MANMOHAN SINGH’S WIFE SECURITY : ᱢᱟᱨᱮ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱚᱱᱢᱚᱦᱚᱱ ᱨᱮᱱ ᱮᱨᱟ ᱜᱩᱨᱩᱥᱚᱨᱚᱱ ᱥᱤᱝ (GURSHARAN KAUR)ᱼᱟᱜ ᱱᱤᱨᱟᱯᱚᱛᱛᱟᱭ ᱠᱚᱢ ᱠᱮᱫᱟ ᱛᱟᱞᱢᱟ ᱥᱚᱨᱠᱟᱨ᱾ ᱩᱱᱟᱜ ᱫᱤᱱ ᱠᱷᱚᱱ ᱢᱚᱱᱢᱚᱦᱚᱱ ᱨᱮᱱ ᱮᱨᱟ ᱜᱩᱨᱩᱥᱚᱨᱚᱱ ᱫᱚᱱ ᱡᱮᱴ ᱯᱞᱟᱥ ᱱᱤᱨᱟ ᱯᱚᱛᱛᱟ ᱧᱟᱢ ᱟᱜᱩ ᱮᱫ ᱠᱟᱱ ᱛᱟᱦᱮᱱᱟ, ᱟᱨ ᱱᱤᱛ ᱫᱚ ᱚᱱᱟ ᱱᱤᱨᱟᱯᱚᱛᱛᱟ ᱠᱚᱢ ᱠᱟᱛᱮᱡ ᱡᱮᱴ ᱠᱮᱴᱟᱜᱚᱨᱤ ᱠᱚᱨᱟᱣ ᱦᱩᱭ ᱟᱠᱟᱱ ᱛᱟᱣᱟ᱾ ᱠᱮᱱᱫᱨᱤᱭᱚ ᱥᱚᱨᱟᱥᱴᱨᱚ ᱢᱚᱱᱛᱨᱚᱠ ᱟᱜ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ ᱡᱮ ᱜᱩᱨᱩᱥᱚᱨᱚᱱ ᱱᱟᱜ ᱱᱤᱨᱟᱯᱚᱛᱛᱟ ᱤᱫᱤ ᱠᱟᱛᱮᱡ ᱥᱟᱱᱟᱢ ᱞᱮᱠᱟᱱ ᱯᱚᱨᱤᱥᱛᱤᱛᱤ ᱧᱮᱞ ᱠᱟᱛᱮᱡ ᱜᱮ ᱚᱱᱟ ᱫᱚᱭ ᱜᱚᱴᱟ ᱟᱠᱟᱫᱟ ᱠᱮᱱᱫᱨᱤᱭᱚ ᱥᱚᱨᱠᱟᱨ᱾
ᱛᱚᱵᱮ ᱜᱩᱨᱩᱥᱚᱨᱚᱱ ᱱᱟᱜ ᱱᱤᱨᱟᱯᱚᱛᱛᱟ ᱠᱚᱢᱟᱭ ᱤᱫᱤ ᱠᱟᱛᱮᱡ ᱟᱹᱰᱤ ᱟᱭᱢᱟ ᱢᱚᱦᱚᱞ ᱨᱮ ᱟᱹᱰᱤ ᱜᱟᱱ ᱠᱩᱠᱞᱤ ᱜᱮ ᱨᱟᱠᱟᱵ ᱦᱟᱡᱩᱠ ᱠᱟᱱᱟ᱾ ᱠᱮᱱᱫᱨᱚ ᱜᱮᱭᱮᱱᱫᱟ ᱯᱟᱥᱴᱟ ᱠᱷᱚᱱ ᱧᱟᱢ ᱟᱠᱟᱱ ᱨᱮᱯᱚᱨᱴ ᱞᱮᱠᱟᱛᱮ ᱜᱤ ᱢᱚᱱᱢᱚᱦᱚᱱ ᱨᱮᱱ ᱚᱨᱟᱜ ᱮᱨᱟ ᱣᱟᱜ ᱱᱤᱨᱟᱯᱚᱛᱛᱟ ᱫᱚ ᱠᱚᱢ ᱦᱩᱭ ᱟᱠᱟᱱᱟ᱾
ᱱᱟᱦᱟᱜ ᱚᱜᱛᱚ ᱨᱮ ᱚᱱᱤᱣᱟᱜ ᱱᱤᱨᱟᱯᱚᱛᱛᱟ ᱞᱟᱹᱜᱤᱛ ᱖ ᱜᱚᱴᱟᱝᱵᱚᱱᱫᱩᱠ ᱫᱷᱟᱨᱤ CRPF ᱡᱟᱣᱟᱱ ᱠᱚ ᱛᱟᱦᱮᱱᱟ᱾ ᱚᱱᱟ ᱵᱟᱫ ᱠᱟᱛᱮᱡ ᱦᱚᱸ ᱵᱟᱨᱭᱟ ᱡᱟᱣᱟᱱ ᱥᱟᱨᱟ ᱜᱟᱹᱨᱤᱡ ᱞᱟᱹᱜᱤᱛ ᱚᱱᱤᱭᱟᱜ ᱚᱲᱟᱜ ᱫᱮᱠᱵᱷᱟᱞ ᱞᱟᱹᱜᱤᱛ ᱠᱤᱱ ᱛᱟᱦᱮᱱᱟ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱒᱐᱑᱔ ᱨᱮ ᱯᱨᱚᱫᱷᱟᱱ ᱢᱚᱱᱛᱨᱤ ᱦᱩᱫᱟᱹ ᱠᱷᱚᱱ ᱤᱥᱛᱚᱯᱷᱟ ᱮᱢ ᱛᱟᱭᱚᱢ ᱦᱚᱸ ᱚᱱᱤᱭᱟᱜ ᱱᱤᱨᱟᱯᱚᱛᱛᱟ ᱞᱟᱹᱜᱤᱛ ᱛᱮ SPG ᱜᱤ ᱱᱤᱨᱟᱯᱚᱛᱛᱟ ᱠᱚ ᱮᱢ ᱟᱜᱩᱭᱮᱛ ᱠᱟᱱ ᱛᱟᱦᱮᱱᱟ ᱾ ᱒᱐᱑᱙ ᱥᱟᱹᱦᱤᱛ ᱨᱮ ᱢᱳᱫᱤ ᱥᱚᱨᱠᱟᱨ ᱢᱚᱱᱢᱚᱦᱚᱱ ᱣᱟᱜ ᱱᱤᱨᱟᱯᱚᱛᱛᱟ ᱨᱮ SPG ᱵᱚᱫᱚᱞ ᱛᱮ Z+ ᱱᱤᱨᱟᱯᱚᱛᱛᱟ ᱮᱢ ᱨᱮᱭᱟᱜ ᱥᱤᱫᱷᱟᱱᱛᱚᱭ ᱦᱟᱛᱟᱣ ᱞᱮᱫ ᱛᱟᱦᱮᱱᱟ᱾ ᱛᱚᱵᱮ ᱚᱠᱛᱚ ᱵᱚᱫᱚᱞ ᱥᱟᱣ ᱥᱟᱣᱛᱮ ᱢᱟᱨᱮ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱚᱱᱢᱚᱦᱚᱱ ᱱᱟᱜ ᱜᱷᱟᱨᱚᱡ ᱨᱮᱭᱟᱜ ᱱᱤᱨᱟᱯᱚᱛᱛᱟ ᱦᱚᱸ ᱵᱚᱫᱚᱞ ᱪᱟᱞᱟᱣ ᱟᱠᱟᱱᱟ᱾
