TRANSSHIPMENT ENDS FOR BANGLADESH : ᱵᱷᱟᱨᱚᱛ ᱵᱟᱝᱞᱟᱫᱮᱥ ᱪᱩᱠᱛᱤ ᱞᱮᱠᱟᱛᱮ ᱵᱷᱟᱨᱚᱛ ᱵᱟᱝᱞᱟᱫᱮᱥᱼᱮ ᱮᱢᱟᱳ ᱟᱫᱤ ᱛᱟᱷᱮᱱ ᱴᱨᱟᱱᱥ ᱥᱷᱤᱯᱢᱮᱱᱴ ᱥᱩᱵᱤᱫᱷᱟᱭ ᱨᱩᱭᱟᱨ ᱠᱮᱫᱟ ᱵᱷᱟᱨᱚᱛ᱾ ᱵᱟᱝᱞᱟᱫᱮᱥ ᱨᱮ ᱚᱱᱛᱚᱨᱵᱚᱨᱛᱤ ᱥᱚᱨᱠᱟᱨ ᱨᱮᱱ ᱯᱨᱚᱫᱷᱟᱱ ᱩᱯᱫᱮᱥᱴᱟ ᱢᱚᱦᱚᱢᱫ ᱭᱩᱱᱩᱥ (MUHAMMAD YUNUS) ᱟᱜ ᱢᱚᱱᱛᱚᱵᱵᱚ ᱠᱷᱟᱹᱛᱤᱨ ᱮᱥᱮᱨ ᱯᱟᱨᱟᱣ ᱮᱱᱟ ᱵᱟᱝᱞᱟᱫᱮᱥ ᱨᱮᱭᱟᱜ ᱵᱟᱱᱤᱡ ᱨᱮ᱾
ᱵᱷᱟᱨᱚᱛ ᱥᱚᱨᱠᱟᱨ ᱣᱟᱜ ᱚᱱᱟ ᱥᱤᱫᱫᱷᱟᱱᱛᱚ ᱠᱷᱟᱹᱛᱤᱨ ᱵᱷᱟᱨᱚᱛ ᱨᱮᱭᱟᱜ ᱵᱚᱱᱫᱚᱨ,ᱵᱤᱢᱟᱱ ᱵᱚᱱᱫᱚᱱ,ᱟᱨ ᱵᱟᱝ ᱯᱚᱨᱤᱵᱚᱦᱚᱱ ᱵᱮᱵᱚᱥᱛᱟ ᱨᱮᱭᱟᱜ ᱜᱚᱲᱚ ᱦᱟᱛᱟᱶ ᱠᱟᱛᱮᱡ ᱮᱴᱟᱜ ᱰᱤᱥᱟᱹᱢ ᱥᱟᱶᱛᱮ ᱵᱟᱝᱜᱮ ᱵᱮᱵᱥᱟ ᱫᱟᱲᱮᱼᱟᱜ ᱵᱟᱝᱞᱟᱫᱮᱥ᱾ ᱠᱚᱞᱠᱟᱛᱟ ᱵᱚᱱᱫᱚᱨ ᱟᱨ ᱵᱟᱝ ᱢᱩᱢᱵᱟᱭ ᱵᱚᱱᱫᱚᱨ ᱦᱩᱭ ᱠᱠᱟᱛᱮᱡ ᱜᱮ ᱭᱩᱨᱩᱯ, ᱟᱢᱮᱨᱤᱠᱟ ᱟᱨ ᱟᱯᱨᱤᱠᱟ ᱨᱮ ᱵᱟᱝᱞᱟᱫᱮᱥ ᱨᱮᱭᱟᱜ ᱡᱤᱱᱤᱥ ᱠᱚ ᱶᱮᱡᱟ ᱦᱩᱭᱩᱜ ᱠᱟᱱ ᱛᱟᱦᱮᱱᱟ᱾ ᱚᱱᱟ ᱥᱟᱶᱛᱮ ᱫᱚᱠᱠᱷᱤᱱ ᱵᱷᱟᱨᱚᱛ ᱨᱮᱭᱟᱜ ᱪᱮᱱᱱᱟᱭ ᱵᱤᱢᱟᱱ ᱵᱚᱱᱫᱚᱨ ᱦᱚᱛᱮᱛᱮ ᱦᱚᱸ ᱠᱤᱪᱷᱩ ᱠᱤᱪᱷᱩ ᱵᱟᱝᱞᱟᱰᱮᱥᱤ ᱡᱤᱱᱤᱡ ᱩᱰᱟᱹᱱ ᱜᱟᱹᱰᱤ ᱛᱮ ᱨᱚᱯᱛᱟᱱᱤ ᱠᱚᱨᱟᱶ ᱦᱩᱭᱩᱜ ᱠᱟᱱ ᱛᱟᱦᱮᱸᱱᱟ᱾
