱟᱣᱩᱱᱰ(190 POUND) ᱨᱮᱭᱟᱜ ᱮ ᱫᱩᱨᱱᱤᱛᱤ ᱟᱠᱟᱫᱟ ᱤᱢᱨᱟᱱ ᱠᱷᱟᱱ(IMRAN KHAN)᱾ ᱡᱟᱦᱟ ᱫᱚ ᱵᱷᱟᱨᱚᱛᱤᱭᱚ ᱴᱟᱠᱟ ᱞᱮᱠᱟᱛᱮ ᱞᱟᱹᱭ ᱞᱮᱠᱷᱟᱱ ᱒᱐ ᱦᱟᱡᱟᱨ ᱠᱳᱴᱤ (20 THOUSAND CRORES INDIAN RUPE) ᱴᱟᱠᱟ ᱦᱩᱭᱩᱜ ᱠᱟᱱᱟ᱾ ᱟᱨ ᱑᱗ ᱡᱟᱱᱩᱭᱟᱨᱤ ᱨᱮ ᱚᱱᱟ ᱢᱟᱢᱞᱟ ᱠᱷᱟᱹᱛᱤᱨ ᱜᱮ ᱤᱢᱨᱟᱱ ᱟᱨ ᱟᱡ ᱚᱨᱟᱜ ᱮᱨᱟ ᱵᱟᱱᱟ ᱦᱚᱲ ᱜᱮ ᱫᱩᱥᱤ ᱪᱟᱹᱴᱤᱭᱟᱹᱨ ᱠᱮᱫ ᱠᱤᱱᱟ ᱯᱟᱠᱤᱥᱛᱷᱟᱱ ᱟᱫᱟᱞᱚᱛ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱒᱐᱒᱓ ᱨᱮᱭᱟᱜ ᱕ ᱟᱜᱚᱥᱴ ᱛᱚᱥᱟᱠᱷᱟᱱ ᱢᱟᱢᱞᱟ ᱠᱷᱟᱹᱛᱤᱨ ᱮᱨᱮᱥᱴ ᱦᱩᱭ ᱞᱮᱱᱟ ᱤᱢᱨᱟᱱ ᱠᱷᱟᱱ᱾ ᱟᱨ ᱚᱱᱟ ᱛᱮ ᱩᱱᱤ ᱯᱩᱭᱞᱩ ᱨᱮ ᱫᱚᱦᱚ ᱦᱩᱭ ᱞᱮᱱᱟ ᱯᱟᱱᱡᱟᱵ ᱯᱨᱚᱫᱮᱥ ᱨᱮᱭᱟᱜ ᱚᱴᱚᱜ ᱡᱮᱞ ᱨᱮ, ᱟᱨ ᱛᱟᱭᱚᱢ ᱛᱮ ᱩᱱᱤᱭᱟᱜ ᱛᱟᱦᱮᱱ ᱡᱟᱜᱟ ᱵᱚᱫᱚᱞ ᱠᱟᱛᱮᱡ ᱫᱚᱦᱚ ᱦᱩᱭ ᱞᱮᱱᱟ ᱨᱟᱭᱚᱞᱯᱤᱱᱰᱤ ᱨᱮᱭᱟᱜ ᱟᱫᱤᱭᱟᱞᱟ ᱡᱮᱞ ᱨᱮ᱾ ᱤᱢᱨᱟᱱ ᱡᱮᱞ ᱨᱮ ᱛᱟᱦᱮᱱ ᱚᱠᱛᱚ ᱩᱱᱤᱭᱟᱜ ᱯᱨᱟᱱ ᱱᱟᱥ ᱨᱮᱭᱟᱜ ᱠᱚ ᱟᱥᱚᱝᱠᱟ ᱟᱠᱟᱫᱟ ᱟᱡ ᱨᱮᱱ ᱠᱚᱨᱢᱤ ᱥᱚᱢᱚᱨᱛᱷᱚᱠ ᱠᱚ᱾ ᱟᱨ ᱤᱢᱨᱟᱱ ᱠᱷᱟᱱ ᱦᱚᱸ ᱟᱵᱷᱤᱡᱚᱜ ᱟᱠᱟᱫᱟᱭ ᱡᱮ ᱵᱟᱝᱢᱟ ᱡᱮᱞ ᱨᱮ ᱟᱡ ᱥᱟᱶᱛᱮ ᱡᱚᱝᱜᱤ ᱞᱮᱠᱟ ᱵᱮᱵᱦᱟᱨ ᱦᱩᱭᱩᱜ ᱠᱟᱱᱟ᱾ ᱤᱢᱨᱟᱱ ᱠᱷᱟᱱ ᱞᱮᱠᱟ ᱜᱮ ᱟᱵᱷᱤᱡᱚᱜ ᱮ ᱨᱟᱠᱟᱵ ᱟᱠᱟᱫᱟ ᱟᱡ ᱨᱮᱱ ᱢᱟᱨᱮ ᱮᱨᱟ ᱡᱮᱢᱟᱭᱢᱟ (JEMAIMA)ᱦᱚᱸ ᱾ ᱩᱱᱤᱭᱟᱜ ᱞᱟᱹᱭ, ᱤᱢᱨᱟᱱ ᱥᱟᱢᱩᱝ ᱫᱚ ᱵᱟᱝ ᱩᱱᱤᱭᱟᱜ ᱯᱚᱨᱤᱵᱟᱨ ᱨᱮᱱ ᱮᱴᱟᱜ ᱥᱚᱫᱚᱥᱚ ᱠᱚᱦᱚ ᱵᱟᱝ ᱢᱟ ᱦᱮᱱᱚᱥᱛᱟ ᱠᱚᱨᱟᱶ ᱦᱩᱭᱩᱜ ᱠᱟᱱᱟ᱾
ᱛᱚᱵᱮ ᱞᱟᱹᱭ ᱜᱟᱱᱚ ᱟᱦ ᱡᱚᱛᱚ ᱢᱮᱥᱟ ᱠᱟᱛᱮᱡ ᱒᱐᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱢᱟᱢᱞᱟ ᱦᱩᱭ ᱟᱠᱟᱱᱟ ᱤᱢᱨᱟᱱ ᱵᱤᱨᱨᱩᱫ ᱨᱮ᱾ ᱢᱮᱱᱠᱷᱟᱱ ᱮᱱᱛᱮ ᱨᱮᱦᱚ ᱛᱮᱦᱮᱨᱤᱠᱼᱤ ᱤᱱᱥᱟᱵ ᱱᱮᱛᱟᱭ ᱫᱟᱹᱵᱤ ᱟᱠᱟᱫᱟ ᱡᱮ ᱨᱟᱡᱽᱟᱹᱨᱤ ᱥᱚᱲᱚᱡᱚᱱᱛᱨᱚ ᱠᱷᱟᱹᱛᱤᱨ ᱜᱮ ᱵᱟᱝᱢᱟ ᱡᱮᱞ ᱨᱮ ᱟᱴᱚᱠ ᱫᱚᱦᱚ ᱦᱩᱭ ᱟᱠᱟᱱᱟ᱾ ᱫᱤᱱ ᱠᱚᱭᱮᱠ ᱞᱟᱦᱟ ᱜᱮ ᱡᱮᱞ ᱠᱷᱚᱱ ᱡᱟᱢᱤᱱ ᱮ ᱧᱟᱢ ᱞᱮᱫᱟ ᱤᱢᱨᱟᱱ ᱨᱮᱱ ᱚᱲᱟᱜ ᱮᱨᱟ ᱵᱩᱥᱨᱟ ᱵᱤᱵᱤ(BUSHRA BIBI), ᱢᱮᱱᱠᱷᱟᱱ ᱱᱤᱛ ᱟᱨᱦᱚᱸ ᱛᱟᱦᱮᱱ ᱦᱩᱭᱩᱜ ᱛᱟᱭᱟ ᱢᱮᱱᱛᱮ ᱟᱭᱩᱢᱟᱹᱱ ᱦᱩᱭᱩᱜ ᱠᱟᱱᱟ᱾https://x.com/ImranKhanPTI
