ᱜᱟᱹᱦᱤᱨ ᱮᱢᱟᱡᱚᱱ ᱨᱮᱱ ‘ᱢᱟᱥᱟᱠᱳ’ ᱟᱹᱫᱤᱵᱟᱹᱥᱤ, ᱯᱩᱭᱞᱩ ᱫᱷᱟᱣ ᱥᱤᱱᱮᱹᱢᱟ ᱛᱟᱞᱟᱛᱮ ᱵᱟᱰᱟᱭᱮᱱ ᱛᱟᱠᱚᱣᱟ ᱦᱟᱞᱪᱟᱞ

ᱞᱟᱛᱤᱱ ᱟᱢᱮᱹᱨᱤᱠᱟ ᱨᱮᱱᱟᱜ ᱮᱢᱟᱡᱚᱱ ᱵᱤᱨ ᱾ ᱱᱚᱣᱟ ᱵᱤᱨ ᱵᱷᱤᱛᱨᱤ ᱨᱮ ᱱᱟᱦᱟᱜ ᱡᱮᱜᱮᱫ ᱠᱷᱚᱱ ᱵᱷᱮᱜᱟᱨ ᱨᱮ ᱜᱤᱨᱟᱹᱵᱟᱹᱥᱤ ᱠᱟᱛᱮ ᱢᱮᱱᱟᱜ ᱠᱚᱣᱟ ᱢᱤᱫ ᱡᱚᱱᱚᱜᱳᱥᱴᱷᱤ ᱾ ‘ᱢᱟᱥᱟᱠᱳ’ ᱢᱮᱱᱛᱮ ᱩᱱᱠᱩᱣᱟᱜ ᱩᱯᱨᱩᱢ ᱾ ᱢᱟᱥᱟᱠᱳ ᱟᱥᱚᱞ ᱨᱮ ᱚᱱᱟ ᱮᱞᱟᱠᱟᱛᱮ ᱟᱹᱛᱩ ᱪᱟᱞᱟᱜ ᱢᱤᱫ ᱱᱟᱹᱭ ᱨᱮᱱᱟᱜ ᱧᱩᱛᱩᱢ ᱠᱟᱱᱟ ᱾ ᱪᱮᱫᱟᱜ ᱱᱚᱣᱟ ᱧᱩᱛᱩᱢ ᱜᱮᱠᱚ ᱵᱟᱪᱷᱟᱣ ᱦᱟᱛᱟᱣ ᱟᱠᱟᱫᱟ, ᱚᱱᱟᱫᱚ ᱚᱠᱚᱭᱦᱚᱸ ᱵᱟᱠᱚ ᱵᱟᱰᱟᱭᱟ ᱾ ᱮᱢᱚᱱ ᱪᱮᱫ ᱩᱱᱠᱩᱣᱟᱜ ᱯᱟᱹᱨᱥᱤ, ᱥᱟᱶᱛᱟ ᱟᱨ ᱯᱟᱹᱛᱭᱟᱹᱣ ᱼ ᱥᱟᱱᱟᱢᱟᱜ ᱜᱮ ᱩᱠᱩ ᱠᱟᱛᱮ ᱢᱮᱱᱟᱜᱼᱟ ᱾

ᱵᱨᱟᱡᱤᱞ ᱥᱚᱨᱠᱟᱨᱟᱜ ᱵᱟᱹᱭᱥᱟᱹᱣ ᱚᱴᱳᱢᱮᱴᱤᱠ ᱠᱮᱢᱮᱨᱟ ᱨᱮ ᱧᱮᱞᱧᱟᱢᱮᱱᱟ ᱢᱟᱥᱟᱠᱳ ᱜᱳᱥᱴᱷᱤᱭᱟᱜ ᱪᱤᱛᱟᱹᱨ ᱾ ᱚᱱᱟᱛᱮ ᱯᱩᱭᱞᱩᱫᱷᱟᱣ ᱞᱮᱠᱟ ᱵᱟᱰᱟᱭ ᱧᱟᱢ ᱟᱠᱟᱱᱟ ᱢᱟᱥᱟᱠᱳ ᱡᱚᱱᱚᱜᱳᱥᱴᱷᱤ ᱵᱟᱵᱚᱫᱽ ᱠᱤᱪᱷᱩ ᱠᱟᱛᱷᱟ ᱾ ᱪᱤᱛᱟᱹᱨ ᱠᱚ ᱵᱤᱪᱟᱹᱨᱼᱵᱤᱥᱲᱤ ᱠᱟᱛᱮ ᱱᱚᱣᱟ ᱜᱮ ᱢᱚᱱᱮ ᱦᱩᱭ ᱟᱠᱟᱱᱟ, ᱜᱚᱴᱟ ᱮᱢᱟᱡᱚᱱ ᱨᱮ ᱪᱟᱥᱵᱟᱥ, ᱠᱟᱴᱷ ᱵᱮᱵᱽᱥᱟ, ᱠᱷᱟᱹᱫᱟᱹᱱ ᱠᱟᱹᱢᱤ ᱟᱨ ᱱᱮᱥᱟ ᱯᱟᱪᱟᱨ ᱠᱚᱣᱟᱜ ᱩᱛᱯᱟᱛ ᱛᱟᱭᱚᱢ ᱦᱚᱸ ᱵᱟᱹᱲᱛᱤᱭᱟᱠᱟᱱᱟ ᱢᱟᱥᱟᱠᱳ ᱡᱟᱹᱛᱤᱭᱟᱜ ᱞᱮᱠᱷᱟ ᱾

