ᱨᱳᱦᱤᱛ ᱥᱮᱴᱴᱤᱭᱟᱜ ᱢᱟᱞᱴᱤᱥᱴᱟᱨ ᱯᱷᱤᱞᱢ ‘ᱥᱤᱝᱜᱷᱚᱢ ᱮᱹᱜᱮᱹᱱ’ ᱨᱮᱭᱟᱜ ᱴᱨᱮᱹᱞᱟᱨ ᱥᱚᱫᱚᱨ ᱟᱠᱟᱱᱟ ᱾ 5 ᱢᱤᱱᱤᱴ ᱨᱮᱱᱟᱜ ᱴᱨᱮᱹᱞᱟᱨ ᱨᱮ ᱮᱠᱥᱮᱱ ᱨᱳᱢᱟᱱᱥ ᱛᱮ ᱜᱟᱵᱟᱱ ᱟᱠᱟᱱᱟ ᱾ ᱱᱚᱣᱟ ᱯᱷᱤᱞᱢ ᱨᱮᱱᱟᱜ ᱠᱟᱹᱦᱱᱤ ᱫᱚ ᱨᱟᱢᱟᱭᱚᱱ ᱨᱮᱱᱟᱜ ᱯᱞᱚᱴ ᱞᱮᱠᱟᱛᱮ ᱵᱮᱱᱟᱣᱟᱠᱟᱱᱟ ᱾ ᱱᱚᱣᱟ ᱯᱷᱤᱞᱢ ᱨᱮ ᱚᱡᱚᱭ ᱫᱮᱹᱵᱷᱜᱚᱱ ᱫᱚ ᱨᱟᱢ, ᱠᱚᱨᱤᱱᱟ ᱠᱟᱯᱩᱨ ᱫᱚ ᱥᱤᱛᱟ, ᱴᱟᱭᱜᱟᱨ ᱥᱨᱚᱯᱷ ᱫᱚ ᱞᱚᱠᱠᱚᱱ, ᱨᱚᱱᱵᱤᱨ ᱥᱤᱝ ᱫᱚ ᱦᱚᱱᱩᱢᱟᱱ, ᱚᱠᱠᱷᱚᱭ ᱠᱩᱢᱟᱨ ᱫᱚ ᱡᱚᱴᱟᱭᱩ ᱟᱨ ᱚᱨᱡᱩᱱ ᱠᱟᱯᱩᱨ ᱫᱚ ᱨᱟᱵᱚᱱ ᱨᱮᱱᱟᱜ ᱪᱩᱨᱤᱛ ᱨᱮᱠᱚ ᱧᱮᱞᱚᱜᱼᱟ ᱾
ᱥᱤᱝᱜᱷᱚᱢ ᱫᱚ ᱮᱴᱟᱜ ᱫᱤᱥᱚᱢ ᱛᱮ ᱠᱚᱵᱷᱟᱨ ᱚᱯᱟᱨᱮᱥᱚᱱ ᱠᱟᱹᱢᱤ ᱨᱮᱭ ᱪᱟᱞᱟᱜ ᱠᱟᱱᱟ ᱾ ᱱᱚᱣᱟ ᱠᱟᱹᱦᱱᱤ ᱫᱚ ᱵᱟᱡᱤᱨᱟᱣ ᱥᱤᱝᱜᱷᱚᱢ ᱠᱷᱚᱱ ᱮᱛᱚᱦᱚᱵ ᱟᱠᱟᱱᱟ ᱾ ᱧᱮᱞᱚᱜ ᱠᱟᱱᱟ ᱵᱟᱡᱤᱨᱟᱣ ᱥᱤᱝᱜᱷᱚᱢ ᱨᱮᱱ ᱮᱨᱟ ᱠᱚᱨᱤᱱᱟ ᱠᱟᱯᱩᱨ ᱫᱚ ᱥᱨᱤᱞᱚᱝᱠᱟ ᱛᱮᱠᱚ ᱟᱹᱛᱠᱤᱨ ᱤᱫᱤᱭᱮᱠᱟᱱᱟ ᱾ ᱩᱱᱤ ᱵᱟᱧᱪᱟᱣ ᱞᱟᱹᱜᱤᱫ ᱛᱮ ᱵᱟᱡᱤᱨᱟᱣ ᱥᱤᱝᱜᱷᱚᱢ ᱥᱨᱤᱞᱚᱝᱠᱟ ᱛᱮ ᱪᱟᱞᱟᱜ ᱠᱟᱱᱟᱭ ᱾ ᱟᱨ ᱱᱚᱣᱟ ᱠᱟᱹᱢᱤ ᱨᱮ ᱥᱤᱝᱜᱷᱚᱢ ᱥᱟᱶ ᱜᱚᱲᱚ ᱞᱟᱹᱜᱤᱫ ᱛᱮ ᱪᱟᱞᱟᱜ ᱠᱟᱱᱟ ᱠᱚ ᱥᱚᱠᱛᱤ ᱥᱮᱴᱴᱤ (ᱰᱤᱯᱤᱠᱟ ᱯᱟᱲᱩᱠᱳᱱ), ᱮᱹᱥᱤᱹᱯᱤ ᱥᱚᱛᱛᱚ (ᱴᱟᱭᱜᱟᱨ ᱥᱨᱚᱯᱷ), ᱥᱩᱨᱭᱟᱵᱚᱝᱥᱤ (ᱚᱠᱠᱷᱚᱭ ᱠᱩᱢᱟᱨ) ᱟᱨ ᱥᱤᱢᱵᱟ (ᱨᱚᱱᱵᱤᱨ ᱥᱤᱝ) ᱾ ᱱᱩᱠᱩᱣᱟᱜ ᱜᱚᱲᱚ ᱛᱮᱜᱮ ᱥᱤᱝᱜᱷᱚᱢ ᱫᱚ ᱵᱟᱦᱨᱮ ᱫᱤᱥᱚᱢ ᱨᱮ ᱠᱚᱨᱟᱣᱮᱫᱟᱭ ᱢᱤᱫᱴᱮᱱ ᱠᱚᱵᱷᱟᱨ ᱚᱯᱟᱨᱮᱥᱚᱱ ᱾
ᱱᱩᱠᱩ ᱥᱟᱱᱟᱢ ᱮᱠᱴᱚᱨ ᱠᱚᱣᱟᱜ ᱮᱠᱥᱮᱱᱛᱮ ᱜᱟᱵᱟᱱ ᱟᱠᱟᱱᱟ ᱥᱤᱝᱜᱷᱚᱢ ᱮᱹᱜᱮᱹᱱ ᱨᱮᱱᱟᱜ ᱱᱚᱣᱟ ᱴᱨᱮᱹᱞᱟᱨ ᱾ ᱱᱚᱣᱟ ᱯᱷᱤᱞᱢ ᱨᱮ 8 ᱡᱚᱱ ᱢᱮᱱᱟᱜ ᱠᱚᱣᱟ ᱢᱩᱲᱦᱩᱫ ᱪᱩᱨᱤᱛ ᱨᱮ ᱾ ᱱᱚᱣᱟ ᱥᱟᱶᱛᱮ ᱥᱳᱭᱮᱛᱟ ᱛᱤᱣᱟᱨᱤ, ᱫᱚᱭᱟᱱᱚᱱᱫᱽ ᱥᱮᱴᱴᱤ, ᱨᱚᱵᱤ ᱠᱤᱥᱟᱱ ᱟᱨ ᱥᱤᱫᱽᱫᱷᱟᱨᱛᱷ ᱡᱟᱫᱚᱵᱽ ᱦᱚᱸᱭ ᱧᱮᱞᱚᱜᱼᱟ ᱾
