MODI MAY VISIT RUSSIA AGAIN : ᱨᱟᱥ ᱤᱭᱟ ᱨᱮᱭᱟᱜ ᱘᱐ ᱟᱱᱟᱝ ᱵᱤᱡᱚᱭ ᱫᱤᱵᱚᱥ ᱨᱮ ᱥᱮᱞᱮᱫ ᱞᱟᱹᱜᱤᱛ ᱨᱟᱥᱤᱭᱟ ᱥᱚᱯᱷᱚᱨ ᱨᱮᱭ ᱪᱟᱞᱟᱣ ᱫᱟᱲᱮᱼᱟ ᱵᱷᱟᱨᱚᱛ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ

Last updated: February 26, 2025 5:05 pm

Papul Murmu 4 weeks ago

ᱥᱳᱥᱟᱞᱢᱮᱰᱤᱭᱟ ᱪᱤᱛᱟᱹᱨ

MODI MAY VISIT RUSSIA AGAIN : ᱫᱟᱨᱟᱭ ᱠᱟᱱ ᱙ ᱢᱮ ᱵᱷᱟᱨᱚᱛ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱢᱚᱥᱠᱚ ᱨᱮᱭᱟᱜ ᱨᱮᱰ ᱥᱠᱚᱭᱟᱨ ᱨᱮ ᱥᱟᱯᱨᱟᱣ ᱟᱠᱟᱱ “ᱜᱨᱮᱴ ᱯᱮᱴᱨᱤᱭᱴᱤᱠ ᱣᱟᱨ ᱨᱮ ᱡᱤᱭᱟᱹᱛ ᱟᱠᱟᱱ ᱢᱚᱦᱟᱱ ᱫᱮᱥᱯᱨᱮᱢᱤᱠ ᱠᱚᱣᱟᱜ ᱘᱐ ᱟᱱᱟᱝ ᱵᱤᱡᱚᱭ ᱫᱤᱵᱚᱥ ᱨᱮ ᱥᱮᱞᱮᱫ ᱞᱟᱹᱤᱛ ᱨᱟᱥᱤᱭᱟ ᱥᱚᱯᱷᱚᱨ ᱨᱮᱭ ᱪᱟᱞᱟᱣ ᱫᱟᱲᱮᱼᱟ ᱱᱚᱨᱮᱱᱫᱚ ᱢᱳᱫᱤ(NARENDRA MODI)| ᱨᱟᱥᱤᱭᱟ ᱨᱮᱭᱟᱜ ᱥᱚᱝᱵᱟᱫ ᱥᱚᱝᱛᱷᱟ TASS ᱨᱮᱭᱟᱜ ᱛᱚᱛᱷᱟ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱠ ᱟᱠᱟᱱᱟ ᱙ ᱢᱮ ᱨᱮᱭᱟᱜ ᱠᱟᱹᱢᱤ ᱦᱚᱨᱟ ᱨᱮ ᱥᱮᱞᱮᱫ ᱞᱟᱹᱜᱤᱛ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ ᱱᱮᱣᱛᱟ ᱟᱠᱟᱫᱤᱣᱟ ᱨᱟᱥᱤᱭᱟ ᱨᱮᱱ ᱨᱟᱥᱴᱨᱟᱯᱚᱛᱤ ᱵᱷᱚᱞᱟᱫᱤᱢᱤᱨ ᱯᱳᱛᱤᱱ (VLADIMIR PUTIN)
ᱢᱮᱱᱠᱷᱟᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ ᱟᱜ ᱨᱟᱥᱤᱭᱟ ᱥᱚᱯᱷᱚᱨ ᱨᱮᱭᱟᱜ ᱠᱟᱛᱷᱟ ᱱᱤᱛ ᱦᱟᱵᱤᱛ ᱛᱮ ᱵᱷᱟᱨᱚᱛ ᱥᱚᱨᱠᱟᱨ ᱯᱟᱥᱴᱟ ᱠᱷᱚᱱ ᱫᱚ ᱵᱟᱝ ᱩᱪᱟᱹᱱ ᱦᱩᱭ ᱟᱞᱟᱱᱟ᱾
ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱡᱚᱫᱤ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ ᱡᱚᱫᱤ ᱨᱟᱥᱤᱭᱟ ᱥᱚᱯᱷᱚᱨ ᱨᱮᱭ ᱪᱟᱞᱟᱜᱼᱟ ᱛᱚᱵᱮ ᱚᱱᱟ ᱜᱮ ᱦᱩᱭᱩᱜᱼᱟ ᱒᱐᱒᱕ ᱨᱮᱭᱟᱜ ᱥᱚᱨᱠᱟᱨᱤ ᱞᱮᱠᱟᱛᱮ ᱯᱩᱭᱞᱩ ᱵᱤᱫᱮᱥ ᱥᱚᱯᱷᱚᱨ᱾ ᱒᱐᱒᱔ ᱥᱟᱞ ᱨᱮ ᱱᱟᱨᱮᱱᱫᱨᱚ ᱢᱳᱫᱤ(NARENDRA MODI) ᱵᱟᱨ ᱫᱷᱟᱣ ᱨᱟᱥᱤᱭᱟ ᱥᱚᱯᱷᱚᱨ ᱨᱮᱭ ᱪᱟᱞᱟᱣ ᱞᱮᱱ ᱛᱟᱷᱮᱱᱟ, ᱢᱤᱫ ᱰᱷᱟᱣ ᱫᱚ ᱡᱩᱞᱟᱭ ᱨᱮ ᱵᱟᱱᱟᱨ ᱫᱤᱥᱟᱹᱢ ᱢᱩᱫ ᱨᱮ ᱜᱟᱯᱟᱞ ᱢᱟᱨᱟᱣ ᱞᱟᱹᱜᱤᱛ ᱟᱨ ᱢᱤᱫ ᱫᱷᱟᱣ ᱫᱚ ᱒᱐᱒᱔ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱚᱠᱴᱚᱵᱚᱨ ᱨᱮ ᱵᱨᱤᱠᱥ ᱥᱚᱢᱢᱮᱞᱚᱱ ᱨᱮ ᱥᱮᱞᱮᱫ ᱞᱟᱹᱜᱤᱛ ᱨᱟᱥᱤᱭᱟ ᱨᱮᱭᱟᱜ ᱠᱟᱡᱟᱱ ᱥᱚᱦᱚᱨ ᱨᱮᱭ ᱪᱟᱞᱟᱣ ᱞᱮᱱ ᱛᱟᱦᱮᱱᱟ, ᱟᱨ ᱚᱱᱰᱮ ᱪᱤᱱ ᱨᱮᱱ ᱨᱟᱥᱴᱨᱟᱯᱚᱛᱤ ᱥᱤ ᱡᱤᱝᱯᱤᱝ (JING PING) ᱥᱟᱣᱛᱮ ᱦᱚᱭ ᱧᱟᱯᱟᱢ ᱞᱮᱱ ᱛᱟᱦᱮᱱᱟ᱾