ᱫᱚᱠᱠᱷᱤᱱ ᱵᱷᱟᱚᱛ ᱨᱮᱭᱟᱜ ᱨᱟᱡᱽᱱᱤᱛᱤ ᱨᱮ ᱟᱭᱢᱟ ᱮᱠᱴᱟᱨ ᱠᱚᱜᱮ ᱨᱟᱡᱽᱼᱟᱹᱨᱤ ᱨᱮᱠᱚ ᱦᱮᱡ ᱟᱠᱟᱱᱟ, ᱛᱚᱵᱮ ᱚᱠᱚᱭ ᱫᱚ ᱱᱤᱡᱮᱨ ᱫᱚᱞ ᱜᱮᱠᱚ ᱵᱮᱱᱟᱣ ᱟᱠᱟᱫᱟ᱾ ᱫᱚᱠᱠᱷᱤᱱ ᱵᱷᱟᱨᱚᱛ ᱨᱮᱭᱟᱜ ᱨᱟᱡᱽᱼᱟᱹᱨᱤ ᱨᱮ ᱱᱤᱡᱮᱨ ᱫᱚᱞᱮ ᱵᱮᱱᱟᱣ ᱟᱠᱟᱫᱟ ᱥᱩᱯᱟᱨᱥᱴᱟᱨ ᱠᱟᱢᱟᱞ ᱦᱟᱥᱟᱱ, ᱛᱚᱵᱮ ᱥᱮᱹ ᱨᱚᱠᱚᱢ ᱯᱨᱚᱵᱷᱟᱵᱽ ᱫᱚ ᱵᱟᱝᱼᱮ ᱵᱤᱥᱛᱟᱨ ᱫᱟᱲᱮ ᱟᱠᱟᱣᱫᱟ ᱾ ᱛᱟᱢᱤᱞ ᱥᱩᱯᱟᱨᱥᱴᱟᱨ ᱛᱷᱟᱞᱟᱯᱚᱛᱤ ᱵᱤᱡᱚᱭ ‘ᱛᱟᱢᱤᱡᱟᱜᱷᱟ ᱵᱷᱮᱛᱨᱤ ᱠᱟᱡᱟᱜᱚᱢ’ ᱧᱩᱛᱩᱢᱟᱱ ᱫᱚᱞ ᱵᱮᱱᱟᱣ ᱠᱟᱛᱮᱫ ᱢᱩᱥᱠᱤᱞ ᱨᱮᱠᱤᱱ ᱯᱟᱲᱟᱣᱮᱱᱟ DMK ᱟᱨ AIADMK ᱞᱮᱠᱟᱱ ᱨᱟᱡᱽᱼᱟᱹᱨᱤ ᱫᱚᱞ ᱾
ᱛᱟᱢᱤᱞᱱᱟᱲᱩ ᱨᱮᱱ ᱥᱟᱥᱚᱠ ᱫᱚᱠ ᱰᱤᱹᱮᱢᱹᱠᱮᱹᱣᱟᱜ ᱫᱟᱹᱵᱤ ᱵᱤᱡᱚᱭ ᱛᱷᱟᱞᱟᱯᱚᱛᱤ ᱡᱟᱦᱟᱸ ᱫᱚᱞᱮ ᱵᱮᱱᱟᱣ ᱟᱠᱟᱫ ᱚᱱᱟ ᱨᱮᱭᱟᱜ ᱚᱠᱟ ᱱᱤᱛᱤ ᱜᱮ ᱵᱟᱹᱱᱩᱜᱼᱟ᱾ ᱟᱨ ᱵᱤᱨᱳᱫᱷᱤ ᱫᱚᱞ ᱮᱹᱟᱭᱹᱮᱹᱰᱤᱹᱮᱢᱹᱠᱮᱣᱟᱜ ᱞᱟᱹᱭ ᱵᱤᱡᱚᱭᱟᱜ ᱫᱚᱞ ᱨᱮ ᱱᱤᱛᱤ ᱟᱫᱚᱨᱥᱚ ᱢᱮᱱᱛᱮ ᱪᱮᱫ ᱦᱚᱸ ᱵᱟᱱᱩᱜᱼᱟ ᱾ ᱛᱷᱟᱞᱟᱯᱚᱛᱤᱣᱟᱜ ᱫᱚᱞ ᱤᱫᱤ ᱠᱟᱛᱮᱫ ᱢᱤᱫ ᱰᱤᱹᱮᱢᱹᱠᱮ ᱱᱮᱛᱟᱣᱟᱜ ᱞᱟᱹᱭ, ᱩᱱᱤᱭᱟᱜ ᱫᱚᱞ ᱨᱮᱫᱚ ᱡᱚᱛᱚᱱᱟᱜ ᱜᱮ ᱠᱚᱯᱤ ᱯᱮᱹᱥᱴ ᱠᱟᱱᱟ, ᱩᱱᱤᱭᱟᱜ ᱫᱚᱞ ᱨᱮ ᱛᱮᱦᱮᱧ ᱡᱟᱦᱟᱸ ᱞᱟᱹᱭ ᱦᱩᱭ ᱟᱠᱟᱱ ᱚᱱᱟ ᱰᱤᱹᱮᱢᱹᱠᱮᱹ ᱫᱚ ᱟᱹᱰᱤ ᱞᱟᱦᱟ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾
ᱢᱮᱱᱠᱷᱟᱱ ᱵᱤᱡᱚᱭ ᱛᱷᱟᱞᱟᱯᱚᱛᱤ ᱞᱟᱹᱭ ᱟᱠᱟᱫᱟᱭ ᱫᱨᱟᱵᱤᱲ ᱢᱚᱰᱮᱹᱞ ᱱᱤᱛᱩᱢ ᱛᱮ ᱦᱚᱲᱮ ᱮᱲᱮᱭᱮᱫ ᱠᱚᱣᱟ ᱰᱤᱹᱮᱢᱹᱠᱮᱹ ᱾ ᱮᱢᱹᱠᱮᱹ ᱥᱴᱮᱞᱤᱱ ᱟᱡᱟᱜ ᱫᱚᱞ ᱦᱚᱛᱮᱛᱮ ᱜᱚᱴᱟ ᱛᱟᱢᱤᱞᱱᱟᱲᱩ ᱨᱮᱱ ᱦᱚᱲᱮ ᱮᱲᱮᱭᱮᱫ ᱠᱚᱣᱟ ᱢᱮᱱᱛᱮᱦᱚᱸᱭ ᱞᱟᱹᱭ ᱟᱠᱟᱫᱟ ᱵᱤᱡᱚᱭ ᱛᱷᱟᱞᱟᱯᱚᱛᱤ ᱾
ᱵᱤᱨᱳᱫᱷᱤ ᱠᱚᱣᱟᱜ ᱛᱮᱨᱟᱝ ᱨᱮ ᱱᱤᱡᱮᱹᱨ ᱫᱚᱞ ᱨᱮᱭᱟᱜ ᱱᱤᱛᱤ ᱤᱫᱤ ᱠᱟᱛᱮᱫ ᱛᱷᱟᱞᱟᱯᱚᱛᱤᱣᱟᱜ ᱞᱟᱹᱭ ‘ᱛᱟᱢᱤᱡᱟᱜᱷᱟ ᱵᱷᱮᱛᱨᱤ ᱠᱟᱡᱟᱜᱚᱢ’ ᱫᱚ ᱥᱟᱢᱟᱡᱤᱠ ᱱᱮᱭ ᱟᱨ ᱛᱤᱨᱞᱟᱹ ᱠᱚᱣᱟᱜ ᱩᱛᱱᱟᱹᱣ ᱤᱫᱤ ᱠᱟᱛᱮᱫ ᱜᱮᱭ ᱞᱟᱦᱟ ᱥᱮᱫᱼᱮ ᱠᱟᱹᱢᱤᱭᱟ ᱾
AIADMK ᱨᱮᱱ ᱢᱩᱠᱚᱯᱟᱛᱨᱚ ᱠᱚᱵᱷᱟᱭ ᱥᱚᱛᱛᱚᱢᱟᱜ ᱞᱟᱹᱭ ᱵᱤᱡᱚᱭ ᱛᱷᱟᱞᱟᱯᱚᱛᱤ ᱨᱟᱡᱽᱱᱤᱛᱤ ᱨᱮ ᱵᱷᱟᱹᱞᱟᱹᱭ ᱜᱮᱭ ᱠᱟᱹᱢᱤ ᱟᱠᱟᱫᱟ, ᱛᱚᱵᱮ ᱠᱤᱪᱷᱩ ᱠᱚᱨᱟᱣ ᱞᱟᱹᱜᱤᱫ ᱨᱟᱡᱽᱼᱟᱹᱨᱤ ᱨᱮ ᱟᱹᱰᱤ ᱜᱟᱱ ᱰᱟᱦᱟᱨ ᱛᱟᱲᱟᱢ ᱦᱩᱭᱩᱜ ᱛᱟᱭᱟ ᱾
