INDIA-US RELATIONS : ᱟᱢᱮᱨᱤᱠᱟ ᱨᱮᱱ ᱔᱗ ᱟᱱᱟᱝ ᱨᱟᱥᱴᱨᱚᱯᱚᱛᱤ (PRESIDENT) ᱞᱮᱠᱟᱛᱮ ᱠᱤᱨᱭᱟᱹᱭ ᱦᱟᱛᱟᱣ ᱟᱠᱟᱫᱟ ᱰᱚᱱᱟᱞᱰ ᱴᱨᱟᱢᱯ(DOLAND TRAMP), ᱟᱨ ᱚᱱᱟ ᱠᱤᱨᱭᱟᱹ ᱦᱟᱛᱟᱣ ᱠᱟᱹᱢᱤ ᱦᱚᱨᱟ ᱨᱮ ᱵᱷᱟᱨᱚᱛ ᱰᱤᱥᱚᱢ ᱯᱟᱥᱴᱟ ᱠᱷᱚᱱ ᱱᱚᱨᱮᱱᱫᱨᱚ ᱢᱳᱫᱤ ᱠᱟᱵᱤᱱᱮᱴ ᱨᱮᱱ ᱯᱨᱚᱛᱤᱱᱤᱫᱷᱤ ᱞᱮᱠᱟᱛᱮᱭ ᱥᱮᱴᱮᱨ ᱞᱮᱱᱟ ᱵᱷᱟᱨᱚᱛ ᱨᱮᱱ ᱵᱤᱫᱮᱥ ᱢᱚᱱᱛᱨᱤ ᱮᱥ ᱡᱚᱭᱥᱚᱱᱠᱚᱨ (S JAISHANKAR) | ᱨᱟᱥᱴᱨᱚᱯᱚᱛᱤ ᱞᱮᱠᱟᱛᱮ ᱴᱨᱟᱢᱯ ᱣᱟᱜ ᱠᱤᱨᱭᱟᱹ ᱚᱠᱛᱚ ᱡᱚᱛᱚ ᱠᱷᱚᱱ ᱞᱟᱦᱟ ᱨᱮᱭ ᱫᱩᱨᱩᱵ ᱞᱮᱱ ᱛᱟᱦᱮᱱᱟ ᱡᱚᱭ ᱥᱚᱱᱜᱠᱚᱨ(S JAISHANKAR), ᱡᱚᱛᱚ ᱠᱷᱚᱱ ᱞᱟᱦᱟ ᱨᱮ ᱵᱷᱟᱨᱚᱛ ᱨᱮᱱ ᱯᱨᱚᱛᱤᱱᱤᱫᱷᱤ ᱫᱩᱨᱩᱵ ᱠᱟᱛᱮᱡ ᱪᱮᱫ ᱤᱱᱜᱤᱛᱼ ᱮ ᱮᱢ ᱠᱮᱫᱟ ᱟᱢᱟᱮᱨᱤᱠᱟ? ᱚᱱᱟ ᱤᱫᱤ ᱠᱟᱛᱮᱡ ᱜᱮ ᱮᱛᱚᱦᱚᱵ ᱟᱠᱟᱱᱟ ᱨᱟᱡᱽᱼᱟᱹᱨᱤ ᱢᱚᱦᱚᱞ ᱨᱮ ᱟᱹᱰᱤ ᱜᱟᱱ ᱠᱟᱛᱷᱟ ᱜᱷᱩᱞᱟᱣ ᱠᱟᱱᱟ᱾
ᱛᱚᱵᱮ ᱰᱚᱜᱚᱨᱤᱭᱟᱹ ᱠᱚ ᱚᱱᱟ ᱤᱫᱤ ᱠᱟᱛᱮᱡ ᱠᱩᱠᱯᱤ ᱠᱚ ᱫᱚᱦᱚ ᱞᱮᱠᱷᱟᱡ ᱡᱚᱭ ᱥᱚᱝᱠᱚᱨ ᱪᱮᱫ ᱦᱚᱸ ᱵᱟᱝ ᱞᱟᱹᱭ ᱠᱟᱛᱮᱡ ᱦᱟᱞᱠᱟ ᱞᱟᱱᱫᱟ ᱠᱟᱛᱮᱡ ᱚᱱᱟ ᱠᱩᱠᱞᱤᱭ ᱯᱟᱨᱚᱢ ᱠᱮᱫᱟ᱾ ᱰᱚᱜᱚᱨᱤᱭᱟᱹ ᱠᱩᱣᱟᱜ ᱠᱩᱠᱞᱤ ᱨᱮ ᱡᱚᱭ ᱥᱚᱱᱠᱚᱨ ᱢᱤᱫ ᱴᱟᱝ ᱠᱟᱛᱷᱟ ᱜᱮᱭ ᱞᱟᱹᱭ ᱠᱮᱫᱟ ᱡᱮ ᱢᱳᱫᱤ ᱨᱮᱱ ᱫᱩᱛ ᱥᱟᱣᱛᱮ ᱱᱟᱯᱟᱭ ᱵᱮᱵᱦᱟᱨ ᱜᱮ ᱦᱩᱭᱩᱜᱼᱟ ᱱᱚᱣᱟ ᱫᱚ ᱥᱟᱷᱟᱵᱤᱠ ᱵᱮᱯᱟᱨ ᱠᱟᱱᱟ᱾ ᱵᱤᱫᱮᱥ ᱢᱚᱱᱛᱨᱤ ᱵᱮᱠᱷᱟ ᱞᱮᱠᱟᱛᱮᱭ ᱞᱟᱹᱭ ᱠᱮᱫᱟ ᱡᱮ ᱵᱷᱟᱨᱚᱛ ᱟᱢᱮᱨᱤᱠᱟ ᱨᱮᱭᱟᱜ ᱥᱟᱹᱜᱟᱹᱣ ᱤᱫᱤ ᱠᱟᱛᱮᱡ ᱟᱢᱮᱨᱤᱠᱟ ᱟᱹᱰᱤ ᱜᱩᱨᱩᱛᱛᱚᱭ ᱮᱢᱟᱜ ᱠᱟᱱᱟ᱾ ᱢᱳᱫᱤ ᱟᱨ ᱴᱨᱟᱢᱯ ᱵᱟᱨᱭᱟ ᱫᱤᱥᱚᱢ ᱨᱮᱱ ᱵᱟᱨᱭᱟ ᱨᱟᱥᱴᱨᱟ ᱱᱮᱛᱟ ᱱᱟᱯᱟᱭ ᱥᱟᱹᱜᱟᱹᱣ ᱡᱟᱛᱤᱭᱚ ᱱᱟᱡᱽᱱᱤᱛᱤ ᱨᱮ ᱢᱤᱫ ᱪᱚᱨᱪᱤᱛᱚ ᱵᱤᱥᱚᱭ ᱠᱟᱱᱟ᱾ ᱟᱨ ᱫᱚᱥᱟᱨ ᱥᱮᱫ ᱧᱮᱞ ᱞᱮᱠᱷᱟᱱ ᱪᱤᱱ ᱥᱟᱣᱛᱮ ᱟᱢᱮᱨᱤᱠᱟ ᱨᱮᱭᱟᱜ ᱥᱟᱹᱜᱟᱹᱭ ᱵᱩᱜᱤ ᱵᱟᱱᱩᱜ ᱟᱠᱟᱫᱟ᱾ ᱟᱨ ᱚᱱᱟ ᱛᱮᱜᱤ ᱪᱤᱱ ᱪᱷᱟᱯ ᱨᱮ ᱫᱚᱦᱚᱭ ᱞᱟᱹᱤᱫ ᱛᱮ ᱒ᱹ᱐ ᱴᱨᱟᱢᱯ ᱥᱚᱨᱠᱟᱨᱼᱟᱜ ᱴᱨᱟᱢᱯᱠᱟᱨᱰ ᱮ ᱦᱩᱭ ᱫᱟᱨᱮᱼᱟᱦ ᱢᱳᱫᱤ ᱜᱮ᱾ ᱚᱱᱟᱛᱮ ᱠᱤᱨᱭᱟᱹ ᱠᱟᱹᱢᱤ ᱦᱚᱨᱟ ᱨᱮ ᱥᱮᱴᱮᱨ ᱟᱠᱟᱱ ᱨᱟᱥᱴᱨᱟ ᱱᱮᱛᱟ ᱠᱚᱣᱟᱜ ᱫᱩᱨᱩᱵ ᱡᱟᱜᱟ ᱜᱮ ᱡᱟᱛᱤᱭᱚ ᱨᱟᱡᱱᱤᱛᱤ ᱢᱚᱦᱚᱞ ᱨᱮ ᱢᱤᱫ ᱵᱮᱜᱷᱟᱨ ᱠᱟᱛᱷᱟᱭ ᱞᱟᱹᱭ ᱮᱫᱟ ᱢᱮᱱᱛᱮ ᱨᱟᱡᱽᱼᱟᱹᱨᱤ ᱨᱮᱱ ᱞᱟᱥᱮᱨ ᱦᱟᱴᱟᱝ ᱠᱚᱣᱟᱜ ᱞᱟᱹᱭ᱾
ᱴᱨᱟᱢᱯᱼᱟᱜ ᱠᱤᱨᱭᱟ ᱦᱟᱛᱟᱣ ᱠᱟᱹᱤ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱯᱟᱥᱴᱟ ᱠᱷᱚᱱ ᱢᱳᱫᱤ ᱢᱚᱱᱛᱨᱤ ᱥᱚᱵᱷᱟ ᱨᱮᱱ ᱯᱨᱚᱛᱤᱱᱤᱫᱷᱤ ᱞᱮᱠᱟᱛᱮ ᱥᱮᱴᱮᱨ ᱛᱟᱦᱮ ᱠᱟᱱᱟᱭ ᱵᱤᱫᱮᱥ ᱢᱚᱱᱛᱨᱤ ᱡᱚᱭ ᱥᱚᱱᱠᱚᱨ᱾ ᱚᱱᱟ ᱥᱚᱯᱷᱚᱨ ᱛᱟᱞᱟ ᱨᱮᱜᱤ ᱠᱚᱣᱟᱨᱰ ᱨᱮᱱ ᱵᱤᱫᱮᱥ ᱢᱚᱱᱛᱨᱤ ᱠᱚ ᱥᱟᱣᱛᱮ ᱫᱩᱯᱨᱩᱯ ᱛᱟᱭᱚᱢ ᱦᱚᱸ ᱡᱚᱭᱥᱚᱱᱠᱚᱨ ᱟᱢᱮᱨᱤᱠᱟ ᱨᱮᱱ ᱥᱠᱨᱮᱴᱟᱨᱤ ᱚᱯᱷ ᱥᱴᱮᱴ ᱢᱟᱨᱠᱚ ᱨᱩᱵᱤ(Marco Rubio) ᱟᱨ ᱡᱟᱛᱤᱭᱚ ᱱᱤᱨᱟᱯᱚᱛᱛᱟ ᱩᱯᱚᱫᱮᱥᱴᱟ ᱢᱟᱭᱤᱠ ᱚᱣᱟᱞᱚᱡ (MIKE AVALO) ᱥᱟᱣᱛᱮ ᱦᱚ ᱵᱚᱤᱴᱷᱚᱠ ᱟᱠᱟᱫᱟ ᱴᱨᱟᱢᱯ᱾ ᱴᱨᱟᱢᱯ ᱯᱨᱚᱥᱟᱥᱚᱱ ᱨᱮᱱ ᱵᱟᱨᱭᱟ ᱢᱟᱨᱟᱝ ᱱᱮᱛᱟ ᱥᱟᱣᱛᱮ ᱟᱹᱰᱤ ᱜᱟᱱ ᱥᱟᱛᱟᱢ ᱟᱛᱮ ᱜᱟᱯᱟᱞ ᱢᱟᱨᱟᱣ ᱟᱠᱟᱫᱟ ᱵᱷᱟᱨᱚᱛ ᱨᱮᱱ ᱵᱤᱫᱮᱥ ᱢᱚᱱᱛᱨᱤ᱾ ᱟᱨ ᱚᱱᱰᱮ ᱠᱷᱚᱱ ᱜᱮ ᱟᱭ ᱩᱢᱟᱹᱱ ᱦᱩᱭᱩᱜ ᱠᱟᱱᱟ ᱡᱮ ᱵᱷᱟᱨᱚᱛ ᱥᱟᱣᱛᱮ ᱟᱢᱮᱨᱤᱠᱟ ᱨᱮᱭᱟᱜ ᱥᱟᱹᱜᱟᱹᱭ ᱚᱠᱟ ᱞᱮᱠᱟ ᱢᱮᱱᱟᱜᱼᱟ ᱢᱮᱱᱛᱮ ᱟᱭᱩᱢᱟᱹᱱ ᱦᱩᱭᱩᱜ ᱠᱟᱱᱟ᱾
