MAHUA MAJHI FACED WITH AN ACCIDENT: ᱠᱩᱢᱵᱷ ᱠᱷᱚᱱ ᱨᱮᱭᱟᱹᱨ ᱚᱠᱛᱚ ᱜᱟᱹᱰᱤ ᱮᱠᱥᱤᱰᱮᱱᱴ ᱨᱮᱭ ᱯᱟᱨᱟᱣ ᱮᱱᱟ ᱡᱮ ᱮᱢ ᱮᱢ ᱥᱟᱝᱥᱚᱫ, ᱪᱳᱴ ᱧᱟᱢ ᱟᱠᱟᱫ ᱠᱷᱟᱹᱛᱤᱨ ᱦᱟᱥᱯᱟᱛᱟᱞ ᱨᱮ ᱵᱷᱩᱨᱛᱤ ᱢᱮᱱᱟᱭᱼᱟ ᱢᱚᱦᱩᱭᱟ ᱢᱟᱡᱷᱤ (MAHUA MAJI)

Last updated: February 26, 2025 3:11 pm

Papul Murmu 4 weeks ago

ᱮᱠᱥᱤᱰᱮᱱᱴ ᱨᱮᱭᱟᱜ ᱪᱤᱛᱟᱹᱨ

MAHUA MAJHI FACED WITH AN ACCIDENT: ᱠᱳᱴᱤ ᱠᱳᱴᱤ ᱦᱚᱲ ᱯᱩᱱᱱᱚ ᱧᱟᱢ ᱞᱟᱹᱜᱤᱛ ᱛᱮ ᱯᱨᱚᱭᱟᱜᱨᱟᱡ ᱨᱮᱭᱟᱜ ᱠᱩᱢᱵᱷ ᱨᱮ ᱩᱢ ᱯᱷᱟᱨᱪᱟᱜ ᱞᱟᱹᱜᱤᱛ ᱠᱚ ᱪᱟᱞᱟᱜ ᱠᱟᱱᱟ᱾ ᱟᱨ ᱴᱤᱠ ᱚᱱᱟ ᱞᱤᱥᱴ ᱨᱮ ᱧᱩᱛᱩᱢᱼᱮ ᱚᱞ ᱠᱮᱫ ᱛᱟᱭᱟ ᱡᱷᱟᱨᱠᱷᱚᱸᱰ ᱱᱤᱵᱟᱥᱤ ᱡᱮ ᱮᱢ ᱮᱢ ᱥᱟᱝᱥᱚᱫ ᱢᱚᱦᱩᱭᱟ ᱢᱟᱡᱷᱤ᱾ ᱠᱩᱢᱵᱷ ᱨᱮ ᱰᱩᱵᱠᱤ ᱞᱟᱜᱟᱣ ᱠᱟᱛᱮᱡ ᱨᱩᱣᱟᱹᱨ ᱚᱠᱛᱚ ᱢᱤᱫ ᱴᱨᱟᱠ ᱥᱟᱶᱛᱮ ᱜᱟᱹᱰᱤ ᱴᱚᱯᱚᱠᱚᱨ ᱮᱱ ᱛᱟᱭᱟ ᱢᱚᱦᱩᱭᱟ ᱢᱟᱡᱷᱤ (MAHUA MAJI) ᱣᱟᱜ᱾ ᱥᱟᱹᱜᱩᱱ ᱢᱟᱦᱟ ᱦᱤᱞᱟᱹᱜ ᱵᱷᱳᱨ ᱔ ᱵᱟᱡᱟᱜ ᱚᱠᱛᱚ ᱜᱟᱹᱰᱤ ᱮᱠᱥᱤᱰᱮᱱᱴ ᱦᱩᱭ ᱟᱠᱟᱱ ᱛᱟᱭᱟ ᱢᱚᱦᱩᱭᱟ ᱢᱟᱡᱷᱤᱼᱟᱜ᱾ ᱡᱮ ᱮᱢ ᱮᱢ ᱥᱟᱝᱥᱚᱫ ᱢᱟᱦᱩᱭᱟ ᱢᱟᱡᱷᱤ (MAHUA MAJI) ᱼᱣᱟᱜ ᱜᱟᱹᱰᱤ ᱨᱮᱠᱩ ᱛᱟᱦᱮᱸ ᱠᱟᱱᱟ ᱟᱡ ᱨᱮᱱ ᱦᱚᱯᱚᱱ ᱟᱨ ᱦᱚᱯᱚᱱ ᱮᱨᱟ ᱨᱮᱱ ᱵᱟᱦᱩ ᱠᱩᱨᱤ᱾ ᱯᱚᱨᱤᱵᱟᱨ ᱟᱛᱮ ᱜᱮ ᱠᱩᱢᱵᱷ ᱨᱮᱭ ᱪᱟᱞᱟᱣ ᱞᱮᱱᱟ ᱢᱚᱦᱩᱭᱟ ᱢᱟᱡᱷᱤ (MAHUA MAJI ) ᱫᱚ᱾ ᱚᱨᱟᱲ ᱨᱩᱭᱟᱹᱨ ᱡᱷᱚᱠᱚᱡ ᱱᱮᱥᱱᱟᱞ ᱦᱟᱭᱣᱚᱭᱮ 39 ᱨᱮ ᱞᱟᱛᱮᱦᱟᱨ ᱴᱚᱛᱷᱟ ᱨᱮ ᱢᱤᱫ ᱴᱨᱟᱠ ᱜᱟᱹᱫᱤ ᱥᱟᱣᱛᱮ ᱮᱠᱥᱤᱰᱮᱱᱴ ᱦᱩᱭ ᱞᱮᱱ ᱛᱟᱭᱟ᱾ ᱟᱨ ᱚᱱᱟ ᱮᱠᱥᱤᱰᱮᱱᱴ ᱠᱷᱟᱹᱛᱤᱨ ᱥᱟᱝᱥᱚᱫ ᱢᱚᱦᱩᱭᱟ ᱢᱟᱡᱷᱤ ᱣᱟᱜ ᱜᱟᱹᱰᱤ ᱨᱮᱭᱟᱜ ᱥᱟᱢᱟᱝ ᱥᱮ ᱱᱟᱜ ᱚᱝᱥᱚ ᱨᱟᱹᱯᱩᱛ ᱪᱟᱵᱟ ᱟᱠᱟᱱᱟ, ᱟᱨ ᱮᱠᱥᱤᱰᱮᱱᱴ ᱠᱷᱟᱹᱛᱤᱨ ᱦᱚᱲᱢᱚ ᱨᱮ ᱟᱜᱷᱟᱛ ᱦᱚᱭ ᱧᱟᱢ ᱟᱠᱟᱫᱟ ᱡᱮ ᱮᱢ ᱮᱢ ᱥᱟᱝᱥᱚᱫ᱾
ᱛᱚᱵᱮ ᱫᱩᱨᱜᱷᱚᱴᱚᱱᱟ ᱞᱚᱠᱠᱷᱚ ᱠᱟᱛᱮᱡ ᱥᱩᱨᱼᱥᱩᱯᱩᱨ ᱦᱚᱨ ᱜᱮ ᱯᱩᱭᱞᱩ ᱨᱮ ᱩᱫᱷᱟᱨ ᱠᱟᱹᱢᱤ ᱨᱮ ᱜᱚᱨᱲ ᱞᱟᱹᱜᱤᱛ ᱠᱚ ᱞᱟᱦᱟ ᱦᱮᱡ ᱞᱮᱱ ᱛᱟᱦᱮᱱᱟ᱾ ᱛᱟᱭᱚᱢ ᱛᱮ ᱯᱩᱞᱤᱥ ᱠᱷᱚᱵᱚᱨ ᱵᱟᱰᱟᱭ ᱧᱟᱢ ᱠᱟᱛᱮᱡ ᱦᱮᱡ ᱮᱱᱟ ᱟᱨ ᱩᱱᱠᱚ ᱩᱫᱷᱟᱨ ᱠᱟᱛᱮᱡ ᱛᱤᱠᱪᱟᱹ ᱞᱟᱹᱜᱤᱛ ᱨᱟᱱᱪᱤ ᱦᱟᱥᱯᱟᱛᱟᱞ ᱨᱮ ᱵᱷᱳᱨᱛᱤ ᱦᱩᱭ ᱟᱠᱟᱱᱟ᱾
ᱡᱷᱟᱨᱠᱷᱚᱸᱰ ᱨᱮᱭᱟᱜ ᱨᱟᱡᱽᱱᱤᱛᱤ ᱢᱤᱛ ᱯᱚᱨᱤᱪᱤᱛᱤ ᱪᱮᱦᱮᱨᱟ ᱠᱟᱱᱟᱭ ᱢᱚᱦᱩᱭᱟ ᱢᱟᱡᱷᱤ, ᱟᱨ ᱥᱤᱨᱟᱹ ᱢᱚᱱᱛᱨᱤ ᱦᱮᱢᱚᱱᱛ ᱥᱚᱨᱮᱱ (HEMANT SOREN)ᱼ ᱟᱜ ᱯᱚᱨᱤᱵᱟᱨ ᱥᱟᱞᱟᱜ ᱱᱟᱯᱟᱭ ᱥᱟᱹᱜᱟᱹᱭ ᱦᱚ ᱢᱮᱱᱟᱜ ᱟᱠᱟᱫ ᱛᱟᱣᱟ |