TMC IN ELECTION COMMISSION : ᱫᱤᱞᱞᱤ ᱨᱮ ELECTION COMISSON ᱴᱷᱮᱱ ᱯᱷᱮᱠ ᱵᱷᱳᱴᱟᱨ ᱠᱳᱣᱟᱜ ᱥᱚᱝᱠᱷᱟ ᱵᱟᱰᱟᱭ ᱞᱟᱹᱜᱤᱛ ᱫᱤᱞᱞᱤ ᱠᱚ ᱪᱟᱞᱟᱜ ᱠᱟᱱᱟ ᱛᱨᱤᱱᱚᱢᱩᱞ

TMC IN ELECTION COMMISSION : ᱵᱷᱳᱴᱟᱨ ᱞᱤᱥᱴ ᱢᱩᱫ ᱨᱮ ᱛᱤᱱᱟᱜ ᱯᱷᱮᱠ ᱵᱷᱳᱴᱟᱨ ᱢᱮᱱᱟᱜ ᱠᱚᱣᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱛ ᱫᱤᱞᱞᱤ ᱱᱟᱥᱱᱟᱞ ᱮᱞᱮᱪᱥᱚᱱ ᱠᱚᱢᱤᱥᱚᱱ(ELECTION COMMISSION ) ᱫᱚᱯᱛᱚᱨ ᱨᱮᱠᱚ ᱪᱟᱞᱟᱜ ᱠᱟᱱᱟ ᱛᱨᱤᱱᱚᱢᱩᱞ ᱠᱚᱱᱜᱨᱮᱥ᱾ ᱫᱟᱨᱟᱭ ᱠᱟᱱ ᱦᱟᱯᱴᱟ ᱨᱮ ᱵᱟᱞᱮ ᱦᱤᱞᱟᱹᱜ ᱫᱤᱞᱞᱤ ᱮᱞᱮᱪᱴᱥᱚᱱ ᱠᱚᱢᱤᱥᱚᱱ ᱨᱮᱭᱟᱜ ᱫᱚᱯᱛᱚᱨ ᱛᱨᱤᱱᱚᱢᱩᱞ ᱨᱮᱱ ᱑᱐ ᱜᱚᱴᱟᱝ ᱥᱚᱫᱚᱥᱚ ᱨᱮᱭᱟᱜ ᱢᱤᱫ ᱯᱨᱚᱛᱤᱱᱤᱫᱷᱤ ᱫᱚᱞ ᱠᱚ ᱪᱟᱞᱟᱜᱼᱟ᱾ ᱯᱷᱮᱮᱠ ᱵᱷᱳᱴᱟᱨ ᱠᱚᱣᱟᱜ ᱥᱚᱝᱠᱷᱟ ᱫᱤᱱ ᱵᱟ ᱫᱤᱱ ᱡᱟᱦᱟ ᱞᱮᱠᱟ ᱵᱟᱲᱛᱤ ᱪᱟᱞᱟᱜ ᱠᱟᱱᱟ ᱚᱱᱟᱜᱮ ᱫᱟᱨᱟᱭ ᱠᱟᱱ ᱯᱮ ᱪᱟᱱᱫᱩ ᱪᱮᱠᱟᱛᱮ ᱠᱚᱢᱟᱜᱼᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱛ ᱜᱮ ᱫᱤᱞᱞᱤ ᱮᱞᱮᱥᱚᱱ ᱠᱚᱢᱤᱥᱚᱱ ᱴᱷᱮᱱ ᱠᱚ ᱪᱟᱞᱟᱜᱼᱟ ᱛᱨᱤᱱᱚᱢᱩᱞ ᱯᱨᱚᱛᱤᱱᱤᱫᱷᱤ ᱫᱚᱞ᱾ ᱵᱷᱳᱴᱟᱨ ᱛᱟᱞᱤᱠᱟ ᱨᱮ ᱮᱯᱤᱠ ᱜᱚᱱᱰᱚᱜᱚᱞ, ᱢᱤᱫ ᱮᱯᱤᱠ ᱱᱟᱢᱵᱟᱨ ᱛᱮ ᱟᱭᱢᱟ ᱦᱚᱲᱟᱜ ᱧᱤᱛᱩᱢ ᱧᱟᱱᱚᱠ ᱠᱟᱱᱟ᱾ ᱚᱱᱟ ᱵᱟᱫ ᱠᱟᱛᱮᱡ ᱠᱤᱪᱷᱩ ᱠᱤᱪᱷᱩ ᱟᱛᱩ ᱨᱮ ᱱᱚᱱᱠᱟ ᱦᱚᱸ ᱵᱷᱳᱴᱟᱨ ᱠᱚ ᱧᱟᱢᱚᱠ ᱠᱟᱱᱟ ᱡᱟᱦᱟ ᱫᱚ ᱵᱷᱳᱴᱟᱨ ᱞᱤᱥᱴ ᱨᱮ ᱧᱩᱛᱩᱢ ᱢᱮᱱᱟᱜ ᱛᱟᱠᱩᱭᱟ ᱢᱮᱱᱠᱷᱟᱱ ᱡᱤᱭᱤᱛ ᱵᱟᱱᱩᱜ ᱠᱚᱣᱟ, ᱟᱨ ᱡᱟᱦᱟ ᱚᱠᱛᱚ ᱵᱟᱪᱷᱱᱟᱣ ᱦᱩᱭᱩᱜ ᱠᱟᱱᱟ ᱩᱱ ᱡᱚᱠᱷᱚᱡ ᱩᱱᱠᱚᱣᱟᱜ ᱧᱛᱩᱢ ᱛᱮ ᱵᱷᱳᱴ ᱦᱚᱸ ᱮᱢ ᱦᱩᱭᱩᱜ ᱠᱟᱱᱟ᱾ ᱛᱨᱤᱱᱚᱢᱩᱞ ᱥᱩᱯᱨᱤᱢᱚ ᱢᱚᱢᱚᱛᱟ ᱵᱚᱱᱫᱷᱮᱯᱟᱫᱷᱟᱭ ᱜᱮ ᱯᱭᱩᱞᱩ ᱵᱷᱳᱛᱲᱮ ᱵᱷᱳᱴᱟᱨ ᱠᱚᱣᱟᱜ ᱚᱵᱷᱤᱡᱚᱜ ᱫᱚᱭ ᱨᱟᱠᱟᱵ ᱞᱮᱫ ᱛᱟᱦᱮᱱᱟ ᱱᱮᱛᱟᱡᱤ ᱤᱱᱰᱚᱨ ᱥᱰᱮᱰᱤᱭᱟᱢ ᱨᱮ ᱾ ᱚᱱᱟ ᱛᱟᱭᱚᱢ ᱜᱮ ᱛᱨᱤᱱᱚᱢᱩᱞ ᱨᱮᱱ ᱵᱤᱫᱷᱟᱭᱚᱠ ᱠᱚ ᱱᱤᱡᱟᱹᱨ ᱱᱤᱡᱟᱹᱨ ᱮᱞᱮᱠᱟ ᱨᱮ ᱯᱷᱮᱠ ᱵᱷᱳᱴᱟᱨ ᱠᱚᱣᱟᱜ ᱦᱩᱫᱤᱥ ᱨᱮᱠᱚ ᱯᱷᱮᱴ ᱞᱮᱱ ᱛᱟᱦᱮᱱᱟ᱾
ᱛᱚᱵᱮ ᱮᱞᱮᱠᱥᱚᱱ ᱠᱚᱢᱤᱥᱚᱱ ᱛᱨᱤᱱᱚᱢᱩᱞᱼᱟᱜ ᱚᱵᱷᱤᱡᱚᱜ ᱢᱟᱱᱟᱣ ᱠᱟᱛᱮᱡ ᱯᱮ ᱪᱟᱱᱫᱩ ᱢᱩᱫ ᱨᱮ ᱱᱟᱣᱟ ᱵᱷᱳᱴᱟᱨ ᱛᱟᱞᱤᱠᱟ ᱩᱪᱟᱹᱱ ᱨᱮᱭᱟᱜ ᱯᱨᱚᱛᱤᱥᱨᱚᱛᱤ ᱮᱢ ᱟᱠᱟᱫᱟ᱾ ᱫᱟᱨᱟᱭ ᱠᱟᱱ ᱵᱟᱞᱮ ᱢᱟᱦᱟ ᱦᱤᱞᱟᱹᱜ ᱪᱤᱯ ᱮᱞᱮᱠᱥᱚᱱ ᱠᱚᱢᱤᱥᱚᱱ ᱜᱟᱱᱮᱥ ᱠᱩᱢᱟᱨ ᱴᱷᱮᱱ ᱱᱟᱞᱤᱥ ᱠᱚ ᱮᱢᱼᱟᱜ ᱢᱮᱱᱛᱮ ᱞᱟᱹᱭ ᱟᱠᱟᱫᱟ᱾ ᱛᱨᱤᱱᱚᱢᱩᱞ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ, ᱑᱐ ᱡᱚᱱᱟ ᱟᱜ ᱛᱨᱤᱱᱚᱢᱩᱞ ᱯᱨᱚᱛᱤᱱᱤᱫᱦᱤ ᱫᱚᱞ ᱨᱮᱠᱚ ᱛᱦᱮᱱᱟ ᱞᱚᱠᱥᱚᱷᱟ ᱠᱷᱚᱱ ᱖ ᱜᱚᱴᱟᱝ ᱥᱚᱫᱚᱥᱚ ᱟᱨ ᱨᱟᱡᱡᱚ ᱥᱚᱵᱷᱟ ᱠᱷᱚᱱ ᱔ ᱜᱚᱴᱟᱝ ᱥᱚᱫᱚᱥᱚ ᱾
ᱯᱮ ᱪᱟᱱᱫᱩ ᱢᱩᱫ ᱨᱮ ᱱᱟᱣᱟ ᱵᱷᱳᱴᱟᱨ ᱴᱟᱞᱤᱠᱟ ᱩᱪᱟᱹᱱ ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱞᱮᱫ ᱨᱮᱦᱚᱸ ᱛᱤᱱᱟᱜ ᱮᱯᱤᱠ ᱱᱟᱢᱵᱮᱨ ᱨᱮ ᱛᱤᱱᱟᱜ ᱯᱷᱮᱠ ᱵᱷᱳᱴᱟᱨ ᱢᱮᱱᱟᱜ ᱠᱚᱣᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱛ ᱜᱮ ᱫᱤᱞᱞᱤ ᱮᱞᱮᱠᱥᱚᱱ ᱠᱚᱢᱤᱥᱚᱱ ᱨᱮ ᱫᱚᱨᱵᱟᱨ ᱠᱚ ᱪᱟᱞᱟᱜᱼᱟ ᱛᱨᱤᱱᱚᱢᱩᱞ ᱨᱚᱛᱤᱱᱤᱫᱦᱤ ᱫᱚᱞ᱾
ᱛᱨᱤᱱᱚᱢᱩᱞ ᱱᱮᱛᱨᱤ ᱢᱚᱢᱚᱛᱟ ᱵᱮᱱᱟᱨᱡᱤ ᱵᱷᱳᱛᱮᱲᱮ ᱵᱷᱳᱴᱟᱨ ᱤᱫᱤ ᱠᱟᱛᱡ ᱚᱵᱷᱤᱡᱚᱜ ᱨᱟᱠᱟᱵ ᱛᱟᱭᱚᱢ ᱜᱮ ᱫᱚᱞ ᱨᱮᱱ ᱨᱟᱡᱡᱚᱥᱚᱵᱷᱟᱯᱚᱛᱤ ᱥᱩᱵᱨᱚᱛᱚ ᱵᱚᱠᱥᱤᱣᱟᱜ (SUBRATA BAKSHI)ᱟᱭᱩᱨ ᱛᱮ ᱡᱚᱛᱚ ᱡᱮᱞᱟ ᱨᱮᱜᱤ ᱵᱷᱳᱴᱟᱨ ᱠᱚᱣᱟᱜ ᱦᱚᱫᱤᱥ ᱧᱟᱢ ᱞᱟᱹᱜᱤᱛ ᱛᱮ ᱡᱮᱞᱟ ᱠᱚᱨᱮ ᱠᱳᱨ ᱠᱚᱢᱤᱴᱤ ᱦᱚᱸ ᱵᱮᱱᱟᱣ ᱦᱩᱭ ᱟᱠᱟᱱᱟ᱾