WATER CRISIS AS WINTER ENDS : ᱵᱟᱸᱠᱩᱲᱟ ᱡᱮᱞᱟ ᱨᱮᱭᱟᱜ ᱯᱟᱛᱨᱚᱥᱟᱭᱚᱨ ᱵᱞᱚᱠ ᱨᱮ ᱯᱟᱛᱨᱚᱥᱟᱭᱚᱨ ᱵᱟᱥ ᱥᱴᱮᱱᱰ ᱵᱟᱡᱟᱨ ᱨᱮᱱ ᱵᱮᱯᱟᱨᱤᱭᱟᱹ ᱠᱚ ᱱᱤᱛᱳᱜ ᱫᱟᱜ ᱨᱮᱭᱟᱜ ᱢᱩᱥᱠᱤᱞ ᱨᱮ ᱢᱮᱱᱟᱜ ᱠᱚᱣᱟ᱾ ᱮᱠᱮᱱ ᱵᱮᱯᱟᱨᱤᱭᱟᱹ ᱠᱟᱣᱟᱜ ᱫᱚ ᱵᱟᱝ ᱦᱩᱭᱩᱜ ᱠᱟᱱᱟ,ᱦᱚᱨ ᱛᱮᱱ ᱥᱟᱫᱷᱟᱨᱚᱱ ᱦᱚᱲ ᱠᱚᱦᱚᱸ ᱮᱴᱠᱮᱴᱚᱬᱮ ᱨᱮ ᱢᱮᱱᱟᱜ ᱠᱚᱣᱟ ᱾ ᱨᱮᱭᱟᱲ ᱢᱩᱪᱟᱹᱫ ᱟᱨ ᱥᱤᱛᱩᱝ ᱮᱛᱚᱦᱚᱵ ᱨᱮ, ᱵᱮᱯᱟᱨᱤᱭᱟᱹ ᱠᱚ ᱫᱟᱜ ᱨᱮᱱᱟᱜ ᱮᱴᱠᱮᱴᱚᱬᱮ ᱧᱮᱞᱛᱮ ᱱᱟᱡᱮᱦᱟᱞ ᱩᱛᱟᱹᱨ ᱟᱠᱟᱱᱟ ᱠᱚ ᱾ᱯᱟᱛᱨᱚᱥᱟᱭᱚᱨ ᱨᱮᱭᱟᱜ ᱵᱟᱥ ᱥᱴᱮᱱᱰ ᱵᱟᱡᱟᱨ ᱨᱮ ᱵᱟᱨ ᱥᱟᱭ ᱜᱟᱱ ᱫᱳᱠᱟᱱ ᱢᱮᱱᱟᱜᱼᱟ ᱾ ᱱᱤᱛᱳᱜ ᱫᱚ ᱡᱚᱛᱚ ᱦᱚᱲ ᱴᱷᱮᱱ ᱢᱤᱫᱴᱟᱹᱝ ᱜᱮ ᱫᱟᱹᱵᱤ ᱢᱮᱱᱟᱜ ᱛᱟᱠᱚᱣᱟ, ᱢᱟᱲᱟᱝ ᱫᱚ ᱯᱟᱭᱤᱯ ᱞᱟᱹᱭᱤᱱ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨᱛᱮ ᱧᱩᱭ ᱫᱟᱜ ᱨᱮᱱᱟᱜ ᱪᱮᱛ ᱜᱮ ᱮᱴᱠᱮᱴᱚᱬᱮ ᱵᱟᱝ ᱛᱟᱦᱮᱸ ᱠᱟᱱᱟ ? ᱢᱮᱱᱠᱷᱟᱱ ᱛᱩᱨᱩᱭ ᱪᱟᱸᱫᱚ ᱞᱟᱦᱟ ᱱᱟᱶᱟ ᱯᱟᱹᱭᱤᱯ ᱞᱟᱹᱭᱤᱱ ᱵᱮᱱᱟᱣ ᱮᱦᱚᱵ ᱞᱮᱱᱟ, ᱢᱮᱱᱠᱷᱟᱱ ᱛᱩᱨᱩᱭ ᱪᱟᱸᱫᱚ ᱛᱟᱭᱚᱢ ᱦᱚᱸ ᱠᱟᱹᱢᱤ ᱵᱟᱝ ᱯᱩᱨᱟᱹᱣ ᱞᱮᱱᱟ, ᱚᱱᱟ ᱛᱮ ᱩᱱᱠᱩ ᱫᱚ ᱫᱟᱜ ᱵᱟᱝ ᱛᱟᱦᱮᱸᱱ ᱠᱷᱟᱹᱛᱤᱨ ᱮᱴᱠᱮᱴᱚᱬᱮ ᱠᱚ ᱧᱟᱢ ᱮᱫᱟ᱾ ᱪᱮᱫᱟᱜ ᱥᱮ ᱧᱩᱼᱫᱟᱜ ᱫᱚ ᱥᱟᱹᱸᱜᱤᱧ ᱠᱷᱚᱱ ᱟᱹᱜᱩ ᱠᱟᱛᱮ ᱵᱮᱣᱦᱟᱨ ᱦᱩᱭᱩᱜ ᱛᱟᱠᱚᱣᱟ᱾ ᱱᱚᱶᱟ ᱪᱷᱟᱰᱟ ᱠᱟᱛᱮ ᱱᱚᱶᱟ ᱵᱟᱡᱟᱨ ᱥᱩᱨ ᱨᱮ ᱢᱤᱫ ᱵᱟᱥ ᱥᱴᱮᱱᱰ, ᱜᱟᱨᱞᱥ ᱦᱟᱭ ᱥᱠᱩᱞ(Girls High School), ᱯᱟᱛᱨᱚᱥᱟᱭᱚᱨ ᱛᱷᱟᱱᱟ ᱢᱮᱱᱟᱜ-ᱟ, ᱚᱱᱟᱛᱮ ᱟᱹᱰᱤ ᱜᱟᱱ ᱦᱚᱲ ᱱᱚᱶᱟ ᱵᱟᱡᱟᱨ ᱨᱮᱠᱚ ᱦᱤᱡᱩᱡ ᱥᱮᱱᱚᱜ ᱠᱟᱱᱟ᱾ ᱩᱱᱠᱩ ᱫᱚ ᱱᱚᱶᱟ ᱦᱚᱸᱠᱚ ᱢᱮᱱ ᱠᱮᱫᱟ ᱡᱩᱫᱤ ᱫᱟᱜ ᱨᱮᱭᱟᱜ ᱮᱴᱠᱮᱴᱚᱬᱮ ᱩᱥᱟᱹᱨᱟ ᱵᱟᱝ ᱥᱚᱞᱦᱮ ᱞᱮᱱᱠᱷᱟᱱ ᱥᱤᱛᱩᱝ ᱫᱤᱱ ᱨᱮ ᱟᱹᱰᱤ ᱵᱟᱹᱲᱤᱡ ᱮᱴᱠᱮᱴᱚᱬᱮ ᱠᱚ ᱧᱟᱢᱟ᱾
ᱥᱤᱢᱚᱱᱛᱚ ᱫᱟᱥ, ᱢᱚᱦᱮᱥᱣᱚᱨ ᱥᱤᱝ ᱟᱨ ᱯᱨᱚᱥᱟᱱᱛᱚ ᱧᱩᱛᱩᱢᱟᱱ ᱵᱮᱯᱟᱨᱤᱭᱟᱹ ᱠᱚ ᱢᱮᱱ ᱠᱮᱫᱟ ᱡᱮ ᱧᱩᱣᱟᱜ ᱫᱟᱜ ᱨᱮᱭᱟᱜ ᱮᱴᱠᱮᱴᱚᱬᱮ ᱞᱟᱹᱭᱛᱮ ᱠᱷᱟᱱᱮᱻᱠᱷᱟᱱᱮ ᱵᱞᱚᱠ ᱯᱨᱚᱥᱟᱥᱚᱱᱤᱠ ᱠᱚ ᱢᱮᱱ ᱛᱩᱞᱩᱪ, ᱚᱱᱟ ᱨᱮᱱᱟᱜ ᱠᱟᱹᱢᱤ ᱪᱮᱛ ᱛᱮᱛᱜᱮ ᱵᱟᱝ ᱦᱩᱭ ᱟᱠᱟᱱᱟ? ᱢᱮᱱᱠᱷᱟᱱ ᱚᱱᱟ ᱛᱟᱭᱚᱢ ᱦᱚᱸ ᱪᱮᱫ ᱦᱚᱸ ᱵᱟᱝ ᱠᱚ ᱠᱟᱹᱢᱤ ᱟᱠᱟᱫᱟ᱾ ᱚᱱᱟᱛᱮ ᱱᱚᱶᱟ ᱮᱴᱠᱮᱴᱚᱬᱮ ᱞᱚᱜᱚᱱᱛᱮ ᱥᱚᱞᱦᱮᱭ ᱞᱟᱹᱜᱤᱫ ᱥᱟᱥᱳᱱᱤᱭᱟᱹ ᱠᱚᱴᱷᱮᱱ ᱟᱨᱫᱟᱥ ᱾
ᱢᱮᱱᱠᱷᱟᱱ ᱚᱱᱟ ᱴᱚᱴᱟ ᱨᱮᱱ ᱵᱮᱯᱟᱨᱤᱭᱟᱹ ᱠᱚᱴᱷᱮᱱ ᱮᱛᱚᱦᱚᱵ ᱠᱟᱛᱮ ᱥᱟᱫᱷᱟᱨᱚᱱ ᱦᱚᱲ ᱠᱚᱫᱚ ᱱᱚᱶᱟ ᱵᱟᱝ ᱵᱩᱡᱷᱟᱹᱣ ᱫᱟᱲᱮᱭᱟᱜ ᱠᱟᱱᱟ ᱡᱮ ᱱᱚᱶᱟ ᱫᱚ PHE ᱚᱯᱷᱤᱥ ᱥᱮ ᱵᱞᱚᱠ ᱯᱨᱚᱥᱟᱥᱚᱱ ᱠᱚᱣᱟᱜ ᱜᱟᱹᱯᱷᱟᱹᱞᱟᱹᱛᱤ ᱠᱟᱹᱢᱤ ᱠᱟᱱᱟ᱾ ᱢᱮᱱᱠᱷᱟᱱ ᱱᱚᱶᱟ ᱴᱚᱴᱷᱟ ᱨᱮᱱ ᱥᱟᱫᱷᱟᱨᱚᱱ ᱦᱚᱲ ᱠᱚᱣᱟᱜ ᱛᱤᱱ ᱦᱤᱹᱵᱤᱦᱽ ᱫᱟᱜ ᱨᱮᱱᱟᱜ ᱚᱵᱷᱟᱵ ᱵᱟᱝ ᱞᱩᱨᱟᱹ ᱠᱟᱱᱟ ,ᱚᱱᱟ ᱨᱮᱱᱟᱜ ᱚᱡᱮ ᱫᱚ ᱱᱤᱛᱳᱜ ᱞᱟᱹᱠᱛᱤ ᱠᱟᱱᱟ ᱠᱟᱹᱣᱰᱤ ᱨᱮᱭᱟᱜ ᱠᱩᱠᱞᱤ ᱦᱩᱭ ᱨᱟᱠᱟᱵᱽ ᱟᱠᱟᱱᱟ ᱾
