ᱳᱭᱮᱴᱟᱨ ᱪᱟᱹᱠᱨᱤ ᱞᱟᱹᱜᱤᱫ ᱡᱮᱞᱮᱧ ᱞᱟᱭᱤᱱ
ᱞᱟᱭᱤᱱ ᱨᱮᱱ ᱡᱟᱹᱥᱛᱤ ᱜᱮ ᱵᱷᱟᱨᱚᱛᱤᱭᱚ
ᱠᱟᱱᱟᱰᱟ ᱨᱮ ᱪᱟᱹᱠᱨᱤ ᱨᱮᱱᱟᱜ ᱟᱠᱟᱞ! ᱳᱭᱮᱴᱟᱨᱟᱜ ᱪᱟᱹᱠᱨᱤ ᱧᱟᱢ ᱞᱟᱹᱜᱤᱫ ᱠᱟᱱᱟᱰᱟ ᱨᱮ ᱜᱮᱥᱟᱭᱼᱜᱮᱥᱟᱭ ᱵᱷᱟᱨᱚᱛᱤᱭᱚ ᱯᱟᱹᱴᱷᱩᱣᱟᱹ ᱠᱚ ᱛᱤᱸᱜᱩᱣᱟᱠᱟᱱᱟ ᱞᱟᱭᱤᱱ ᱨᱮ ᱾ ᱥᱳᱥᱟᱞ ᱢᱤᱰᱤᱭᱟ ᱨᱮ ᱵᱷᱟᱭᱨᱟᱞ ᱟᱠᱟᱱᱟ ᱵᱷᱤᱰᱤᱭᱳ ᱾ ᱡᱩᱫᱤᱭᱳ ᱱᱚᱣᱟ ᱵᱷᱤᱰᱤᱭᱳ ᱨᱮᱱᱟᱜ ᱥᱟᱹᱨᱤᱼᱱᱟᱥᱮ ᱵᱟᱭ ᱛᱩᱞᱟᱹᱡᱚᱠᱷᱟᱣᱟᱠᱟᱫᱟ ᱴᱨᱟᱭᱤᱵᱽ ᱴᱤᱵᱷᱤ ᱥᱟᱱᱛᱟᱞᱤ ᱾
ᱵᱤᱫᱮᱹᱥ ᱚᱞᱚᱜ ᱥᱮᱱᱚᱜ ᱟᱨ ᱚᱸᱰᱮ ᱢᱚᱱᱮᱨ ᱢᱚᱛᱚ ᱢᱤᱫᱴᱮᱱ ᱪᱟᱹᱠᱨᱤ ᱧᱟᱢ ᱠᱟᱛᱮᱫ ᱜᱤᱨᱟᱹᱵᱟᱹᱥᱤᱜ ᱾ ᱱᱚᱝᱠᱟᱱ ᱠᱩᱠᱢᱩ ᱟᱭᱢᱟ ᱵᱷᱟᱨᱚᱛᱤᱭᱚ ᱜᱮᱠᱚ ᱧᱮᱞᱟ ᱾ ᱢᱮᱱᱠᱷᱟᱱ ᱡᱟᱱᱟᱢ ᱫᱤᱥᱚᱢ ᱵᱟᱹᱜᱤ ᱠᱟᱛᱮᱫ ᱵᱤᱫᱮᱹᱥ ᱨᱮ ᱥᱮᱱ ᱠᱟᱛᱮᱫ ᱥᱟᱱᱟᱢ ᱦᱚᱲᱟᱜ ᱠᱩᱠᱢᱩ ᱠᱤ ᱯᱩᱨᱟᱹᱜᱼᱟ ? ᱱᱚᱣᱟ ᱠᱩᱠᱞᱤ ᱜᱮᱭ ᱨᱟᱠᱟᱵᱼᱮᱫᱟ ᱵᱷᱟᱭᱨᱟᱞ ᱟᱠᱟᱱ ᱵᱷᱤᱰᱤᱭᱳ ᱾ ᱡᱟᱦᱟᱸᱨᱮ ᱧᱮᱞᱚᱜ ᱠᱟᱱᱟ ᱠᱟᱱᱟᱰᱟ ᱨᱮᱱᱟᱜ ᱵᱨᱟᱢᱯᱴᱚᱞ ᱢᱤᱫᱴᱮᱱ ᱨᱮᱥᱛᱳᱨᱟᱸ ᱨᱮ ᱯᱮ ᱜᱮᱥᱟᱭ ᱪᱮᱛᱟᱱ ᱢᱟᱹᱱᱢᱤ ᱛᱤᱸᱜᱩᱣᱟᱠᱟᱱᱟᱠᱚ ᱞᱟᱭᱤᱱ ᱨᱮ ᱾ ᱞᱟᱹᱭᱚᱜᱚᱜ ᱠᱟᱱᱟ ᱩᱱᱠᱩ ᱢᱩᱫᱽ ᱨᱮ ᱡᱟᱹᱥᱛᱤ ᱜᱮ ᱵᱷᱟᱨᱚᱛ ᱨᱮᱱ ᱯᱟᱹᱴᱷᱩᱣᱟᱹ ᱾
‘ᱢᱮᱹᱜᱷ ᱟᱯᱰᱮᱹᱴᱥ’ ᱧᱩᱛᱩᱢᱟᱱ ᱮᱹᱠᱥ ᱦᱮᱱᱰᱮᱞ ᱨᱮ ᱯᱳᱥᱴ ᱟᱠᱟᱱᱟ ᱱᱚᱣᱟ ᱵᱷᱤᱰᱤᱭᱳ ᱾ ᱠᱮᱯᱥᱮᱱ ᱨᱮ ᱚᱞ ᱟᱠᱟᱱᱟ, ‘ᱠᱟᱱᱟᱰᱟ ᱨᱮ ᱵᱚᱛᱚᱨᱟᱱ ᱪᱤᱛᱟᱹᱨ’! ᱦᱟᱡᱟᱨ ᱛᱤᱱᱮᱠ ᱯᱟᱹᱴᱷᱩᱣᱟᱹ ᱨᱮᱥᱛᱳᱨᱟᱸ ᱨᱮ ᱚᱭᱮᱴᱟᱨ ᱪᱟᱹᱠᱨᱤ ᱨᱮᱱᱟᱜ ᱮᱰ ᱧᱮᱞ ᱠᱟᱛᱮᱫ ᱠᱚ ᱥᱮᱴᱮᱨ ᱟᱠᱟᱱᱟ ᱾’ ᱴᱨᱩᱰᱳᱣᱟᱜ ᱠᱟᱱᱟᱰᱟ ᱨᱮᱠᱤ ᱟᱹᱰᱤ ᱡᱟᱹᱥᱛᱤ ᱵᱮᱠᱟᱨᱚᱛᱛᱚ? ᱡᱟᱦᱟᱸᱭ ᱵᱷᱟᱨᱚᱛᱤᱭᱚ ᱯᱟᱹᱴᱷᱩᱣᱟᱹ ᱠᱚ ᱵᱷᱟᱨᱚᱛ ᱵᱟᱹᱜᱤ ᱠᱟᱛᱮᱫ ᱠᱟᱱᱟᱰᱟ ᱠᱚ ᱪᱟᱞᱟᱜ ᱠᱟᱱᱟ ᱠᱩᱠᱢᱩ ᱯᱩᱨᱟᱹᱣ ᱞᱟᱹᱜᱤᱫ, ᱩᱱᱠᱩ ᱫᱚᱦᱲᱟᱜᱟᱨᱛᱮ ᱜᱩᱱᱤᱼᱵᱷᱟᱹᱵᱤ ᱞᱟᱜᱟᱣ ᱠᱚᱣᱟ ᱾ ᱡᱩᱫᱤᱭᱳ ᱱᱚᱣᱟ ᱵᱷᱤᱰᱤᱭᱳ ᱨᱮᱱᱟᱜ ᱥᱟᱹᱨᱤᱼᱱᱟᱥᱮ ᱵᱟᱭ ᱛᱩᱞᱟᱹᱡᱚᱠᱷᱟᱣᱟᱠᱟᱫᱟ ᱴᱨᱟᱭᱤᱵᱽ ᱴᱤᱵᱷᱤ ᱥᱟᱱᱛᱟᱞᱤ ᱾
ᱥᱳᱥᱟᱞ ᱢᱤᱰᱤᱭᱟ ᱨᱮ ᱵᱷᱟᱭᱨᱟᱞ ᱵᱷᱤᱰᱤᱭᱳ ᱵᱟᱵᱚᱫᱽ ᱮᱛᱚᱦᱚᱵ ᱟᱠᱟᱱᱟ ᱛᱩᱞᱟᱹᱡᱚᱠᱷᱟ ᱾ ᱚᱠᱚᱭ ᱠᱚᱠᱚ ᱢᱮᱱᱮᱫᱟ ‘ᱢᱟᱹᱱᱢᱤᱣᱟᱜ ᱵᱩᱡᱽ ᱫᱚᱨᱠᱟᱨ ᱱᱤᱛ ᱚᱠᱛᱚ ᱵᱟᱹᱲᱤᱡ ᱪᱟᱞᱟᱜ ᱠᱟᱱᱟ ᱾ ᱱᱤᱛ ᱵᱤᱫᱮᱹᱥ ᱪᱟᱞᱟᱜ ᱨᱮᱱᱟᱜ ᱡᱚᱛᱷᱟᱛ ᱚᱠᱛᱚ ᱫᱚ ᱵᱟᱝ ᱠᱟᱱᱟ ᱾ ᱟᱨᱦᱚᱸ ᱚᱠᱚᱭ ᱠᱚᱣᱟᱜ ᱢᱮᱱ ᱱᱚᱣᱟ ᱫᱚ ᱵᱷᱟᱵᱽᱱᱟ ᱨᱮᱱᱟᱜ ᱫᱚ ᱪᱮᱫ ᱦᱚᱸ ᱵᱟᱝ ᱠᱟᱱᱟ ᱾ ᱩᱱᱠᱩᱣᱟᱜ ᱢᱮᱱ ᱵᱤᱫᱮᱹᱥ ᱨᱮ ᱚᱞᱚᱜ ᱥᱮᱱ ᱠᱟᱛᱮᱫ ᱟᱹᱰᱤ ᱦᱚᱲ ᱜᱮ ᱯᱟᱨᱴ ᱴᱟᱭᱤᱢ ᱡᱚᱵᱽ ᱠᱚ ᱠᱚᱨᱟᱣᱟ ᱾ ᱱᱚᱣᱟᱫᱚ ᱱᱟᱣᱟ ᱡᱟᱦᱟᱱᱟᱜ ᱫᱚ ᱵᱟᱝ ᱠᱟᱱᱟ ᱾ ᱱᱚᱣᱟ ᱫᱚ ᱞᱮᱛᱟᱲ ᱜᱮ ᱦᱩᱭ ᱦᱮᱡ ᱟᱠᱟᱱᱟ ᱾ ᱟᱨ ᱠᱩᱠᱢᱩ ᱯᱩᱨᱟᱹᱣ ᱨᱮᱱᱟᱜ ᱮᱛᱚᱦᱚᱵ ᱫᱚ ᱱᱟᱥᱮᱱᱟᱜ ᱦᱟᱨᱠᱮᱹᱛ ᱛᱟᱞᱟ ᱛᱮᱜᱮ ᱦᱩᱭᱩᱜᱼᱟ ᱾ ᱟᱨ ᱚᱸᱰᱮ ᱠᱷᱚᱱ ᱜᱮ ᱱᱟᱯᱟᱭ ᱟᱹᱠᱷᱤᱨ ᱠᱚ ᱥᱟᱡᱟᱣᱼᱥᱟᱢᱴᱟᱣ ᱛᱟᱠᱚᱣᱟ ᱾
