ᱫᱤᱥᱚᱢ ᱨᱮᱱᱟᱜ ᱥᱟᱱᱟᱢ ᱴᱚᱴᱷᱟ ᱨᱮ ᱱᱤᱛ ᱪᱟᱞᱟᱜ ᱠᱟᱱᱟ ᱫᱟᱸᱥᱟᱭ ᱫᱟᱬᱟᱱ ᱨᱮᱱᱟᱜ ᱠᱟᱹᱢᱤᱦᱚᱨᱟ ᱾ ᱟᱨ ᱱᱚᱣᱟ ᱚᱠᱛᱚ ᱨᱮ ᱜᱷᱚᱴᱟᱣᱮᱱᱟ ᱢᱤᱫ ᱦᱟᱦᱟᱲᱟᱜ ᱜᱷᱚᱴᱚᱱ ᱾ ᱢᱮᱱᱫᱚ ᱢᱤᱫ ᱜᱚᱜᱚ ᱦᱚᱲ ᱥᱮᱛᱟᱜ ᱵᱮᱲᱟ ᱠᱩᱞᱦᱤ ᱫᱷᱟᱨᱮᱭ ᱡᱚᱡᱚᱜ ᱠᱟᱱ ᱛᱟᱦᱮᱸᱫ, ᱴᱷᱤᱠ ᱩᱱ ᱚᱠᱛᱚ ᱜᱮ ᱢᱤᱫ ᱰᱩᱞᱩᱝ ᱜᱟᱹᱰᱤ ᱦᱮᱡ ᱠᱟᱛᱮᱭ ᱛᱮᱱ ᱠᱮᱫᱮᱭᱟ ᱾ ᱱᱚᱣᱟ ᱜᱷᱚᱴᱚᱱ ᱫᱚ ᱦᱩᱭᱩᱜ ᱠᱟᱱᱟ ᱫᱩᱢᱠᱟᱹ ᱦᱚᱱᱚᱛ ᱦᱟᱸᱥᱰᱤᱦᱟ ᱛᱷᱟᱱᱟ ᱴᱚᱴᱷᱟ ᱨᱮᱱᱟᱜ ᱠᱟᱱᱟ ᱾ ᱩᱱᱤ ᱥᱟᱱᱛᱟᱲ ᱛᱤᱨᱞᱟᱹ ᱟᱹᱰᱤ ᱡᱟᱹᱥᱛᱤᱭ ᱜᱷᱟᱹᱞ ᱟᱠᱟᱱᱟ ᱾ ᱚᱱᱟ ᱛᱟᱭᱚᱢ ᱚᱱᱟ ᱴᱚᱴᱷᱟ ᱨᱮᱱ ᱦᱚᱲ ᱨᱟᱹᱜᱤᱛᱮ ᱰᱟᱦᱟᱨ ᱠᱚ ᱡᱟᱸᱜᱮ ᱾ ᱡᱟᱦᱟᱸ ᱠᱷᱟᱹᱛᱤᱨ ᱫᱩᱢᱠᱟᱹ ᱜᱳᱵᱤᱱᱫᱽᱯᱩᱨ ᱰᱟᱦᱟᱨ ᱡᱮᱢ ᱞᱮᱱᱟ ᱾ ᱱᱚᱣᱟ ᱠᱷᱚᱵᱚᱨ ᱵᱟᱰᱟᱭ ᱥᱟᱶᱛᱮ ᱦᱟᱸᱥᱰᱤᱦᱟ ᱛᱷᱟᱱᱟ ᱨᱮᱱ ᱯᱩᱞᱤᱥ ᱜᱷᱚᱴᱚᱱ ᱴᱷᱟᱶ ᱨᱮᱠᱚ ᱥᱮᱴᱮᱨ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱜᱷᱟᱹᱞ ᱟᱠᱟᱱ ᱛᱤᱨᱞᱟᱹ ᱯᱷᱩᱞᱚᱼᱡᱷᱟᱱᱚ ᱢᱮᱰᱤᱠᱮᱞ ᱠᱚᱞᱚᱡᱽ ᱨᱮᱠᱚ ᱵᱷᱩᱨᱛᱤ ᱾
ᱵᱟᱰᱟᱭ ᱧᱟᱢ ᱟᱠᱟᱱᱟ ᱩᱱᱤ ᱛᱤᱨᱞᱟᱹ ᱫᱚ ᱠᱩᱞᱦᱤ ᱫᱷᱟᱨᱮᱭ ᱡᱮᱨᱮᱲᱮᱫ ᱛᱟᱦᱮᱸᱫ, ᱩᱱ ᱚᱠᱛᱚ ᱱᱚᱱᱤᱦᱟᱴᱤ ᱥᱮᱫ ᱠᱷᱚᱱ ᱢᱤᱫ ᱰᱩᱞᱩᱝ ᱜᱟᱹᱰᱤ ᱦᱮᱡ ᱠᱟᱛᱮᱭ ᱛᱮᱱ ᱠᱮᱫᱮᱭᱟ ᱾ ᱢᱮᱱᱠᱷᱟᱱ ᱱᱤᱛ ᱦᱟᱹᱵᱤᱡ ᱛᱮ ᱯᱩᱞᱤᱥ ᱜᱟᱹᱰᱤ ᱥᱮ ᱜᱟᱹᱰᱤ ᱨᱮᱱ ᱰᱨᱭᱵᱷᱟᱨ ᱵᱟᱝᱠᱚ ᱟᱴᱚᱠ ᱫᱟᱲᱮ ᱾ ᱱᱤᱛ ᱯᱩᱞᱤᱥ ᱜᱷᱚᱴᱚᱱ ᱨᱮᱱᱟᱜ ᱛᱩᱱᱠᱷᱤ ᱨᱮᱠᱚ ᱪᱷᱩᱴᱟᱹᱣ ᱟᱠᱟᱱᱟ ᱾