ᱵᱟᱝᱞᱟᱫᱮᱥ ᱨᱮᱭᱟᱜ ᱵᱟᱱᱤᱡ ᱤᱫᱤ ᱠᱟᱛᱮᱡ ᱦᱟᱛᱟᱶ ᱟᱠᱟᱫ ᱥᱤᱫᱫᱷᱟᱱᱛᱚ ᱘ ᱮᱯᱨᱤᱞ ᱠᱷᱚᱱ ᱜᱮ ᱠᱟᱨᱠᱚᱨ ᱟᱠᱟᱫᱟ ᱵᱷᱟᱨᱚᱛ᱾ ᱵᱷᱟᱚᱛ ᱨᱮᱭᱟᱜ ᱵᱤᱫᱮᱥ ᱢᱚᱱᱛᱨᱚᱠ ᱯᱟᱥᱛᱟ ᱠᱷᱳᱱ ᱥᱯᱚᱥᱴᱚ ᱞᱟᱹᱭ ᱦᱩᱭ ᱟᱠᱟᱱᱟ ᱡᱮ ᱵᱟᱝᱞᱟᱰᱮᱥ ᱵᱮᱵᱥᱟ ᱨᱮ ᱵᱟᱲᱛᱤ ᱥᱩᱵᱤᱫᱷᱟ ᱮᱢ ᱠᱷᱟᱹᱛᱤᱨ ᱵᱷᱟᱨᱚᱛ ᱨᱮᱭᱟᱜ ᱵᱤᱢᱟᱱ ᱵᱚᱱᱫᱚᱨ ᱨᱮ ᱡᱟᱱᱡᱳᱴ ᱵᱟᱲᱛᱤ ᱦᱩᱭᱩᱜ ᱠᱟᱱ ᱛᱟᱦᱮᱱᱟ,ᱡᱟᱦᱟ ᱠᱷᱟᱹᱛᱤᱨ ᱞᱚᱡᱤᱥᱴᱤᱠ ᱠᱷᱚᱨᱚᱡ ᱵᱟᱲᱛᱤ ᱠᱟᱱ ᱛᱟᱦᱮᱸᱱᱟ᱾ ᱥᱟᱶ ᱥᱟᱶᱛᱮ ᱵᱷᱟᱨᱚᱛ ᱟᱯᱱᱟᱨ ᱟᱜ ᱵᱮᱵᱥᱟ ᱨᱮ ᱠᱷᱛᱤ ᱦᱩᱭᱩᱜ ᱠᱟᱱ ᱛᱟᱦᱮᱱᱟ᱾
ᱵᱟᱝᱞᱟᱫᱮᱥ ᱤᱫᱤ ᱠᱟᱛᱮᱡ ᱵᱮᱵᱥᱟᱼ ᱵᱟᱱᱤᱡ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱦᱟᱛᱟᱶ ᱟᱠᱟᱫ ᱥᱤᱫᱫᱷᱟᱱᱛᱚ ᱠᱷᱟᱹᱛᱤᱨ ᱵᱟᱝᱞᱟᱫᱮᱥ ᱨᱮᱭᱟᱜ ᱡᱤᱱᱤᱥ ᱠᱚ ᱤᱱᱴᱟᱨᱱᱮᱥᱱᱟᱞ ᱢᱟᱨᱠᱮᱴ ᱨᱮ ᱟᱠᱨᱤᱱᱧ ᱞᱟᱹᱜᱤᱛ ᱪᱚᱴᱴᱚᱜᱨᱟᱢ ᱟᱨ ᱢᱚᱸᱞᱚ ᱵᱚᱫᱚᱱ ᱪᱮᱛᱟᱱ ᱜᱮ ᱱᱤᱨᱵᱷᱚᱨ ᱛᱟᱦᱮᱱ ᱦᱩᱭᱩᱜ ᱛᱟᱭᱟ᱾ ᱟᱨ ᱚᱱᱟ ᱠᱷᱟᱛᱤᱨ ᱞᱚᱡᱤᱥᱴᱤᱠ ᱠᱷᱚᱨᱚᱡ ᱥᱟᱶᱛᱮ ᱥᱤᱯᱤᱱᱧ ᱨᱮ ᱵᱟᱲᱛᱤ ᱠᱷᱚᱨᱚᱡ ᱞᱟᱜᱟᱣ ᱫᱟᱲᱮᱼᱟ᱾ ᱵᱟᱝᱞᱟᱫᱮᱥ ᱨᱮ ᱠᱷᱩᱫᱨᱚ ᱟᱨ ᱢᱟᱡᱷᱟᱨᱤ ᱨᱚᱯᱛᱟᱱᱤᱠᱟᱨᱤ ᱠᱚ ᱵᱤᱥᱮᱥ ᱮᱴᱠᱮᱴᱚᱲᱮ ᱨᱮᱠᱚ ᱯᱟᱨᱟᱣ ᱫᱟᱲᱮᱭᱟᱼᱟ᱾
