MANIPUR GOVERNMENT : ᱢᱚᱱᱤᱯᱩᱨ ᱨᱮ BJP ᱥᱚᱨᱠᱟᱨ ᱨᱟᱹᱯᱷᱫ ᱰᱟᱦᱟᱨ ᱨᱮ, ᱥᱚᱨᱠᱟᱨ ᱠᱷᱚᱱ ᱥᱚᱢᱚᱨᱛᱷᱚᱱ ᱨᱩᱭᱟᱹᱨ ᱦᱟᱛᱟᱣ ᱠᱮᱫᱟᱭ ᱱᱤᱛᱤᱥ ᱠᱩᱢᱟᱨᱼᱟᱜ JDU

MANIPUR GOVERNMENT : ᱠᱤᱪᱷᱩ ᱫᱤᱱ ᱞᱟᱦᱟ ᱠᱷᱚᱱ ᱜᱮ ᱱᱤᱛᱤᱥ ᱠᱩᱢᱟᱨ (NITISH KUMAR) ᱥᱟᱣ ᱥᱟᱹᱜᱟᱹᱭ ᱱᱟᱯᱟᱭ ᱵᱟᱹᱱᱩᱜ ᱟᱠᱟᱫᱟ ᱵᱤ ᱡᱮ ᱯᱤ ᱣᱟᱜ᱾ ᱟᱡᱠᱟ ᱜᱮ ᱥᱤᱨᱟᱹ ᱢᱚᱱᱛᱨᱤ ᱵᱤᱨᱮᱱ ᱥᱤᱝᱼ ᱣᱟᱜ ᱟᱭᱩᱨ ᱛᱮ ᱪᱟᱞᱟᱠ ᱠᱟᱱ ᱥᱚᱨᱠᱟᱨ ᱠᱷᱚᱱ ᱥᱚᱢᱚᱨᱛᱷᱚ ᱱᱮ ᱨᱩᱭᱟᱹᱨ ᱠᱮᱫᱟ ᱡᱟᱱᱟᱛᱟ ᱫᱚᱞ ᱭᱩᱱᱟᱭᱴᱮᱰ᱾ ᱛᱚᱵᱮ ᱟᱡᱠᱟ ᱜᱮ ᱱᱤᱛᱤᱥ ᱠᱩᱢᱟᱨ(NITISH KUMAR) ᱼᱟᱜ ᱚᱱᱠᱟᱱ ᱠᱟᱰᱮᱨ ᱦᱟᱛᱟᱣ ᱠᱮᱫ ᱛᱮ ᱨᱟᱡᱽᱼᱟᱹᱨᱤ ᱢᱚᱦᱚᱞ ᱨᱮ ᱢᱤᱫ ᱱᱟᱣᱟ ᱪᱟᱨᱪᱟ ᱨᱟᱠᱟᱵ ᱟᱠᱟᱱᱟ᱾
ᱢᱤᱫ ᱥᱮᱨᱢᱟ ᱠᱷᱚᱱ ᱦᱚᱸ ᱵᱟᱹᱲᱛᱤ ᱦᱩᱭ ᱮᱱᱟ ᱢᱚᱱᱤᱯᱩᱨ ᱨᱮ ᱪᱟᱞᱟᱜ ᱠᱟᱱᱟ ᱡᱟᱹᱛ ᱤᱫᱤ ᱠᱟᱛᱮᱡ ᱠᱷᱟᱹᱯᱟᱹᱨᱤᱭᱟᱹᱟᱨ ᱨᱟᱯᱷᱟᱪᱟᱜ᱾ ᱟᱨ ᱚᱱᱟᱛᱮ ᱵᱮᱥ ᱪᱟᱯ ᱨᱮᱜᱤ ᱢᱮᱱᱟᱭᱼᱟ ᱢᱚᱱᱤᱯᱩᱨ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱮᱱ ᱵᱤᱨᱮᱱ ᱥᱤᱝ(N BIREN SINGH)᱾ ᱢᱚᱱᱤᱯᱩᱨ ᱯᱚᱱᱚᱛ ᱨᱮ JDUᱼ ᱨᱮᱢ ᱯᱚᱱᱚᱛ ᱯᱟᱨᱥᱮᱫ ᱠᱮᱥ ᱵᱤᱨᱮᱱ ᱥᱤᱝ (KSHETRIMAYUM BIREN SINGH)ᱨᱟᱡᱡᱚᱯᱟᱞ JDU ᱯᱟᱨᱴᱤᱣᱟᱜ ᱥᱚᱨᱠᱟᱨ ᱠᱷᱚᱱ ᱥᱚᱢᱚᱨᱛᱷᱚᱱ ᱨᱩᱭᱟᱹᱨ ᱦᱟᱛᱟᱣ ᱨᱮᱭᱟᱜ ᱠᱟᱛᱷᱟᱭ ᱵᱟᱰᱟᱭ ᱚᱪᱷᱚ ᱟᱠᱟᱫᱤᱭᱟ᱾ ᱨᱟᱡᱡᱚᱯᱟᱞ ᱥᱟᱢᱩᱝ ᱫᱚ ᱥᱤᱨᱟᱹ ᱢᱚᱱᱛᱨᱤ ᱵᱤᱨᱮᱱ ᱥᱤᱝ ᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱮᱱ ᱥᱯᱤᱠᱟᱨ ᱦᱚᱸ JDU ᱯᱟᱨᱴᱤᱣᱟᱜ ᱥᱚᱨᱠᱟᱨ ᱠᱷᱚᱱ ᱥᱚᱢᱚᱨᱛᱷᱚᱱ ᱨᱩᱭᱟᱹᱨ ᱦᱟᱛᱟᱣ ᱨᱮᱭᱟᱜ ᱠᱟᱛᱷᱟ ᱫᱚᱭ ᱵᱟᱰᱟᱭ ᱪᱚ ᱠᱤᱫᱤᱭᱟ᱾ ᱫᱤᱱ ᱠᱚᱭᱮᱠ ᱞᱟᱦᱟ ᱜᱮ NDA ᱨᱮᱱ ᱥᱳᱨᱤᱠ “ᱠᱩᱠᱤ ᱯᱤᱯᱟᱹᱞᱥ ᱮᱞᱟᱭᱮᱱᱥ” (Kuki People’s Alliance) ᱦᱚᱸ ᱵᱤ ᱡᱮ ᱯᱤ ᱥᱚᱨᱠᱟᱨ ᱠᱷᱚᱱ ᱥᱚᱢᱚᱨᱛᱷᱚᱱ ᱮ ᱨᱩᱭᱟᱹᱨ ᱟᱠᱟᱫᱟ᱾
ᱟᱨ ᱱᱤᱛ ᱚᱱᱟ ᱰᱟᱦᱟᱨ ᱛᱮᱜᱤ ᱛᱟᱲᱟᱢ ᱠᱮᱫᱟ ᱱᱤᱛᱤᱥ ᱠᱩᱢᱟᱨᱣᱟᱜ (NITISH KUMAR) JDU ᱦᱚᱸ ᱾ ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ JDU ᱢᱚᱱᱤᱯᱩᱨ ᱨᱮ ᱥᱚᱨᱠᱟᱨ ᱠᱷᱚᱱ ᱥᱚᱢᱚᱨᱛᱷᱚᱱ ᱨᱩᱣᱟᱹᱨ ᱦᱟᱛᱟᱣ ᱠᱮᱫ ᱨᱮᱦᱚᱸ ᱯᱚᱱᱚᱛ ᱨᱮ ᱵᱤ ᱡᱮ ᱯᱤ ᱣᱟᱜ ᱥᱚᱨᱠᱟᱨ ᱵᱟᱝ ᱨᱟᱹᱯᱩᱫ ᱫᱚᱜᱼᱟ᱾ ᱪᱮᱫᱟᱠ ᱥᱮ ᱖᱐ ᱟᱥᱚᱱ ᱨᱮᱭᱟᱜ ᱢᱚᱱᱤᱯᱩᱨ ᱵᱤᱫᱷᱟᱱ ᱥᱚᱵᱷᱟ ᱨᱮ ᱵᱤ ᱡᱮ ᱯᱤ ᱮᱠᱞᱟ ᱜᱮ ᱓᱗ ᱜᱚᱴᱟᱝ ᱥᱤᱴ ᱠᱚ ᱡᱤᱛᱠᱟᱹᱨ ᱟᱠᱟᱱᱟ, ᱡᱟᱦᱟ ᱫᱚ ᱢᱚᱱᱩᱯᱩᱨ ᱨᱮ ᱥᱚᱨᱠᱟᱨ ᱜᱚᱴᱷᱚᱱ ᱞᱟᱹᱜᱤᱫ ᱞᱟᱜᱟᱣᱼᱟ ᱓᱑ ᱜᱚᱴᱟᱝ ᱵᱤᱫᱷᱟᱭᱚᱠ ᱠᱚᱣᱟᱜ ᱥᱚᱢᱚᱨᱛᱷᱱ ᱡᱟᱦᱟ ᱫᱚ ᱵᱤ ᱡᱮ ᱯᱤ ᱴᱷᱮᱱ ᱖ ᱜᱚᱴᱟᱝ ᱵᱤᱫᱷᱟᱭᱚᱠ ᱡᱟᱹᱥᱛᱤ ᱢᱮᱱᱟᱜ ᱟᱠᱟᱫ ᱠᱚᱣᱟ᱾ ᱵᱤ ᱡᱮ ᱯᱤ ᱡᱚᱴ ᱨᱮ ᱱᱤᱛᱤᱥ ᱠᱩᱢᱟᱨ ᱢᱟᱨᱟᱝ ᱥᱳᱨᱤᱠ ᱠᱟᱱᱟᱭ, ᱒᱐᱒᱒ ᱨᱮ ᱢᱚᱱᱤᱯᱩᱨ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱦᱱᱟᱣ ᱚᱠᱛᱚ JDU BJP ᱥᱟᱶᱛᱮ ᱢᱮᱥᱟ ᱠᱟᱛᱮᱡ ᱖ ᱜᱚᱴᱟᱝ ᱥᱤᱴ ᱨᱮᱠᱚ ᱡᱤᱛᱠᱟᱹᱨ ᱞᱮᱱᱟ, ᱢᱮᱱᱠᱷᱟᱱ ᱥᱚᱨᱠᱟᱨ ᱜᱚᱴᱷᱚᱱ ᱛᱟᱭᱚᱢ ᱜᱮ JDU ᱨᱮᱱ ᱕ ᱜᱚᱴᱟᱝ ᱵᱤᱫᱷᱟᱭᱚᱠ ᱵᱤ ᱡᱮ ᱯᱤ ᱨᱮᱠᱩ ᱢᱮᱥᱷᱟ ᱞᱮᱱ ᱛᱟᱦᱮᱱᱟ᱾ ᱟᱨ ᱩᱱ ᱠᱷᱚᱱ ᱜᱮ ᱕ ᱜᱚᱴᱟᱝ ᱵᱤᱫᱷᱟᱭᱚᱠ ᱵᱤᱨᱚᱫᱽ ᱨᱮ ᱥᱯᱤᱠᱟᱨᱼᱟᱜ ᱴᱨᱭᱵᱩᱱᱟᱞ ᱨᱮ ᱢᱟᱢᱞᱟ ᱥᱟᱵ ᱡᱩᱰᱤᱥ ᱢᱮᱱᱟᱜᱼᱟ, ᱱᱤᱛ ᱦᱟᱹᱵᱤᱛ ᱛᱮ ᱩᱱᱠᱚ ᱵᱤᱨᱚᱫᱽ ᱨᱮ ᱚᱠᱟ ᱠᱟᱰᱮᱨ ᱦᱚᱸ ᱵᱟᱝ ᱦᱟᱛᱟᱣ ᱦᱩᱭ ᱟᱠᱟᱱᱟ᱾ ᱵᱟᱝᱢᱟ ᱚᱱᱟ ᱠᱷᱟᱹᱛᱤᱨ ᱜᱮ ᱢᱚᱱᱤᱯᱩᱨ ᱨᱮ ᱵᱤ ᱡᱮ ᱯᱤ ᱣᱟᱜ ᱥᱚᱨᱠᱟᱨ ᱠᱚ ᱵᱟᱜᱤ ᱟᱫᱟ ᱱᱤᱛᱤᱥ ᱠᱩᱢᱟᱨ(NITISH KUMAR)ᱼᱟᱜ JDU|