“ᱛᱮᱡᱚᱥ ᱡᱚᱱᱚᱠᱟᱞᱞᱟᱱ ᱯᱟᱨᱴᱤ” (TEJAS JANAKALYAN PARTY) ᱧᱩᱛᱩᱢ ᱛᱮ ᱢᱤᱫ ᱱᱟᱣᱟ ᱯᱟᱨᱴᱤ ᱩᱪᱟᱹᱱ ᱮᱱᱟ ᱵᱟᱝᱞᱟ ᱨᱮᱭᱟᱜ ᱨᱟᱡᱽ-ᱟᱹᱨᱤ ᱨᱮ᱾ “ᱛᱮᱡᱚᱥ ᱡᱚᱱᱚᱠᱟᱞᱞᱟᱱ ᱯᱟᱨᱴᱤ” ᱨᱮᱱ ᱥᱚᱵᱷᱟ ᱱᱮᱛᱨᱤ ᱨᱩᱵᱤ ᱜᱩᱯᱛᱟ(RUBY GUPTA) ᱫᱤᱥᱣᱟᱹ ᱰᱚᱜᱚᱨᱤᱭᱟ ᱠᱚ ᱛᱟᱞᱟ ᱛᱮ ᱱᱟᱣᱟ ᱯᱟᱨᱴᱤ ᱩᱪᱟᱹᱱ ᱨᱮᱭᱟᱜ ᱠᱟᱛᱷᱟᱭ ᱥᱚᱫᱚᱨ ᱠᱮᱫᱟ᱾ ᱨᱩᱵᱤ ᱜᱩᱯᱛᱟ (RUBY GUPTA) ᱞᱟᱹᱭ ᱟᱠᱟᱫᱟ ᱟᱠᱩᱣᱟᱜ ᱫᱚᱞ ᱨᱮᱭᱟᱜ ᱯᱨᱚᱛᱤᱠ ᱪᱤᱱᱦᱟᱹ ᱫᱚ ᱛᱷᱟᱹᱨᱤ ᱯᱮᱨᱮᱡ ᱫᱟᱠᱟ᱾
ᱛᱮᱡᱚᱥ ᱡᱚᱱᱚᱠᱟᱞᱞᱟᱱ ᱯᱟᱨᱴᱤ ᱣᱟᱜ ᱞᱚᱠᱠᱷᱚ ᱫᱚ ᱥᱟᱱᱟᱢ ᱨᱮᱱᱜᱮᱡ ᱱᱟᱪᱟᱨ ᱦᱚᱲ ᱠᱚ ᱡᱟᱛᱮ ᱵᱟᱨ ᱵᱮᱞᱟ ᱡᱚᱢ ᱨᱮᱭᱟᱜ ᱵᱮᱵᱚᱥᱛᱟ ᱟᱨ ᱠᱟᱹᱣᱰᱤ ᱟᱹᱨᱤ ᱞᱮᱠᱟᱛᱮ ᱥᱟᱱᱟᱢ ᱨᱮᱸᱜᱮᱡᱽ ᱦᱚᱲ ᱠᱚ ᱠᱮᱴᱮᱡ᱾ ᱯᱟᱨᱴᱤ ᱨᱮᱭᱟᱜ ᱧᱩᱛᱩᱢ ᱩᱪᱟᱹᱱ ᱚᱠᱛᱚ ᱨᱩᱵᱤ ᱜᱩᱯᱛᱟ ᱞᱟᱹᱭ ᱠᱮᱫᱟᱭ ᱡᱚᱱᱚᱛᱟ ᱟᱜ ᱟᱣᱟᱡ ᱜᱮ ᱫᱚᱞ ᱨᱮᱭᱟᱜ ᱱᱤᱛᱤ, ᱟᱨ ᱥᱤᱫᱷᱟᱱᱛᱚ ᱦᱩᱭᱩᱜ ᱟᱜ᱾
ᱛᱮᱡᱚᱥ ᱡᱚᱱᱚᱠᱚᱞᱞᱟᱱ ᱯᱟᱨᱴᱤ(TEJAS JANAKALYAN PARTY) ᱥᱟᱞᱟᱜ ᱛᱮ ᱡᱚᱯᱨᱟᱶ ᱞᱟᱹᱜᱤᱫ ᱥᱮ ᱯᱟᱨᱴᱤ ᱨᱮᱱ ᱠᱟᱹᱢᱤᱭᱟᱹ ᱠᱚᱣᱟᱜ ᱜᱚᱲᱚ ᱦᱟᱛᱟᱣ ᱞᱟᱹᱜᱤᱫ ᱯᱟᱨᱴᱤ ᱯᱟᱥᱴᱟ ᱠᱷᱚᱱ ᱢᱤᱫ ᱯᱷᱚᱱ ᱱᱚᱢᱵᱚᱨ ᱦᱚᱠᱚ ᱩᱪᱟᱹᱱ ᱟᱠᱟᱫᱟ ᱙᱑᱖᱓᱙᱘᱙᱑᱘᱘ (9163989188) ᱾ ᱱᱟᱣᱟ ᱯᱟᱨᱴᱤ ᱨᱮᱭᱟᱜ ᱚᱯᱷᱤᱥ ᱴᱤᱠᱟᱱᱟ ᱫᱚ ᱥᱮᱱᱴᱨᱟᱞ ᱨᱚᱰ,ᱡᱟᱫᱟᱵᱯᱩᱨ,ᱠᱚᱞᱠᱟᱛᱟᱼ᱗᱐᱐᱓᱒᱾ ᱫᱚᱞ ᱩᱪᱟᱹᱱ ᱥᱟᱣᱛᱮ ᱠᱤᱪᱷᱩ ᱯᱨᱚᱛᱤᱥᱨᱚᱛᱤ ᱦᱚᱠᱚ ᱮᱢ ᱟᱠᱟᱫᱟ ᱱᱟᱣᱟ ᱯᱟᱨᱴᱤ᱾ ᱩᱱᱚᱠᱚᱣᱟᱜ ᱞᱟᱹᱭ ᱡᱚᱫᱤ ᱵᱟᱪᱷᱱᱟᱹᱣ ᱛᱟᱞᱟ ᱛᱮ ᱠᱷᱚᱢᱚᱛᱟ ᱨᱮᱠᱚ ᱦᱮᱡ ᱞᱮᱱ ᱠᱷᱟᱡ ᱛᱚᱵᱮ ᱞᱚᱠᱠᱷᱤᱨ ᱵᱷᱟᱱᱰᱟᱨ ᱞᱮᱠᱟ ᱠᱚᱲᱟ ᱠᱚ ᱞᱟᱹᱜᱤᱫ ᱦᱚᱸ ᱜᱚᱱᱮᱥ ᱵᱷᱟᱱᱰᱟᱨ ᱟᱨ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱢᱟᱛᱨᱤ ᱵᱷᱟᱱᱰᱟᱨ ᱠᱚ ᱪᱟᱹᱞᱩᱼᱟ᱾ ᱚᱱᱟ ᱥᱟᱢᱩᱝ ᱫᱚ ᱵᱟᱝ ᱥᱟᱥᱛᱷᱚ ᱥᱟᱛᱷᱤ ᱠᱟᱨᱰ ᱵᱚᱫᱚᱞ ᱛᱮ ᱥᱩᱥᱟᱥᱛᱷᱚ ᱥᱠᱤᱢ ᱦᱚᱠᱚ ᱟᱜᱩᱭᱟ ᱢᱮᱱᱛᱮ ᱠᱚ ᱞᱟᱹᱭ ᱟᱠᱟᱫᱟ᱾ ᱚᱠᱚᱭ ᱨᱟᱡᱽᱟᱹᱨᱤ ᱯᱟᱨᱴᱤ ᱪᱮᱛᱟᱱ ᱠᱟᱛᱷᱟ ᱨᱟᱯᱷᱟᱪᱟᱠ ᱫᱚ ᱵᱟᱝ ᱥᱮ ᱠᱩᱛᱥᱟ ᱫᱚ ᱵᱟᱝ ᱩᱱᱠᱚᱣᱟᱜ ᱞᱚᱠᱠᱷᱚ ᱨᱮᱸᱜᱮᱡᱽ ᱱᱟᱪᱟᱨ ᱟᱹᱫᱤᱵᱟᱹᱥᱤ ᱟᱨ ᱟᱨ ᱥᱚᱢᱟᱡ ᱨᱮ ᱢᱚᱫᱫᱚ ᱵᱤᱛᱛᱚ ᱦᱚᱲ ᱠᱚ ᱢᱤᱫ ᱪᱟᱛᱚᱢ ᱞᱟᱛᱟᱨ ᱨᱮ ᱟᱜᱩ ᱠᱟᱛᱮᱡ ᱟᱠᱩᱣᱟᱜ ᱚᱫᱷᱤᱠᱟᱨ ᱮᱢ᱾ ᱯᱚᱱᱚᱛ ᱨᱮ ᱡᱟᱦᱟᱱ ᱡᱚᱱᱚ ᱵᱤᱨᱚᱫᱷᱤ ᱠᱟᱹᱢᱤ ᱦᱩᱭ ᱞᱮᱱ ᱠᱷᱟᱡ ᱚᱱᱟ ᱵᱤᱨᱩᱫᱽ ᱨᱮᱭ ᱞᱟᱹᱲᱦᱟᱭ ᱟᱜ ᱱᱟᱣᱟ ᱯᱟᱨᱴᱤ᱾ ᱯᱟᱨᱴᱤ ᱩᱪᱟᱹᱱ ᱚᱠᱛᱚ ᱱᱟᱣᱟ ᱯᱟᱨᱴᱤ ᱥᱟᱣᱠᱚ ᱡᱚᱯᱨᱟᱣ ᱮᱱᱟ ᱟᱹᱫᱤᱵᱟᱹᱥᱤ ᱮᱠᱚᱛᱟ ᱢᱚᱱᱪᱚ (ADIVASI EKTA MANCH) ᱨᱮᱱ ᱱᱮᱛᱟᱼᱱᱮᱛᱨᱤ ᱠᱚ᱾
