TAHAWWUR RANA EXTRADITION ᱺ ᱟᱢᱮᱨᱤᱠᱟ ᱠᱷᱚᱱ ᱵᱷᱟᱨᱚᱛ ᱟᱜᱩ ᱦᱩᱭᱩᱜ ᱠᱟᱱᱟ ᱒᱖/᱑᱑ ᱡᱚᱝᱜᱤ ᱦᱟᱢᱞᱟ ᱨᱮᱱ ᱢᱩᱞ ᱪᱦᱚᱠᱨᱤ ᱛᱟᱦᱟᱩᱨ ᱨᱟᱱᱟ᱾ ᱢᱩᱢᱵᱟᱭ ᱦᱟᱢᱞᱟ ᱨᱮᱱ ᱢᱮᱱ ᱟᱥᱟᱢᱤ ᱛᱟᱦᱟᱭᱩᱨ ᱨᱟᱱᱟ (TAHAWWUR RANA)ᱫᱚ ᱛᱮᱦᱮᱧ ᱜᱮ ᱢᱮᱱᱫᱚ (ᱥᱟᱨᱫᱤ ᱢᱟᱦᱟ) ᱨᱮ ᱵᱤᱥᱮᱥ ᱵᱤᱢᱟᱱ ᱛᱮ ᱢᱩᱢᱵᱟᱭ ᱨᱮ ᱯᱷᱮᱴ ᱦᱩᱭᱩᱜᱼᱟ᱾ ᱛᱚᱵᱮ ᱣᱟᱜ ᱵᱷᱟᱨᱚᱛ ᱨᱮ ᱨᱩᱣᱟᱹᱨ ᱤᱫᱤ ᱠᱟᱛᱮᱡ ᱯᱩᱭᱞᱩ ᱵᱤᱵᱨᱤᱛᱤ ᱮᱢ ᱠᱮᱫᱟ ᱵᱷᱟᱨᱚᱛ ᱥᱚᱨᱠᱟᱨ᱾ ᱯᱟᱠᱤᱥᱛᱷᱟᱱ ᱵᱚᱝᱥᱚᱵᱩᱛᱚ ᱛᱟᱦᱟᱭᱩᱨ ᱨᱟᱱᱟ ᱠᱷᱚᱱ ᱥᱟᱹᱜᱤᱧ ᱨᱮ ᱛᱟᱦᱮᱱ ᱨᱮᱭᱟᱜ ᱮ ᱠᱩᱨᱩᱢᱩᱴᱩ ᱮᱫᱟ ᱯᱟᱠᱤᱥᱛᱷᱟᱱ᱾
ᱵᱤᱵᱨᱤᱛᱤ ᱛᱟᱞᱟ ᱴᱮ ᱯᱟᱠᱤᱥᱛᱷᱟᱱ ᱱᱟᱜ ᱞᱟᱹᱭ ᱵᱟᱝᱢᱟ ᱛᱟᱦᱟᱭᱩᱨ ᱨᱟᱱᱟ (TAHAWWUR RANA) ᱫᱚ ᱯᱟᱠᱤᱥᱛᱷᱟᱱ ᱨᱮᱱ ᱱᱟᱜᱚᱨᱤᱠ ᱵᱟᱝ ᱠᱟᱱᱟᱭ᱾
ᱯᱟᱠᱤᱥᱛᱷᱟᱱ ᱵᱤᱫᱮᱥ ᱢᱚᱱᱛᱨᱚᱠ ᱨᱮᱭᱟᱜ ᱵᱤᱵᱨᱤᱛᱤ ᱨᱮ ᱞᱟᱹᱭ ᱦᱩᱭ ᱟᱠᱟᱱᱟ ᱡᱮ, ᱛᱟᱦᱟᱭᱩᱨ ᱨᱟᱱᱟ ᱯᱟᱨᱚᱢᱮᱱ ᱵᱟᱨ ᱫᱚᱚᱠ ᱢᱮᱱᱫᱚ ᱒᱐ ᱥᱮᱨᱢᱟ ᱠᱷᱚᱱ ᱯᱟᱠᱤᱥᱛᱷᱟᱱ ᱨᱮᱭᱟᱜ ᱰᱩᱠᱚᱢᱮᱱᱴᱥ ᱵᱟᱝᱼᱮ ᱩᱯᱰᱮᱴ ᱟᱠᱟᱫᱟ᱾ ᱟᱨ ᱚᱱᱰᱮ ᱠᱷᱚᱱ ᱜᱮ ᱵᱩᱡᱟᱹᱳ ᱧᱟᱢᱚᱠ ᱠᱟᱱᱟ ᱩᱱᱤᱫᱚ ᱠᱟᱱᱟᱰᱟ ᱨᱮᱱ ᱱᱟᱜᱚᱨᱤᱠ ᱠᱟᱱᱟᱭ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱛᱟᱦᱟᱭᱩᱨ ᱨᱟᱱᱟ (TAHAWWUR RANA) ᱵᱷᱟᱨᱚᱛ ᱨᱮ ᱟᱜᱩ ᱠᱟᱛᱮᱡ ᱵᱤᱪᱟᱨ ᱯᱨᱚᱠᱨᱤᱭᱟ ᱮᱛᱚᱦᱚᱵᱚᱠᱼᱟ᱾ ᱟᱨ ᱵᱤᱪᱟᱨ ᱯᱨᱚᱠᱨᱤᱭᱟ ᱮᱛᱚᱦᱚᱵ ᱞᱮᱱ ᱠᱷᱟᱱ ᱛᱟᱦᱟᱭᱩᱨ ᱣᱟᱜ ᱢᱚᱪᱟ ᱠᱷᱚᱱ ᱢᱩᱢᱵᱟᱭ ᱦᱟᱢᱞᱟ (MUMBAI ATTACK) ᱨᱮᱭᱟᱜ ᱟᱹᱰᱤ ᱜᱟᱱ ᱠᱟᱛᱷᱟ ᱨᱟᱠᱟᱵ ᱦᱮᱡ ᱫᱟᱲᱮᱭᱟᱼᱟ᱾ ᱟᱨ ᱚᱱᱟ ᱠᱷᱚᱱ ᱨᱮᱦᱟᱭ ᱧᱟᱢ ᱥᱮ ᱚᱱᱟ ᱠᱷᱚᱱ ᱥᱟᱜᱤᱧ ᱨᱮ ᱛᱟᱦᱮᱱ ᱞᱟᱹᱜᱤᱛ ᱛᱮᱜᱤ ᱯᱟᱠ ᱵᱚᱝᱥᱚᱵᱩᱛᱚ ᱠᱟᱱᱟᱰᱤᱭᱟᱱ ᱵᱮᱵᱥᱟᱭᱤ ᱤᱫᱤ ᱠᱟᱛᱮᱡ ᱱᱤᱡᱟᱨᱼᱟᱜ ᱚᱵᱚᱥᱛᱷᱟᱱ ᱠᱚ ᱞᱟᱹᱭ ᱠᱮᱫᱟ ᱯᱟᱠᱤᱥᱛᱷᱟᱱ᱾
ᱟᱢᱮᱨᱤᱠᱟ ᱨᱮᱱ ᱯᱨᱚᱥᱟᱥᱚᱱ ᱦᱚᱸ ᱛᱟᱦᱟᱭᱩᱨ ᱨᱟᱱᱟ (TAHAWWUR RANA) ᱵᱷᱟᱨᱚᱛ ᱟᱜ ᱛᱤ ᱨᱮ ᱪᱟᱞ ᱞᱟᱹᱜᱤᱛ ᱛᱮ ᱞᱟᱦᱟ ᱠᱷᱚᱱ ᱜᱮ ᱩᱫᱫᱮᱜᱤ ᱦᱟᱛᱟᱶ ᱟᱠᱟᱫ ᱛᱟᱦᱮᱱᱟ᱾ ᱯᱟᱠ ᱵᱚᱝᱥᱚᱵᱷᱩᱛᱚ ᱠᱟᱱᱟᱰᱤᱭᱟᱱ ᱵᱮᱵᱥᱟᱭᱤ ᱛᱟᱦᱟᱭᱩᱨ ᱤᱫᱤ ᱠᱟᱛᱮᱡ ᱢᱟᱨᱠᱤᱱ ᱯᱨᱮᱥᱤᱰᱮᱱᱴ ᱰᱚᱱᱟᱞᱰ ᱴᱨᱟᱢᱯ (DONALD TRUMP) ᱞᱟᱹᱭᱟ ᱟᱠᱟᱫᱟ ᱡᱮ ᱛᱟᱦᱟᱭᱩᱨ ᱵᱤᱥᱣᱟ ᱨᱮᱱ ᱢᱟᱨᱟᱝ ᱥᱩᱛᱨᱚ ᱠᱟᱱᱟᱭ᱾ ᱴᱨᱟᱢᱯ ᱣᱟᱜ ᱚᱱᱟ ᱜᱷᱚᱥᱚᱱᱟ ᱛᱟᱭᱚᱢ ᱜᱮ ᱟᱢᱮᱨᱤᱠᱟ ᱨᱮᱱ ᱯᱨᱮᱥᱤᱰᱮᱱᱴ ᱥᱟᱨᱦᱟᱣ ᱮ ᱪᱟᱞ ᱟᱫᱤ ᱛᱟᱦᱮᱱᱟ ᱵᱷᱟᱨᱚᱴ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ (NARENDRA MODI)|
