ᱥᱚᱱᱤᱭᱟ ᱨᱟᱦᱩᱞ ᱟᱛᱮ ᱚᱣᱟᱱᱟᱲ ᱨᱮ ᱱᱚᱢᱤᱱᱮᱥᱚᱮ ᱡᱚᱢᱟ ᱠᱮᱫᱟ ᱠᱚᱝᱜᱨᱮᱹᱥ ᱱᱮᱛᱨᱤ ᱯᱨᱤᱭᱟᱝᱠᱟ ᱜᱟᱱᱫᱷᱤ

(PAPUL MURMU)   Nomination submitted by Priyanka :  ᱨᱟᱡᱽᱱᱤᱛᱤ ᱨᱮᱭ ᱯᱷᱮᱰ ᱟᱠᱟᱱᱟ ᱟᱹᱰᱤ ᱞᱟᱦᱟ ᱨᱮ, ᱢᱮᱱᱠᱷᱟᱱ ᱱᱤᱛ ᱫᱚ ᱚᱣᱟᱱᱟᱲ ᱱᱚᱢᱤᱱᱮᱥᱚᱱ ᱡᱚᱢᱟ ᱠᱟᱛᱮᱫ ᱥᱚᱝᱥᱚᱫᱤᱭᱚ ᱨᱟᱡᱽᱱᱤᱛᱤᱭ ᱮᱦᱚᱵ ᱠᱮᱟᱫ ᱯᱨᱤᱭᱟᱝᱠᱟ ᱾ ᱥᱟᱹᱨᱫᱤ ᱢᱟᱦᱟ ᱨᱮ ᱱᱤᱡᱮᱨ ᱠᱮᱱᱫᱨᱚ ᱚᱣᱟᱱᱟᱲ ᱨᱮ ᱱᱚᱢᱤᱱᱮᱥᱚᱱ ᱡᱚᱢᱟ ᱞᱟᱦᱟ ᱠᱚᱝᱜᱨᱮᱹᱥ ᱱᱮᱛᱟ ᱠᱚ ᱥᱟᱶ ᱢᱤᱫ ᱵᱳᱹᱭᱴᱷᱚᱠ ᱦᱚᱸᱭ ᱠᱚᱨᱟᱣ ᱞᱮᱫ ᱛᱟᱦᱮᱱ, ᱟᱨ ᱚᱱᱟ ᱵᱳᱹᱭᱴᱷᱚᱠ ᱛᱟᱭᱚᱢ ᱨᱮᱹᱞᱤ ᱛᱟᱞᱟᱛᱮ ᱚᱣᱟᱱᱟᱲ ᱨᱮᱭᱟᱜ ᱰᱤ ᱮᱢ ᱚᱯᱷᱤᱥ ᱨᱮ ᱱᱚᱢᱤᱱᱮᱥᱚᱱᱮ ᱡᱚᱢᱟ ᱠᱮᱫᱟ ᱾ ᱱᱚᱢᱤᱱᱮᱥᱚᱱ ᱡᱚᱢᱟ ᱚᱠᱛᱮ ᱯᱨᱤᱭᱟᱝᱠᱟ ᱥᱟᱶᱛᱮ ᱯᱩᱭᱞᱩ ᱨᱮ ᱠᱤᱱ ᱛᱟᱦᱮᱸ ᱠᱟᱱ ᱟᱡᱤᱡ ᱚᱲᱟᱜ ᱦᱚᱲ ᱨᱚᱵᱟᱨᱴ ᱵᱚᱰᱷᱨᱟ ᱟᱨ ᱟᱡᱤᱡ ᱦᱚᱯᱚᱱ ᱨᱟᱭᱦᱟᱱ ᱵᱟᱰᱷᱨᱟ ᱾ ᱛᱚᱵᱮ ᱛᱟᱭᱚᱢ ᱛᱮ ᱠᱚᱝᱜᱨᱮᱹᱥ ᱨᱮᱱ ᱢᱟᱨᱮ ᱥᱚᱵᱷᱟᱱᱮᱛᱨᱤ ᱥᱚᱱᱤᱭᱟ, ᱠᱚᱝᱜᱨᱮᱹᱥ ᱥᱚᱵᱷᱟᱯᱚᱛᱤ ᱢᱚᱞᱞᱤᱠᱟᱨᱡᱩᱱ ᱠᱷᱟᱲᱜᱮᱹ, ᱚᱣᱟᱣᱱᱟᱲ ᱨᱮᱱ ᱢᱟᱨᱮ ᱥᱟᱝᱥᱚᱫᱽ ᱟᱨᱵᱟᱝ ᱯᱨᱤᱭᱟᱝᱠᱟ ᱟᱡ ᱫᱟᱫᱟ ᱨᱟᱦᱩᱞ ᱜᱟᱱᱫᱷᱤ ᱛᱟᱠᱚ ᱦᱚᱸᱠᱚ ᱥᱮᱴᱮᱨ ᱞᱮᱱ ᱛᱟᱦᱮᱱᱟ ᱾

ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱑᱓ ᱱᱚᱵᱷᱮᱢᱵᱚᱨ ᱨᱮ ᱚᱣᱟᱱᱟᱲ ᱨᱮᱭᱟᱜ ᱫᱚᱲᱦᱟ ᱵᱟᱪᱷᱱᱟᱣ ᱨᱮ ᱯᱨᱤᱭᱟᱝᱠᱟᱣᱟᱜ ᱢᱩᱞ ᱞᱟᱹᱲᱦᱟᱹᱭ ᱦᱩᱭᱩᱜᱼᱟ ᱥᱤ ᱯᱤ ᱟᱭ ᱨᱮᱱ ᱥᱚᱛᱛᱮᱹᱱ ᱢᱚᱠᱮᱨᱤ ᱟᱨ ᱵᱤ ᱡᱮ ᱯᱤ ᱨᱟᱡᱽᱡᱚ ᱢᱚᱦᱤᱞᱟ ᱢᱳᱨᱪᱟ ᱨᱮᱱ ᱥᱟᱫᱷᱟᱨᱚᱱ ᱥᱚᱢᱯᱟᱫᱚᱠ ᱱᱚᱵᱽᱵᱟ ᱦᱚᱨᱤᱫᱟᱥ ᱥᱟᱶᱛᱮ ᱾