ᱮᱢᱟᱡᱚᱱ ᱨᱮᱱᱟᱜ ᱵᱨᱟᱡᱤᱞ ᱦᱤᱸᱥ ᱨᱮ ᱱᱚᱣᱟ ᱪᱤᱛᱟᱹᱨ ᱛᱩᱞᱟᱹᱣᱟᱠᱟᱫᱟᱭ ᱚᱱᱟ ᱫᱤᱥᱚᱢ ᱨᱮᱱ ᱢᱤᱫ ᱥᱚᱨᱠᱟᱨᱤ ᱥᱚᱝᱥᱛᱷᱟ ᱵᱨᱟᱡᱤᱞᱤᱭᱟᱱ ᱱᱮᱥᱱᱟᱞ ᱤᱱᱰᱤᱡᱮᱹᱱᱟᱥ ᱯᱤᱯᱚᱞᱥ ᱯᱷᱟᱣᱩᱱᱰᱮᱹᱥᱚᱱ ᱾ ᱱᱚᱣᱟ ᱵᱤᱨ ᱨᱩᱠᱷᱭᱟᱹ ᱞᱟᱹᱜᱤᱫ ᱫᱚᱥᱚᱠ ᱛᱟᱭᱚᱢ ᱫᱚᱥᱚᱠ ᱠᱚ ᱠᱟᱹᱢᱤᱭᱮᱫᱟ ᱩᱱᱠᱩ ᱾ ᱯᱷᱤᱭᱩᱱᱟᱣᱟᱜ ᱛᱚᱛᱛᱷᱚ ᱞᱮᱠᱟᱛᱮ ᱢᱟᱥᱟᱠᱳᱣᱟᱜ ᱞᱮᱠᱷᱟ ᱵᱟᱨ ᱜᱩᱱ ᱵᱟᱹᱲᱛᱤ ᱠᱟᱛᱮ ᱒᱐᱐ ᱠᱷᱚᱱ ᱒᱕᱐ ᱟᱠᱟᱱᱟᱠᱚ ᱾

ᱱᱤᱭᱟᱹ ᱞᱟᱦᱟ ᱦᱚᱸ ᱢᱟᱥᱟᱠᱳᱣᱟᱜ ᱛᱟᱦᱮᱱ ᱴᱷᱟᱶ ᱨᱮᱱᱟᱜ ᱪᱤᱛᱟᱹᱨᱮ ᱨᱟᱠᱟᱵ ᱞᱮᱫᱟ ᱯᱷᱤᱭᱩᱱᱟᱣ ᱾ ᱛᱟᱭᱚᱢ ᱛᱮ ᱥᱮᱴᱮᱞᱟᱭᱤᱴ ᱛᱮ ᱦᱟᱛᱟᱣ ᱪᱤᱛᱟᱹᱨ ᱨᱮ ᱧᱮᱞ ᱞᱮᱱᱟ, ᱚᱱᱟ ᱴᱷᱟᱶ ᱠᱚ ᱵᱟᱹᱜᱤ ᱠᱟᱛᱮ ᱠᱚ ᱥᱮᱱ ᱟᱠᱟᱱᱟ ᱾ ᱟᱭᱢᱟ ᱫᱤᱱ ᱵᱤᱰᱟᱹᱣ ᱛᱟᱭᱚᱢ ᱵᱟᱰᱟᱭ ᱧᱟᱢ ᱟᱠᱟᱱᱟ, ᱨᱤᱛᱩ ᱵᱚᱫᱚᱞᱚᱜ ᱥᱟᱶᱼᱥᱟᱶᱛᱮ ᱟᱯᱱᱟᱨᱟᱜ ᱴᱷᱟᱶ ᱦᱚᱸᱠᱚ ᱵᱚᱫᱚᱞᱟ ᱾ ᱟᱸᱜᱼᱥᱟᱨ ᱟᱛᱮ ᱥᱮᱸᱫᱽᱨᱟ ᱠᱚᱣᱟᱠᱚ ᱪᱮᱬᱮᱼᱪᱩᱯᱲᱤ ᱾ ᱟᱨ ᱵᱟᱦᱨᱮ ᱨᱮᱱ ᱦᱚᱲ ᱡᱟᱛᱮ ᱟᱠᱳᱣᱟᱜ ᱮᱞᱟᱠᱟ ᱨᱮ ᱟᱞᱚᱠᱚ ᱵᱚᱞᱚ ᱫᱟᱲᱮᱭᱟᱜ ᱢᱟ, ᱚᱱᱟ ᱞᱟᱹᱜᱤᱫ ᱛᱚᱯᱟ ᱠᱟᱜᱼᱟᱠᱚ ᱦᱟᱡᱟᱨᱼᱦᱟᱡᱟᱨ ᱞᱟᱥᱮᱨ ᱦᱟᱹᱛᱭᱟᱹᱨ ᱾