MODI IN BIHAR BEFORE ELECTIONS : ᱵᱤᱦᱟᱨ ᱨᱮ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱦᱱᱟᱣ ᱞᱟᱹᱜᱤᱛ ᱚᱠ ᱢᱮᱱᱟᱜ ᱨᱮᱦᱚᱸ ᱵᱷᱚᱴ ᱨᱮᱭᱟᱜ ᱯᱨᱚᱪᱟᱨ ᱮ ᱮᱛᱚᱦᱚᱵ ᱠᱮᱫᱟ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱟᱨᱮᱱᱫᱚ ᱢᱳᱫᱤ(NARENDRA MODI)᱾ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱫᱤᱥᱟᱹ ᱠᱟᱛᱮᱡ ᱞᱟᱦᱟ ᱠᱷᱚᱱ ᱜᱮ ᱚᱛᱮ ᱢᱟᱦᱟ ᱦᱤᱞᱟᱹᱜ ᱵᱤᱦᱟᱨ ᱨᱮᱭᱟᱜ ᱵᱷᱟᱜᱚᱞ ᱯᱩᱨ ᱨᱮ ᱟᱹᱰᱤ ᱜᱟᱱ ᱯᱨᱚᱠᱚᱞᱯᱚᱭ ᱩᱰᱷᱟᱣ ᱠᱮᱫᱟ ᱯᱨᱚᱫᱷᱟᱱ ᱢᱚᱱᱛᱨᱤ᱾ ᱥᱟᱣᱛᱮ ᱵᱤᱦᱟᱨ ᱩᱛᱱᱟᱣ ᱞᱟᱹᱜᱤᱛ ᱛᱮ ᱵᱤᱦᱟᱨ ᱥᱚᱨᱠᱟᱨᱼᱟᱜ ᱟᱭᱢᱟ ᱠᱟᱹᱢᱤ ᱦᱚᱨᱟ ᱨᱮᱭᱟᱜ ᱠᱟᱛᱷᱟᱭ ᱥᱟᱵ ᱨᱟᱠᱟᱵ ᱠᱮᱫᱟ᱾
ᱱᱤᱭᱟᱹ ᱫᱷᱟᱣ ᱨᱮᱭᱟᱜ ᱠᱮᱱᱫᱨᱤᱭᱚ ᱵᱟᱡᱮᱴ ᱨᱮ ᱵᱤᱦᱟᱨ ᱨᱮᱱ ᱢᱟᱠᱷᱱᱟ ᱪᱟᱹᱥᱤ ᱠᱚ ᱩᱛᱱᱟᱣ ᱞᱟᱹᱜᱤᱛ ᱢᱤᱛᱴᱟᱝ ᱵᱤᱥᱮᱥ ᱵᱚᱨᱰ ᱜᱚᱴᱷᱚᱱ ᱨᱮᱭᱟᱜ ᱠᱟᱛᱷᱟᱭ ᱜᱷᱚᱥᱚᱱᱟ ᱟᱠᱟᱫᱟ ᱫᱤᱥᱟᱹᱢ ᱨᱮᱱ ᱯᱷᱤᱱᱟᱱᱥ ᱢᱤᱱᱤᱥᱴᱮᱨ ᱱᱤᱨᱢᱚᱞᱟ ᱥᱤᱛᱟᱨᱟᱢᱟᱱ(NIRMALA SITHARAMAN)᱾ ᱚᱱᱟ ᱥᱟᱶᱛᱮ ᱥᱟᱶᱛᱮ ᱵᱤᱦᱟᱨ ᱨᱮ National Institute of Foot Technology ᱵᱮᱱᱟᱣ ᱨᱮᱭᱟᱜ ᱦᱚ ᱠᱟᱛᱷᱟᱭ ᱩᱪᱟᱹᱱ ᱞᱮᱫ ᱛᱟᱦᱮᱱᱟ᱾ ᱢᱟᱠᱷᱱᱟ ᱨᱮᱭᱟᱜ ᱮᱛᱟᱹ ᱟᱱᱛᱚᱨᱡᱟᱛᱤᱠ ᱢᱟᱨᱠᱮᱴ ᱨᱮ ᱯᱟᱥᱱᱟᱣ ᱨᱮᱭᱟᱜ ᱯᱨᱚᱛᱤᱥᱨᱚᱛᱤ ᱦᱚᱭ ᱮᱢ ᱟᱠᱟᱫᱟ᱾ ᱥᱟᱶᱛᱮ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱣᱟ ᱞᱟᱭ ᱟᱠᱟᱫᱟ ᱡᱮ ᱟᱡ ᱵᱚᱪᱷᱚᱨ ᱨᱮ ᱓᱐᱐ ᱢᱟᱦᱟ ᱜᱮ ᱢᱟᱠᱷᱱᱟᱣ ᱡᱚᱢ ᱮᱫᱟ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱜᱚᱴᱟ ᱫᱤᱥᱟᱹᱢ ᱢᱩᱫ ᱢᱩᱫ ᱨᱮ ᱵᱤᱦᱟᱨ ᱨᱮᱜᱤ ᱘᱐ ᱯᱟᱨᱥᱮᱱᱴ ᱢᱟᱠᱷᱱᱟ(ᱞᱚᱴᱚᱯᱚᱴᱚ) ᱪᱟᱥ ᱦᱩᱭᱩᱜ ᱠᱟᱱᱟ᱾ ,ᱢᱮᱱᱠᱷᱟᱱ ᱯᱚᱨᱤᱵᱮᱥᱵᱤᱫ ᱠᱚᱣᱟᱜ ᱟᱵᱷᱤᱡᱚᱜ, ᱢᱟᱠᱷᱱᱟ ᱪᱟᱥ(ᱞᱚᱴᱚᱯᱚᱴᱚ) ᱪᱟᱥ ᱠᱷᱟᱹᱛᱤᱨ ᱢᱟᱱᱢᱤᱭᱟᱜ ᱡᱤᱭᱟᱱ ᱨᱮ ᱟᱹᱰᱤ ᱜᱟᱱ ᱠᱩᱛᱤ ᱦᱩᱭᱩᱜ ᱠᱟᱱᱟ᱾
ᱵᱷᱟᱜᱚᱞᱯᱩᱨ ᱨᱮᱭᱟᱜ ᱡᱚᱱᱚᱥᱚᱵᱷᱟ ᱵᱤᱦᱟᱨ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱱᱤᱛᱤᱥ ᱠᱩᱢᱟᱨ (NITISH KUMAR) ᱥᱟᱢᱟᱝ ᱨᱮ ᱵᱤᱦᱟᱨ ᱩᱛᱱᱟᱹᱣ ᱞᱟᱹᱜᱤᱛ ᱠᱮᱱᱫᱨᱚ ᱥᱚᱨᱠᱟᱨ ᱥᱟᱱᱟᱢ ᱞᱮᱠᱟᱱᱟᱜ ᱜᱚᱲᱚ ᱮᱢᱚᱜ ᱠᱟᱱᱟᱭ ᱢᱮᱱᱛᱮ ᱯᱨᱚᱫᱷᱟᱱ ᱢᱚᱱᱛᱨᱤ ᱣᱟᱜ ᱵᱚᱠᱛᱚᱵᱵᱚ ᱨᱮ ᱵᱟᱨ ᱵᱟᱨ ᱨᱟᱠᱟᱵ ᱦᱮᱡ ᱟᱠᱟᱱᱟ᱾ ᱵᱷᱟᱜᱚᱞᱯᱩᱨ ᱨᱮᱭᱟᱜ ᱥᱚᱵᱷᱟ ᱠᱷᱚᱱ ᱩᱰᱟᱹᱣ ᱠᱮᱫᱟᱭ ᱵᱮᱥ ᱠᱤᱪᱷᱩ ᱨᱮᱞ ᱯᱨᱚᱠᱚᱞᱯᱚ ᱨᱮᱭᱟᱜ᱾ ᱧᱩᱛᱩᱢ ᱵᱟᱝ ᱧᱩᱢ ᱠᱟᱛᱮᱡ ᱚᱱᱟ ᱥᱚᱵᱷᱟ ᱠᱷᱚᱱ ᱜᱮ ᱯᱨᱚᱭᱟᱜᱨᱟᱡ ᱨᱮᱭᱟᱜ ᱢᱚᱦᱟᱠᱩᱢᱵ ᱢᱮᱞᱟ ᱤᱫᱤ ᱠᱟᱛᱮᱡ ᱵᱤᱨᱚᱫᱷᱤ ᱠᱚ ᱪᱮᱛᱟᱱ ᱠᱟᱛᱷᱟ ᱛᱮᱨᱟᱝ ᱫᱚ ᱵᱟᱝᱼᱮ ᱵᱟᱜᱤ ᱞᱮᱫ ᱛᱟᱦᱮᱱᱟ᱾
